Qulliq Alruyaqtutinik Ikumadjutiit hulaqutiqaliqtut qaritaujatik munaridjutait ihuinaarutiqaliqtut

Qulliq Alruyaqtuqtunik Ikumadjutiit (QEC) turaaqtaujut ihuinaarutikkut qaritaujatik uvani January 15mi. QEC-kut qaritaujakkuurutaa ihuiqtitaujuq, kuapuriisitkutlu qilamik hilidjutigijait ihuaqhinahuariangani qanurinia.

Hilataanit qaritaujatik munaridjutait ihuinaarutiqaliqtnikkut ajuittiaqhimajut ukualu QECtkut ukualu Kavamatkut Nunavunmi IT havaqatigiit ihivriuliqtaat qanurilidjutaa anginialu ihuinaaqtitaudjutaa.

"Iliturihakaptigit ajuqhautiqaliqtuq, aularutiblguti ajuqhautinun kiudjutinun upalungaijautit munarijaangani qanurinia," uqaqtuq Rick Hunt, Angijuqqaaq CEOkut QECkut "Turaarutigiliqtaqqut utiqtilugit auladjutit ihumaliuqtiluta hunat kangiqhidjutit hulaqutaujut, tamaita havakhutalu aghut kivgaqtuqlugit akiliqtuijut."

Pauwaqarviit aulahimaaqtut. Nunavunmiutt uniudjutigijaaqtait pauwanun-ilaujut qamitpata qilamiurutillu 24ni ikaarnirni hivajautaa 1-833-313-3030.

Naunavjaktuq naunaijaqlugit ihuinaaqtitijut pijut qujaginaq akiliqtuijut kangiqhidjutainik. Ihivriuqhihimaaqmata, kuapaliisit ilituripkarniaqtait qujaginaq ilaujut hulaqutinun ihuinaarunmin.

Qajagittiarnikkut, tamaita QECkunun akiliqtuijut aghuuqhajaujut havaklugit atugahat munarijaangini inmi kangiqhidjutitik. Akiliquijut munarijaghaliqtait maniqarvitik ukualu atukiutit ihuangitunik hulidjutinik. Ihumagilugillu aalanguqtirlugit angmaqtirutitik (imaatun qaritaujaliqiviita najugait qaitaujakkut maniliqidjutitik). Hakugiktunik angmaqtirutinik tapkua takijut ilaujullu angijut titiqqat mikijullu titiqqat avguqhimalugit napait taijaujullu idjuhiit.

Qaritaujat auladjutait kuapaliisit akiliqtuijunun Munaqhijut ukualu titiqiqijiit havagviit aulahimaaqtumik piinalimailaktut tadja.

Akiliqtuijunun Munaridjutinun ikajuqtit, hivajaqlugu 1-866-710-4200 anipiliutaanun uqaqlutit. Apiqhuutit kiudjutauniaqtut qilamik kivgaqtuutit ihuaqhaqtaukpata.

Akiliqtuijut akiliqtuijaaq akiligahatik maniinakkut Akiliquijut Munaridjutinun havagviani Iqalungni hamanilu Qamani’tuami, Kapanititigulu/Kuaatkut nunamingnilu maniqarvingnin tamaini nunallaani, maniqijiit nuutiqtaaqtait hivajautikkut qaritaujakuluuniin maniliqinirmun kivgaqtuutikkut. Tadja, atukiqtuutikkut akiligahat pijaulimaitut qailutik uvaluuniin hivajautikkut maniliqinikkut.

Tuhaqtipkaidjutikhangit tunijauvangniaqtut haililiraikpata. QEC-kut qujagijait nunallaamiutat kangiqhihimadjutainnik mamianaaqtullu ihuangidjutaukpat hamna.

###

Tuhaqtittiyit hivayautaat:

Renee Boucher

Atannguyaunnguaqtuq, Kuapuriissakkut Tuhaqtittiyiinit

Qulliq Alruyaktuqtunik Ikumatjutiit

(867) 222-2075

qec-comms@outlook.com