COVID-19 Qalagjuarnikkut GN-kunnin Nutaamik Tuhaqtidjutaa - Tissaipa 18, 2020

COVID-19 Qalagjuarnikkut GN-kunnin Nutaamik Tuhaqtidjutaa - Tissaipa 18, 2020

Hivuliqtiup nutaaq-tuhaqtitakhaa:

Ublaakkut. Ublumi, Nunavut piqangittuq nutaanik aannialiqtunik COVID-19 qalagjuarnirmik.

Nunavut piqaliqtuq atauttimun 34nik aannialiqtunik COVID-19 qalagjuarnirmin. Atauttimun amigaitilaangit inuit munarijaujut ublumimun 5478ngjut. 631 inuit tadja munarijaujun. 225 Nunavummiut tadja nakuuhijut aannialaqidjunmit.

Una kingulliqpaanguniaqtuq tiiviikkuuqtukkut nutaanik ilitturipkaidjutiptiknik umani ukiumi. Hivumuunikkut, tamaita havangnaittumi aannialaqinikkut qaffiujaakhaita Arviami uqaqtauniaqtun Hivulliunmi, pipkaijaami havakpiaqpaktun aannialaqidjutini-hiamitirutainni havaktiit ihariagiliqpiaqtainnik unaguiqhiqvighamingnik!  Taimaituuraanginnaqtukkut, piqaqqat nutaanik aannialaqidjutinik ahini Arvianin, uqarniaqtavun tamaita naunaitkutit tadjainnaq.

Tadja haalatiiliqpialiqtilluta, itqaumaffaarmiqujatkat tamaita inungni katimadjutiit inuqqukittukhat.

Quviahuutiqaliruvin inungni igluqagitigiingitarni, katimaqatiginarhuarlugin katimaqatigiinnaqtatin. Upaqattaguiqlutin naliinnun aallanun katimadjutinun – una taimaatun pipkaidjutijuq COVID qalagjuarnirmik.

Itqaumaluhi kikliqaqtun qaffiujaakhaita inuit katimajaaqtun iglumi, ilaujullu igluqatigiingmiutat. Arviani pulaaqtiqangittuqhaq, Kangiqlinirmi Tikirarjungmilu piqaqtaaqtun qulinik (10) pulaaqtunik ilaqarlutiklu taapkuninnga iglumiutaujunik, imaalu tamainni aallani nunallaani 15nik pulaaqtiqaqtaaqtun ilaqarlutiklu taapkuninnga iglumiutaujunik. Una taimaatun pidjutiukhaungittuq katimapkaijaami paatigiamiluunniit. Hulihimaarlutik hulidjutingnik qajagivaglutillu.

Tamaanun Kangiqlinirmi Tikirarjuamilu, qaffiuniit inungni pitqujauhimajun ulaqqpvingni nunallaamilu katimavingni unaujuq 25 inungnik imaaluunniit 50%ngujumik inugiangniqaqtaarniani – naliinni ikitqijaujumi. Tamainnun aallanun nunallaanun kihiani Arviani, qaffiuniit inungni pitqujauhimajun ulaqqpvingni nunallaamilu katimavingni unaujuq 50 inungnik imaaluunniit 50%ngujumik inugiangniqaqtaarniani – naliinni ikitqijaujumi. Taitai, una taimaatun pidjutiukhaungittuq pipkaijaami Quviahukvingmi ulapqipkaijaami umaaluunniit nunallaani hulidjutipkaijaami. Kihiani angiqtauhimaguvin ihumagijajuqlu qajangnaittuq uumannga Dr. Patterson-min, ihumahuirlutin aannialaqilimaittutin. Taimaatun Arviat huli piqarman aanniaqtunik, huli umiktiqhimajun upautilimaittullu hapkununga igluqpainnun.

Hulidjutitin uumani haalatiirvighami hulaqutijun tamainnun haningni. Ilihimajunga ajurnarniaqtuq aallanguqtirniq kingulliinnin ukiunin, kihimi aulahimmaarlutin havagutinik nunallaami munarittiarutinik.

