Havaktingit

You are here

QALAGYUARNIQ COVID-19 Ublumimut Kangiqhidjut - Ubluqtuhivia 13, 2022

Januali 13, 2022

Hivuliqtip ublumimut tuhaqtipkaidjutaa:

Ullakkut,

Ublaamin Nunavunmi 172-nguqtut tutqighaqhimayut aanniarutiqaqtut qalagyuarnirmik COVID-19.

Piqaqtugut aanniarutiqaqtunik 13-ni nunallaani – unniqtaujut nampait ukuat:

  • 20 Arviani.
  • 8 Qamanittuami.
  • Qulit Iqaluktuuttiami.
  • Talliman Igluligaarjungmi.
  • 38 Iqalungni.
  • 17 Kinngaini.,
  • 8 Pangnirtuungmi.
  • Atauhiq Mittimatalingmi.
  • Hitamat Qikiqtarjuami.
  • 38 Kangiqlinirmi.
  • Atauhiq Sanikiluarmi.
  • 6 Sanirajakmi.
  • 7 Tikirarjuarmi.

Ilaliutihimayuqlu, aanniarutiqangnahugiyauyungnaqhiyuqlu Taloyoakmi. Ublumi 26 nguyut nakuuhiyut ublumi. Atauttimut 202-nguyut nakuuhiyut haffumani aanniarut hiamitirnianit.

Quviahuktunga tuhaqtitivlunga taimaa piliuliqtavun ialainik hanaqidjutikhanik ilagijaanun Nunavut Kavamanga qalagjuarnirmun COVID-19 Kiudjutinun Upalungaijautit. Ukuat hanaqidjutikhat piliuqhimajut munarijaami taimaa Nunavunmiut ikayuutiqhainnik nakuuhivalliaviqhaatigut haffuma hiamitirnia.

Ublumi, tuhaqtittiliqtugut $4 million qalagjuarnirmun COVID-19 Ikajuutikhat Haamlatkunun. Una pinahuarut tuniyauhimayuq hapkunanga Nunalingni Kavamatkunillu Pivikhaqautikkut maniliqtuidjutaa kanadami kavamanginin. Ukuat manikhat ikajuutauniaqtut haamligijaptingnun havagianginni havaktaulluagakhanik Nunavunmiutanun ilagijaanullu uuktuutinun pihimajunun qalagjuarnirmun COVID-19 nunarjuami aanniarut.

Qujannamiik Minista Joanasie uumunga havaktaujamunf. Minista hamaniittuq kiujaami apiqhuutinun uumunga hanaqidjutikhamun.

Quviahuktung naunaiqtittijumavlunga taimaa naunaiqtavut aallanik qalagjuarnirmun COVID-19 ikajuutikhanik Mikijunun Nanminiqaqtunun. Hanaujaktit, hunaliuqpaktut, niuvvaaviit, anguniaqtillu uuktuinnarialgit manikhaniktalvunganun $5,000 talvuuna Mikijunun Nanminiqaqtunun Ikajuutikhanun Pinahuarut. Aallanik naunairumaguvit imaalu ikajuqtikhailiuruvit uuktuutikharnik, takulugu www.gov.nu.ca/sbsp imaalu uqarvigilugu Nunanngni Maniliurnahuarnirmun Pivallianirmut Havaklti imaaluuniit Aviktuqhimajumi Maniliurnahuarnirmun Pivallianirmut Ataniq. Una hanaqidjutikhaq hivuliqtiudjutaat Pivalliajuliqijitkut Ingilrajuliqijitkullu.

Qujannamiik Minista Kusugak uumunga hanaqidjutikhamun. Minista hamaniittuq kiujaami apiqhuutinun uumunga hanaqidjutikhamun.

Naunaiqtakkullu naavjakhugu $4.5 million hakugikhijuumidjutikhaq pigijaptingnun niqiqhanun katitirhimajunun hanaqidjutikhamun. Ukuat manikhat ikajuutiginiaqtait Nunavunmiut avaliihimajukhanun pidjutaanun qalagjuarnirmun COVID-19 pijaanginni ihariagijamingnun atuqtakhamingnik.

