You are here

Hivuliqti Akeeagok uqautigijaa Pope-min Ahinungaqtiqtauplutik Ilihariaqtuqtitaujunun Mamianaarutaani

Iipu 01, 2022

Uqautigijaujuq

Hivuliqti Akeeagok uqautigijaa Pope-min Ahinungaqtiqtauplutik Ilihariaqtuqtitaujunun Mamianaarutaani

Nunavutip Hivuliqtia, P.J Akeeagok, ublumi tunijaa hamna uqauti:

“Quviahuktunga tuhaajaami una Holiness Pope Francis-siup mamianaarutaa Dene-ngjunun, Inuinnarnun Metis-ngujunullu katimajaqtuqtunun uumani qanuriliurhimadjutainni ilanginni Faalamiunni (Roman Catholic) Angaadjuviinni Kanadaup ahinungaqtiqtauplutik ilihariaqtuqtitaujunun iliharvingnun.

Hunat qanuriliuqtauvaktun Kanadaup ahinungaqtiqtauplutik ilihariaqtuqtitaujunun iliharviinni taapkunannga ilaujunin angaadjuvingmi ilihaijinillu taimaittuq tamainnun pitquhiinnin inuijaruti.

Piqangittuq uqautikhanik piijariami hulaqutainnik aanniqtaunirnik atuqtauvaktuq Inuinnait ilagiiktunin, taapkuallualu nutaqqat aqhaaqtauhimajun angajuqqanginnin nunallaanillu pipkaqtitauhimajun pimmarluktaunirnik aanniaqtaunirniklu inungnin munaqtiujunin munarijakhainun iliharutikhainnullu. Kihimi, una mamianaaruti anginiqaqtuq qanuriliuruti uumani hivitujumi apqutikhami pidjutikhami mamiharutikhanun.

Taimaatun kinguliriiktuni-ilagiiktuni aannirniit pidjutihimajun ahinungaqtiqtauplutik ilihariaqtuqtitaujuni ilharviinnin aulahimmaaqtuq ajurhautaupluni nunallaaptikni, inuutivun tautuktihimmaaqtun mahulingadjutinik ilihimaplugin hapkuat uqaruminaittun ajurharutit. Inuit aulahimmaaqtun tammaqtailiplugin pitquhivun uqauhivullu piffaarnikkullu ilitquhikkut aturutainnik uppiridjutainniklu.

Qujagijumajatka Inuit Tapiriitk Kanatami akhuurhaidjutainnun mighaagun uumani quvianaittumi pidjutimi Kanadaup ingiraat pidjutaani tamainnullu ahinungaqtiqtauplutik ilihariaqtuqtitaujuni annautihimajuni hatuihimaittumik uqautigivaktait itquumajunik atuqpaktait ukiuni amigaittuni hivulliuqtuq uumunga ilitaridjutimun mamianaarutimullu.

Amigaittunun huli havaktakhavun pijaaptikni piqpiarutinik naammakhidjutikhanun mamiharutinullu ilaujuqlu pipkainikkut inuujut ilaujun angaadjuvingni pimmarlukpaktun nutaqqanik apirhuqtitaulirlutik.

Niriuktunga tunngahuktittijaami una Holiness Kanadamun, niriuktungalu pulaariami Nunavunmun uqaqatigijaami Inuinnainnun annautihimajun ahinungaqtiqtauplutik ilihariaqtuqtitaujun iliharviinnin.”

###

Tuhaqtipkainikkut Uqaqvigiyaqhaq:

Sima Sahar Zerehi
Tuhaqtaujukhani Titiraqti
Havagviani Hivuliqtiup Akeeagok
867-975-5059
szerehi6@gov.nu.ca