Havaktingit

You are here

Qalagjuarniq-19 GN Ilitturipkaidjutit - Qiqaijarluarvia 25, 2020

mii 25, 2020

Hivuliqtiup nutaanguqtirhimayut ilituripkaidjutait::

Ublaakkut. Piqangittuq huli naunaiqhimajunik pinahugijaujunikluunniit COVID-19 qalagjuarnirnik Nunavunmi.

Ublumi, atauttimun amigaitilaanginni inuit ihivriuqhiqtaujun ublumimun unaujuq 1010. 122 inuit tadja huli ihivriuqhiqtaujun.

Dr. Patterson tuklikhainnik uqautiginiqtait qanuriliurutikhaptingnik atuliqtaptingnik nutaanik taffumuuna aanniarutaujukkut COVID-19 Qalagjuarniq. Tamna qipilruq aanniarutat tikihimaitkaluaqtitlugu Nunavunmut ublumimut, ilihimajugut upalungaiqhimajukhaujugut imaalu qajagijariaqaqtugut huli piliuqhirlugit aanniaqtailitikhanik kapuutikhamik havautikhamikluuniit. Dr. Patterson ihumagijatka nakuukpiaktut havaqataillu piliuqtut nakuukpiaktunik atuqtakhaliuqhimajut Nunavummiunut, naunaijaqhimajut inungnut aanniaqtailinikkut naunaiqhimajainnik nakuujuniklu atuqpaktainnik. Atuqtakhaliurutaujut qanuqtut qakugulu hivumuuqpalliadjutikhanik, akugullu nutqangalagvikhanik ihivriuqhiffarlutik naunaijailutiklu,imaalu pijariaqarumik/atuqtitiffaaqtukhaugumik maliqqatqujauhimajunik.

Qujagijavut inuit tamaita akhuuraluk havakpiakpaktut ihuaqhaiplutik upalungaijautikhaliuqhutik, tinungnut tamainnut ilauvaktunut Nunavunmi kiudjutikhainnik COVID-19 Qalagjuarniq atuqtaptingni kingulirni 10 havainiinni, imaalu inungnut tamainnut uuktuqpiakpaktunut avikturniqqut qajangnaikhimaplugu imaalu aanniarnaittumik. Havaakhariakpiaktugut huli, aullahimmarniaqtaqqut apqutikhaqqut attautikkut tamapta.

 

Atanilluaq Inungnun Aanniaqtailinikkut Havaktimin nutaanik-ilitturipkaidjutit

Ublaakkut. Kangiqtavut malruuk tatqiqhiutik ajurnaingittuk, imaalu tamarmik Nunavummiut hulittailiqpiakpaktut quviagijamingnik.

Kihimi, quanaqtut tamapta akhuurutivut, aanniaqtailijavut ilavut, nunagijavut, avikturniqqullu haffumanga aanniarjuarunmit,imaalu tamaita Nunavummiut ikpiguhudjavut ilihimalutik qanuriliurutait ikajuutauqpiaktut Nunavunmi aanniaqtailiplugit qajangnaittumiklu.

Hivumuuqpallianginarialaqijugut. Hamna tukiqangittuq aanniarjuarut qangiutingittutr. Hamna tukiqangittuq qajangnaiqhimaittuq huli. Taimaittumik qajagijariaqaqtugut utiqtitivallialuta hulipkaidjutikhanik quviagijaptingnik, ilihimalutallu aallanguriaqaqtavut idjuhivut aanniaqtailitikhaptingnik qajangnaqtunit.

Tikittukhani havairnirni, havaqatiginiaqtavut tigumiaqtivut angmaffarutikhanik nanminirijamingnik, hulilukaarutivut, imaalu ilihaqtitivikhavut qajangnaittumik, aularanginnaqtumiklu, imaalu qajangnaitqijaujumik aanniaqtailinikkut qajangnaittumiklu Nunavummiunut. Ilihimaluhillu uukturnahualiqtugut nutqaqtitpalliadjutikhainnik pittailijaujut maliqqatqujauhimajut iluanni, aturiaqaqpiaktuq taimaittumik maliqajakhaliuqtut avikturniinnit qaijumajut maliqqajukhat ikitnikhaujukhat qajangnaitkutikhanik tikittailinahuarlugu aanniarut COVID-19 Qalagjuarniq avikturniannut.

