Havaktingit

You are here

Ukiuqtaqtumi hivuliqtiit katittut uqautigiyaami ukiuqtaqtumi maligaghaq

Januali 30, 2017

Ukiuqtaqtumi hivuliqtiit katittut uqautigiyaami ukiuqtaqtumi maligaghaq

Atauttikkut tuhaqtitautjutaa

Hivuliqtiit Yukon-mi, Nunatsiami, Nunavunmilu katimavaktut Vancouver-mi uumani havainirmi uqautigiplugu ukiuqtaqmi maligaghaq aajikiikniqaqtullu tamaini-ukiuqtaqmi hivulliutiyumayait, ilauyuqlu aularaanginnarutiqaqtut pivallialiurniit. Hivuliqtiit naunaiyaffaaqtait ikayurmanirmiknik uyaraghiurnirnik, havagumanirniklu nakuuyunik, aularaanginnarniqaqtunik piangaiyautikhanik Ukiuqtaqtumi.

Hivuliqtiit uqautigiyaillu hivunikhaliurutikhat havaqatigiiknikkut uvani tamainni-ukiuqtaqtumi tautungnirmik aularaanginnaqtunik nauvikhanik pivallialiuqvikhaniklu. Nunatsiap Kavamat hivulliurniaqtaa pivallialiurniq uumani Aularaanginnarniqaqtumi Pivallialiurnikkut Parnaqutikhamik ikayurniaqtuq pipkainikkut Ukiuqtaqturmiunnun piqarnikkut hakugiktunik, atauttikkuuqtunik nipiqarnirnik ukunani aulahimayuni uqaqatigiiknirni mighaagut hivunikhaani Ukiuqtaqtup havagutiqarlutiklu piliurnikkut quyaginnani uqaqatigiiknirni hulaqutiqaqtut Ukiuqtaqtumun ingunginnunlu.

Hivuliqtiit ilauqatigiikniaqtut, havaqatigilugillu Nunaqaqqaaqhimayut naliinni ukiuqtaqtuni, pivallialiuqtukhat aajikkiikniqaqtuni ihumagittiarhimayanginni uppiriyanginnilu hivulliurniaqtaa pivallialiurnirmi nutaami Tamainni-Ukiuqtaqtumi Maligaghami.

Uqautait

"Quviahuktunga miitiqaqtigigapkik ukiuqtaqtumi havaqatikka uqautigiplugit atauttikkut hivulliutiyumayavut. Havagumayunga pipkainikkut tautuktait Yukonmiut tautungnarniqaqlutik kavamatuqatkunni Ukiuqtaqtumi maligaghami havagutainni pivallialiurnikkullu ukiuqtaqtumin ihuarhaitjutikhanik ukununga ukiuqtaqtumin ihumaalutigiyauyunun."
–Yukon Hivuliqtia Sandy Silver

"Ihumaliurutit Ukiuqtaqtukkut piliuqtauyukhat Ukiuqtaqtumiutanin. Haniraaniittumangittugut pipkaqtillugillu aallat kavamat nunaryualluunniit uqautipluta qanuqtun qakugulu Ukiuqtaqtuq pivallialiuqtauttaaqtuq. Inuuhimayugut hamani qanga taimaa piqpiarutiqaqtugullu tigummitjutikhamik piliurnikkut hakugiktumik aularaanginnaqtaaqtumilu hivunikhamik maliklugit Ukiuqtaqtumi hivulliutiyumayainni uppiriyainnilu. Tamainni-ukiuqtaqtumi tautungniq ukununga ukiuqtaqtuni nauvikhainni aularaanginnarutikhainnilu tunnganiqaqtuq atauttikkut uppiritjutainni anginiqarniaqtuq qanuriliurutikhaq pipkainikkut Ukiuqtaqtumiutanun aulayunik pilaarutainniklu havagutikhainnik Ukiuqtaqtuni ihumaliurutikhanun."
–Nunatsiami Hivuliqtia Bob McLeod

"Pitjutiqaqpiaqtuq taimaatut quyaginnait nutaat maligaghat pitjutikhat turaanganiqaqpiaqtut pitjutikhakkut Ukiuqtaqtumun ilauqatauniqaqtukhaq pihimalunilu uqautinik Ukiuqtaqtumiutanin ukunanngalu pingahunin ukiuqtaqmi kavamainnin. Miitirniqput naunaiyaffaaqtaa uqaffaaqtaalu taamna."
–Nunavut Hivuliqtia Peter Taptuna

Uqaqatigivikhaq:

Sunny Patch
Maligaliuqvikmi Tuhaumapkainikkut
Yukon Kavamat
867-332-0362
sunny.patch@gov.yk.ca

Andrew Livingstone
Angayukhiq Maligaliuqvikmi Tuhaumapkainikkut Uqautjiyi
NWT Kavamat
867-767-9140 ext 11091
Andrew_livingstone@gov.nt.ca

Yasmina Pepa
Tuhaumaqattautilitiyi
Nunavut Kavamat
867-975-5059
ypepa@gov.nu.ca