Pijumaguvit niqikhanik avaliihimajaami qajangnaittumik, taimaa pittaaqtutit:

Qujagijumajatka tamaita Nunavunmiut pigavin pijakharnik talvani anittailingmata munarivlugit nunallaavut qajangnaittumik aanniarnaittumilu. Niriuqtunga tamaffi pijaami qajagihimaarluhi nuutirtilluta ikiklivalliadjutinun maliktaujakhanun inungnut aanniaqtailinikkut maliktakhainik.

Taimaa pihimmaarluhi:

  • Aihimalutit pittaaruvin
    • Kapuqhiqlutit
  • Kapuqhiqluhilu ikayuutigiyauyuqhaq hivulliinnut kapuutainnut
  • Atimalugit ivyarutit

Hivayaqlugit QALAGYUARNIQ COVID hivayautaannut avaliin’ngaaqlutin mihingnautiqaliguvit. Tamainnun, pidjariklutit nunallaaq ihumagilugu – tamapta una pidjutigijakkut.

Qujannamiik.

 

Atanilluaq Inungnun Aanniaqtailinikkut Havaktia Tuhaqtidjutaa:

Ublaakkut,

Hivullirmi, Ubluqtuhivia 17, nutqaqtinniaqtavut ilangit pitqujaungittut nunaptingni

Aulaqtirvia Hivullirmi:

  • Nunallaamunmin tingmiqujaunginikkut piiktaujut.
  • Hilami katimaniit tadja pittaaliqtait kikliqaqtun 25nun inungnun.
  • Iglumi iluani katimaniit kiqliqaqtut tallimanun inungnun, ilaulutiklu iglumiutait.
  • Kavamanga, Inuit havagviit havagviujullu angmaffaaqtaaqtut.
  • Nutaqqiqiviit iglukpait angmaktaarungnaqhijut.
  • Munarijauhimmaarviit unalu inirniqhaanun iglukpait piqaqtaaqtut atauhirmik pulaaqtumik atauhirmun talvaniittumun najuqtumik, ivjarutinik atimajukhat.
  • Iglum iluani inungni katimajuqhat, ilaujut ulapqiviit hulilukaarviillu tadja kikliqaqtut 25nik inungnik imaaluunniin 25% avvanganun amigainniqarnikhaanun.
  • Ulapqiviit, iqaijarviit, kiqliqaqtut 25 inungnik imaaluunniit 25% avvanganun amigainniqarnikhaanun kitu ikitqiaq, avaliittumik iqaijaqlutik talvatuaq; amihut katimjut katimalimaittut.
  • Makpiraaqaqviit, qun’ngiaqviit taapkuallu kiqliqaqtuq 25 inungnik imaaluunniit 25% avvanganun amigainniqarnikhaanun, katimalimaittut qunngiariaqtuqtittilimaittullu inungnik.
  • Anggaadjuviit kiqliqaqtut 50nik inungnik imaaluunniit 25% avvanganun amigainniqarnikhaanun, atuqhimaittumik.
  • Haakirviit pittaaqtut inuqariami taimaa 25 inungnik unaluuniin 25 pusat amigainikhaanun, unalu 25 qun’ngiaqtunun. Iligiiktut ulapqilimaiqtun. ·
  • Tamaita ihariagijaungittut nanminiqaqtut angmaktaaqtut ukuallu inmikkut havaktaujut ukunatut pinniqhaqtauviit unalu nujaliqijiit angmaktaaqtut.
  • Taaksiit pijaaqtun atauhirmik taksituqtumik atauhirmi taaksiturnirmi ivjarutit atuqtaujukhat.
  • Katimajut uqaudjinikkut kiqliqaqtut qulinik (10) inungnik.
  • Min’nguirviit nutaqqanullu ulapqiviit ammaumaniagungnaqhiyut, kihimi igluqpait umiqhimaniaqtut.
  • Nirijaqturviit laisiqaqtullu imirviujut kikliqaqtuq agjainnarvikkut, amigaitqijaaangani 10nik inungnik utaqqijunik ahiqpaniillutiklu.
  • Iliharviit angmarniaqtut talvani Ubluqtuhivia 24

Ivjarutit atuqtaujakhat tamainni nunallaani ihariagijaungittunullu tingmipkainikkut akhut pitqungitait huli.

