Havaktingit

You are here

Qalagjuarniq-19 GN Ilitturipkaidjutit - Qiqaijarluarvia 28, 2020

mii 28, 2020

Hivuliqtiup nutaanguqtirhimayut ilituripkaidjutait:

Ublaakkut. Piqangittuq huli naunaiqhimajunik pinahugijaujunikluunniit COVID-19 qalagjuarnirnik Nunavunmi.

Ublumi, atauttimun amigaitilaanginni inuit ihivriuqhiqtaujun ublumimun unaujuq 1,044. 124 inuit tadja huli ihivriuqhiqtaujun.

Nunavunmi Inungnut Aanniaqtailinikkut Amigaqhuutat imaatut hivitujumik malrungni havainirni, talvunga aglaat Imaruqtirvia 11.

Qajangnaiqhimaluta qaujimanahuarlutallu tikiutilirmijugut aallamut havangnaikhimalagvikhaptingnut. COVID-19 Qalagjuarniq qajangnaqtuq huli, nutqaqpalliagaluaqtitluta pittailiqaujunik maliqatqujaujuniklu imaalu akajumittumik havagviptingnut nuutiffaaliqtugut tadja pitquhirinialiqtaqqut. Uqaqattagpaglugit algakkit, imaatullu ungahikhimavaglutit inungmit imaalu ahiqpangajukhaujut aallanit inungnit, aihimavaglutitlu aanngiangaliruvit.

Tamapta ikajuqtigiiktukhaujugut imaalu akhuurluta uuktuqhimmaaqta, aullahimmaarahuariaptingnik Nunavutip Apqutikhaa.

Tunijaujugut amigaittuvjangnik iliturikaidjutikhainnik taffumanga Dr. Patterson ukuallu havaqatigitka ublamit, uqaqtinniaqqata.

 

Atanilluaq Inungnun Aanniaqtailinikkut Havaktimin nutaanik-ilitturipkaidjutit

Ublaakkut. Naunaiqhijumajunga qanuriniinnik pijariaqaqtunik pijaptingni ihumaliurutikhaptingnik ihuaqharlugit tadja avikturniinnit maliqatqujauhimajut atuqtaujut. Kinguagut naunaiqhihimajunga tapkuat aviturniitigut maliqatqujauhimajut tadja atuqtaujut kingulliutiniaqtut inungnut aanniaqtailinikkut maliqajakhait nutqaqtitaunlutik.

Pidjutigiplugu tingmitikkut tikittukhat Nunavunmut hilataanit avikturnianit qajangnatqijauqpiarmata. Aullahimmaarumagupta talvunga Nunavutip Apqutikhaanut, imaalu ungavaglugit aallanik inungnut aanniaqtailitikhanik maliqatqujaujunik iluanni avikturnianni, maliqattiaktakvaullu maliqattiaqujauhimajut tingmitikkut aullaqtailidjutit ahianut Nunavunmit. Hamna ihuaqpiarniujuq tamangnik utiriaptingni hulilukaarutigivaktaptingnik quviagijaptingnik ilihaqtitivaktaptingniklu atuqtakhaniklu hulilukaarvikhanik, aannialiqtailinahuaqtitlugit qajangnaittumiklu Nunavummiut.

Taimatut uqarama, pilahidjuhikhainnik hapkuat qanurinniit pidjutiqarniarunaqhijut avaikturniinnik maliqatqujauhimajunut.

