Havaktingit

You are here

COVID-19 Qalagjuarniq GN-kut Ilitturipkaidjutaa - April 7, 2022

Iipu 07, 2022

Minista Aanniaqtailinirmut ilitturipkaidjutaa:

Ublaakkut,

Taimaaqtittiniq Inungnun Aanniaqtailinikkut Amigaqhuutit uvani Covid-19 qalagjuarnirmi anginiujuq naunaitkuti. Ilihimajunga amitaittun Nunavunmiutat niriukpaktun talvunga qajangnaidjutimun nutqaqtirnikkut ukuat inungnut aanniaqtailinirmut kikliqarutit.

Mamianaugaluaq, Covid-19 qalagjuarniq huli ittuq tamaani Nunavunmi. Quanaq kapurhiqtaudjutinun, nakuutiqijanik ikajuutikhaqaqtugun, kihimi huli anginiujunik aanniaqtailinirmun qajanganarutilgit uumannga Covid-19 qalagjuarnirmin aannialaqidjutimik. Taimaatun kikliqarutit taimaaqtittaulirhutik, huli anginiutilik munarittiarijaami qajagijaamilu tatqiqhiutini tikittukhani.

Tautukhugin qaangiqhimajun malruungnik avatquhimajuni ukiuni uumani Covid qalagjuarnirmi nunarjuami-hiamihimajumi, ilihimaliqtugun amigaittunik mighaagun aannialaqutimi. Tadja ilihimaliqtugun qanuqtun hiamitpaktuq, qanuqtun hulaqutijuq inungnun aanniaqtailidjutainnun, qanuqtullu inungnik qajagijukhaujugun. Itqaumajakhavun hapkuat ilitturidjutit taimaatun munarihimmaarluta tamaptiknik Covid-19 qalagjuarnirmin.

Ilihimajugun ivjarutit ikajuutaujun, ivjangunaijarniillu (halumajuq ikiaq) ikajuutauvaktuqlu hiamitiqtailinikkut. Kapurhirutit ikajuutauvaktuq talvannga ingattaqhimajunin hulaqutinin, kihimi inirningurniq, higaarniq, aallallu aanniarhimadjutit huli angiklihaqtait qajangnarutit. Pilutin tamainnik kapurhiqtaudjutinik pilutillu ilataarutimik kapurhirutimik pihimajariirhimaitkuvin. Kingullikkullu – qajangaitkutikkut inungnik – Aihimaniq ikajuutaujuq. Itqaumalutin ilingnik-munarilutin ukununga Covid qalagjuarnirmi naunaitkutinik aihimalutillu aannialaqihimaguvin.

Aihimahimanikkut ikajurutit huli hailihimmaarniaqtun. Kajumiktun uuktuutit hailihimaniaqtullu. Aanniaqtailinirmut Havagviup Covid qalagjuarnikkut hivajautaa huli hailihimmaarniaqtuq uqaudjijaami ikajuriamilu.

Qajangnarniqaqtuq apqutikhaptikni hivunikhani. Kihimi pihimaguptigin ilitturihimajavun, ilihimajunga Nunavunmiutat qajangnaittumiihimmaarniaqtun hakugingniqarlutiklu Covid 19 qalagjuarnirmin.

Kingullikkullu, Matna/Qujannamiik/Quana ukununga Nunavunmi aanniaqtailinirmun havaktiinnun, kaantraaqtiinnun ikajurnikkullu havaktiinnun talvannga aallanin GN-kunni Havagviinnin, Haamlatkunnin ukunanilu Inuinnait Katimaviinin - tapkuat atauttikkut quvianaqpiaqtun atauttikkut havagutimingnik tuniutinikkut ihariagijaujunik havagutikhanik uumunga Covid19 qalagjuarnirmun kiudjutimun qajangnaijarnikkullu. Matna, Quana.