Pihimmaariaptingnun uumunga pidjutigijaptingnik nutqarpalliajaanginnun pitqujaungitanun, pitqujatka tamaita Nunavunmiut maliquvlugit uuminga inungnut aanniaqtailinikkut maliktakhait, kapuqhirlutit Inungnin ahiqpaaniitpakluhilu. Maliklugit maliktaujakhat tamapta piluta ikajuutiginiaqtakkut nungudjutikhamik aanniarutiqaliqtumun.

Naunaiqhidjutigijumajaralu qanuq pigijakkut nutaaq ihivriurutikhaq maliktaujakhat qanuq havaktaudjutaanun hivumuurunmun. Ikikligluaqhugit kaffiujunun ihivriututigijainun pijaptingnun, ihivriuqniaqtavut pijakhat inuit. Ilainni pidjutainni, pidjutigilluaqniaqtavut mihingnaautait naunaiqhijaami qalagjuarnirmun COVID-19. Naunaiqtauhimagakuaqtillutit qalagjuarnirmun COVID ihivriurutimun pihimaitkutilluuniin, naunaiqtitauniaqtutit naunaiqhidjy=utigijaanun unalu ikitqijamun nampainun ubluni aihimajukhaujumik.

Qujagijumajatka tamaita Nunavummiut utaqqivangmata, kangiqhimattiakhutiklu imaalu maliqatiplutik kingulirmik aannialiutaani. Malikhimmaarlugit inungnut aanniaqtailinikkut maliktakhait, taimaa ukuat munaridjutaungmata tamainnun inungnun.

Quana.
 

 

Ilaujut hapkununga Kavamatkut Nunavunmi (GN) akhuurutait munarilugit Nunavunmiun qajangnarnirmin COVID-19 qalagjuarnirmin, GN-kut Havagviit atuliqtait hapkua:

Aanniaqtailinirmut Havagvia

Tamainnik ublumimut naunaiyautiqhanik ikayuutiqhaniklu QALAGYUARNITIGUT-19 Nunavunmi, hamunggaulutin:
https://www.gov.nu.ca/health/information/covid-19-novel-coronavirus

Nutaatqianik naunaiyautiqhanik hadjamin inungnut anniaqtailinirmun maliqqayaqhautigun, hamunggaulutin: 
https://www.gov.nu.ca/health/information/nunavuts-path

Naunaigumaguvit pinahuaqtunut kapuqhiriami hamunggaulutin:
https://gov.nu.ca/health/information/covid-19-vaccination

 

QALAGYUARNITIGUT-19 aanniaqtunik qanurinmanggaat: Ubluqtuhivia 13, 2022

Atauttimun ihivriuqtaujut Attautimut naunaiqtauhimajut aannialaqihimajun Attautimut aannialaqihimajun Atauttimut nakuuhijut aanniaruiqtun Tuqujut Qaffiujun inuit kapuqtauhimajun atauhiinnarmik kapurutimik Nunavunmi Qaffiujun inuit kapuqtauhimajun malruungnik kapurutinik Nunavunmi
27,246 1,048 172 872 4 31,227 24,998

QALAGYUARNIQ-19 nunallaami aanniaqtut qaffiutilaanggit: Ubluqtuhivia 13, 2022

Nunallaaq

Qalagyuarniq COVID-19 qanuriniit

Ubluit Inuit aanniarutiqaqtut ipaghaq (ATAUTIMUN) Inuit aanniarutiqaqtut ipaghaq (ATAUTIMUN) Aalangunirit ipaghamin (aanniaqtut) Atautimun Naamakhiyut Aalangunirit ipakhamin (aanniarutaiqhimaliktun) Atauttimut Aulajut Aanniaqtut
Salliq

Aulahimaaqtut

Talvanga 1/9/2022 9 9 0 0 0 9
Tikirarjuaq Aulahimaaqtut Talvanga 1/7/2022 7 8 1 1 1 7
Sanikiluaq Aulahimaaqtut Talvanga 1/4/2022 1 1 0 0 0 1
Kinngait Aulahimaaqtut Talvanga 1/2/2022 23 24 1 7 6 17
Mittimatalik Aulahimaaqtut Talvanga 1/1/2022 1 1 0 0 0 1
Igluligaarjuk Aulahimaaqtut Talvanga 1/1/2022 4 5 1 0 0 5
Iqaluktuuttiaq Aulahimaaqtut Talvanga 12/30/2021 18 18 0 8 6 10
Igloolik Aulahimaaqtut

