Havaktingit

You are here

COVID-19 Qalagjuarniq GN Nutaaq Ilitturipkaidjuti - mii 6, 2020

mii 06, 2020

Hivuliqtiup nutaaq ilitturipkaidjutaa:

Ublukkut. Piqangittuq huli naunaiqhimajunik pinahugijaujunikluunniit COVID-19 qalagjuarnirnik Nunavunmi.

Ublumi, atauttimun amigaitilaanginni inuit ihivriuqhiqtaujun ublumimun unaujuq 778. 326 inuit tadja huli ihivriuqhiqtaujun imaalu 452 inuit ihivriuqhiqtauhuiqtun.

Tuhaqtitiliqtunga ippakhani ihumaliurutaanik akiliqhipkainirmut pijariaqaqtut 14-ubluni avalingarvikhanik najugakhani nunaqaqtunut utirahuaqtut avinturnianut ihuaqhaqtauffaaqtuq, inuk tamaarmik akiliqhijakhaittut akiliqtakhanik itiqtirvikhamingni.

Nunavut Kavamanga akiliqtuqhimmarniaqtait akiliqtakhat pijariaqaqtut avalingarvikhanik nunqaqtunut utirnahuaqtut avikturnianut ihuaqhaqtaujuq.

Tingmitikkut aullaqhimajut tadja qajangnarmata ihuirumangitavut tamaita akhuuqpiakhuta havakpaktavut. Aullaqujingittugut hilataanut Nunavunmit aanniarut hangutitlugu, kihimilu ihumaluqungittavut inuit kiinaujaliqinikkut.

Pidjutigiplugu kavamatput, mamianaaktugut nalukhaqtitigapta qanuriliurutikhaffingnik.

Mamianarumajungalu ublumi – uqallaktamnik Hivulliurnmi uqaqtitaugapta kingunginaaqtunga. Uqallautitka havaktikhaqhiurnikkut ilihaijikhanik ihuangittuq. Hamna naunairutaungittuq qanuqtut kavamatkut ihariagikpiaktait ilihaijit. Nakuungittumik kiudjutauhimajuq, ihuangittumiklu.

Mamianaaqpiaktungailihimatqujatkallu ilihaijivut qujagikpiakpaktavut akhuukpiakhutik havakpiakpangmata ikajurahuaqhugit iihaqtut nutaqqavut. Uvanga ihuittumik uqalautigijatka quvianainmata imaalu uqaqtakhamnik ihmaliuttiakpangniaqtunga hivuniptingni.

Ilihaijiit – qujagiumajaffi tamaffi havagjuaqpakaffi Nunavunmi. Ikajuutihi pittiarijaujut imaalu uqallautigihimajtaka taimaaqtiutigittailugit.

 

Atanilluaq Inungnun Aanniaqtailinikkut Havaktimin nutaanik-ilitturipkaidjutit:

Naunaiqtaungmat aannialirnahugijaujuq COVID qalagjuarniqNunavunmi aanniangittuq, avikturnianni tautukpaktut atauhiqtut katittutik, ikajuqtigiikpiaktut, imaalu quviahuutigiplugu. AAllallu pittailijaujut Mittimatalingmi nutqaqtitaujut, imaalu nunangani qujattagunaqhijut ilitturigamik aanninaqtuqangittut COVID-qalagjuarniq.

Hamna nakuukpiaktuq tuhaqtitaujukhat. Avikturniupluta, nakuujumik pivaktugut ublumimut.

Kihimi, quviahukpallaqtukhaungittugut kingunginnarnaittumik. Angitqijaujuq maliqattaqtakhavut maliqujauhimajut iihimaliqtavut ikajuutikhavut. Aannialirnahuqqrurnarmat aanniarunmik COVID-19 Qalagjuarniq qajagijukhaujugut huli qangiqhirlugu.