Aallani tuhaqtakhani, apirijara Dr. Patterson pijaakhamik quvianaqtumik kinamik avaliingaaqtitaunginnikkut ihariagijauqpiarnikkut havaktiujumik uumunga tuklirmun havainirmun. Quviahukpiaqtunga ilitturpkainikkut tamainnun inulrammiinnun Nunavunmiunnun una Santa Claus angiqtauhimajuq qaijaami nunaptiknun pihimaittumik ingminik-avaliingaarutinik 14nun-ublunun. Una pipkaqtinniaqtaa aulahimmaarnikkut piliurqatigiplugin elves ulapqiujakhanik upalungaijaqhutik havangnaqpiarnirmun Quviahukvikhaup Unnuangani. Taimaatun, ihumaaluguiqlutin, Santa Claus qainiaqtuq nunallaanun Nunavunmi uumani ukiumi.

Qujagiffaaqtatka tamaita Nunavunmiut naammagidjutiffingni, ihumagittirutiffingni ilaranaidjutiffingnilu uumani ukiumi. Ajurnaqtuq ukiuq, kihimi quviagijara tamainnun ajuirhautiptiknun. Quviagijungnarhivallu. Quviahuklutin aanniaqtailivaglutillu uumani Quviahukvingmi quviahuklutillu qajangnaittukkut.

 

Atanilluaq Inungnun Aanniaqtailinikkut Havaktimin nutaaq tuhaqtitakhaa:

Ublaakkut,

Ublumi, quviahuktunga unniutilirama aannialaqidjutit Sanikiluarmi nunguttuq. Una quvianaqtuq tuhaqtipkaini9q, taapkuaklu nunallaaq, munarhitkunnilu havaktiit ilitarijaujukhat tikinnirmun hamunga.

Taimaa uqautinikkut, akhuuqtatka tamaita Sanikiluarmi tamaanilu nunaptikni aulahimmaqtukhat malittiarlutik aanniaqtailinikkut munarhitkunnin qanuriliurutikhanik. Una anginiqaqpiaqtuq hivumuutilluta Quviahukvingmun taimaatun katimadjutit piinnaliraangata.

Taimaa naunaijaruiqhimanikkut aannialaqidjutimik Arviani ihumaginikkullu pilik huli inungnik avaliingaaqtiqtunik Kangiqlinirmi Tikirarjuamilu, ihumaliuqtunga tadja pijukhaungittuq qahutirnikkut Aanniatailinikkut Munarhitkunnin maliqujauhimajun. Tajda maliqujauhimajun tamainni nunallaani aulahimaniaqtun aajjiikkiiktumik talvunga tuhatqiffaaqtirnirmun.

Hivumuupluta haalatiikhanun, niriuktugun utaqqipluta hivulliqpaamik tujurutinik havauhikkut-kapuutikhanik tikittukhanik Nunavunmun. Niriuktaujuq Kanaga anginiaqtaa Moderna havautikkut-kapurutikhat aturiami tikittukhani ubluni ukuallu kavamatuqatkut uqarhimajun niriuktukhaujugun pijaami havauhidjutikhanik qakugunnuaq talvanga.

Ilihimangittugun tadja tujuutiit havauhikkut-kapuutikhat tikinniaqtun qaffiujaakhainniklu taapkunani havauhikkut-kapuutikhat ilaqarniaqtun, kihimi, pihimajugun qaffinik tuniudjutikkut qanurinnikhanik upalungaiqhimajugun, tujuqtauniaqtullu pidjutaani qakugu qaffiujuniklu havauhikkut-kapuutikhanik tujuqtaudjutiptikni.

Hamani uqautigiffaarumajara una havauhikkut-kapuutik qajangnaittuq. Havaktauvaktun tamainnik naunaijarutinik, uuktuqtauhimajuqlu 30,000 inungni tuniutiniatuqlu Nunavunmiunnun kapuqtauhimajun uumannga hapummijauniaqtun aannialaqidjutimin.

Quana.