Talvanga 12/29/2021

18 18 0 18 0 0
Qamanittuaq Aulahimaaqtut Talvanga 12/29/2021 2 9 7 1 0 8

Arviat

Aulahimaaqtut Talvanga 12/29/2021 64 64 0 44 1 20
Sanirajak Aulahimaaqtut

Talvanga 12/29/2021

17 17 0 11 0 6
Qikiqtarjuaq Aulahimaaqtut

Talvanga 12/28/2021

7 7 0 3 0 4
Kangiqliniq Aulahimaaqtut

Talvanga 12/23/2021

68 71 3 33 1 38
Pangnirtung Aulahimaaqtut

Talvanga 12/23/2021

26 26 0 18 0 8
Iqaluit Aulahimaaqtut Talvanga 11/04/2021 96 96 0 58 11 38
Atauttimun      361 374 13 202 26 172

Qalagjuarniq COVID-19 Kapurhinikkut qanurinnia: Ubluqtuhivia 10, 2022

Naunaiyautit/Kiqliqhatlu:

Una kangiqhidjut takupkaqtittiyuq nampainnik kapuqhiqtunik nunallaami talvanga Januiali 11, 2022. Pusatnga kapuutaanik munaqhiyut imaatun ittuq kapuut munaqtauyuq aviktuqhimayut Nunavutim inuqarniatigut nalautihimadjutaa 18 nik ukiuqaqtunut an’ngayuqhitqianutlu.

Nunavutim atauttimun kapuqhiqtunik ihuaqpiaqtut naittumi naunaiyautini. Nunallaatigut naunaiyautait ihivriuqtauyut imaa piyaami ihuaqpiaqtumik hulidjutigiyauyuni. Nunallaami atauttimuntigut ihuaqhaqtauyuqhat ihuaqtauviqhaqagumik.  Pidjutiniagungnaqhiyuq mikiyumik ihuaqhaqtauyuqhanik pusantigut nunallaatigut.

Kapuutit hulidjutigiyauvaktut nunallaamun humi munaqtauhimadjutiniani.

Atauttimun kapurhiqhimayut taapkunanut nunaqaqtunut nunaqanggittunut, taapkunanutlu himmauhiqattaqtut havaktiit.

Kaffini nunallaani takudjutivaktut inungnik kapuqhiqtunik malruungni nunallaani, nunallaaniluunniit nunagiyaunggittainni.

Inuklu kapuqhiqhigungnaqhiyuq kapputaanik 1 imaalu/imaluunniit kapputaanik 2 avataanit nunagiyamingnik.

Una pidjutiqanggittut inungnut kapuqhiqhimayungnaqhiyunut ilainnaknik tamainnikluunniit avataani ukiuqtaqtup avikturviannit.

An’ngiyuq pusanga atauhirmi nunallami aadjikkiigutiginggita amigaittumut hunggiutivaktunik aanniarunmut. Piqangituq piliuqhimayumik naunaiqhimayumikluunniit pusanmik amigaittumut hunggiutivaktunik aanniarunmut QALAGYUARNIQ COVID-19 mut. Hunaungmangaata amigaittut hunggiutivaktunik aanniarunmut tikiutilimaittungnaqhiyuq hadjamin kapuutainnut anggirunnik (imaakaffuk piqanggittut kapuutimik nutaqqanut nukaqhiuyunut tualumit).

Pittaarvia:

Statistics Canada, Demography Division, Special tabulations. Upalun’ngaiyaqtaat hapkua: Nunavut Bureau of Statistics, Ubluqtuhivia 27, 2021.

Kapuutit amigaitilangit pihimajut uvanga Havagviata Aanniaqtailinirmut Meditech atuqtakhanit.

Pittaaqtut inirniqhaat nunallaami naunaiyautigiyauyut nampait inungnik 18 nit an’ngayuqhiutqiatlu maliqhugu 2020 inuqarniat nalautihimayut.

Nunallaap inuqarnia nalautihimayut “naammagiyauttianggittut” iniktauhimangmata ilainni inuqarniatigut amigaingniatigut (inuuyut, huiqtut, nuuttutlu). Atuqtauyuqhat qayagilugit.