  • Atuqhimmaarlugu inungnit ungahikhimaluta pulaakhimaittumiklu.
  • Najuqtailinahuarlugit inungnik iglumiuqatigingittarnik.
  • Ikiglinahuarlugit humungauinahuaraiguvit niuvvavingnulluuniit.
  • Niuvvikpaklutit atuqtakhainnarnik igluqativvit ihariagijainnik.
  • Imaatullu, uaqpaklugit algaakkit.

 

Attautimut katihimajunik piqangittuq aanniaqtailitikhanik aanniarunmik COVID-19 Qalagjuarniq. Quviahuutigilugu Mittimatalik, tamaita Nunavummiut qajagijariaqaqtugut aannialirnaittumik. Maliqalugit maliqatqujauhiajut, akhuuqulkugillu ilannatit, ilagiit, nuatqatitillu taimailiuuqulugillu.

Qujagijumajatka tamaita Nunavummiut utaqqivangmata, kangiqhimattiakhutiklu imaalu maliqatiplutik. Hamna qanngiutiniaqtaqqut ikajuqtigiikluta.

 

Ilaupluni Nunavut Kavamangani (GN) havagutainni hapumminikkut Nunavunmiunnik uumannga aanniarnmik COVID-19 qalagjuarniq, GN-kunni Havagviit atuqtipkaliqtait hapkuat:

Tingmitikkut aullarahuanut hilataanut avikturnianit ubluanit Qiqaijaluarvia 7, 2020:

Nunavut Kavamanga ihumaliurutaat akiliqhipkailutik $2,100 atauhirmut inungmut imaalu $1,050 atauhirmut ilaruhianut talvaniidjutaani pitqujauhimajumik 14-ubluni avaliingarnik itiqtirvikhami nunqaqtut utirnahuaqtunut avikturnianut taimaaqtitaujuq.

Nunavut Kavamanga akiliqtuqhimmarniaqtait akiliqtakhat pijariaqaqtut avalingarvikhanik nunqaqtunut utirnahuaqtut avikturnianut ihuaqhaqtaujuq.

Puiguqtailuhiuk tingmitikkut aullarniq hilatanut Nunavunmit aanniaqtitlugit COVID-19 Qalagjuarniq pitqujaungittuhi.

 

Havagviat Aanniaqtailinikkut

COVID-19 Qalagjuarniq Hivajautaa unalu inmikkut-ihivriurnikkut ikajuutikhat

Inuk kituliqaak ihumagumik akuktauvaktun Qalagyuarniq-19min uqaqtauyut hivayaqtauyakhait COVID-hotline uvani 1-888-975-8601 talvuuna 10mi ublaami 6mun unukpak, ilitugipkaklutiklu nunalaani munarhitkut qilaminuaq, talvuuna qilaminuaq anilimaiqtukhauyut 14nik ublurnik.

Kinaliqaak pittaaqtuq qaritaujakkut inmingnik qaujihaqtaaqtut qaritauijakkut ingmingnik naunaijautikhanik atuqtakhamik nu.thrive.health

Qaffiujun

Tamatkiutit (Tamaita Avaliingarnirni Najurviinni)

Tingmijuq Qanurittuq

Inuit Avaliingaaqtitaujun talvannga Qiqaijaluarvia 5

Taaktiliaqnikkut Tingmidjutit

177

Inuit inmikkuuktut

137

Attautimun

314

 

Tingmijut utiqtun naunaikutit:

Aullarvia Ublua

Amigaitilaangin Tingmijun Avaliingarvingnin

Qiqaijaluarvia 5

22

Qiqaijaluarvia 6

15

Qiqaijaluarvia 7

24

Qiqaijaluarvia 8

12

Qiqaijaluarvia 9

21

Ihariagijauqpiaqtuni Havaktini Tukhirutin

Talvanga Qiqaijaluarvia 5, pilik 872 tukhirutinik, 667 taapkuat ihariajijauqpiaqtunin havaktinin tukhirutiujun.