Piliurningat kapuutikhamik havautikhanik aanniarutimut COVID-19 Qalagjuarniq. Uqautigijariiqtaqqut hamna, imaalu piliurlimaittunaqhijut kapuutikhamik havautikhamik hailijunaittunaqhijuq hivunikhannuaptingni qakugunnuaq, pidjutiqarniaqtuq angijumik qanuqtut inungnut aanniaqtailitikhanik maliqatqujaujunik;
Piliurnirmik imaaluuniit nanihinahuarutikhanik iuaqtumik havautikhanik aanniartirjuamut COVID-19 Qalagjuarniq;
Nauinairutauniaqtut tamna COVID-19 Qalagjuarniq nakuuhivallialiqtutut ilittut hilaliptingni nunagijaujuni. Taimaittumik ikiglijuummirnahuaqhugit aanniaqtunik amigaitilangit, naunaiqhimajukhaujugut taimatut nunamingni hiamitirningat hilatiptingni nunagijaujuni ikiglihimajut imaalut hiamitiruiqhimaliqtut;
Kinguliqpaamik, pilahidjutikhait aullaranginaqtumik imaalu ihivriuqhudjutikhainnik tamainni nunallaani Nunavunmi.

Ajurnaqtuugaluaqtuq, amihut pidjutaujut hilataanitut pilimaittavut, kihimi munaqhittaaqtugut aullaranginaqtumik nunarjuami qanurinnianik . Taimatullu, ihumaliuqtavut pidjutiqaqtut avikturniitut maliqatqujaujunik naunaiqtauvangniaqtut qanurinianit imaaluhavaktauniaqtut pittailitikhavut pihimalugillu aanniaqtailinikkut qajangnaitkutikhaniklu Nunavummiut tamaat hamna nunarjuami aanniarutautitlugu.

Puiguqtailitqujatka tamaita Nunavummiut Hivulliunmit, Imaruqtirvia 1, hilami ulapqiujarviit, avikturnianni min'nguirviit, ukuallu nutaqqiqiviit angmaqtaunialiqtut, amigaitilaqarniaqtut hilami katimajut imaatut 25. Umani Imaruqtirvia 1, aullaqtirniaqtavullu malruiqturu havainirmi tuhaqtitakhavut qaujihaidjutaittigut imaalu nutqaqtitpalliadjutikhanut aallanik inungnut aanniaqtailitikhanik maliqatqujaujunik. Taimaittumik ihuaqhaijugut malrungni havainingni hivumuuqpalliadjutikhaptingnik. Tamaita naunaiqtaujut imaatut 14 ubluni angninikhaujumik naunaiqhitauvaktuq inuk aannialirangat taffuminga COVID-19 Qalagjuarnirmik. Taimatut, hamna 14-ubluni utaqqivikhat naunaiqhitiginiaqtaqqut idjuhianik hanikptingni imaalu ihuaqtumik ihumaliurutikhaptingnik naunaiqhitigilugit kinguliqpaamik naunaitkutikhanik hailijunit.

 

Puiguqtailuhi qajangnaqtumik naunaiqtaukpata, amigaqhurnaqtumik qanuriliurutikhaptingnik pijariaqarniaqtugut ikajuutikhanik. Tunihivaktugut hivuranarnikkut tuhaqtitakhanik, kihimi tuhaqtitijukhaujunaqhijugut aallanik inungnut aanniaqtailitikhanik maliqatqujaujunik qilaminnuaq.

Kinguliqpaamik, tHavagviat tunihujutInungnut Aanniaqtailitikhamik Tuhaqtitijut nunanganut Sanikiluaq pidjutigiplugu tamna naunaiqtaujuq pertussis, qaujimajaujurlu Qalakturuilaiqniq (qalaktuinarniq). Qallaryuarnikkun (whooping cough) aanniarutauvaktuq iggiarmi puvvangnilu hiammittakhunilu inungmin inungmun. Kingnalikak taimaitumik aannialiktaaktut qallagyuarluni (whooping cough), kihimi akhuraluk aanniaryualiqan tapkunnalluat pivangman mikkarnut nutrannuanut. Taimaittumik, nutaqqiqiviat Sanikiluarmi umikhimaniaqtuq tadjakaffuk.

Quana.

