Havaktingit

You are here

Taanganut Laisikhat

 

Aallatqiit Laisikhat

Una Taanganut Maligaq hakugiknikhaqaqtuq piyakhainut Katimayiinnut tunihiyaanginni 11-nik aallatqiinik Taanganut Laisikhanut:

  • Tingmitinun laisikhat unaluunniit umiakyuanut laisikhat niuvrutikhanut taanganik iniktauyakhanut taanganik tingmiyunut umiaktuqtunullu tingmitillugit umiaktuqtillugilluunniit.
  • Immiuqtunut laisikhaq immiurviqaqtumut uuktuutiqaqtumut laisikhatut ittumik niurutikhanut imiktauyakhanullu immiurvikmi beer-liuqhimayunik angirutaanut immiurvikmmut uuktuutiqaqtumut laisikhatut ittumik.
  • Niuvvaaviknut laisikhaq niuvrutikhanut imigakhanullu anguyaktini anguyaktitullu ittuni niuvvaaviqaqtunullu ikualaaqtuqaqqat havagviinni.
  • Taangaturvikmi laisikhaq niuvrutikhanut taanganik laisiqaqtumit imirvikhamut ilauyunut upautiyunullu.
  • Taanganik avuhimayunik aallatqiinik taanganik hunavalungniklu imikvikmut laisikhaq niuvrutikhanut imikvikhamullu taanganik.
  • Pitquirmut ulapqinirmullu imikvikmut laisikhaq niuvrutikhanut imikvikhamullu taanganik pisasuurvikni ulapqiviknilu.
  • Nirivikni laisikhaq niuvrutikhanut imikvikhamullu taanganik inungnut niriviani.
  • Ilauyunut laisikhaq niuvrutikhanut taanganik laisiqaqtumit imikvikhamut itquumayumik atiliurhimayumut ilauyumit aullaaqtunut takuyaktuihimayunut havagviani.
  • Ahini imikviungittumi laisikhaq niuvrutikhanut beer-nik laisiqaqtunut imikvingnit inungnut imigakhainut ahinit imikvikmit.
  • Inmikkuuktunut hulilukaarutinut havagviani laisikhaq niuvrutikhanut taanganik laisiqaqtumit imirvikhamut ilauyunut upautiyunullu.
  • Aallangayuq laisikhaq niuvrutikhanut imikvikhamullu taanganik beer-nikluunniit ukunungainaq kuapaliisiuyunut ahiniittunut hanikpani.

Tamaita ukuat laisikhat pihimayut tamainnut aallangayunullu maligakhanut ittuni talvani Taanganut Maligaq, una Taanganut Maliguagakhat, humilikaaklu aallangayuni maliguagakhani pihimayunut atauhiqmut nunallaanut. Taanganut lasikhaq tuniyaulimaittuq taangatulimaittuni nunallaami. Taanganut laisikhaq tuniyauhimayuq taangatuqtukhaungittuni nunallaami pihimayuq pilimaitainnut iliyauhimayunut talvunga nunallaamut.


Uuktuutikhaq Taanganut Laisikhamik

Una Taanganut Maliguagakhat naunaiqhimayait naunairiiqhimayut iluaniittut uuktuutikhanut tamainnut aallatqiinguyunut taanganut laisikhanut. 

Havaariyakhaa uuktuqtum naunaikhilutik tunihivlutik tamainnik piyakhanik Katimayiit ihumagiyakhainut uuktuutimut.

Nutaat laisikhanut uuktuutit naunaiyaktauvaktut angiqtauvlutiklu Katimayiinnit katimagaangata pingahuni tatqirhiutini tikitkaangat talvani Ubluqtuhivia, Qiqaiyalirvia, Immaktirvia Apitilirvianilu.

Uuktuutikhat titiqqat, ukuallu naunaiyautit piyakhanut titiqqanik, qaritauyakkut piinnarialgit ataani. Tamaita uuktuutit uuktuutinullu apiqhidjutit tuniyakhat uumunga nlcb@gov.nu.ca.

 

Titiraq 1 - Havagvikyuanut Laisikhaq Uuktuut

Atuqtakhaq ukununga:

  • Immiurviknut Laisikhaq
  • Taanganik Aallatqiinik Hunaiklu Avuhimayunut Laisikhaq
  • Pitquhirmut Ulapqivikmullu Laisikhaq
  • Niriviknut Laisikhaq
  • Ilauyunut Upautihimayunut Imirvikmut Laisikhaq
  • Ahini Imikvikmit Imiktakhainut Laisikhaq
  • Inmikkuuktut Hulilukaarvikmi Laisikhaq      


Taangaturvikmi Laisikhamut Uuktuutikhaq


Niuvvaavikmi Laisikhamut Uuktuutikhaq


Aallatqiinut Laisikhamut UuktuutikhaqTaangaturvikmi Laisikhamut Uuktuutikhaq


Tingmitinut Laisikhamut Uuktuutikhaq – piinnarialik piyumakpata


Umiakyuanut Lasikhamut Uuktuutikhaq – piinnarialik piyumakpata


Aallat Titiqqat

Pilugu ihuaqtuq titiraq ihuaqtumut naunaitkutikhanut aallanut titiqqanut tuniyauykhanut ilaliutilugit uuktuutimut.


Akiit

Hivunngani pitinnatik uuktuutikhaq – $300.00

Ahini Imikviungittumi Laisikhaq - $500.00; tallimanik pusanguyuq niuviqtauhimayunik akitutiginiaqtun taima laisingit tigumidjutiqaqtun niuvigaigumik taanganik.

Tamaita allauyut laisikhangit - $200.00; tallimanik pusanguyuq niuviqtauhimayunik akitutiginiaqtun taima laisingit tigumidjutiqaqtun niuvigaigumik taanganik.

Manikhangit akingit titiraqtauyukhat uumunga Nunavut Liquor Licensing Board-mun.

 

Titiraqarvikkut agitiluguluuniit iniqhimayuq uuktuutikhaq titiraq, ilauyut iniqhimayut (piqaqqan) uminga manikharnik akikhaangit talvuuna Katimayiinun aulatitiyunik titiraqtianun.


Uqarvigiyaami Naunaitkutit

Hivayautaa: 876-975-6807
Kayumiktukkut: 867-975-5805
nlcb@gov.nu.ca


Titiraqarvinga
Titiraqarvinga 1000, Nayugaa 330
Iqaluit, Nunavut
X0A 0H0

Apquta Nayugaanga
Parnaivik, Tugliani Natiani
Katimayiuyut Tukimuaqtiuyunik
Igluqpak #924
Iqaluit, Nunavut