 

Ilaupluni Nunavut Kavamanga (GN) havagutainnik hapumminikkut Nunavunmiunnik talvannga qajangnarnirmin COVID-19 qalagjuarnirmin, GN-kunni Havakviit atuqtipkaliqtait hapkuat:

Kavamatkunni-tamainni Haalatiirnikkut Umikhimaviit

Tamaita Nunavut Kavamangani havagviit umikhimaniaqtun Tissaipa 24min talvunga Januali 3mun ukuangungittun kihimi tikkuaqtauhimajun igluqpait angmaumajukhat.

GN-kunni havagutit tunijauniaqtun maliklugin aanniaqtailinikkut munarihitkunnin maliqujauhimajun atuqtaujun aallanguhainnaqtaaqtullu.

 

Aanniaqtailinikkut

• Qikiqtani Aanniaqvik angmaumaniaqtuq piluni tamaita havakviit kihimi aanniaqvikmiingittuni timikkut iqaijaqhivikmi
• Aihimavingmi Munarhidjutit havagaanginnaqtait umikhimaniaqtun pitqujauhimajuni haalatiini, kihimi hailihimaniaqtuq amigarnarhijunun.
  • Ilihimalugi ilangit aihimavingmi munarhidjutit Kivallirmi nutqaqtitauhimajun pijdutaanin COVID-19 qalagjuarnirmi aannialaqidjutinin.
• Aanniarivingmiingittuni munarijaulluarnikkut munarhiviit umikhimaniaqtun Tissaipa 25mi, 28mi, Januali 1milu, kihimi angmaumaniaqtun tamainni aallani ubluni.
• Nunallaani munarhiviit angmaumaniaqtun, kihimi, qilamiurnikkut amigarnarhijunullu havagutikhat hailihimaniaqtun munarhinikkut talvuunga havangnaitillugu-hivajautikkut havagutinik imaalu hapkuat havagutikhat aulahimaniaqtun:
  • Amigarnarhijun/qilamiurnikkut munarinikkut, aanniaqtunun, ihuarhaqtauhimajunullu takujaqtuqvighanik ukununga qajangnarhittaaqtunun inungnun pipkaidjutihimaarniaqtun. 
  • Nakuudjutikhakkut-nutaranun hingaijunullu havaniaqtut tamaat.
  • Havautigijauraanginnaqtun aularaanginnaqtuni aanniarutiqaqtuni ukuallu nakuudjutikhakkut-arnani/nakuudjutikhakkut-angutini munarhiliarutit nutqqtitauniaqtun uvuuna pipkaijaami amigailiqtunik amigarnarnikkut munaridjutikhanun.
• Ihumaliqinikkut munarhiit havaktiillu havagniaqtuq tamainni.
• Aanniaqtailinikkut Havaktiit, aviturhimanirni hiamittaaqtuni aannialaqidjutini, TB-kut havaktiit, irnijunun ikajuqtiit, nunallaani aanniaqtailinikkut havaktiit ikajuqtiillu havaktiit havangniaqtun tamainni.
• Qaujiharnikkut iksuliirnikkullu havagutit aulahimaniaqtun angmaumaniaqtun havaglutiklu. Piniq hunanik qaujihaqtaujukhanik iksuliirinikkullu piniaqtun 24/7 ikaarnini tamaat tamainnun amigarnarhijunun ukunungalu piinnaraanginnaqtunun hunani.  COVID-19 qalagjuarnirmi kiliuqtuutit aulahimaniaqtun amigarnarnikkut hivulliutijaulutik tamaitalu tujuutikkut qanuriliutit aulahimaniaqtuq atuqtaulutik umikvighami. Pijauraanginnaqtun qaujihaqtaujukhanik nutqangallangniaqtun uvani.
  • Aanniaqtukkut aullaarutikhat aularaanginnarniaqtun.
  • Iqaluktuuttiami ihumaliqinikkut havagvik:
    • Ihumaliqinikkut munarhiit havaktiillu havagniaqtuq tamainni.
    • Ihumaliqinikkut Ipirailailirnikkullu ajuirharhimajun havaktiit havalimaittun kihimi hailihimaniaqtun hivajaqtauttaaqtun ihumaginingani ihumaliqinikkut munarhimin.
  • Akausisarvik Ihumaliqinikkut Havagvik Iqalungni havangniaqtun tamainni.
  • Aanniaqtuni Najurviit havagaanginnarniaqtun:
    • Churchill – Iglualuk Boarding Home.
    • Edmonton – Larga House.
    • Iqaluit – Tammattaavik Boarding Home.
    • Ottawa – Larga House Baffin.
    • Winnipeg – Kivalliq Inuit Centre.
    • Yellowknife – Larga Kitikmeot Boarding Home.

