Havaktingit

You are here

Qalagjuarniq-19 GN Ilitturipkaidjutit - Qitiqqautijuq 1, 2020

Iipu 01, 2020

Hivuliqtiup ilitturipkaidjutaa:

Ublumimit, naunaiqhihimangittut aannialiqtunik aannialirnahugiyunikluuniit qalagjuarniq-19 Nunavunmi.

Atauttimut nampait inuit ihivriuqtaujut ublumimut 290. 205 inuit hadja ihivriuqhidtaujut, ukuat 85 inuit ihivriuqhigakhaiktut.

Qitiqqautijuq 1 – Nunavutim 21st nalliutivia. Pivagtugalujugut, quviahuutigivaktaqqut nalliutivia avikturnipta aallangavjangniatqijaujuq, ihumajunga. Hamna ukiunga aadjikutqittuq,kihimi ihumaliurutikhaqqut qanurittaakhanik Nunavunmiutaunirmik.

Ihumagijatka qanuqtut ikajuutikhatka avikturniqqut, nunallavullu, nuatqativullu qajangnaitkutikhanik tadja, imaatut aihimaluta akhiqpangalutaalu ilaptingnit aktuqtaililugit, tamapta taimiliuqtaa ikajuqtigiikluta.

Tapkununga Nunavummiut anihimaittumik iglumiujut hivuraani Kanadami, qujagijaptigit taimailiuqhutit aanniarut Qalagjuarniq-19 tikittailijat avikturniptingnut.

Tapkununga Nunavummiut hamani avikturnianni imaalu aihimaqattaqpaktutikiglinahuaqhugu qajangnautingat Qalagjuarniq-19,quanaquhi.

Tapkunungalu Nunavummiut ihariagijaujut havaktit, havagiaktuqpaktut ubluq tamaat aullapkakhugit pinahuarutiit, ikajuutikhat kivgaqtuutit imaalu atuqtakhat aullapkakhugit, quanaquhi iliffingnik muarittiaqpakhuhi aanniaqtailitikhaffingniklu timaalu aannialiqtailipluta tamapta.

Tamapta uukturupta pijakhaptingnik, tamapta munaqhijukhaujugut aannialiqtailitikhanik nuatqativut ilavullu uvaptingniklu.

 

 

Ilangat Nuanvut Kavamanga (GN) akhuurutigijaat munarittiarutikhannik Nunavummiut qajangnautanut aanniarutip Qalagjuarniq-19, GN-kut Havagviit atuliqtait hapkuat:

Aanniaqtailinikkut Havagvia Kivagaqtuutit

Pulaaqtiqalimaittut hivitujumut iglugijaujunni iNunavunmi – Munarihimmaaqtauviitlu Igluqpangmiuyut (CCCs) umanillu Inirnikhat Aimaviit.

Tamaita tingmihimayut piyariaqaliqtut inungmiuhuirlutik taiyauhimayuni munaqhivikhami hilataani Nunavut aktilaanga 14ni ubluni, kihimi hapkua ikayuqtit havaktit kitut mihingnautiqaqtut.

Inullaat avalingaqqujaujut itqaumajukhat itiqtirvingmungautqujaungittut kihiani hivajaqtaugumik angiqtaudjunmik Aanniaqtailinikkut havaktiannit nallianut itiqtirvingmut ihuaqhaqtaujunik najuqtakhani.

Tapkua utiqtut Nunavunmun pijariaqaqtut angirutiqaqlutik Havagvianin Atan'ngujap Inungnun Aanniaqtailinikkut Havaktip apirijaujut qaritaujakkut titirarvigilugu tamna CPHOTravelRequests@gov.nu.ca.

Pijariaqaruvit avalingaaqujauplutit, AAanniaqtailinikkut Havaktip hivajarniaratit. Akiitukkut napaa hivajagakhaq kimuli qangannuaq tingmihimajut aanniarutiqaqtutluuniin haffuminga Qalagjuarniq-19 mihingnautinik 1-888-975-8601 kiujauvaktuq akunngani 7:30-7:30.

