Pittiarahuarnirmut Havakti - Qanuriliurniaqat Uqaqtakharnik?

Pittiarahuarnirmut Havakti - Qanuriliurniaqat Uqaqtakharnik?

Maliruagakhat ihuakhaktauhimayut ihuaqtut atannguyat kavamatkluni havaktiit naunaiyaidjutikhanik ihuaqhautikhanik ihuinnaqtauhimayunut unniktauhimakpata.  Ihuaringitkungni taimailiurumaguvit Tuklianik uqarumaguvit, tamna Pittiarahuarnirmut Havakti aullaktiriyukhaq naunaiyautikhamik.

Tamna Pittiarahuarnirmut Havakti pillayuq:

• Ihuakhainahuaktukhat iluanni havagvingmi
• Ahinut ihuakhaqtinnahuaklugu allmik ihuiguhuknikkut ihuaqhiutikhat
• Hivullikpamik uqaqvigiyaminit naunaiyaidjutikhanit, ahiit ihumaliurumik  naunaiyagakhaitumik
• Pitquyillayut tapfuminga allanut ihuaktunut piyukhanut, palliihimanutluunniit

Tamna Pittiarahuarnirmut Havakti amihunik piyunnautiqaqtuq naunaiyaudjutikhanik katikhilunillu naunairutikhanik.

Naunaiyautikhat iniqtaukpata, una Pittiarahuarnirmut Havakti hanaiyaihunguyuq titirakhimayumik unniudjutikhamik  ihumagiyaminik iniqtirutikhanik qanuriliurutikhaniklu.  Inuk uqaqtuq ihuinnaqtauhimadjutiminik tuyuqtauhunguyuq adjiliukhimayumik unniudjut tuniyauhunguyuq inungnut, tamna kihiat Pittiarahuarnirmut Havakti ihumakpat nakuyunik pidjutikhanik taimailiugakhaittumik.  Tamna Pittiarahuarnirmut Havakti inikhikpata ihuinnaaqtauhimayumik pitquyikpatalu qanuriliurutikhanik, ihuaqtunut Ministanut uqaqtukhat 21ni ubluni qanuriliurutikhanik (pilimaittutluunniit) ihuakhautikhanik qanuriliurutinik.

Akiliktitiniaqata  Uqaqtakharnik  ihuinnaqtumik

Maligaliqiyikkunut nakungittuq akiliktitakhanikpata inungmik uniklungniq   ihuinnaaqtauhimadjutiminik akiliktakhanikhunguyuq imatut aktigiyumik $10,000.  Hamna taiyauvaktuq imatut qanuriliurutainik akiniaqtaugumik  ilauyutlu qanuriliurutainik, tuquffitaaktitauguvit uvaluunniit taimaaqtitaunahuaruvit, atpatqiyanut havaakhaniktitaukpat, havaguiqtitaukpat, havariyait ahinut tuniyaukpata, annittaukpat, ihihaaktaukpat, pipkaktaunahualaittut, anitauyut, taimmaktitlugu kantraqautanik inuup ilaudjutanik pidjutiqangittumik, pigiaktitiluni maliqaliqinikkut qanuriliuktaudjutikhanik, piyarangat akiliqtakhamik uvaluunniit allamik akiliqtakhamik tapfumuuna uvaluunniit ahiagutlu ihuiguhutauhimayumik inungmut unikluunmik  ihuinnaqtumik  inungmit uvaluunniit inuk ikayuutanit naunaiyautikhanik uniklungniq    allamit inungmit.

Tuyuqtaktutit unniqhiurutingnik talvunga Pittiarahuarnirmut Havakti ukpirruhikuvit piyaunahuangnirnik qanuriliurutainik akiniaqtaunahugigumik.  Una Pittiarahuarnirmut Havakti naunaiyauyariaqaqtuq unniqhiurutinnik adjikutanik inmi naunaiyaidjutikhanik uqaqtaudjutimik ihuinnaaqtaudjunmik.

Iniqtaukpat naunaiyautat, una Pittiarahuarnirmut Havakti tuyukniaqtuq adjiliukhimayumik unniudjutiminik tapkununga:

• inungmut ihuiguhuktumut
• inuk akiniaqtuq
• talvunga tuklianut ministap inungmut ihuiguhuktumut uvaluunniit  tamna munakhiyumut Minista
• una Minista Kiinauyaliqiyikkuni
• allanut Ministanut Pittiarahuarnirmut Havakti  ihuariyanut

Tapfuma Pittiarahuarnirmut Havaktip iniqqagit ihuigiyaudjutit akiniaqtaunahugiyunut ihuariakhanik, nakuyunik ihuakhautikhalliuqtukhauyut inungmut ihuinnaaqtuq akiniaqtuq allaniklu qanuriliurutikhalliukhimayainik Pittiarahuarnirmut Havaktip atauqtaunginariaqaqtut hunnairutainut hungikhimayunutlu inungmit uqaqtumit.

Allaniklu atuquyainik qanuriliurutikhalliukhimayainik Pittiarahuarnirmut Havaktip atuqtaungitpata, ihuaqtunut tuklinga ministaup ukuatlu Ministait uqaudjiyukhat kangiqhidjutikhainik Pittiarahuarnirmut Havakti naunaittiakhilutiklu allanik qanuriliurutikhanik, atuqtauniaqtut kiudjutigilugit pitquyauhimayunik.

Ihuigigumiuk, naunaiktauhimayunik naunaiyautainit akiniaqtaunahugigumik ihuaqhaqnahuakhugit, atuqtaungitpata, kiudjutiginiaqtait atuqquyauhimayunik ilauniaqtut ukiuk tamaat unniudjutainut Pittiarahuarnirmut Havakti.

Pittiarahuarnirmut Havakti ihumaliurumi uniklungniq   pihimakpat ihuittumik itquumatjutinut, tamna Minista pitlayuq ihuaqtunik anullaqhaidjutikhainik havaktip.