 

Ihivriugutit naunaiyautait ublumimut tamainut nunallaanut: Ubluqtuhivia 13, 2022

Nunallaaq

Ihivriuqtauyut

Ihivriurutit aanniarutiqaqtut Ihivriurutit Aanniarutiqangitut
Salliq (Talvanga 9 Jan 2022) 43 9 34
Tikiraryuaq (Talvanga 7 Jan 2022) 24 8 16
Sanikiluaq (Talvanga 4 Jan 2022) 13 1 12
Kinngait (Talvanga 2 Ubluqtuhirvia 2022mi) 86 24 62
Mittimatalik (Talvanga 1 Ubluqtuhirvia 2022mi) 45 1 44
Igluligaaryuk (Talvanga 1 Ubluqtuhirvia 2022mi) 36 5 31
Iqaluktuuttiaq (Talvanga 30 Ubluirvia 2021mi) 110 18 92
Igloolik (Talvanga 29 Disaipa) 174 18 156
Qamanittuaq (Talvanga 29 Disaipa) 59 9 50
Arviat (Talvanga 29 Disaipa) 247 64 183
Sanirajak (Talvanga 29 Disaipa) 123 17 106
Qikiqtarjuaq (Talvanga 29 Disaipa) 89 7 82
Kangiqliniq (Talvanga 29 Disaipa) 647 72 575
Pangnirtung (Talvanga 23 Ubluirvia 2021mi) 387 26 361
Iqaluit (Talvanga 23 Ubluirvia 2021mi) 1372 97 1275

*Ilihimalugu:   Hapkua nampait aadlangguqattainnaktut. Havaaqhat havaktiattauvaktut pihimayaami naunaiyaut ublumit naunaiyautigiqattariami iniqhimayumiklu, kihimi pidjutinggittungnaqhiyuq tamainnik inungnik ihivriuqtauhimayunikluunniit.

**Naunaiqtauhimayut aanniaqtun ilaliutilgit tikiutigiplugit kanatami aanniaqtut kangiqhidjutainni.

***Kinguvaktitauniarunaqhiyut unniudjutikkut hulidjutigiyauyuni kititiqhimayutlu aanniaqtunik pihimayut Aussaimi Kanatami.  12 aannialaqihimayun ilituriyauyut hilataani nunaptiknin ilaliutiyauhimayun Nunavunmun. Ukuallu ilauyut pingahut (3) tuquhimajut. Tamatkiutinggittut Nunavunmiutat QALAGYUARNIRMIK=19 aanniaqtut avataani nunavut ilaliutiyauniaqtut Nunavunmut.

Avaliingaaqtut amigaitilaangit: 

Aullaaqtun Qanurittun Inuit Avaliingaaqtitauyun talvannga Ubluqtuhirvia-12mi
Daaktiliaqtut 38
Inuit  9
EMTI 2
Havaktut 0
Atautimun 49

Aullarhimajun utiqtun naunaijautaa:

Aullarvikhaa Ublua # Amigaitilaangit Aullaaqtun Avaliingaarvingnit Avaliingaaqtut
13-Ubluqtuhivia, 2022 1
14-Ubluqtuhivia, 2022 2
15-Ubluqtuhivia, 2022 0
16-Ubluqtuhivia, 2022 2
17-Ubluqtuhivia, 2022 1
Total 6

 

Ilinniaqtuliqijikkut Havagvia

Nutaat pivalliadjutit:

