Ilauguit Havaqatigiluta!

Havagviat Kiinaujaliqijikkut unalu Nunavunmi Tanngaliqinirmut Higaarlungniklu Katimajiit (NULC) qiniqhimaanginaqtun auladjutikharnik inungnik ilaujukharnik havagviptingni.

Taima aulatitilihaaliqtangnik havaagiumajangnik, ilauliqtunlu havaktunik ikajuktiujukharnik, ajuigiikhimajunik ajiuttiaqtun, Havagviat Kiinaujaliqijikkut aituihimaanginaqtun allatqiinik havaaqharnik pidjutikharnik talvani Iqalugni, Iqaluktuutiami, Kangiqlinirmi, Iglulingmilu.

Ikajugiaqaqtutun ikajuktikhailiuqtunik inungnik ajungnaitumik? Havagianganik talvani Akiliuhiakhat Ikajuutikhallu Havakti tunihiniaqtuq pidjutikharnik ikajugianganik GN-kutni havaktinun avatingnik havagvingni ubluq tamaat.
Namagijangnik havaagiaqaqtunik havaanganik havagvingmi? Talvani Ikajuktikhailiuqtunik Havagvingmi talvani NULCmi havaagiluagijakhat.
Havagumaluaqin talvani maniliqinikkut hanaqidjutingnik nunarjuaptingnik havaktainik? Taimaitkumi, ihumaliurlutin Maniit Atuqtakharnik Atugakhaq havaqatigiiktunik.
Taimaituq havaagumajangnik? Maniliqidjutikhanut Atuqtaujakhaujut havaqatigiiktun munagihimaaqtun maniliqidjutikharnik HRkutlu qaritaujaliqidjutikharnik atuqtakharnik.

Hunagauluaqtuq ihumagijangnik, qinigiaqaqtutin Havagviat Kiinaujaliqijikkungit angmaumajunik havaangit talvani GN-kutni havaangit uuktuqtaugiaqaqtunik hamani: https://www.gov.nu.ca/in/public-jobs.

 

Havakaffukhimajut

Havagviat aituihimaaqtun pidjutikharnik talvani havakaffuktaujukharnik avatingni havaqatigiiktunik. Naunaiqhittiarumaguvit talvuuna GN-kungit havaktikaffuuktaunikkut hanaqidjutikhangit, iliugagianganik havakpakhimajangnik naunaitkutingnik talvani GN-kungit qaritaujaliqitaini, titiraqlugit qaritaujakkut GN-kungit Havagviat Havaktuliqijitkut at: gnhr@gov.nu.ca.

 

Inuinnarnut Havaakhangit

Havagviat Kiinaujaliqijikkut unalu NULC-kut ihuaqtut ikajuktiujut talvani Inuit havaktikharnik, unalu aulahimaaqtun qinigianganik Nunavunmi Inuinarnik havaqatigiiktukharnik.

Havagvikput havaqatigiiktun aituihimaanginaqtun ihuaqtumik ajuiqhautikharnik pivalliadjutikharnik pidjutikharnik. Ajuittiarutikhangit ajuiqhaqtatin uvaptingnik anginirmik nuutigiaqaqtun, aulatitiniaqtun hakugiktumik tunngavikharnik hivunikharnik havaagumajangniklu pidjutikharnik, tamangnik avatingni GN-kutni allanikluuniit havagvingmi, ilauplutiklu nanminiqaqtunik havagvingmi.

Naunaiqhittiarumaguvit talvuuna Havagviangit Kiinaujaliqijikkungit Inuit Havaktukharnik Upalungairutikharnik, naqitlutin hamani.

 

Aujami Ilihaqtuq Havallaktukhat Pinahuarut

Havagviat Kiinaujaliqijikkut NULC kutlu aulahimaanginaqtun qiniqhiaplutik ilihaqtunik havaktukharnik talvuuna GN-kutni Aujami Ilihaqtun Havaktukharnik Pinahuarutmi. Ajuirjumirutikharnik talvuuna pinahuarutigun, hivajarlugit Havagviat Kiinaujaliqijitkut.

Havagiangani Kiinaujaliqijitkut unaluuniit NULC=kut aituihimaaqtun ilihaqtunik anginirmik pidjutikharnik pijaangat hanaqidjutikharnik anginirmik nuutigiaqaqtunik ajuittiarutikharnik, talvanikiak aulahimajut maniliqinikkut munagidjutikharnik maniliqinikkutlu, atugakharnik qaujihaijukharnik havaktaujukharniklu, havagvingmi titiqiqidjutiliqijingit, inungnik ikajuktiujukharnik / niuvailiqinikkut, unalu maningnik ikajuktiujukharnik / manikharnikkutlu.

uqaqtaptingnik ihumagihuirlugu - nallaklugit kinguliujut ilihaqtun uqaqpaktainik havakpakhimajainiklu havaqatigiipluta:

 

Randy Qattalik // Nukakhiujuq Qaritaujarniitunik Ilittuqhaiji // Iqaluit, Aujami 2019mi

Uumani aujami, havaqatigijatka Kiinaujaliqinirmut Munariniq havagviat imaatut Nukakhiq Atugakhanut Naunaijaijiat talvani Kiinaujaliqijitkunni. Anginiqqtuq pivallianiq hivulliqpaamik aullaqtiqhimagamma aujami ilihaqtut havaakhamik taallimat ukiut naattut. Katitiqhimavakhimajut ajuiqhautikharnik havakpakhimajamnik ukiuk tamaat hadjamimun ikajukhimaanginaqtunga ajuiqhaivakhugitlu allat Kiinaujaliqijitkutni havaktingit.

 

Hayley Maghagak // Manikhaqhimaaqtukharnik Ikajuktiujuq // Iqaluktuutiami, Aujami 2019mi

Akiliuhiarutinut Ikajuqtiujunga Havagvianni Kiinaujaliqijitkut Akiliuhiarutit ikajuutikhallu havagvianni Iqaluktuutiami. Ajuiqhajunga qanuqtut tutquqtirinirmik, iliurainirmiklu qaritaujamut imaalu naunaijainirmik havaktit ikarniinnik naunaitkutait tutquumaviillu. Havakpaktatka ilaani ajurnavjakkaluaqhutik, kihimi ajuirjuummiqpiaktunga. Nigiukhimajunga utiffaarniaqtunga!