Havaktingit

You are here

Ukiuqtaqtumi Hivuliqtiit havaqatigittiangniaqtait kavamatuqainni Ministait havaktauyaangginni ihariariyait ukiuqtaqturmiutat

Julai 18, 2018

 

Ukiuqtaqtumi Hivuliqtiit havaqatigittiangniaqtait kavamatuqainni Ministait havaktauyaangginni ihariariyait ukiuqtaqturmiutat

Taaqhivalirvia18, 2018 – (Moncton, NB) Ukiuqtaqtumi Hivuliqtiit ublumi quviagiyait nutaat ilauyut Kanataup Kavamainni Ministanggit niriuqtutlu havaqatigiyaanggini tamaita Ministait Hivuliqtilluaqlu Kanatamun havaqhimmaariami ukiuqtaqtumi hivulliutigiyainnik havaaqhat.

Yukaanmi Hivuliqti Sandy Silver, Nunattiaqmi Hivuliqti Bob McLeod Nunavut Hivuliqtialu Joe Savikataaq havagumakpiaqatiumayait Ministait havaktauyukhanik ihariagiyauyunik ukiuqtaqturmiutanit ilitturiplugulu aadlanggania itqaumaplugu nunagiyainnik. Talvalluaq, ukiuqtaqtumi Hivuliqtiit uqaqhimmaangniaqtait ihariagiyainnik akhungnaittumik pilutik kavamatuqainnut-ukiuqtaqtumut manikhainnik aulapkaijutikhainnik.

Katimayimi ukiuqtaqturmiut Hivuliqtiit ublaaq Moncton, New Brunswick mi, Hivuliqtiit uqaffaangmiut hivunikhanut havaakhat Ukiuqtaqtumi inuugiyainnunutlu, ihumaliurarhat ihumaliuqatigiyakhait ukiuqtaqturmiutat, ilitturiyauyaami pittiagiplugitlu pitquhiit aadlatkiingnguyuniklu.

Hivuliqtiit ilitturiquyait tun’ngahuktittiplugitlu tikkuaqtauhimayut Maligaliuqti Dominique LeBlanc Ministaungmat Kavamaliqiyuni Ukiuqtaqtumilu Kavamaliqidjutainni Iluanilu Himmauhidjutikkut, taamnalu Maligaliuqti Francois-Phillippe Champagne Ministauyuq Aulapkaidjutikhanut Nunallaanunutlu.

Ihariania aulapkaidjutikhanut tamainni pinggahuni ukiuqtaqtumi avikturviit qilamiugutigiyauyut, akhungnaittumiklu kavamatuqainni aulapkaidjutikhainnut atugakhaa manikhainniklu ikayurniaqtuq ukiuqtaqturmiutanut pivikhaqariamingnik maniliurnirmun inuuhirittiariamingniklu anggiyuamik.

Hivuliqtiit quyagiyiumayait Ministaugaluaq Aulapkaidjutikhanut, Maligaliuqtiugaluaq Amarjeet Sohi, taamnalu Maligaliuqti Carolyn Bennett, Ministaugaluaq Ukiuqtaqtumilu Kavamaliqidjutainni, havakpiakpangmatta akhuuqhutiklu hapkuninga akhuugutigiyauvaktuni.

-30-

Tuhaqtipkainikkut Uqaqatigiyakhaat:

Cate Macleod
Taigualiuqtiinni Titiraqtia
Havagvia Hivuliqtip
Kavamat Nunavunmi 867-975-5059; hivayautinnuangga: 867-222-5763
cmacleod@gov.nu.ca

Charlotte Digness
Tuhaqtidjutikhanut Tuhaqtipkainirmunlu Tutqikhaiyi
Ministat Katimayiit Tuhaagakhanut Maliktakhanunutlu
Nunattiami Kavamanga
867-767-9140 hivayarvia 11092
charlotte_digness@gov.nt.ca  

Sunny Patch
Aulapkaiyi, Tuhaqtipkainikkut
Havagvia Hivuliqtip
Yukon Kavamanga
867-332-0362
sunny.patch@gov.yk.ca