 

Minista Nunalingni Kavamatkunnilu Pivikhaqautikkuni

Ullaakkut,

Nappaqtirilirvikhat igluqpakhanik tikitpallialirmijuq Nunavut Kavamanga (GN) piliurijaqtut upalungaijautikhanik nappaqtiqtaujukhanut havaakhat aullaqtiqtaujanginni uumani aujami ukiakhamillu 2020 imaatut tapakunani 19 Nunavunmi nunanginni.

Hamna ilaujut avatqumajut 50 akitujut pilirijaujunik havaakhat akiqaqtut imaatut $600 million. Amigaitilangit napaqtiqtaujukhat pinahuarutikhat, havaktikhanik ajuiqhattiaqhimajunik havaktiqaliqpaktug hivuraanit Kanadami havaktukhat hapkuninga havaakhanik havaqatigiplugit Inuit ukuallu Ukiuqtaqtumi havaktittijut.

Napaqtirititlugit unalu Dr. Patterson, ihuaqhaijariiqtut naunaittumik tamaita havaktikhat maliqajakhainnik maliqattiaqtakhanik pitqujauhimajunik maliqajakhainnik imaatut 14-ubluni avalingaqtukhat hivitujumik tingmitinatik Nunavunmut. GN-kut munaqhiniaqtut munaqhilutiklu hapkuninga maliqatqujauhimajunik talvani avalingarvikhat itiqtirviinni hivurani talvuuna 14 ubluni ilaujut havaktit ikivikhanut tingmitikhamingnut.

Hapkuat maliqajut maliktakhainut nunaqaqtut imaalu taaktiliakhimajunut tig=ngikkut atuqtauliriiqhimajut.

Ihuaqtumik pijariaqaqtavut aadjikiiktumik nappaqtirinikkut ihariagijaujut nunallaani tadja atuqtaujut COVID-19 Qalagjuarniq maliqatqujauhimajut imaalu qujagijumajatka tamaita hamlatkut, miijagijait katimajiillu, ihumaliuqpangmata havaktitlugit hapkuat havaakhat uumani 2020 napaqvikhani aujami ukiakhamillu.

Qujagijumajatkallu napaqtirijikhat nanminirijaujut kangiqhivangmata maliqajumaplugillu imaalu pittiarnikkut, atuqtakhaliuqhimajainnik Dr. Patterson naunaiqhiplutik nappaqtiktakhat havaakhat hivumuuqtukhat kangiqhimalutik maliqajakhamingnik aanniaqtailinikkut inuuhiringnaqtumiklu havaktinginut imalu tamainut Nunavummiunut.

Ajuqhautaugalluaqtitlugit pifdjutiqaqtut taffumanga aanniarunmit COVID-19 Qalagjuarniq, takujumajugut qajangnaittumik iniqtiqtaujukhaniklu nappaqtiqtaujukhanik uumani aujami.

Quana.

 

Minista Kiinaujaliqijitkunni unalu Minista Munaqhiyuq hapkuninga WSCC ilituripkaidjutait

Ublakkut tamaffi.

Quviahuktunga tuhaqtitiplunga tapkuat Nunavut Kavamanga (GN) aullaqtitijut nutaamik pinahuarutkhamik, Nunavunmi Ihariagijaujut Havaktit Akiliuhianginun Qulangnaijautit. Talvuuna, GN-kut maniliqtuiniaqtut pittaaqtunut havagvinut akiliqhilutik mikinikhangmik makliuhiakpaktunut havaktiinut ikaarniinnik havaktainnut.

Havaktit akiliuhiaqpaktut $20 imaaluuniit mikitqijanik atauhirmi ikarnirmi tunijauniaqtut aallamik ilaliutikhanik $5 atauhirmi ikarnirmi. Havaktit akiliuhiakpaktut akkungani $20 unalu $25 atauhirmi ikarnirmi akiliuhiarniaqtut agiglijuumiriangani akiliuhiakhat imaatut $25 atauhirmi ikarnirmi. Maniliqtuutikhat hailijut havagviinut ikajurianginni haffuminga ngitqijamik akiliuhiakhanut imaatut 16 havainirni.

