Havaktingit

You are here

Qalagjuarniq-19 GN Ilitturipkaidjutit - Imaruqtirvia 1, 2020

Immaktirvia 01, 2020

Ministaup Aanniaqtainikkkut pidjutigiplugu Hivuliqtip ilitturipkaidjutikhaa:

Ublaakkut. Himmautaullangniaqtunga Hivuliqti Savikataamut malrungnik huna ilitturipkaisdjutikhangnik titirarlunga.

Piqangittuq huli naunaiqhimajunik pinahugijaujunikluunniit COVID-19 qalagjuarnirnik Nunavunmi. Ublumi, atauttimun amigaitilaanginni inuit ihivriuqhiqtaujun ublumimun unaujuq 1,103. 142 inuit tadja huli ihivriuqhiqtaujun.

Ublumi Imaruqtirvia 1st, nutaqqiqiviit angmarniaqtut ublumi, angmarimagumik hanaiqhimagumiklu halummaqtittiaqtakhamingnik iniqhigumik maliqatqujauhimajunik. Avikturniinni min'nguirviit ukuallu hamlanginni hilami ulapqiviit angmaqtut, imaalu katihimajut hapkunani amigaitilaqaktukhat kigliqarniaqtut 25 inungnik hilami katihimajuthilami hulilukaaqatigiiktuni tadjakaffuk.

Aallanik uqaqtinnata ilitturipkaidjutikhanik, Ilitarijumajatka Nunavutimi Iniqtut Ilihaqatigiiktut 2020.

Kangiqhimajugut qanuqtut ajurnaqpiarutaanik qangihaaktavut tatqiqhiutait atuqpagaqhi. Hunata tamaita aallanguqpiakhimavaktut, ilihaqtut iniqtut quviahuutigijakharaluangat iniqtiutimingnik pijakhamiktut.

Uqaramma taimaatut, kihimi ilihaqtuhi iniqhivluhilu. Hunatliqaak aqhalimaittaatit iniqtiutingnik, haffumaugaluap COVID-19 Qalagjuarniq.

Quviahuktugut nan'ngarijavullu hakugingnitit, akhuukpiakpaktuhillu iniqtirinahuaqpiakhuhi ilihaqtaffingnik. Tapkuat quviahuutaujukhat, unngahiktuugaluamit, imaaluuniit akhaluutiturlutik iniqtut quviahuutigilugit, atauhillaanik piksaliurlutik, imaaluuniit ikittunik inungnik katimaqatiggiiktut ilagiit ilannatitluuniit.

Tamarmik Nunavummiut ihumajut nakuukpiaktumik pitqujaahi tamaffi humut aullaniaruffi inuuhirni qanuriliurumaguffi. Alianaqpiaktuq iniqtiutikhi ilihaqtaffingnik hivumuuqpalliadjutikhaqhilu tuklianik inuuhikhaffingnik qajangnaiqqat qanuriliuraimi.

Havakpiaqhimajuhi upalungaiqhimaliqhutillu. Humulliqaak pinahuarlutin, nakuujumik piniaqtutin.

Pidjutigiplugit Nunavut Kavamanga, quviahuutigilavut Iniqtut Ilihaqtut 2020!

 

Minista Aanniaqtailinkkut ilitturipkaidjutaa:

Ilautqujatka tamaita Nunavummiut quviahuutigilaqqut Nunarjuami Tibaaquqturnaittuq Ublua, Unaguiqhirvik, Qiqaijarluarvia 31. Hamna ukiuq tamaat naunaiqhivaktut inuuhirmut qajangnaqtut pidjutiqaqtut tibaakurmik aturniannit, imaalu akhuurutigivaktait ihuaqtut atugakhat ikiglinahuarutikhanut tibaakuqaqtunik aturniannik.

