Havaktingit

You are here

GN-kut ayungnaitumik atukiriagani nahaut nuutaanguqtiffaaqhimayuq

Iitjirurvia 27, 2020

Tuhaqtitauyukhaq

GN-kut ayungnaitumik atukiriagani nahaut nuutaanguqtiffaaqhimayuq

IQALUIT, Nunavut (Iidjirurvia 27, 2020) - Atukkiriami naunaiyautinut havakviat DBRS Limited kut havaktitiliqtait naunaiyautimik AAmik (ikittuq) aadjikkiingnguvyaktumik naunaiyautimik tahapkunanut Nunavut Kavamainnut (GN). Kiinauyaliqiyitkut Ministangit George Hickes tuhaqtitivakhimayuq GNkungit tukhiqtauvakhimayuq maniit akituyut atuqtauyukharnik talvuuna 2020-21mi talvuuna Iidjirurvia 18, 2020mi.

“Piyaangat AAmik naunaiyaidjutikharnik naunaitkuhiqaqtun kavamangit ayungnaitumik maniit atuqtauyukharnik ukiungani maniliurnikkutlu angikliyumirutikharnik,” uqallaktuq Minista Hickes. “Maniliurutikhangit uyaraqhiuqtunik havakvikyuangit ayungnairutiqaqtunik inugaingit amigairyumiliqtunik numiktiqhimayuq ihuaqtumik maniliurutikharnik tautungnaqtumik nunaptingnun.”

DBRSkut naunaipkaivakhimayutlu GN-kutnun ayungnautigiyainik - mikiyuq maniliurutikharnik uqumailiurutiqaqpaktun ayungnautiqagaangamik amigaitunik nunalaani havakvingni, nunauyaqaqtunik avaliqangitumik aviktuqhimaaqhimayuniklu inugaingit, inugairnikkut ayungnautiqaqpaktun ilauplutik nunaptingni akituvalaaqtunik inuuhimaagianganik igluiliuqtuniklu.

Piliuqtiuyuq atukkiutinahuariami naunaitkutainut inmikkut ihumagidjutaa piniariakhaanut havagviup pittaaqluni uukturumaplutiklu pilugit inmik manikhanut piumayainnik. Una kinguliuyuq naunaiyaiyautikhaq atukiriangat nahautit DBRSkutnun tuniyauliqtun GN-kutnun. Naunaittigumaguvit DBRS Limited tigut, qaritauyakkuuginnariaqaqtuhi uumani www.dbrs.com.

###

Tuhaqtipkainikkut Uqarvigijakhaq:

Weichien Chan
Atan’ngujaq, Tuhaqtipkaijiinni
Kiinaujaliqijitkut
867-975-6818
FinanceComs@gov.nu.ca