Havaktingit

You are here

Hivuliqti Savikataaq itqaumajaa Apiqhuiji Berger

Iipu 29, 2021

Uqautait

Hivuliqti Savikataaq itqaumajaa Apiqhuiji Berger

Iqaluit, Nunavut (April 29, 2021) - Hivuliqti Savikataaq ublumi tuhaqtitijuq hapkuninga uqaqtaminik:

“Ingumannaktumik qakuguuqtaqqut Apiqhuiji Thomas Berger, qimaijuq angijumik ilitaridjutikhamik imaalu aktuqniqaqhimajurlu tamainut Kanadami Ukiuqtaqturmiuut.

Berger amigaitpiaktunik ikajuutiqaqhimajuq inuuhiqattiarutikhanik hivumuuqpalliadjutikhaniklu Nunaqaqqaaqhimajunut imaalu Inuinnarnut inugiangniit aktuqtauhimajuq Nunavut akhuraaluk. Titiraqhimajaa 2005 Nunavut Havaakhaq unniudjut ihuaqpiaktumik naunaijautat apqutikhanik hivumuuqpalliadjutikhanik ihuaqtumik Nunavunmi Inuit ilauplutik avikturniptingni inuuhiptingnillu.

Munaqhihimajurlu taffuminga Mackenzie Valley Tuqhuakhatikkut Naunaijaidjutaanik, ihuaqhautauhimajuq aturnikhanik katimarjuarnikhanut Nunaqaqqaaqhimajut inuit pivallianikhanut nunagijamingnik imaalu iniqtiutikhaliurutikhaniklu nunataarutikhamingnik angiqatigiingnikkut Nunatsiarmi hamanilu Nunavunmi.

Apiqhuiji Berger hivuliqtiuhimajurlu ukunani British Columbia NDP imaalu Apiqhuiji ukunani BC Supreme Court. Ihmaliurutigihimajait tapkutiguuna Nunaqaqqaaqhimajut maligait imaalu inuuhirmut maligaliqinikkut tamainni nunagijaujumi hivitujumut atuqtauhungujut.

Naglikkutimnik tujuqtatka hakugiutikhaniklu ilainut, ilannainutlu imaalu piqpagijainutlu.”

###

Tuhaqtipkainikkut Uqarvikhaq:

Cate Macleod
Tuhaqtitaujuqhanut Titiraqtia Hivuliqtimun
Savikataaq
867-975-5059
cmacleod@gov.nu.ca