Taimatut uqaqtunga quviahuktunga tuhaqtitiplunga talvanga Imaruqtirvia 1:

  • Nutaqqiqiviit angmaqtitaulahinialiqtut ikarnirivaktainni havagvigivaktainnik.
  • Amigaitilaaqarniaqtut kigliqarlutik hilamiitunut katimaqatigiiktunut amigaigjuumivjangnialiqtut imaatut 25-nik inungnik.
  • Aviktuqhimanirmi min’nguirviit angmaffaaqtaunialiqtut hilami hulipkaidjutikhainnik, nunamingni pipkaijuminaqqata. Tamaita min'nguirviit igluqpait umikhimaniaqtut.
  • Hamlanganni hilami nutaqqat ulapqiujarviit angmaffaarnialiqtut,imaaluttauq, nunamingni pipkaijuminaqqata.

Hapkuat iidjuhiit pikuktaujut qajangnaitqijaungmata. Hivumuuqpalliadjutikhavut, upalungaijautikhavut naunaijaffaarlugit qanurinnignit naataraikpata malrungni havainingni. Idjuhia taffuma COVID qalagjuarniq Nunavunmi nakuukpat ihuaqatlu, nutqaqtitivalliahimaarniaqtugut inungnut aanniaqtailitikhanik maliqatqujauhimajunik, taimaaqtitivallialuta qajangnaitqijaujunik hulipkaidjutikhanik ilihaqtitivikhaniklu. Iidjuhiqqut nakuuhimmaaqqat, aullajakhaittunaqhijugut imaalu ihumajugut nutqaqtitpalliagupta aallanik maliqatqujauhimajunik qajangnautaujunaittuq Nunavummiunut. Kingulirmik, qajangnakhikpat tamna COVID-19 Qalagjuarniq amigaigjuumikpata, imaaluniit nutqaqtitaujugaluaqtut inungnut aanniaqtailitikhat maliqqatqujauhimajut aqajangnaqhitikpata inungnut aannialirnaqtumik avikturnianni, atuffaalirniaqtavut imaaluuniit atuqtitauffaalirlugit qanurittunik maliqajakhainnik.

Uvangalu piujajunga utiqpallialirluta idjuhiraluaptingnut. Tamata pillahijumajugut ilihimajumajugullu qakugu qajangnaittmik tingmitikkut aullalahijumapluta avikturniptingni, imaaluuniit hilalirijaptingnut nunagijaujunut. Kihimi, ihumaginahuarnirmik hivunikhami naunaiqhimajunik ublukhainnik imaalu qakugu nutqarvikhainnik tamainnik inungnut aanniaqtailinikkut maliqatqujauhimajunik nalaumajunaittuq, imaatullu, ikpiguhuutiqarunaittuq.

Tamna COVID-19 qalagjuarniq aanniarjuarutat aallanguqataqpaktuq qilaminnuaq, imaalu havainiq tamaat tuhaqtitivaktut nutaanik naunaiqtaujunik atuqhugit qanuriliurutikhaliurnirmut imaalu inungnut aanniaqtailitikhanut ikajuutikhanik. Itqurniarahuarutivut ihumaliurutivullu piliuqhimajut naunaiqtauhimajut ublumimit kangiqhipkaidjutikhait aanniarunmik atuqtauliaihainnarniaqtut qakugunnuaq. Taimaittumik, atuqtakhaliurumajugut ihuaqhijuminaqtumik, qajagilugit, ihuaqhijuminaqtunik idjuhianut avatiptingnut.