 

Inuliriiyikkut

• Inulirijikkut Havagviit piqarniaqtuq hivajaqtauvighakkut hailihimaniaqtun.
• Ikajuuhiarvikkut Havagviit piqarniaqtuq hivajaqtauvighakkut hailihimaniaqtun.
• Havaakhanun Havagvia piqarniaqtuq hivajaqtauvighakkut hailihimaniaqtun.

 

Nunalingni Kavamatkunillu Pivikhaqautikkut

• Hapkuat Nunalingni Kavamatkunillu Pivikhaqautikkut havagviit hailihimajun amirarnaqqat:
  • Qajangnaittukkut Hulidjutini Havagvik (Havagvia Atanngujaup Ikualaaqtuliqijiup, atanngujauq alrujanik ihivriuqti, atanngujaq iglunik ihivriuqti unalu atanngujaq imaqutini-uunnakhiiviknik ihivriuqti).
  • Igluqpainnun Aulapkainikkut Havagvik.
  • Amigarnaqtunut Aulapkanikkut Havagvik.

 

Pivalliajuliqijikkut Ingilrajuliqijikkullu

• Nunavunmi tingmihiarviit angmaumaniaqtun.

 

Ilinniaqtuliqijikkut

• Manikkut Ikajuutikhat Nunavunmi Ilihaqtunun (FANS) havagvia piqarniaqtuq hivajaqtauvighakkut tingminikkut amigarniarhijunun uvani 867-857-6950.

 

Kiinaujaliqijikkut

• Una Nunavunmi Tanngaliqinirmut Higaarlungnikkullu Katimajiit (NULC) niuvvaahimmaarniaqtuq hakugikpallaangittunik taanganik (beer, wine, cider, coollers) talvuuna Iqaluit NULC niuvvaavingmi talavani umikhimavingni, piqaluni ikiklijuummirhimajunik ikaarnikhanik.
• Una NULC niuvvaavik umikhimaniaqtuq talvannga Tissaipa 24min 28mun, angmaffaarluni 29mi 30milu talvannga 1min 6mun unnukkut uvanilu Tissaipa 31 talvannga 12min 4mun ubluummaat. Niuvvaavik umikhimaniqtuq Januali 1, 2021 havalirlunilu havagaanginnarutimingnik ikaarnirnun uvani Januali 2mi, 2021.
• Taanganik qarridjutikhanik laisikhat ukuallu nunallaani aquiqtuidjutit havaktaulimaittun talvannga Tissaipa 24min talvunnga Januali 3mun. Niuvirumajun qarridjuiniarhimajun uvuuna akhuuqtaujun niuviuqlutik laisikhamik talvuuna Tissapa 23kkut naliinnin hapkunannga:
  Iqaluit NULC niuvvirvik
  Inuk upautiluni:
  Hivulliunmi talvannga 9mi ublaami 12mun uvanilu 1min 4:30mun. ET.
  Aippiunmi Talliumiunnun talvannga 9min 11mun ublaami. ET.
  Hivajautikkut hivajarlugu 867-975-6869.
  Kangiqliniq
  Hivajarlugu 867-645-8575 unaluunniit 855-844-5488 Hivulliunmin Tallimiunmut talvannga 8:30min ublaami 12mut uvanilu 1min 5mun. CT.
  Iqaluktuuttiaq
  Hivajarlugu 867-983-4048 Hivulliunmin Tallimiunmun 10min ublaami 4mun. MT.
  Kugluktuk
  Hivajarlugu 867-982-6509 titiqqiluguluunniit qaritaujakkut uvunga water@kugluktuk.ca. 
  Ilihimaluhi Kugluktumi havagvi havainnarniaqtait laisighat talvaniinnaq nunallaami.