Aullaqtiutikhat, kavamakput tunihijumajut havagvingnut tunihivaktunut aanniaqtailinikkut inuuhiriingnaqtumiklu kivgaqtuijinut aannialiqtaaqtunut Nunavummiut. Hapkuat ilaujut qimaaviit, Ajuqhaqtunut nutaqqanik munaqtauviit, niqikhaqtarviit, Taaktiliaqtunut najugangat, aadjikiivjaktut timiqutaujut. Hamnalu tuniniaqtaqqut pinahuaruti laisiqaqtunut nutaqqiqivingnut.

GN-kut ihumaginiaqtait angigliijuumijukhat havagviit aallanjut havgviujunut qakugunguqqan, pidjutigilugu pinahuarutimik atuqtingit imaalu malniliqtuutikhaq hailikpat.

GN-kut Havagviat Kiinaujaliqijikkut tmunaqhiniaqtut pinahuarutimik maniliqtuutikhamik tapkunga Kavamanga Kanadap. Pilirniaqtugut uuktuutikhanik havagvingnit uumani Hivulliunmi, Imaruqtirvia 1.

Uuktuutikhat titiraqtakhat imaalu aallanik naunaitkutikhat talvuuna pinahuarutikkut hailijut Havagviat Kiinaujaliqijikkut qaritaujakkuurutaani aullaqtirlutik Hivulliunmi.

Ihuarijatka havgviit havagviujullu uqaqtatka uuktuquplugit taffuminga Nunavunmi Ihariagiyauyut Havaktit Akiliuhianginun Qulangnaiyautit.

Tapkuat COVID-19 Qalagjuarniq maliqatqujauhimajut ungavaktauvalliatitlugit, imaalu havagviujut angmaqpalliatitlugit, akhuuqujatka havagvuuktuutimingnik havagviktikiit qajangnaittumik inuuhiringanaqtumiklu havaktimingnut inungnullu maliqatijukhat hakuninga inungnut aanniaqtailitikhanik uqaudjidjuhiiinik taffumuna COVID-19 Qalagjuarniq.

Pitqujatka havav=gviit havaktitluuniit takulugu WSCC qaritaujakkurutaani www.wscc.nu.ca takuurlugit tapkuat COVID-19 Qalagjuarniq atuqtakhat naunaittiarutikhamingnik qanuqtut upalungaijautikhanik angmaffaarutikhanik nanminirijamingnik imaaluuniit utirvikhamingnik havagvingmingnut.

Hamna atuqtakhaq ihuaqtunik atuqtakhanik, ikajuutikhat naunaitkutikhaniklu Nunavunmi havagviit havaktiinullu naunaiqhimajut tadja support and information for Nunavut employers and employees is binungnut aanniaqtailinikkut naunaitkutikhanik pidjutiqaqtunik taffumuna COVID-19 Qalagjuarniq, imaalu tunihijut maliktakhanik qanuqtut qajangnaqtunik naunaijautikhanik havagvingmingni naunaittumik maliqajakharnik havagvingmi qayangnaitkutit atuqtaujunik maliganiklu.

Kitkut havaititijut apiqqutikhaqarumik ikajuqtikhailiurumikluuniit iniqtitinirmut havagvingmi qajangnaitkutikhanik ihivriuqtaunirmik piinariaqaqtut imaatut uqarvigilugit WSCC hivajautaa 1-877-404-4407 qaritaujakkut
Covid-19@wscc.nu.ca

Quana. 

