Havaktingit

You are here

Hivuliqti uqaqhimajait angijukhiinni atan'ngujani aallanguqtirutiinnik

Maassi 26, 2021

Tuhaqtitaujukhaq

Hivuliqti uqaqhimajait angijukhiinni atan'ngujani aallanguqtirutiinnik

Iqaluit, Nunavut (Qiqaijalirvia 26, 2021) – Hivuliqti Joe Savikataaq ublumi tuhaqtitauvaktuq allannguqtiqhimajuq taffumunga Nunavut Kavamanga (GN)-kut angijukhiit atanngujaujukhanik.

Aullaqtirluni Qiqaijaluarvia 1, 2021, Colleen Stockley havalirniaqtuq Tukilia Ministamun Anniaqtailinirmut. Ms. Stockley hivuagut havaarihimajaa 2014mit-2019mut, imaalu qaujimattiaqturlu aannialiqtailinirmut aullapkainirmik atan'ngujunirmiklu.

Aullaqtirluni Qitiqqautijuq 19, 2021, Kyle Seeley havalirniaqtuq Tuklia Ministamun Nunalingni Kavamatkunillu Pivikhaqautikkut. Mr. Seeley havakpakhimajuq Havagvianni avatqumajut 17ni ukiuni, imaalu hivuagut havaaqaqpakhimajuq imaatut Ikajuqtia Minisitaujup Tugligijata uvani Nunalingni Kavamatkuni naavjakhugik malrungni ukiungni.

“Quviahuktunga tunngahuktittugu Ms. Stockley utirniarmat Nunavunmut imaalu ilihimajunga qaujimajangit pittaarningillu ikajuuutauniaqtun avikturniptingnut havakhimmaaqtitluta ikajuutikhanginik COVID qalagjuarnirmun aanniarunmik hivitujumut ihariagijainnik tamainnit Nunavunmiut,” uqaqtuq Hivuliqti Savikataaq. “Mr. Seeley nakuukpiaktumik havakpakhimajuq havaarijamini nunagijaptingni hamalujuni, uumani ukiungani, qaujimajungalu havaarijakhani nakuukpiaktumik havakpangniaqtaa ajuittaminiklu.”

Tadja Tuklirija Ministamun Aanniaqtailinirmut Ruby Brown taimaarnialiqtaa havaarijani uumani Qitiqqautijuq 11, 2021, tamna tadja Tukliujuq Ministamun Nunalingni Kavamatkunillu Pivikhaqautikkut Constance Hourie taimaarniaqtaa havaarijani uumani Qitiqqautijuq 16, 2021.

Hivuliqti Savikataaq qujagijaik tamangnik ikajuqpauhiangnik kivgaqtuidjutangniklu hivuliqtuinirmiklu havaarivaktamingni nakuujmik hivumuuquplugiklu.

###

Tuhaqtidjutikhanut Uqarvikhaq:

Cate Macleod
Tuhaqtaujukhani Titiraqti
867-975-5059
cmacleod@gov.nu.ca