Tadja, tamapta havakpiakpaktugut akhuurutigivakhugit inungnut aanniaqtailitikhat maliqujauhimajut aanniarunmit COVID-19 Qalagjuarniq. Inungmiugupta qanituriiktukhaungitugut, aihimavaglutit humungauhimaittumik pullaqtaililutilu, imaalu uaqattaqpaglugit algakkit pittaaruvit. Hapkuat qanuriliurutikhavut, ikajuutaujut aanniaqtailipluta uvaptingnik, nunallavullu avikturniqqullu qajangnairttumik. Atuuruijarniq tibaaquaqtunik atauhiungmijuq ikajuutikhaqqut aannialiqtailitikhaqqut aktuqtauninganik haffuma aanniarjuarutimit. Ilihimajugut tamna COVID-19 Qalagjuarniq taimaittuujumik puvvakkut aanniarutaujuq imaalu qaujihaqhimajainnit naunaiqtaujut higaarniq ingattarnaqtuq mihingnautainnut. Higaajuktut aannialirniarurnaqtut taffuminga aanniarunmik COVID-19 Qalagjuarniq higaarniq aannialiutauniaqtuq higaajuktumut aktuanganit akuliangminik umilrurminiklu. Puiguqtailutit: aallanut atauhirmik higaarmik higaaqatiqaqtaililutit higadjanik, higaarlungnik, paipangnikluuniit. Tiguhitailugit higaarnikurmik higaarlungnikluuniit higaarnikumik nunamit iqaqunik. Uqaqattaqpaglugit algakkit, aktuqtaililugulu akkuliakkit.

Nakuukpiaktumik ikajuutikhaqqut inuuhiptingnut taimaarupta higaaruijarupta. Ihumaliurutpta higaaruijarluta, ikajurniaqtugut uvaptingnik aanniaqtailitikhaptingnik taffumanga COVID-19 Qalagjuarnirmit ublumi, imaalu ihuaqhijuumirniaqtugut inuuhiptingnik atuqtakhani havainirni, tatqiqhiutinni, ukiunillu. Ikajuutikhat hailijut kinamutliqaak ilitturinahuarumajunut ikajuutikhamingnik higaaruijagumagumik. Tuhaqtitakhaa uqaudjijimit talvuuna Tibaakut Hamaniirvikhaqangitun Facebook makpirnia imaaluuniit hivajarlutit 1-866-368-7848 24nik ikaarninik angmaumajuq, 7nik ublunik angmaumajuq. Tamna ikajuutikhaq ilikkuinnarmut pidjut akiitturlu. Uqaqatigiiktumik ikayuqtiuyut ikayuqtaaqtaatit uqarlutik Inuktitut, Qablunaatitut, Inuinnaqtun Uiviititullu.

Nicotine-mut himmautikhat ikajuutikhat, imaaluuniit NRT, hailijut akiittut talvuuna Qulainaijautiqangitut Aanniaqtailinikut Ikajuutinik pinahuarutit nunangni munaqhitkunit havautihaqarvingmitluuniit. Hivajaqqarlutit upautitinatit, apirilugit munaqhitkut naunaiqhitikharnik imaalu aturnikhanut NRT.

Quana.

 

Ministangat Havaktuliqijitkut ilitturipkaidjutikhaanik:

Ullaakkut. Titiraqhimajumi uumani Dr. Patterson, Nunavut Kavamanga ihivriuqhiffaaliqtuq maliqatqujauhimajunik atuqtakhaliuqtaiuhimajut kiudjutikhanut COVID-19 Qalagjuarniq. “Nunavutip Apqutikhaa: hivumuuqpalliadjutikhat aullatitlugu COVID-19 Qalagjuarniq” tuhaqtitauhimajut kingulirmi havainirmi ihuaqhaqhimajut kavamatkut atuqtakhaliuqtainnik nutqaqtiqpalliadjutikhainut maliqatqujauhimajunik, naunaijautigilugit ikiglinahuarutikhanik qajangnaqtut pidjutiqaqtut qupilrurmut aanniarunmut ikiglinahuarutit aktuqtauniinutNunavummiunut. Naunaijautigiplugu tadja qanurinnianut qajangnarniat aktuutaujullu maliqajakhainnut, angmaffaarnialiqtut havagviit ihumagijaujuq qajangnaivjaktuq maliqjakhat.

Ublumi, ITuhaqtitijunga nutqarnialiqtuq Nunavut Kavamanga havaktutkhat aimavingmingnit pianhuarutikhat Nunavut Kavamanga havaktingita. Aullaqtirlugu Hivulliunmi, Imaruqtirvia 8, 2020, GN-kut havaktingit tadja “havakpaktut aimavingmingni” utiinariaqarnialiqtut havagvingmingnut.