 

Minista Havaktuliqijitkut ilitturipkaidjutikhaanun:

Taimaatun COVID-19 qajagjuarnikkut inungnut aanniaqtailinikkut maliktakhait pinahuarlutik nutqaqtitaulutik Hivulliunmi, April 11mi, Havaktuliqijikkut Havagvia nutaanguqtiliqtait havagvingni aanniaqtailirnirmut maliktakhat Nunavut Kavamanga (GN) havagviinni.

Huli inuit pitqujaulimaiqtun atuqlutik aajjikkiingnik qajagidjutinik talvunga COVID qalagjuarnirmun talvani April 11mi, una GN-kut munaridjutiqaqtuq havagviupluni munarijaami aannialaqittailirnirmun aanniqtailinirmullu havaktimingnun.

Taimaittukkut, havakgivun havaktivullu hulihimmaarniaqtun kitunik qajagidjutikhanik hiamittailinikkut aannialaqidjutimik pijaaqhimmaaqtilluni aallanik pitqujauhimavaktunik. Maliktakhat qangannuaqt tunihimajuq Havaktuliqijitkunnin nutaanguqtiqtauniaqtun kituni pijukhani tunijaulutiklu tamainnun havagviinnun.

Talvannga April 11min, GN-kunni havakviit malikhimmaarniaqtait aktuqtaunikkut amirinikkut havagutit:

  • Havagviit iniqtirniaqtun havagvingni-naunaijaqhimajuni qajangnarnikkut naunaijarutinik pipkainikkut ihuaqtun amiridjutit atuqtaujun.
  • Havaktiit inirhiniaqtun inmingnun qajangnarnikkut naunaijarutinik ilitturijaami COVIDmin-pidjutilgit qajangnarutit piqpiaqtun havaamingnun havagutigijauhimajun.
  • Havaktiit atimaniaqtun ivjarutinik iglumi katimaviinni. Ivjarutit hailihimahimmaarniaqtun.

Talvannga April 11min, hapkuat havagutit nutqaqtitauniaqtun:

  • Havaktiit nutaqtitauniaqtun iniqtirlutik ubluq tamaat aannialaqinikkut ingmingnik-naunaijarutinik.
  • Atiliurniq itiliraanga/aniliraangat maliktakhat atuqtitauvaktun pimaamik aktuqtauhimanikkut ihivriurutikhanik nutaqtitauniaqtuq.

Akhuurhaqtatka tamaita havaktiit maliklugin piliuqtauhimajun maliktakhat havagvivun qajangnaittaanginni. Angitqipjaupluni havagviujuq Nunavunmi, aturniit hapkunani qajagidjutikhani ikajurniaqtait nunallaavun aanniaqtailinirmun nuutiqtilluta nutqaqtirnianun inungnun aanniaqtailinikkut amigaqhuutimi.

 

Atanilluaq Inungnut Aanniaqtailinirmun Havaktia Ilitturipkaidjutikhaanun:

Ublaakkut,

Taimaatun Minista uqautaanun, una Inungnun Aanniaqtailinikkut Amigaqhuutit taimaaqtitauniaqtuq April 11mi. Una tukilik taapkuat inungnut aanniaqtailinikkut maliktakhat nutaqtitauniaqtun tamainni nunallaani. Aullaqtirluni April 11mi, ivjarutit aturiaqalimaiqtun inungmiuvingni, piqalimaiqtuq inungnut aanniaqtailinirmut kikliqarutikhanik katimadjutini amigaidjutiniluunniit iglun iluani. Pipkainikkut qajangnaidjutikhakkut aanniaqtailinikkut havagviutiptikni, ivjarutit huli atuqtaujukhat pitquidjutaanin havagvingmin tamainnun aanniaqtailinikkut havakviinni Nunauvnmi. Una ilaudjutilik upautihimajunun munarhitkunnun ihumaliqinikkut havagviinnun.

