Hivuliqti katimadjutikharnik ministangit atuqtakharnik titiraqhimajut

Tuhaqtitaujukhaq

Hivuliqti katimadjutikharnik ministangit atuqtakharnik titiraqhimajut

Iqaluit, Nunavut (Hikutirvia 8, 2022) - Ublumi Maligaliurvingmi, Hivuliqti P.J. Akeeagok katimapkaidjutikharnik inungnun nanmnikharnik atuqtakharnik titiraqhimajut tamangnun tikkuaqtauhimajunun ministangit.

“Una hivulirpaanguliqtuq Nunavunmi hivuliqtingit aulatitivakhimajuq mapiraanguqtautijuq atuqtakharnik titiraqhimajut ministanun,” Hivuliqti Akeeagok uqallaktuq. “Una uuktuutikhaq naunairutiqarniaqtuq piumajaingit kavamavut iniqtigijaangat tautuminaqtumik havakhimaaqpaktaqqut. Iliqatigigiumajaqqut auladjutingnik havakhimaaqtaptingni. Akhuurutingit havakhimajut Nunavunmiunun tapkuninga kavamaptingni uuktuutigijaujukhat, ihuarutikhat, tautuminaqtukhaujutlu.”

Ministangit atuqtakharnik titiraqhimajuni iliqatigiikhimajut hanaqidjutikharnik havagiikhimajutlu aulatitihimajut ministanin ilaujuni tamangni havagiikhimajainik titirarniitunik talvuna hivutunirmi aulavikhatigun. Nalvaaqtaugiaqaqtun talvani Hivuliqtim qaritaujakkurviani uvani www.premier.gov.nu.ca/in/ministaliqinikkut-atuqtakharnik-titiraqhimajut-.... Tautuktaujukharnik nivingaqtauniaqtun inungnun tamainun tautugianganik talvnai Maligaliurvingmi qaritaujakkurviani uvani assembly.nu.ca/iu/tabled-documents.

Ukuat titiraqhimajut malikhautiniaqtun ministanun havakpakhimajainik tamaat aulatitijaangat Katujjiluta atuqtakhaptingni. Katujjiluta ilauhimajuq hanaqidjutikhangitni hulilukaarutikharniklu tallimaniitunik piumaluaqtaujuni:

• Inirninguqtirniq ihumagittiaqtauluni Nunavunmi.
• Angikliharjuumirlugu iglukhaqarnikkut auladjutaa.
• Pipkainirnianik aanniaqtailinirnun mamiharnirnullu.
• Pilluaffaarumanirnik iliharnirnun
• Angiklihaqtirnikkut nunallaaptikni piangaijautikhanik.

“Angirutiqagiikhimaliqtugut qitqanirmi ihivriudjutikharnik auladjutigijaptingni iniqtiqhimajut, upalungairutikharnik hivutunirmik hanaqidjutikharnik ilitugipkaffaarniaqtavutlu tamaita Ministangit atuqtakharnik titiraqhimajut malikhautiplugu ihivriudjutikharnik,” Akeeagok uqallaktuq. 

###

Tuhaqtipkainikkut Uqarvigijakhaq:

Beth Brown
Tuhaqtaujukhani Titiraqti
Havagvia Hivuliqtiup Akeeagok
867-975-5059
bbrown6@gov.nu.ca