Ukua CPHO tingminikkut pitquyauyut ukualu/ikayuqtit havaktit maliktaghait iliuraqtauyut hamunga:https:https://www.gov.nu.ca/health/information/covid-19-novel-coronavirus

Anittailijaujut

  • Inuit anittailijaujut atuqtaaktait tiiviirutit, ikiakkuurutit qaritaujakkut, pingahuiqtuqhutik niripkaktauvaktut ubluummat, igliit uliit himiktauvakhutiklu haluummaqtirutikhaniklu tunijauplutik. Iqqakuut agjaqtauvaktut ubluq tamaat.
  • Hapkuat akiliqtakhat akiliqtpaktait Nunavut Kavamanga. GN-kut akilirniaqtait makkakhat, nutarannuat milukhainik uaqtirutikhanik arnat atuqtainniklu.
  • Inuit itiqtiqtauhimajut munarijakhait aquiqtuqtukhat hapkuninga atuqtakhanik naunaiqtauhimajumit agjaqtikhamit kivaqtuqtimit, kihimi akiliqhipkaqtaulimaittut hapkuninga titiraqhimajunik qulani.
  • Tun'ngahuktitidjutit puuqhimajut nutaanguqtiqtaujut ilaukhugit naunaitkutikhanik niqikhanik aquiqtuutikhainnik agjaqtaujukhanik. Tamangnik agjaqtauniaqtuk itiqtirvingnut. Hapkuat agjautait akiliqtakhatit akiit akiliqtaulimaittut GN-kunit.

Havagvia Maligaliqijikkut

Ihuaqhaqtauhimajut kivgaqtuutit:

Ajuqhaqtitauvakhimajut Kivgaqtuutit

Ajuqhaqtitauvakhimajut Havagvia umikhimajuq inungnut tadja. Kihimi, Nunavummiut hivajariaqarumik havagviannut hivajainnariaqaqtut imaatut uqar vikhatit naunaitkutait:

  • Ajuqhaqtitauvakhimajut Ikajuutikhait Akiitukkut 1-866-456-5216; victimservices@gov.nu.ca.
  • Ikajuutikhat tunijauttaaqtut qanurinniitigut.

Havagviat Inungnun Munaqtiujunut

Ublumimit, Qitiqqautijuq 1, 2020, havagviat Inungnun Munaqtiujunut katimaqatiginiaqtaik Titirarvianik Inuin Piqutainik Ihuaqhaiji iluanni Havagviat Maligaliqijikkut. Una nutaaq havagvikhat unauniaqtuq Havagviat Inungnun Munaqtiujunut imaalu Inuin Piqutainik Ihuaqhaiji. Tamaita hivajautait naunaitkutait aullajunaittut.
Havagviat angmaffaaqqat hamna inungnut aanniarutikkut amigakhuutaujuq, nanijaunginnariaqaqtuq aallirmi havagvianni taffumani Brown Building Iqalungni. Maligatigut Atiliuqtiujut nuuttut qulliujumut 4th fnatqanut taffuma 1106 Inuksugait igluqpat Iqalungni.
Pidjutigiplugu havagviup nuudjutaat, ikajuqhiqtaujumajut utaqqiniarunaqhijut hivajaqtaulutik qaritaujakkut titirarviulutik kiudjutait. Maminaaqugut ihuidjutigiguffiuk.

Havagviat Kavamaliqijikkut Kivgaqtuutit

Aulahimaaqtun kivgaqtuutit:

Nunavut Kavamanga aullahimmaqtumik hiamitirnaittunun pijakhatik atani uumani Tuhagakhanik Tiguhinirmut Hapummijaarinirmut Hiamitirnaittunun Titiraqtauhimajunik Maligaq. ATIPP Tutiqhaijit havakpaktut nutaanik tukhiutiniklu naunaitkutikhanut imaalu kiuvangniaqtut naatinnagit 25-havangnaqtitlugu ublunni, kihianni angiqtauhimaut naunaiqtauhimakpata ataani Maligarmi. Uqarvikharnik naunaitkutait titirarumaguvit taffuminga ATIPP tukhiut, takulugu qaritaujakkut atani: https://www.gov.nu.ca/executive-and-intergovernmental-affairs/informatio...

Havagviat Avatiliqiyitkut kivgaqtuutikhait

Avatimut Hapummiyiit Havagvingat havaqatigiplugit kavamatuqatkut, ukiuqtaqtumi aviktuqhimajuni kavamauqatiiklu titiraqmikhilaarutikhangit puujuinnut pidjutaujut aanniarutip hiamitirutat pidjutigiplugit.

 

Nunavummiut aanniaqtailinikkut tamapta munariyakhavut! Itqaumalutit: uaqpaklugit algatit imaalu qaanngit hunavaluit, inuqarnirmi qaniglihuiqluhi, maliqalugit uqaudjiyut aanniaqtailinikkut havaktinin, imnaalu aihimalutit aanniaruvit.