Hivumuutilluta kiunikkut COVIDmun taimailiutikkut qujaginnanun aallanun hiamittaaqtunik aannialaqutinun, unniutilimairnahualiqtugun COVID-19 qalagjuarnikkut aannalaqihimajunik ukunanilu kapurhirnikkut ilitturipkaidjutinik qakunguhagaangat. Kihimi, unniutihimmaarniaqtavun hapkuat ilitturipkaidjutin kavamatuqatkunnun unalu Inungnut Aanniaqtailinirmut Maligaq pijumakpagu.

Taimaatun, COVID-19 qalagjuarniq tammangittuq hamaniihimainnarnialirungnarhijuqlu. Piiqtillugin kiklikhaqarutin, akhuuqtatka Nunavunmiutat munarilugu qajangnarniq COVID-19 qalagjuarnirmi ihumagittiarlugu. Aannialaqiguvin, aihimalutin upaguiqlugillu inuqaliqpaktun igluqpait katimaviillu. Aktuqtaujukhauguvin aallanun, atimalutik ivjarutimik.

Kapurhiqtaulutin. Kapuutikhat nakuutqijaujun ikajuutikhavaun uumannga COVID-19 qalagjuarnirmin hailihimmaarniaqtullu tamainni nunallaani. Aanniaqtailinirmut Havagvik aulahimmaarniaqtuq tuhaqtipkarlugin aallanguqtirutinik ukunani kapurhiqtaunikkut pitqujaudjutini, imaatun pitquinikkut ilaliutihimajunik kapuutikhanik, taimaatun pidjutiptiktun fluunun (influenza).

Taimaitkaluarhuni inungnut aanniaqtailinikkut maliqtakhat taimaarhimagaluaqtillugin, nanminirijaujun havagviit pilaarutiqaqtun pitquihimmaarlutik aturnikkut ivjarutinik havagvingmingni kiklikhaqaqtittaaqtaillu havagvitik pijumagumik.

Munarihimmaarniaqtavun qanurinniit tamaani Nunavunmi ilitturiguptalu COVID-19 qalagjuarniq ilanginni nunallaani amigaiqpallaaqqat angummadjutainnun aanniaqtailinikkut havagviptingnun, piqaqtaaqtuq uqariijaudjutiptiknik nunallaami Pilirniit Amigarnarhijunik ikajuriami nutaqtinniarhimalugin hiamitirniit.

Ilihimajunga ilangit ihumaaluutiginiaqtait hapkuat aallanguqtirniit, kihimi ihumajunga iliqtugun pidjutimi inuuhimmaatiariaptikni nakuujumik taimaatun. Qujagijumajatka tamaita Nunavunmiutat pittiarutainnik qaangiqhimajunik malruungni ukiuni. Pittiarutitin anginiqaqtun ilangani kiudjutiptiknun COVID-19 qalagjuarnirmun.

Quana.

 

Ilaujuq hapkununga Nunavut Kavamanganin (GN) havagutainnin munarilugit Nunavunmiutat COVID-19 qalagjuarnirmin, GN-kut Havagviit atuliqtait hapkuat:

Havagviat Munaqhiliqijikkut

Tamainun nutaanun kangiqhidjutinun ikayuutinunlu mighaagun COVID-19 Nunavunmi, hamungaulutin:
https://www.gov.nu.ca/health/information/covid-19-novel-coronavirus

Nutaanun ilitturipkaidjutikhanun ublumi inungnut aanniaqtailinirmut kikliqarutainnun, taklugu: 
https://www.gov.nu.ca/health/information/nunavuts-path

 

QALAGYUARNITIGUT-19 aanniaqtunik qanurinmanggaat: April 5, 2022

Atauttimun ihivriuqtaujut Attautimut naunaiqtauhimajut aannialaqihimajun Attautimut aannialaqihimajun Atauttimut nakuuhijut aanniaruiqtun Tuqujut Qaffiujun inuit kapuqtauhimajun atauhiinnarmik kapurutimik Nunavunmi Qaffiujun inuit kapuqtauhimajun malruungnik kapurutinik Nunavunmi Atauttimun inuit kapuqhiqhimayut pingahunik Nunavunmi  
38,861 3531 90 3435 7 33,543 29,021 14,519  