Hamna ihumaliurutauhimajuq uqaqatigiplugit Inungnut Aam=nniaqtailinikkut Havaqatigiiktut ukuallu Havaktiit Aanniaqtailinginni Akiliuhirnikkullu Katimajiingit (WSCC). Ilitaqhijugut taimaatut aanniarnaittumik havagviit ihuaqtuq aanniarnaittumik imaalu inuuhiringnaqtumik tamainut havaktiptingnut, pidjutigiplugit inmi ajuittatik imaalu auladjutikhangit kivgaqtuidjutimingnik tamainut Nunavummiut.

Ikajuutikhanut qajangnaittumik aanniarnaittumiklu havagvingni, GN-kut maliktakhait WSCC maliktakhait talvuuna qajangnaitkutikhanut naunaijautikhat havagvingmi qajagijakhainik imaalu maliqahimmaarlugit atuqtaujukhat imaalu pittailijaujut atuqtakhaliuqhimajait Atanilluaq Nunalaani Aanniaqtailinikkut Havaktimit kiudjutikhanginnik COVID-19 Qalagjuarniq. GN-kut havaktingit tunijauhimmaarniaqtut aanniaqtalinikkut qajangnaitkutikhaniklu naunaitkutikhainnik maliktakhaniklu aullaranginnaqtumik. GN-kut havakti ukuallu Ilagiit Ikajuuhiaqtit Pinahuaruti hailijut ikajuutikhanik tamainut inuuhiringnaqtumik GN-kut havaktingit ilagijainullu.

Kivgaqtuqtiujut havagviujunit havaktut uumani havainirmi naunaijakhugit havakviit upalungaiyautikhanik utirvikhanik GN-kut havaktingit imaalu ahiqpangajukhaujut aallanit inungnit havaktitlutik aullahimmaaqtukhaujuq. Ilangit havaktit aallatqiiktunik utiinariaqaqtut havagvingmingnut aimavingmingnit havaktut.

Ilihimajugut tapkuat iliharviit umikhimadjutaat imaalu qaujimangittumik aujami hulilukaarvikanik nutaqqat tadja taimaatut angajuqqaat naunaijauvikhanik nutaqqiqijikhamingnik imaalu akhuuqhajavut hivajaquplugit atan'ngujamingnut uqautigilugit qanuriliurutikhamingnik.

Tadja huli, ikittukhaujut inungnik upautijumajunik havagviinnut maiqjanginni ikajuutikhaniklu inungnit ahiqpangajukhat imaalu aanniarnaittumik qajangnaittumiklu tamainut Nunavummiunut.

Qujagijumajatka tamaita GN-kuni havaktingit akhuuqpiakhuhi havakpiakpakaffi imaalu havakpakhuhi nallunaqtunik atuqpaktaptingnik. Iliffingnut inuuhiringnaqtumik aanniaqtailinikkullu hivulliutijakhavut.

Qujagijumajatka tamaita Nunavunmiut allaranginnaqtumik utaqqivangmata imaalu kangiqhivakhuhi aullaranginnaqtumik tunihijugut hulidjutit ikajuutikhaniklu.

Quana.

 

Atanilluaq Inungnun Aanniaqtailinikkut Havaktimin nutaanik-ilitturipkaidjutit

Ublaakkut. Ublumi aullaqtilirvia Nunavutip Apqutikhaanut. Nutaqqiqiviit, avikturniinni min'nguirviit, imaalu hilami ulapqiujarviit angmaffaaqtut, imaalu amigaitilakhangit hilami hulilukaaqtitijut katimapkaijut amigaigjuumijut imaatut 25. TUblumi hivulliqpangujuq malruiqturlugu havainirmi qaujihaidjutikhainnik pidjutiqaqtunik ihuaqhautikhanik inungnut aanniaqtailinikkut maliqatqujauhimajunik.