 

Nunavut Kavamanga (GN) uuktuutikhait aanniaqtailitikhanik Nunavummiut taffumanga Qalagjuarniq COVID-19 qalagjuarnirmin, GN-kut Havagvingit atuliktait hapkuat:

Havagviat Aanniaqtailinikkut

COVID Hivajautaa unalu inmikkut-ihivriurnikkut ikajuutikhat

Inuk kituliqaak ihumagumik akuktauvaktun Qalagjuarniq-19min uqaqtukhaujut hivajautikkut COVID-hotline uvani 1-888-975-8601 talvuuna 10mi ublaami 6mun unukpak, ilitugipkaklutiklu nunalaani munaqhitkut qilamminnuaq, talvuuna qilaminnuaq Nalunaiqtukhaujut 14nik ublunik.

Kinaliqaak pittaaqtuq qaritaujakkut inmingnik qaujimattiaqtuq qaritaujakkut inmingnik naunaijautikhanik atuqtakhamik nu.thrive.health

Qaffiujut 

Tingmijut utiqtun naunaikutit:

Tingmijuq Qanurittuq

Inuit Avaliingaaqtitaujun talvannga Qiqaijaluarvia 27

Taaktiliaqnikkut Tingmidjutit

149

Inuit inmikkuuktut

96

Ilihaqtut

0

Attautimun

245

Tingmijut utiqtun naunaikutit:

Aullarvia Ublua

Amigaitilaangin Tingmijun Avaliingarvingnin

Qiqaijarluarvia 28

24

Qiqaijarluarvia 29

6

Qiqaijarluarvia 30

0

Qiqaijarluarvia 31

9

Imaruqtirvia 1

35

Ihariagijauqpiaqtuni Havaktini Tukhirutin

Talvanga Qiqaijaluarvia 24, pilik 1,192 tukhirutinik, 913 taapkuat ihariajijauqpiaqtunin havaktinin tukhirutiujun.

Tukhirutini Qanurittuq

#

%

Angiqtaujun (ilaujun ihariagijijauqpiaqtun ihariagijaulluangittullu)

1018

85.9%

Qingijaujun

135

11.3%

Ihumaliurutaujut huli

39

3.3%

Attautimun

1192

100%

Ilinniaqtuliqijikkut Havagvianin Havagutait

Havagviat Ilinniaqtuliqijikkut piliuqtut maliktakhainik nutaqqiqiviit angmaffaarianginni, inaunaitkutikhainnik halummaqtidjarikharnikkut imaalu uaqhinirmut halumaqhtikhainnik, imaalu inungnit ahiqpangalutik nutaqqamingnik agidjigumik nutaqqamingnik aikhirumiklu. Naunaiqyumigumaguvit talvungaulutin:

Qablunaatun - https://gov.nu.ca/education/information/child-care-facility-guidelines-re-opening-Imaruqtirvia-1-2020

Inuktitut - https://gov.nu.ca/iu/education/information/pairivvinnut-atuagait-matuikanniqpata-juuni-1-2020mit

Inuinnaqtun - https://gov.nu.ca/in/ilinniaqtuliqiyikkut/information/nutaqqiqiviit-igluqpaini-maligahat-angmaffaaqata-imaruqtirviani-1

Uivivitun - https://gov.nu.ca/fr/education/information/directives-pour-la-reouverture-des-etablissements-de-garde-denfants-le-1er

 

Havagviat Avatiliqiyitkut Kivgaqtuutikhait

Avikturnianni min'nguirviit Nunavunmi angmaffarniaqtut Imaruqtirvia 1, 2020. Tamaita min'nguirviit igluqpait umikhimajut, min'nguirviit angmakhimaniaqtut hilami hulipkaidjutikhanik. Nunavut iliglihimatqujait hilami katimajut amigaitqijaungittumik 25 inungnik atuqtauniaqtuq min’nguirviillu.

 

 

Nunavunmiut aanniaqtailidjutait atauttikkut munaridjutigijaqqut! Itqaumaluhi: uaqlugin algatin qaangillu hunavaluit, inuqarnirmi ahiqpaniitpaklutin, naalaklugit uqautidjutait anniaqtailinikkut havaktinin, aihimalutillu aannialaqiguvin.