QALAGYUARNIQ-19 nunallaami aanniaqtut qaffiutilaanggit: April 5, 2022

Nunallaaq

Qalagyuarniq COVID-19 qanuriniit

Ubluit Inuit aanniarutiqaqtut ipaghaq (ATAUTIMUN) Inuit aanniarutiqaqtut ipaghaq (ATAUTIMUN) Aalangunirit ipaghamin (aanniaqtut) Atautimun Naamakhiyut Aalangunirit ipakhamin (aanniarutaiqhimaliktun) Atauttimut Aulajut Aanniaqtut
Ausuittuq Aulahimmaaqtut March 30, 2122 0 1 1 0 0 0
Kangiqtugaapik Aulahimmaaqtut Talvanga 2/18/2022 15 15 0 15 0 0
Ikpiarjuk Aulahimmaaqtut Talvanga 2/12/2022 15 20 5 14 4 6
Qausuittuq Aulahimmaaqtut Talvanga 2/8/2022 16 16 0 16 0 0
Kugluktuk Aulahimmaaqtut Jaanuiali 23, 2022 96 99 3 93 5 6

Kimmirut

Aulahimmaaqtut Talvanga 1/22/2022 3 3 0 3 0 0
Naujaat Aulahimmaaqtut Talvanga 1/15/2022 93 93 0 93 0 0
Kugaaruk Aulahimmaaqtut Talvanga 1/14/2022 124 137 13 123 6 14
Uqhuqtuuq Aulahimmaaqtut Talvanga 1/14/2022 90 99 9 78 0 21
Taloyoak Aulahimmaaqtut Talvanga 1/11/2022 108 114 6 106 0 8
Salliq

Aulahimmaaqtut

Talvanga 1/9/2022 77 77 0 77 0 0
Tikirarjuaq Avatquttut Talvanga 1/7/2022 20 20 0 19 0 0
Sanikiluaq Aulahimmaaqtut Talvanga 1/4/2022 59 59 0 59 0 0
Kinngait Aulahimmaaqtut Talvanga 1/2/2022 108 113 5 107 2 6
Mittimatalik Aulahimmaaqtut Talvanga 1/1/2022 95 95 0 95 1 0
Igluligaarjuk Aulahimmaaqtut Talvanga 1/1/2022 15 17 2 14 0 3
Iqaluktuuttiaq Aulahimmaaqtut Talvanga 12/30/2021 151 154 3 151 0 3
Igloolik Aulahimmaaqtut

Talvanga 12/29/2021

229 230 1 227 0 3
Qamanittuaq Aulahimmaaqtut Talvanga 12/29/2021 163 163 0 160 1 3

Arviat

Avatquttut Talvanga 12/29/2021 136 136 0 136 0 0
Sanirajak Aulahimmaaqtut

Talvanga 12/29/2021

79 79 0 78 0 1
Qikiqtarjuaq Aulahimmaaqtut

Talvanga 12/28/2021

43 46 3 44 4 2
Kangiqliniq Aulahimmaaqtut

Talvanga 12/23/2021

289 284 1 282 0 2
Pangnirtung Aulahimmaaqtut

Talvanga 12/23/2021

87 87 0 86 1 1
Iqaluit Aulahimmaaqtut Talvanga 11/04/2021 694 700 7 690 22 10
Atauttimun      2799 2857 58 2766 46 89

*Ilihimalutit: Hapkua qaffiuniit aallanguqtihainnaqpaktun. Aghut havaktauyut pihimajaangini hapkua kangiqhidjutit nutaanguqhimanirmun iniqtiqhugillu, kihimi pidjutiqangitut tamainun inungnun maliktut ihivriuqtaujuluuniin.

**Aulaarniaqtuq 17 Januali 2022mi, ilitturijauhimajun aanniarutiqaqtut ilaujut tapku pidjutigijait ihuaqhaqtauhimajut Nunavunmi aanniarutikkut naunaijautit. Una ilauyuq Qalagjuarniq COVID-19 aanniarutiqaqtun ihumagijauyut tutqighijauyuluuniin (PCR) ihumagijauyullu (qilamik) ihivriurutait.