K-12 Iliharviit

  • Kihiani pitquyauqpat CPHO mit, niriuqtuguk sikuuqviinni havaktiit utiffaaktaaqtut sikuuqvingmut Ubluqtuhivia 17 mi ahinin ilihaijaami havainirmi Ubluqtuhivia 17 imaalu upalun’ngaiyaqlutiklu utirutiqhaanut ilihaqtut talvani Ubluqtuhivia 24.
  • Havaktit uqaqvigijakhait ilihaqtut tunilugillu ilihaidjutikhanik katitiqhimajunik unalu/unaluuniin qaritaujakkuurutinik ilihaqtunun talvani havainirmi Ubluqtuhivia 17.
  • Tamaita iliharviit tunijauhimajut ukuninga CPHO-min angiqtauhimajut maliktakhat qajangnaittumik tunijakhanik katitirtakhaniklu ilihaidjutinik katitiqhimajunik qaritaujakkuurutiniklu naunaijaktaujaanginni.
  • CPHO-ngujuq uqautigijaa taimaa pikpata iliharviit angmaffaaqqata ilihaqtunun talvani Ubluqtuhivia 24, taimaa piniarungnaqhijut 100% naahimajutikhamun unaluuniin 50% naahimadjutikhamun, piniaqtaat qanurinmangaat pidjutaanun qalagjuarnirmun COVID-19 himaitjutainun nunallaamingni.
    • Iliharviit angmarniaqtut taimaa 50% ilihaqtunun pittaaqtanun: Iqaluit, Kinngait, Arviat, Kangiqłiniq, unalu Iqaluktuuttiaq
    • Iliharviit aallani nunallaani angmarniaqtut taimaa 100% ilihaqtunun pittaaqtanun
  • Uiffaariami iliharvingmun aallanngurniaqtuq kakugulikaak pitqujaanun CPHO-ngujumin.
  • Iliharvingmi hivuliqtiit uqautijaujut taima tamaita iliharviit upalungaiqhimajukhat katimaqatigiiktukhanun upalungaijautainun ittuniaallan’mguqtirutinun taimaa 50% naahimadjutikhamun qilamivjak naunaiqtitaugumik CPHO-min.
  • Iliharviit uqarviginiaqtait ilihaqtut ilagijainullu pidjutaanun iliharvigijamingnun qanuriliurutainun katimajaamilu upalungaijautinik.
  • Sikuuqviitlu tuniyauyut amigaitpiaqtunik igittaaqtunik nutaqqanut inirniritnutlu ivyarutiqhainnik.

Ilihalihaaqtut Nutaqqat Nutaqqiqiviillu

  • Nutaqqiqijiit havagviit angmaffaaqtaaqtut talvanu Ubluqtuhivia 17 tamainun nutaqqanun.
  • Qanurinnia nutaqqiqiviinun havagingnun aallanngurniaqtuq kakugulikaak pitqujaanun CPHO-ngujumin.

Aulahimaaqtut kivgaqtuutit:

Ihuaqhaqtauhimayut kivgaqtuutit:

  • Kiudjutikhangit ikaakningit talvanga FANSnik havagviani kinguvarniaqtun aulaligumi Qalagjuarniq-19nik aanniarutiqaqtunik Arvianmi.

Umikhimaniaqtun/Nutqaqtitauniaqtun/Taimaaqtitaujut ikajuutikhat:

K-12 Iliharviit

  • Tamaita K-12 iliharviit umikhimaniaqtut ilihaqtunun talvunga Ubluqtuhivia 24, 2022, piqujaujaanulluunin CPHO-ngujumin.
  • Ubluqtuhinia iniqtirniaqhimayut ihivriudjutikhangit Nunavunmi ilihaqtunun nutqaqtitaulakhimayut. Ilihaqtun atuqtakharnik titiragianganik iniqtirutikharnik ihivriudjutikharnik Ubluqtuhinia 2022mi kihiani piniaqtun auladjutikharnik iliharvingmini naunaitkutingit taima 100 pusanmik tamaat ilihaqpakhimayainun naunaitkunmik.

Ilihalihaaqtut Nutaqqat Nutaqqiqiviillu

  • Nunavut Kavamanga apirijait nutaqqiqiviit havagiinun angmaffaaquvlugit nutaqqanun ihariagijaujunun havagvingni havaktinun.
  • Kivgaqtauluaqtun Hanavingmi havaktiit ilauyut tapkuat havaangitni akhurnaqtun Aanniaqtailinirmun qajangnaitkutikhanullu Nunavunmiunun, ilauyutlu tapkuat munarhit, nunalaani kivgaktiuyut, niuvaivingmi, tingmitiliqiyutlu.

 

 

Nunavunmiutat aanniaqtailidjutait atauttikkut munriyaat! Itqaumalugu: uaqlugit algatit qaanganilu, pidjutihimmaaqlutinlu un’ngahiqtilaaqhimalutin inungnit, naalaqlugit uqaudjait munaqhiliqiiyini ayuittiaqtut, aihimalutinlu aanniaguvit.