Arviatmi Sallirmilu pittailidjutiqarniaqtun taanganik nunalaangitni

Tuhaqtitauyukhat

Arviatmi Sallirmilu pittailidjutiqarniaqtun taanganik nunalaangitni

Iqaluit, Nunavut (Tarium Hikutirvia 10, 2020) – Arviatmi Sallirmilu niguaqpakhimayut aulayaangat atuqhimaaqpaktangnik taangaliqalimaitun nunalaani talvuuna taanganik piqalimaitun niruagiikhimavaktainik Tarium Hikutirvia 9mi. 47.4% pusanmik niguarutit Arviatmi uvani 56.4% pusanmik niguarutit Sallirmi pittaidjutiqarniaqtun taanganik Maligaqaqtut.

“Ublumimun atuliqtamnik, nayugait Arvaitmi Sallirmilu ihumaliuyagiikhimaliqtun pimagiktunik nunalaangit aulahimayukhat piqaqtukhaungitun taanganik quyagiumayatkalu niruaqtun talvuuna taanganikkut niruaqtunik,” uqallaktuq Minista Kiinaujaliqijitkunni George Hickes.

Ataani uuma Taangaliqinikkut maligami, imaavyak 60 pusat niruaqtut ihagiagiyauyut aalanguqtiriami qanuginiit nunallaaq pittailinikkut uvalu maligaqaliqlutik qaffiuniit.

Atungniq pihimaniq, niuvingniq, uvaluuniin niuvaaniq uvaluuniin agitiyaangat taanganik aulaniaqtun piqaqtukhaungitun Arviatmi Sallirmilu.

Nunaqaqtun kituliqaak nunalaangini tamangni utiffaagumaguptigu uminga ihumaliurnikkut hivunirmi, atiliurutikharnik tukhiqtauyukhaq nuutaami niruarvikharnik tuyuqtauyukharlu Minista Kiinaujaliqijitkunnun.

###

Tuhaqtipkainikkut Uqarvigiyakhaq:

Weichien Chan
Atan'nguyaq, Tuhagakhanut
Kiinauyaliqiyitkut Havagvia
867-975-6818
FinanceComs@gov.nu.ca