***Tuuliivjangniaqtut uniudjutit tuniuhaiqdjutillu qanuriniit aanniarutiqaqtunin pihimajut Hivuraani Kanadap. 12 aannialaqihimayun iliturijaujut hilataani nunaptingnin ilaliutihimajun Nunavunmun. Ukuallu ilauyut pingahut (3) huiqtut. Tamaitaungitut NU inuit qalagyuarnirmik COVID-19 iliturijauyut hilataani aviktuqhimajup ilauniaqtut hamunga Nunavunmun.


COVID-19 qalagjuarniq kapuqhiqhimajut qanurinniit: April 5, 2022

Naunaijautit/Kiklikhaillu:

Una kangiqhidjut tautungnaqtut qaffiuniit kapuqhiqtut nunallaani talvannga April 5min, 2022. Pusatinga kapuqhiqhimajut kapuunmik aviktuqhugit imaa Nunavunmi inugiangnirnit aviktuqhugit talvuuna Nunavunmi inugiangninginnin nalautinniarhimapluni ukunani 18nik avatqumajullu ukiungit.

Nunavunmi atautimun kapuqhiqhimajut ihuaqtut naitumi naunaijautini. Nunallaani aktilaangit naunaijautait ihivriuqtauliqtut pijaangini ihuaqtumik tunijaangini. Nunallaami atautimuutait ihuaqhaqtauniaqtut pijariaqaqata.  Una pidjutiginiaqtaa mikijumik ihuaqhainirmun pusatingillu nunallatigut.

Kapuutit tunijauyut nunallaanun kitut munarijamingnun.

Atautit kapuutit tunijaujut ilaujut nunaqaqtut nunamiutaungitut inuit, ilaujut himautaujut havaktit.

Amigaitut nunallaani pidjutiqaqtut atautit kitut kapuqhiqtut malrungnik nunallaani, nunallaaniluniin nayugamingni.

Atauhiq inuk pihimajaaqtuq kapuqhiqhimajuq atauhirmik (1) imaalu/imaaluunniit (2) malrungnik kapuutinik hilataani inmi nunamingnin.

Una pidjutiqangituq inungnun kitut kapuqhiqhimayut ilanganik tamaanikluuniin aviktuqhimajumi.

Anginirhaq pusatinga atauhiup nunallaap aadjikiingitut hungiutivaktunun aanniarutinun. Piqangituq havaktauhimayumik naunaijaqhimayunikluuniin pusatinginik hunat hungiutivaktunun aanniarutinun qalagjuarnirmun COVID-19. Hunaungmangaata Katitiqlugit aannialaqilimaitunun aaniaqtailidjutighainik piyaulimaitut tadjamin kapuqhirnikkut angurutinik (imaatun kapuutighaqangitut nutaqanun ukiuqaqtunun tualunik).                      

Pittaarvia:

Katitiriniqmut Kanata, Kitittiyit Havakviat, Taijauhimayut ihuaqhaidjutait. Upalun’ngaiyaqtaat hapkua: Nunavut Havagvia Kititirinirmun, Ubluqtuhivia 27, 2021.

Kapuutit amigaitilangit pihimajut uvanga Havagvianin Aanniaqtailinirmut Meditech auladjutainin.

Pittaaqtut inirnirit nunallaani naunaijaqhimayut qaffiuniit atautit 18min angajuhiillu hamanga 2020min inugianirit itqungniarutainin.

Nunallaat inugiangnirinun itqungniarutait"iniqtiqhimangitut" taimaali pihimangitut ilaujuni amigaiqjuuminirmun (inuujut, huiqtut, nuutiqtullu). Atuqtauyuqhat qayagilugit.
 

 

Avaliingaaqtut amigaitilaangit:

Ikitpallaarmata unniudjutigijaami.