Naunaijaititluta ihuaqhainahuarutikhaptingnik inungnut aanniaqtailinikkut maliqatqujauhimajunik, uqautigijumajatka kangiqhittiaquplugit tamata Nunavummiut aullaranginaqtumik anginiqaqtuq ahiqpangajukhaujut aallanit inungnit inuqarnirmiugaigupta. Ublumimit naunaijaivangnialiqtugut ihuaqhailuta naunaijailutallu nalliinnik nutqaqpallialugit maliqatqujauhimajunik, kihimi tamna taimaarunaitaqqut inuqarnirmiugaigupta inungnit ahiqpangavaktukhaujugut.

We’ve noticed through tilitturivalliajugut inungnik qaniklihimajainnik qaujihaqtauniinnit tapkuat inuit qaniklihimajait amigaigjuumivallialiqtut. Amigaitqijauliqtut inungnik qaniklihimajainnik ajurnnaqhitqijautiniarliqtuq naunaiqhivikhanik imaalu hiamitiqtailitikhanik COVID-19 Qalagjuarniq nunaptingni.

COVID-19 Qalagjuarniqaullaranginnaqtumik qajangnaqtuq huli Nunavunmiunut, aannialiqtailitikhaittugut taffumanga aanniarunmit. Hamunga tikittugut qujahuktaa tamapta akhuuqpautiptingnik uuktuqpakhutallu,kihimi uuktuutigivaktavut aullahimmariaqaqtut huli.

Taimatut uqaramma, Iqujahuktunga tuhaqtitijumaplunga hapkuat ihuaqhaqtaujut maliqujauhimajunik inungnut aanniaqtainikkut maliqujauhimajunik atuqtaulirniaqtut tuklikhanik malrungni havainingni.

Atuqtauliqtukhaq qilamik.avikturniptingni Nunavunmi iluanni tingmitikkut aullarvikhat angmaqtaujuq. Tingmitikkut aullarvikhat hilataanut Nunavunmit pitqujaungittuq huli. Inullaat tingmitikkut aullarumajut ahianut Nunavunmit qaujimajukhaujut atuqtukhaujut avalingarvikhanik itiqtirviinni naunaiqtauhimajuni mailtakhainnik utirnahualirumik, imaatullu maliqatqujauhimajunik aallanit nungijaujunit piliuqhimajainnik ikittumik,imaaluuniit tingmitikkut aullaqujingitunaqhijullu.

Uumani Imaruqtirvia 8, havagviit imaalu niuvvaaviit angmaffaarniaqtut, qajangnaitkutikhanik maliktakhaliuqhimagumik. Qun'ngiarvikhat, ingilrarnittanik tutquumaviit, imaalu taiguarviit angmaffaarniarunaqhijut inungmut qun'ngiarvikhanik takujaqpulaarvikhaniklu, kihimi inungnik katimajunik pitqujingittut. Amigaigjuuminialiqtut inungmik aanniaqtunik ihivriuqhirvikhanik munaqhiqarvingni aanniarvingnillu tamainni avikturniinni.

uumani Imaruqtirvia 15, kiguuhiqiviit, iqaijarnikkut takuurhirviit, iqaijarviillu, ukuallu chiropractic havaktauviit angmainarialaqiniaqtut atuqtauffalirlutiklu. Ulapqiviit puvjarviillu angmaffaarniaqtut atauillaanut iqaijarvikhanik imaalu atauhirmi nalrujumik puvjarvikhanik.

Naunaidjavat, tapkuat tamaita maliqatqujauhimajut pidjutiqarniaqtut aallanguqtaaqtut idjuhiit aallanguqqata.

Quana.

 

Ilaupluni Nunavut Kavamangani (GN) havagutainni hapumminikkut Nunavunmiunnik uumannga aanniarnmik COVID-19 qalagjuarniq, GN-kunni Havagviit atuqtipkaliqtait hapkuat:

Havagviat Aanniaqtailinikkut

COVID Hivajautaa unalu inmikkut-ihivriurnikkut ikajuutikhat

Inuk kituliqaak ihumagumik akuktauvaktun Qalagjuarniq-19min uqaqtukhaujut hivajautikkut COVID-hotline uvani 1-888-975-8601 talvuuna 10mi ublaami 6mun unukpat, ilitugipkaklutiklu nunalaani munarhitkut qilaminuaq, talvuuna qilaminuaq anilimaiqtukhaujut 14nik ublurnik.