 

Havaktuliqijikkut

• Una Havaktimun Ilagijainnullu Ikajurutikhat Pinahuaruti hailihimaniaqtuq havaliirvingmi. Havaktut ilagijaullu hivajaqtaaqtaa una akiittuq 1-800-663-1142 ingunmun uqaudjutinik tamainni Nunavutiup ilitarijauhimajuni uqauhini takuluguluunniit una https://homewoodhealth.com.  
• Talvani GN-kunni haalatiirnikkut umikhimaviinni, staffhousingrequests@gov.nu.ca munarijauniaqtun amigarnarhijuinnarnun.

 

Maligaliqijit

• Maligalirinirmut Atiliurvik angmaumahimaniaqtun.
• Tamaita itiqtauviit angmaumahimaniaqtun:
  • Baffin Itiqtauvik unalu Makigiarvik Itiqtauvik.
  • Kangiqlinirmi Mamiharvik Itiqtauvik.
  • Kugluktup Ilavut Itiqtauvia.
  • Uttaqivik Community Residential Centre.
  • Nunavunmi Arnait Itiqtauvia.
  • Isumaqsunngittukkuvik Youth Facility.
• Nunallaani Maligaliqnikkut Havakviit umikhimaniqtun kihimi Amigarnarnikkut Hapummidjutikhakkut Maligakhat hailihimajun hivajaqlugu 1-844-534-1038 hivajarlugilluunniit nunallaami RCMP-kut ikajurutikhanik.
• Havagvia Inungnun Munaqtiujumi Amiqtuijumilu umihimaniaqtuq kihimi hivajaqtauttaaqtun uvani 867-222-1805 amigarnainnaqtunun.
• Nunallaani Ikaqtauvingni Havaktiit hailihimaniaqtun hivajautikkut. Hailihimajukhakkut havaktukhani naunaitkutaa hamma:

Tissaipa 23min 26mun	867-222-5271
Tissaipa 26min 29mun	867-222-0390
Tissaipa 29min 31mun	867-975-1616
Tissaipa 31min January 2mun	867-222-5271
Januali 2min 4mun	867-899-1380

 

Avatiliqijikkut:

• Amigarnarnikkut kuvinikkut kiudjutikhat hailihimajun 24ni ikaarnirni ubluq tamaat uvani 867-920-8130.
• Amigarnarnikkut huradjatigun kiudjutikhat hailihimajun 24ni ikaarnirni ubluq tamaat uvani 867-222-0167.

 

Qulliq Alrujaqtuqtunik Ikumadjutiit

• Qulliq Alrujaqtuqtunik Ikumadjutiit angmaumaniaqtun GN-kut haalatiirutainni umikvinginni ubluinni (Tissaipa 24, 29, 30 31milu), kihimi umikhimaniaqtun ukunani pitqujauhimajuni haalatiivighani (Tissaipa 25, 26 Januali 1milu).

 

Nunavunmi Igluliqijirjuatkut

• Amigarnarnikkut hivajaqtakhat Iqalungni havkatinun igluliqijiinnun: 867-877-4118. Tujuruiqlutin hivjautikkut titiqqidjutinik.

 

Nunavunmi Ilihariaqpaallivingni:

Hapkuat NAC igluqpait angmaumaniaqtun talvunga Tissaipa 24mun:

• Kivalliq Hall Havagviit – Kangiqliniq*.
• *Avaliittuni igluqpait ilihaqtuni najurviit talvani Kivalliq Hall-mi umingniaqtuq Tissaipa 18mi.
• Sanatuliqsarvik, Hananikkut Iliharvik – Kangiqliniq.
• Nunatta Iliharvilluanga – Iqaluit.
• Kitikmeot Iliharvia – Iqaluktuttiaq.