Aullarhimajun utiqtun naunaijautaa:

Ikitpallaarmata unniudjutigijaami.

 

Havagviat Ilinniaqtuliqijikkut

Aulahimaaqtut kivgaqtuutit:

K-12 Iliharviit

April 11, 2022, nungguqpat, ivyarutinik atuqhimmaaqtuqhat Nunavut iliharviinni iliharviit aqyaqtuutainnilu.  Ivyarutit tuniyauniaqtut iliharviinnut ilihaqtut havaktiitlu aturiamingnik.  Ilinniaqtuliriiyitkut ihivriuffaangniaqtaat una pitquidjut, piviqhaqaqqat, uqautaulutiklu CPHO ngannit.

Ilinniaqtuliriiyitkut aulahimaaqtumik malingniaqtait pitquyait haffuma CPHO qayarnaittumik armaktigutainnut iliharviit. Naunaigutigilugit uqautiyait CPHO nga, tamaita iliharviit armaqtiliqtut 100 pusan inuqarniatigut.  Aadlanggurniit iliharviup qanurinmanggaatigut tuhaqtitauhun’nguyait an’ngayuqqaat qilaminnuaq.

Iliharviit, ilihaqtut, ilagiiqtutlu nalvaangginnariaqaqtait naunaitkutit iliharviup aanniaqtailinirmun aanniqtailinirmunlu inuuhirittiarnirmunlu uvani https://gov.nu.ca/education/information/2021-22-opening-plan-nunavut-sch....

 

 

Havaktuliqijikkut Havagvia

Aulahimmaaqtun havaguti:

Talvannga April 11min, GN-kunni havakviit malikhimmaarniaqtait aktuqtaunikkut amirinikkut havagutit:

  • Havagviit iniqtirniaqtun havagvingni-naunaijaqhimajuni qajangnarnikkut naunaijarutinik pipkainikkut ihuaqtun amiridjutit atuqtaujun.
  • Havaktiit inirhiniaqtun inmingnun qajangnarnikkut naunaijarutinik ilitturijaami COVID-19min-pidjutilgit qajangnarutit piqpiaqtun havaamingnun havagutigijauhimajun.
  • Havaktiit atimaniaqtun ivjarutinik iglumi katimaviinni. Ivjarutit hailihimahimmaarniaqtun.

Taimaatun ivjarutinik aturniq pitqujauhimajuq inungni katimaviinni hivitunirni malikhugin pitquidjutit ataani inungnun aanniaqtailinikkut amigaqhuutimi, pidquidjuti GN-kunni qajaginikkut COVID qalagjuarnirmik hiaminningani havagvingni pijuq havaktakhainnin ataani Nunavunmi Aanniqtailinikkut Maligaqmi. Taimaatun inungnut aanniaqtailinikkut maliqtakhat taimaaqtitaunialiqtun April 11mi, GN-kut havaktakhait ataani aanniaqtailinirmi maligaqmi aallangulimaittun.

Ihuarhaqtauhimajun havagutikhat:

Talvannga April 11min, hapkuat havagutit nutqaqtitauniaqtun:

  • Havaktiit nutaqtitauniaqtun iniqtirlutik ubluq tamaat aannialaqinikkut ingmingnik-naunaijarutinik.
  • Atiliurniq itiliraanga/aniliraangat maliktakhat atuqtitauvaktun pimaamik aktuqtauhimanikkut ihivriurutikhanik nutaqtitauniaqtuq.

Angitqipjaupluni havagviujuq Nunavunmi, aturniit hapkunani qajagidjutikhani ikajurniaqtait nunallaavun aanniaqtailinirmun nuutiqtilluta nutqaqtirnianun inungnun aanniaqtailinikkut amigaqhuutimi.

 

 

Nunavunmiutat aanniaqtailidjutait atauttikkut uvagut munarijaqhavut! Itqaumalugu: uaqlugit algatit, kapuqhirlutin, tuhaalugin uqautait aanniaqtailinirmut havaktiinnin, aihimalutinlu aannialaqiguvin.