Tukhirutini Qanurittuq

Nbre

%

Angiqtaujun (ilaujun ihariagijijauqpiaqtun ihariagijaulluangittullu)

727

83,4 %

Qingijaujun

107

12,3 %

Ihumaliurutaujut huli

38

4,4 %

Attautimun

872

100 %

Havagvia Maligaliqijikkut

Nunavut Kavamanga piqaqtut aallatqiiktunik pinahuarutikhanik ikajuutikhallu hailijut ikajuqtikhat ningaqtauhimajunut annaqhimajunullu ningaqhiqtauhimajunut. Itqaumatqujavut Nunavummiut hamaniitugut, iaalu ikajuqtaaqtugut ajuqhaqtitilugit. Ilihimajugut inuuhiq ajurnaqhivaktuq amihunut ilagiiktunut uinullaanullu ihumalungaqhivakhunillu igluqatigiiktunut. Avalinngangittutit, ikajurumajugut hamaniitugut.

Inullaat apirijaujut hivajaquplugit upalungaikhimajumut Ilagiiktut Pimmarlungnikkut Hattumiarutikhainut Maligaq (FAIA) hivajautaanut apiqqutikhaqarumik ikajuqtikhailiurumnikluuniit aturlugu tamna hivajautaa nampaa 1-844-534-1038. Hivajautaa ihivriuqtauqattaqpangniaqtuq naunaittumik ikajuqtaujumajut tunijauniaqtut Nunallaani maligaliqijikkut Ajuiqhattiaqhimajumut ikajuqtaaktumut titiqqanik titiraqtakhainnik imaalu atuqtakhainnik.

Ajuqhaqtitauvakhimajut Havagvia umikhimajuq inungnut tadja. Kihimi, Nunavummiut hivajariaqaqtut havagvianut hivajainnariaqaqtut Akiitukkut hivajaugtanut 1-866-456-5216 qaritaujakkut titirarvigilugit victimservices@gov.nu.ca. Ikajuutikhat tunijauttaaqtut qanurinniitigut.

 

Inuliqijikkut Havagvia

Ilvit kinaluunniit ilihimajan aanniqtauhimajuq ningarnirnin ihariahuktuqlu pijaami hulidjutikhanun ikajurutikhaniklu, ikajurutikhat hailihimajun.

Uqaqatigilimaitkuvin nunallaami Inuliqijikkut Havagvingmun, hivajadjavatin Inuliqijikkut Havagvia uvani 1-855-522-5201 kinamun uqaqvigijakharnun. Takujaaqtutillu aallanik ilitturipkaidjutikhanik uvani Qulliit Nunavunmi Qanurilinganinginnut Arnait Katimajiinni Facebook-kut takuvianni.

Ihariagiguvin ikajurutikhanik, qanuriliurutikhaqaqtutin. Ikajuqtauniaqhimalutin uqaqatigidjavatin naliit hapkuat: 

Nunavut Victim Services (Anniqtauhimajunun Ikajuqtiit 

1 866 456-5216

Ilagiiktut Pimmarlungnikkut Hattumiarutikhainut Maligaq (FAIA) hivajautaa

1 844 534-1038

Nunavut Kamatsiaqtut Ikajuqtit Hivayautaa 

1 800 265-3333
(24/7)

Nutaqqat Ikayuutikhaat Hivayautikkut 

1 800 668-6868

Isaksimagit Inuusirmi Katujjiqatigiit 

1 866 804-2782

Taanngaqtailinikkut 

1 888 616-4011

Maligatigut Katimaviingit Nunavunmi
– maligatigut naunaitkutikhat/imaligaliqijimik pijuaguvit:

1 888 990-4665

Tukisigiarvik Centre – Inuuhiriqnirnun (Iqaluit)

1 867 979-2400

 

Nunavunmiut inuuhiit ikajuqtigiiktumik munaridjutivut! Itqaumaluhi: uaqlugin algatin qaangillu hunavaluit, inuqarnirmi ahiqpaniitpaklutin, naalaklugit uqautidjutait anniaqtailinikkut havaktinin, aihimalutillu aannialaqiguvin.