Hapkuat NAC Igluqpait angmaumaniaqtun (ilihaqtunun) umikhimavingmi:

• Ilagiiktunun Igluqpait – Iqaluktuuttiaq.
• Ilagiiktunun Igluqpait – Kangiqliniq.
• Ilagiiktunun Igluqpait ukuallu Ilihaqtunun Najurvik (Utuqqaq Nova Igluqpaa) -Iqaluit.

Aallat uqarvigijakhanun ilitturipkaidjutikhat takujauttaaqtun uvani: www.gov.nu.ca.   

Tamaita GN-kunni havagviit angmaffaarniaqtun Hivulliunmi, Januali 4mi, 2020 havagvinghanun. Quviahugitti Quviahugvingmi!

 

Aanniaqtailinikkut Havagvia

Tamainnun nutaanik naunaitkutinik atuqtakhaniklu talvuuna COVID-19 qalagjuarniq Nunavunmi, takulugu una: https://www.gov.nu.ca/health/information/covid-19-novel-coronavirus

Nutangutqijanik naunaitkutikharnik tadja inungnut aanniaqtailinikkut kikliqaqtunun, takulugu una: https://www.gov.nu.ca/health/information/nunavuts-path

 

COVID-19 qalagjuarniq aannialiqtut qanurinniit: Dec. 18

Attautimut naunaiqtauhimajut aannialaqihimajun	Attautimut aannialaqihimajun	Attautimut nakuuhijut aanniaruiqtun	Attautimun inuit munarijaujun	Tadja inuit munarijaujut
259	34	225	5478	631

COVID-19 qalagjuarniq nunallaani aanniaqtut qaffiutilangit: Dec. 18

Nunallaami	Naunaiqtaujut COVID-19 qalagjuarniq Aanniaiqtut ippakhaq	Naunaiqtaujut COVID-19 qalagjuarniq Aanniaiqtut ublumi	Aallanguqtut aanniaqtut nampait +/- ippakhamit	Nakatqiqtut aanniaqtut	Attautimut aannialaqihimajun
Arviat	217	217	0	183	34
Tikirarjuaq	21	21	0	21	0
Kangiqliniq	19	19	0	19	0
Sanikiluaq	2	2	0	2	0
ATAUTTIMUN	259	259	0	225	34

Qaujihaqtaujut qaffiujut ublumimut nunallami: Dec. 18

Nunallaami	Qaujihaqtaujut aannialiqtut	Qaujihaqtaujut aanniangittut
Arviat	217	992
Tikirarjuaq	21	175
Kangiqliniq	19	277
Sanikiluaq	2	201
ATAUTTIMUN	259	1645

Avaliingaqtut inugiangningit: 

Attautimut (Tamaita Aanniarviliaqtut Avalingarviit Najugait Nunanginni)
Aullaaqtuq Qanurittumik	Inuit Avaliinngaaqtitaujut talvannga Dec. 17
Aanniarnikkut	282
Inuit	136
EMTI	8
Attautimut	426

Aullaqhimajun utiqtun naunaijautaa:

Aullarvia Ublua	Amigaitilaangit
18-Dec	31
19-Dec	8
20-Dec	14
21-Dec	86
22-Dec	34
Attautimut	173

Ihariagijauqpiaqtuni Havaktini Tukhirutin:

Talvannga Tissaipa 17min, pilik 10214 tukhirutinik, 4808ngujun ihariagijauqpiaqtuni havaktini tukhirutinik.

Tukhiutait Qanurinniit	#	%
Angiqtaujut (ilaujun ihariagijauqpiaqtun ihariagijauqpiangittullu)	6839	67%
Qin’ngijaujun	286	2.8%
Ihumaliuqtaujun huli	224	2.2%
Aullauvilluarvigijainni Nunat Aagiqtauhimayut	2865	28%
Attautimut	10214	100%

 

Nunavunmiut aanniaqtailidjutait atauttikkut munaridjutigijaqqut! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin.