COVID-19 Qalagjuarniq GN Nutaaq Tuhaqtitakhaa - Niqiliqivik 31, 2020

Niqiliqivik 31, 2020

Piqangittuq huli naunaiqhimajunik pinahugijaujunikluunniit COVID-19 qalagjuarnirnik Nunavunmi.

TAttautimut amigaitilangit inuit munariyauyut qanurinniariakhainnik ublumimut imaatut 2321. Tadja 346 inungnik munariyauyut qanurinniagiakhainnik..

Ilakhannik Nuanvut Kavamanga (GN) akhuurutigijaat munarittiarutikhannik Nunavummiut qajangnautanut aanniarutip Qalagjuarniq-19, GN-kut Havagviit atuliqtait hapkuat:

Havagviat Aanniaqtailinikkut

Ottawa Residence Inn:

Aullarahuaqtut Nunavunmut talvanga Avalingarvikhaq Najugaanit talvani Ottawa Residence Inn, kinguvaktitauhimajut Tallimiunmi, Niqiliqivik 28 aullaffaarnialiqtuq. Aullaaqtukhat kinguvaktitauhimajut Unaguiqhirvik, Niqiliqivik 30 ukuat Ottawa Inungnut Aanniaqtainikkut naunaijaititlugit aanniarunniktumik COVID-19 qalagjuarnirmik najugaani. Ilaujumik tapkunanu GN-kut kantraqaqtitauhimajut munaqtikhanut havaqatigiiktut naunaiqtaujuq ihvriuqtaudjuaanik aanniarunniktuq COVID-19 qalagjuarnirmik, nauaijailiqhutik talvaniihimajunik havaktitlugu havakti tamna. 

 

Hivajaqtukhaujutit Munaqhiliaqtinnatit

Ajungnautiqaruvit amigakhuutikharnik, hivajarlutin hivunirmi talvungautinatin nunalaani munaqhitkunut. Uqattiarlugit qanurilinganitit mihingnautigijatitlu imaalu munaqhip naunaijarniatait qanurittaakharnik hivajautikkut ihivriurlutit ahiit takuurhirvikharnik naunaiqhiniaqtuq.

Atuqtukhaujutit akkuliangnaut Matukhamik Munaqhiliaruvit

Munarhilialiraiguvit anirnirlukuvin taimaitumik qalakhungnirmik taryuinaliruvit, matukharnik qanirnik atuqtukhauyutin. Akkuliangnaut matukhamik piqangitkuvit, uqautidjavatit kinapliqaak itiqtitpatit munaqhitkunut mihingnautigijarnik, tuniniarunaqhijatit akkuliangnaut matukhamik.

Pitqujidjut maliqulugit inugiangnikkut ungahiktilaaqarniq Katimanirmiklu #8

Nutaannguqtiqhimajuq Inungmiujut Qanituriiktukhaungitun imaalu Katimanirmik Pitqujidjut atuqtauliqtuq ublumi (Niqiliqivik 31) ihuaqhautikhanik ihumalutaujunik Havagvianit Ilinniaqtuliqijikkutt pidjutigiplugit hulipkaidjutikhangit imaittunik iqaijarnirmik ilihaqtitaujunut imaalu amigaqhuutaujunik anitirnirmik ikualajuqaliqqan anitirnirmik ajuiqhajut.

 

Aallanguqtirniinut pitqujidjunmik ilaujut:

Titiraqhimajut Ataani titiraqhimajumi 2e: Inugiangnirmun ungahiktilaaqarniq piyakhaq titiraqhimayuq titiraqhimajumi 2 (b)mi unalu talimanik inungnik kikliqarniq titiraqhimayuq titiraqhimajumi 2 (c)mi pidjutiqangitut hapkununga havagvingnun:

• Kitumi iglukpait pitquyauhimayut amigaqhuutiqaqqan annivikhangit annivikhanik uuktuqattarnirmirluuniin, pidjutiqaqtut atugakhanun maligakhanunlu tuniyauyut haffumanga Havagvianin Ikualaaqtuliqiyim hapkualuuniin Havaktiit Aanniqtailinginni Akiliuhirnikkullu Katimayiinit.

 

Naunaittiarutikhanik amigaivjaktunik iqaijarnirmik ilihaqtitaujunut iliharviit ulapqiviinni imaalu nunallaani katimaviinni, titiraqhimajumi pidjutiqaqtumik ulapqipkainikkut nutaanguqtiqhimajut. Tadja imaatut titiraqhimaliqtuq:

• Ulapqiviit, hulilukaaqtitiviit ulapkivigjuat, ulapkivigjuat, imaalu iqaijarviit ingilrutait nanminirijait Nunavut Kavamatkut, hamlatkuni kuapuulisitkut, Nunallaani Ilinniaqtulirijitkut Katimajiinit (DEAs), katimajiit, maniliungittut timiqutit, imaaluuniit naminirijaujut kuapuulisitkut angmaqhittaaqtut inullaanut atuqtaujukhanik iqaijarviinnik, kihimik amigaittut iqaijaqatigiiklutik inungnut attautikkut atuqtaulimaittut iqaijarnirmik ilihaqtitaujunut.

Nutaat maliqujauhimaliqtut titiraqhimajut ataani Pitqujidjunmi Atuqpiarlugit Inungiangnirmun Ungahiktilaaqarniq Katimajununlu atuqtauliqtukhat tadjainnaq amigaqhuutaulutik.

 

Qaffiujut Avalingarvikhat Najuqtamingnit 

Attautimut (Tamaita Avaliingarviit Najurviinni)
Tingmidjuta Qanurittumik	Inuit Avaliingaaqtitaujun talvannga Aug. 23
Aanniarvilikhimajut	409
Inuit Inmikkuuqtut	334
Attautimun	743

Aullaqhimajut utiqtut naunaijautingit:

Aullarvia Ublua	Amigaitilaangin Tingmijun Avaliingarvingnin
Aug. 29	1
Aug. 30	45
Aug. 31	108
Sept. 1	45
Sept. 2	54

 

Ihariagijauqpiaqtuni Havaktini Tukhirutin

Talvanga Aug.28, pilik 4827 tukhirutinik, 2462 taapkuat ihariajijauqpiaqtunin havaktinin tukhirutiujun.

Tukhiutait Qanurinniit	#	%
Angiqtaujut (ilaujut ihariagijaujut imaalu havaktiungittut)	3490	72.3%
Qin'ngijaujut	245	5.1%
Ihumaliurutaujut huli	127	2.6%
Aullauvilluarvigijainni Nunat Aagiqtauhimayut	1014	20%
Attautimun	4827	100%