Kinaliqaak pittaaqtuq qaritaujakkut inmingnik qaujihaqtaaqtut qaritauijakkut ingmingnik naunaijautikhanik atuqtakhamik nu.thrive.health

Qaffiujun

Tamatkiutit (Tamaita Avaliingarnirni Najurviinni)

Tingmijuq Qanurittuq

Inuit Avaliingaaqtitaujun talvannga Qiqaijaluarvia 29

Taaktiliaqnikkut Tingmidjutit

158

Inuit Inmikkuuqtut

116

Ilihaqtut

0

Attautimun

274


Tingmijut utiqtun naunaikutit:

Aullarvia Ublua

Amigaitilaangin Tingmijun Avaliingarvingnin

Qiqaijarluarvia 30

0

Qiqaijarluarvia 31

9

Imaruqtirvia 1

35

Imaruqtirvia 2

6

Imaruqtirvia 3

16


Ihariagijauqpiaqtuni Havaktini Tukhirutin

Talvanga Qiqaijaluarvia 31, pilik 1,291 tukhirutinik, 987 taapkuat ihariajijauqpiaqtunin havaktinin tukhirutiujun.

Tukhirutini Qanurittuq

#

%

Angiqtaujun (ilaujun ihariagijijauqpiaqtun ihariagijaulluangittullu)

1100

85.7%

Qingijaujun

146

11.4%

Ihumaliurutaujut huli

45

3.0%

Attautimun

1291

100%

 

Aulahimaaqtun havagutit:

Pidjutikhat aanniaqtailinikkut munaqhitikhanik havagutit aullajunaittut hailihimaarniaqtut tamainni nunallaani 7-ni ubluni havainirmi. Tamaita amirakhuutaungittut takujaujumajut naunaijaqtauvangniaqtut ubluq tamaat. Qilamik piyaanirit qilamiurnikkut aaniaqjuaqtunun aanniaqtilinirmun munaqhijut kivgaqtuutait aulahimaarniaqtut piinarialgit 24ni ikaarnirni ubluni, 7ni ubluni havainirmi. Tamaita inuit apirijaujut hivajaqujaujut munaqhiliaqtinnatik.

  • Iqalungni, inungnut aanniaqtailitikhat, amigakhuqtunut igluangat unalu aanniaqtunik ihivriuqhirvik angmaqhimaniaqtuq.
  • Nutarannuanik ihivriuqhirviit, hingaijunik ihivriuqhirviit ukuallu kapuqhirniq havautikhat ikajuutikhanik aullahimmaarniaqtut huli tamainni nunani Nunavunmi.
  • Taaktit nunallaanut aquivangniaqtut huli. Una pilimaitpat, tiviikkut uqaqatigiingniaqtut hivayautikuluuniin.
     

Ihuaqhaqtauhimajut kivgaqtuutit:

Upautidjutikhatit munaqhitkunni kinguvaqtitauyut, una pidjutauyuq upautidjutikhat hivayautikuungniaqtut upautilutikluuniin.

Aanniarviliaqtunut tingmidjutikhainut ikigliyauyut haffumuuna qilamiurnikkut tingmipkaqtauyunun. Aaniniaqtut inuit uqaudjauniaqtut hapkuninga aallanguqtauniinnik imaalu ilauniaqtut uqautaulutik.

Iqaluingni, aanniarviup ahiani ikayuqtauyut nutiqtauliqtut tamaita upautidjutikhat uvalu havaliqhugit upautidjutikhat. Ihivriuqhivikhangit ihivriuqtauyukhanik auktaqtauyukhat ukuallu Iksuliirhiqtut uvani QGH ikikliyuumiqtut kivgaqtuutait. Tamaita ihivriuqhirvikhait kinguvaktitaujut.

MHA nuutiqtait hivajautikkut naunaiqhitikhait imaalu ikajuqhirvikhainnik ilanginut aanniaqtunut. Ihuaqhariiqhimajut ihivriuqhirvikhait havautikhamingnik aikhirvikhaiinnik imaatullu havautituqtitauvikhait aallajunaittut aallangulimaittut. Ayuqhaliliqpallaruvit, munaqhiliadjavutit. Aimaviinnut pulaaqtauviit havautituqtitijaqturlutik havaktauniaqtut naunaiqtauvaglutik atauhillaanik qanurinniinnik.