Taimaluttauq, Qujagijumajatka tamaita Nunavummiut utaqqivangmata, kangiqhimattiakhutiklu imaalu maliqatiplutik. Inuk tamarmi aktuqtauhimajuq qanuqtutliqaak haffumanga aaniarjuarunmit, kihimi tamapta attautikkut akhuurutivut ikajuutaukpiaktut Nunavunmut qajangnaittumik ublumimut. Hamna kiujunnautiqaqtuq munarijakhaqqut aullahimmaariaqaqtuq, imaalu, nutqaqpalliaguptigiik pittailijaujut maliqqatqujauhimajut, taimailiuriaqaqtugut huli ahiqpangajukhaujut aallanit inungnit, inungmiutaililuta aanniangalirupta algavullu uaqattaqpaglugit.

Quana.

 

Ilaupluni Nunavut Kavamangani (GN) havagutainni hapumminikkut Nunavunmiunnik uumannga aanniarnmik COVID-19 qalagjuarniq, GN-kunni Havagviit atuqtipkaliqtait hapkuat:

Havagviat Aanniaqtailinikkut

COVID Qalagjuarniq Hivajautaa unalu inmikkut-ihivriurnikkut ikajuutikhat

Inuk kituliqaak ihumagumik akuktauvaktun Qalagyuarniq-19min uqaqtauyut hivayaqtauyakhait COVID-hotline uvani 1-888-975-8601 talvuuna 10mi ublaami 6mun unukpak, ilitugipkaklutiklu nunalaani munarhitkut qilaminuaq, talvuuna qilaminuaq anilimaiqtukhauyut 14nik ublurnik.

Kinaliqaak pittaaqtuq qaritaujakkut inmingnik qaujihaqtaaqtut qaritauijakkut ingmingnik naunaijautikhanik atuqtakhamik nu.thrive.health

Qaffiujun

Tamatkiutit (Tamaita Avaliingarnirni Najurviinni)

Tingmijuq Qanurittuq

Inuit Avaliingaaqtitaujun talvannga Qiqaijaluarvia 24

Taaktiliaqnikkut Tingmidjutit

141

Inuit inmikkuuktut

89

Ilihaqtut

0

Attautimun

230

 

Tingmijut utiqtun naunaikutit:

Aullarvia Ublua

Amigaitilaangin Tingmijun Avaliingarvingnin

Qiqaijarluarvia 23

14

Qiqaijarluarvia 24

6

Qiqaijarluarvia 25

31

Qiqaijarluarvia 26

19

Qiqaijarluarvia 27

15

 

Ihariagijauqpiaqtuni Havaktini Tukhirutin

Talvanga Qiqaijaluarvia 24, pilik 1131 tukhirutinik, 878 taapkuat ihariajijauqpiaqtunin havaktinin tukhirutiujun.

Tukhirutini Qanurittuq

#

%

Angiqtaujun (ilaujun ihariagijijauqpiaqtun ihariagijaulluangittullu)

963

84.6%

Qingijaujun

127

11.2%

Ihumaliurutaujut huli

41

4.3%

Attautimun

1131

100%

 

Ilinniaqtuliqijikkut Havagvianin Havagutait

Havagviat Ilinniaqtuliqijikkut piliuqtut maliktakhainik nutaqqiqiviit angmaffaarianginni, inaunaitkutikhainnik halummaqtidjarikharnikkut imaalu uaqhinirmut halumaqhtikhainnik, imaalu inungnit ahiqpangalutik nutaqqamingnik agidjigumik nutaqqamingnik aikhirumiklu.

Havagviat Ilinniaqtuliqijikkut uqarviginiaqtait tamaita laisiqaqtunut nutaqqiqiviit tikittukhani ublukhainni.

 

Nunavunmiut aanniaqtailidjutait atauttikkut munaridjutigijaqqut! Itqaumaluhi: uaqlugin algatin qaangillu hunavaluit, inuqarnirmi ahiqpaniitpaklutin, naalaklugit uqautidjutait anniaqtailinikkut havaktinin, aihimalutillu aannialaqiguvin.