You are here

Hivuliqti Akeeagok aihimaliqtuq COVID-19 qalagjuarnirmin

Maassi 15, 2022

Uqautigijaujuq

Hivuliqti Akeeagok aihimaliqtuq COVID-19 qalagjuarnirmin


Hivuliqti Nunavunmun, P.J Akeeagok, ublumi tunijaa hamna uqauti:

“Qaangilihaaqtumi havangnainnirmi, ilatka iglumiuqatitka uvangalu aktuqtauhimajugun kinamin uuktiqaqtumik naunaiqhimajumik piqaliqtuq COVID-19 qalagjuarnirmik. Taimaatun mihingnautiqangitillunga naunaitkutinik tadja, pidjutainni inungnut aanniaqtailinirmut maliktakhanik aihimanialiqtunga talvunga Maatsi 23mun. Havagiaqtulimaidjutimni, Tukliq Hivuliqti Pamela Gross Hivuliqtiullangniaqtuq.

Amigaittutun Nunavunmiutun, malikhimavaktatka inungnut aanniaqtailinikkut maliktakhait mikhilaarniaqtikkut qajangnarnirmi akturnirmik COVID-19 qalagjuarnirmik. Atuqpiarhimajvaktunga pinikkut inungnin ahiqpaniinnirnik, aturhimanikkut ivjarutimik, ikiklihimapkarhuginlu pulaaqtun iglumnun. Tamainnik kapurhiqtauhimajunga pihimajungalu ilaliutiudjutimik kapurhirutimik.

Aihimaniit ajurnaqtun qujaginnaq ilagiiktunun, kihimi, tamapta hulijukhaujugun munarittiarnikkut aannialaqihainnaqtaaqtunun nunallaamiutanik imaatun Inirnikhani, inuit aannialaqihainnaqtaaqtun mirraallu pilimaittun COVID-19 qalagjuarnikkut kapuutikhanik. Uumuinga, maliktatka aihimaqujaunikkut maliktakhat ukuallu inungnut aanniaqtailinirmut uqautiit.

Qujagijumajatka havakturniqtun havaktiit Aanniaqtailinirmut Havagviani unagulaittutun munarivaktaa COVID-19 qalagjuarniq nunarjuarmi-hiamihimajuq qaangiqhimajuni malruungni ukiuni. Akhuurharumajatka Nunavunmiutat munarittiarlutik ingmingnik nunallaaptikniklu talvuuna pinikkut COVID-19 qalagjuanrikkut kapurhirutinik uuminngalu ilataarutimik kapurhirutimik, ilihimajugun una nakuutqijaujuq ikajuutikhaqqaut aannialaqidjutimin.

Kinali piqaliqtuq COVID-19 qalagjuarnikkut naunaitkutinik uqaqtaujuq hivajaktakhaa COVID qalagjuarnikkut hivajautaa uvani 1-888-975-8601 10mi ublaami 6mun unnulihaaliqqat EDT ilitturipkaqlugiluuniin nunallaamingni munaqhitkut qilamik hivajautikkut. Munarhiliaqtailutin.”

###

Tuhaqtipkainikkut Uqaqvigiyaqhaq:

Sima Sahar Zerehi
Tuhaqtaujukhani Titiraqti
Havagvia Hivuliqtiup Akeeagok
867-975-5059
szerehi6@gov.nu.ca