Havaktingit

You are here

GN kut tun’ngahuqtittiyut maniliurnirmun igluqhatigut 2022 milu kavamatuqait maniit avatqulimaidjutaata

Iipu 08, 2022

Tuhaqtitauyuqhaq

GN kut tun’ngahuqtittiyut maniliurnirmun igluqhatigut 2022 milu kavamatuqait maniit avatqulimaidjutaata

Iqaluit, Nunavut (April 8, 2022) – Nunavut Hivuliqtia, P.J. Akeeagok Maniliqinirmunlu Minista, Lorne Kusugak, tun’nguhuktitauyut Kanatap maniliurutait igluqhatigut Nunavunmut talvuuna 2022 Maniit Avatqulimaidjutaatigut, “Upalun’ngaiyaidjutaa Amigaiqyuummiriami Maniliurnikkut Akittuqyuangnaittumiklu Inuuhirmut”, tuniyauyuq ippaqhaq kavamatuqait Ministanggannit Maniliqinirmun, Chrystia Freeland.

“2022 kavamatuqait maniit avatqulimaidjutaa ilaliutihimayuq, igluliqinikkut maniit avatqulimaidjutaata, aadjikkuhiqtaat hivulliutigiyaudjutaanut Nunavut Kavamangat Katjjiluta hivuniqhaata, uqariigiyauyuq akittuqyuangnaittaami igluqhanut”, uqaqtuq Nunavut Hivuliqtia P.J. Akeeagok, “Nakuuyumik ihumagiyatka maniliurnirmun uqariingnirmunlu havaqatigiingnitigut tahapkuani Kanatap Kavamaita, Nunavutim Inuit Timiqutait Inuit Tapiriit Kanatamilu uvagut havaktaaqtavut nunapta amigaiqyuummingnia iglunik aulapkainirmunlu maniliurniqhatigut .”

“Quviagiyavut Kanatap Kavamaita pidjutihimmaangmata maniliurnirmun ilitturipkarnikkutlu ihariagiyauyut aulapkaidjutikhanirmun Nunavunmiunut. Kanatap maniit avatqulimaidjutaata piviqhaqaqtittiyut maningnik Nunavut Kavamainnut Inuit Timiqutainnutlu havaklugit pidjutilluayuittumut. Aliahuktugut havaaqaliriami havaqatigilugit paatnavut NTI kunni ITK kunnilu piviqhaqarnirmun igluqhanik Inuinnut nunaptingni”, uqaqtuq Nunavut Maniliqinirmun Minista, Lorne Kusugak. 2022 kavamatuqait maniit avatqulimaidjutaatigut uqaqtut kaffinik havaagiyauyuqhanik Nunavunmut, taapkuat:

  • $60 miliantaala malruuni ukiuni maniliqtuutigilugit akittuqyuanggitlutik igluqhat pidjutaitalu nappaqtirinirmun
  • Aadlatkiiq taaksiutit pitqunahuarnirmun niuvinngaqhimalihaaqtunut igluqhainnut
  • $227.6 miliantaala pidjutihimmaaqlugit ayuqhaqtitauyunut-kangiqhidjutauyunut, pitquhikkutlu ihuaqtumik pilutik, nunaqqaarhimayunut-hivuliqtiini havaani nakuuhivallialiqlugit inuuhiringnikkut
  • $190 miliantaal ikayuutiqhainik nunaqqaarhimayut nunait timiqutaitlu ikiqliyuummiriami pidjutihimmaaqtut akturnarniit QALAGYUARNITIGUT-19
  • $15 Miliantaal atuqtuqhat talimani ukiuni ikayuutiqhainnik nunaqqaarhimayut maniliurnahuarnirmun Ukiuqtaqtumi
  • Qayarnaktuni Uyaraqhiurnikkut Taaksiutigut Ikayuut

Kavamatuqait maniit avatqulimaidjutaata pidjutivaktuq havariami ikpingnaktut ihumagiyauyut Nunavunmi taapkuatlu ikitpallaangnikkut igluqhanik aadlaniklu maniliurnikkutigut, ulurianarnialu atuqpagait ilihariaqtuqtut ahini, hilauplu aadlanggurnia.

###

Tuhaqtipkainikkut Uqaqvigiyaqhaq:

Maniliqiiyitkut
Weichien Chan
Atan’nguyaq, Tuhaqtipkaiyini
Maniliqiiyitkut
867-975-6818
chan@gov.nu.ca

Hivuliqtim Havagvia
Sima Sahar Zerehi
Taigualiuqtit Titiraqtia, Havagvia Hivuliqti Akeeagok
Hivayautaa: 867-222-5344
Havagvia: 867-975-5059
Szerehi6@gov.nu.ca