Umikhimaniaqtun/Nutqaqtitauniaqtun/Aulahimaitun Hadja kivgaqtuutikhainnik:

Amigakhuutaujuinnait kiguutaijaqtit kivgaqtuutikhait tunijauniaqtut tamainni Nunavunmi nunallaani qakugu tuhaqtitauffarniaqquhi.

Aallangajut ihivriuqtauvikhait taimaaqtitauhimajut. Havaktauliqtut naunaiqhiplutik nalliit aanniaqtut inuit takuujaujukhat hivajautikkut/Naunaijaqhimajut munaqhijauvikhait.

Tamainut aullariaqangitkumik tingmitikkut ihumaliqinikkut aanniaqtunut inungnut llagiiktunullu taimaaqtitaujut. Tamainut aullariaqangitkumik tingmilutik ilamingnun pulaaqtitauyut aanniaqtunun munariyauyunun taimaaqtitauyut.

Pulaaqtiqalimaittut hivitujumut iglugijaujunni iNunavunmi – Munarihimmaaqtauviitlu Igluqpangmiuyut (CCCs) umanillu Inirnikhat Aimaviit.

 

Havagviat Havaktuliqijitkut ikajutiuhimaarnikkut ilituqhaidjutikhaq

tamarmik GN havaktingit utirnialiqtut GN-kut havagviinnut aullaqtirlutik Imaruqtirvia 8, 2020. Hamna ihumaliurutauhimajuq uqaqatigiplugit Atanilluaq Nunalaani Aanniaqtailinikkut Havaktimit ukuallu Havaktiit Aanniaqtailinginni Akiliuhirnikkullu Katimajiingit (WSCC).

GN-kut maliktakhait WSCC maliktakhait talvuuna qajangnaitkutikhanut naunaijautikhat havagvingmi qajagijakhainik imaalu maliqahimmaarlugit atuqtaujukhat imaalu pittailijaujut atuqtakhaliuqhimajait Atanilluaq Nunalaani Aanniaqtailinikkut Havaktimit kiudjutikhanginnik COVID-19 Qalagjuarniq. Inuqarnirmiugaigupta inungnit ahiqpangavaktukhaujugut atuqtauhimmarniaqtut GN-kut havagviinni, imaalu GN-kut havaktigit tujuqtauhimmaarniaqtut aanniaqtailinikkut qajangnaittumiklu naunaitkutikhainnik itqumajakhainniklu aularanginaqtumik. GN-kut havakti ukuallu Ilagiit Ikajuuhiaqtit Pinahuaruti hailijut ikajuutikhanik tamainut inuuhiringnaqtumik GN-kut havaktingit ilagijainullu.

Tadja huli, ikittukhaujut inungnik upautijumajunik havagviinnut maiqjanginni ikajuutikhaniklu inungnit ahiqpangajukhat imaalu aanniarnaittumik qajangnaittumiklu tamainullu Nunavummiunut. Ilaujut inungnut uqaqujaujut hivajautikkut GN-kuni havaktiinik imaaluuniit qaritaujakkut titirarvigilugit. Inungni katimaqatigiiktut pijariaqaqtut, inuit ilaujut inungnut airijauhngujut maliktukhat inuqarnirmiugaigupta inungnit ahiqpangavaktukhaujugut imaaluuniit aallanik aanniaqtailinikkut qajangnaitkutikhaniklu maliqujaujunik.

GN-kut Havagviujut tuniuqhaihimmarniaqtut inungnut tuhaqtitaujukhanik ilitturipkaidjutikhanik ihuaqhaqtaujaraikpata pinahuarutikhainnik kivgaqtuidjutikhainiklu havaktunut aimavingmingnit nutqaqqat.

 

Nunavunmiut aanniaqtailidjutait atauttikkut munaridjutigijaqqut! Itqaumaluhi: uaqlugin algatin qaangillu hunavaluit, inuqarnirmi ahiqpaniitpaklutin, naalaklugit uqautidjutait anniaqtailinikkut havaktinin, aihimalutillu aannialaqiguvin.