Nunavut Kavamanga tuhaqtidjutigiyaat atanilluanguyunut tikkuaqtauhimayut

Inungnut Tuhaqtidjutikhaq

Tuhaktitauhaktukhaq

Nunavut Kavamanga tuhaqtidjutigiyaat atanilluanguyunut tikkuaqtauhimayut

KUGLUKTUK, Nunavut (Immaktirvia 12, 2015) – Hivuliqti Peter Taptuna tublumi tuhaqtittiyuq ukuninga aallannguqtirutinut uumunga Kavamanga (GN) atanilluanguyunut.

Atuliklugu Qiqaiyaqluaqvia 29, 2015, Virginia Qulaut Lloyd una Ministaup Tuglia Kavamaliqiyikkunni (EIA). Ms. Lloyd atannguyalluagugaluaq qanuriliurutikhanut upalungaiyagakhanut EIA-kunni, atanilluanguyuugaluuhimavlunilu Nunavut Tunngavikkut Timinga-kunni.

Atuliklugu Immaktirvia 15, 2015, Peter Tumilty, tadja ministaup tugliata ikayuqtia Kiinauyaliqiyikkunni, naittumi hivitunikhaqaqhuni angiyuqqaangullaktuq ukunani Qulliq Alruyaktuqtunik Ikumadjutiit (QEC). Havanga QEC-kut angiyuqqaanga angmakniaqtuq inungnut uuktuktillutik tamainnut havaakhamut, ilagivlugu GN-kut havaktakhainut ihuaqtumik aadjikkiikhutiklu kavamatkuni aulalutik.

Mr. Tumilty himmiutigiyaa Alain Barriault, havaamitigut taimaaqtitaqtuq Nunavunmi kavamatkuni havaktiuvakhuni ublumi. Havaktinnani QEC-kunni, Mr. Barriault angiyuqqaanguyuugaluaq Nunavunmi Igluliqiyiiryuat-kunni.

"Hakugikhinahuginiaqtakkut hivuliqtiudjutivut tikkuaqhiluta ayuittiaqhimayunik nunaqatauhimayunut ihuaqtunut atannguyanut havaakhainut, akhuurutiginiaqtakkut havaktakhaptingni una pihimmaaqlugu," uqaqtuq Hivuliqti Taptuna. "Quyagiyara Mr. Barriault havakpiakpakmat kavamatkuni havaarivaktamini."

###

Tuhaqtidjutikhanut Uqaqvikhaq:

Yasmina Pepa

Atanilluaq, Kavamatkunni

Havagvia Hivuliqti Taptuna

Hivayautaa: 867-975-5059

Qaritauyakkut: ypepa@gov.nu.ca