Havaktingit

You are here

COVID-19 Qalagjuarnikkut GN-kunnin Nutaamik Tuhaqtidjutaa - Hikutirvia 9, 2020

Nuvaipa 09, 2020

COVID-19 Qalagjuarnikkut GN-kunnin Nutaamik Tuhaqtidjutaa

Hivuliuqtimin nutaamik tuhaqtidjutaa

Ublaakkut. Malrunguktuuk naunaiqtauhimajuuk aannialiqtuuk COVID-19 qalagjuarnirmik Sanikiluarmi. Tadja naunaiqhimaittut nunamingni hiamitirnianik ukuak malruujuuk aannialiqtuungnit – ihumagijaujuq iglumiuqatigiiktunut hiamitirnianik. Attautimun amigaitilangit inuit munarijaujut ublumimun 3834. 634-ngujun inuit tadja munarijaujun.

Amigaqhuuitiqaqtumik havaqatigiiktut ikajuqtiujut tikittut Sanikiluarmut Saluutimi ikajutriaqtuqhugit nunangani, imaalu naunaijattiarumaplugit atuqtakhangit ikajuutikhat qaniklihimajainnik aanniaqtumut naunaiqtaujukhanik imaalu ihivriuqtaujukhat pijariaqaqqata.

Uqariikhimajugut qakugu imaatungittumik COVID-19 qalagjuarniq tikitpat Nunavunmut. Aannialiqtuqarmat hamani, munaqhittiaqtukhauijugut. Ilihimajugut aanniaqtailinikkut maliqatqujauhimajut imaalu tamarmik Nunavunmiut atuliqtakhangit maliqattiarlugilu tamaita.

Tamapta munarijaqaqtugut nunallaaptingni inungnik, imaalu qanuriliurutikhaptingnik ikajuutikhaptingniklu aanniaqtailitikhanik.

Uaqataarlugit algatit. Maliglugillu inungmit un'ngahikhimajukhat - niuvvaavingmi, havagvingni, titiraqarvingmi, imaalu inuugiangnirmi katimajuni. Uaqattarlugit atuqtauqattaqtut qanngit. Aihimalutit aanniaruvit.

Itqaumaluhi hulidjutitin hulaqutijun tamainnun aanniaqtailidjutainnun.

Atanilluaq Nunallaani Aanniaqtailinikkut Havaktimin nutaanik-ilitturipkaidjuti

Ublaakkut. Havangnaidjutaani naunaiqhijugut aallamik inungnik aannialiqtumik COVID-19 qalagjuarnirmik Sanikiluarmi. Ihivriuqhidjutaa naunaiqtaujuq Iqalungni, ihivriuqtauvikhat iniqtaujuq naunaiqtaupluni aanniaiqtuq ihivriuqtaudjutaanit. Nutaaq naunaiqtaujuq iglumiuqatingat hivulliup aannialiqtup imaalu tadja hiamitiqhimaittuq aanniarut nunangani. Tuklia aannialiqtuq mihingnautiqaqtuq imaalu naamnainaqtuq.

Tallimiunmi, aullaqtitijugut Amigaqhuuitiqaqtumik Havaqatigiiktut Ikajuqtiujut ikajuriaqtuqtut havaktinginnik nunangani Sanikiluarmi. Atauhiq munaqhi atauhirlu naunaijaijikhaq aullaqtitaujuuk ikajuqtikhak tapkuninga naunaijaidjutikhainnik qaniklihimajainnik aanniaqtumut.

Pingahukhat munaqhi aullaqtitaujuq nunanganut ublumi. Amigaqhuuitiqaqtumik Havaqatigiiktut Ikajuqtiujut (RRT) ikajuqtaujut unngahiktukkut inungnut aanniaqtailinikkut munaqhinit hivajautikkut uqarviuplutik.

Qaniklihimayainnik aanniaqtumut naunaiqtauyukhanik aullaranginnaqtumik imaalu ihivriuqhidjutingit aullaqtitauvaktut Iqalungnut ubluq tamaat ihivriuqtaujukhat. Ublumimut, tamaita qajagijaujut qaniklihimajut aanniaqtumut naunaiqtaujut nunangani.

Ilihimajunga ihumaluuktut nalluqhaqtullu tadja kihimi ikajuqtigiikluta havaqatigiikkupta ihuarniaqtuq. Munaqhitkutnit hivajaqtauguffi, kiudjavaqhi hivajautit. Una naunaitkutaatit himaitilimaittut. Mihingnautiqaliruvit, anginiqaqtuq hivajadjavutit munaqhinut. Maliqajakhatit munaqhitkuni havaktingit ikajurahuarluta hiamitiqtailitikhanik aannialaqidjutit.

Unaguiqhirvik, uqaudjaujugut Manitoba Public Health tamna Nunavunmi nunaqaqtutaanniarviliaqtut avalingarvikhat najugaani Winnipeg naunaiqtaujuq aannialiqtuq COVID-19 qalagjuarnirmik. Taimaittunaqhijuq aannialiqhimajuq Winnipeg pidjutiqarunaqhijuq aannialiqtumut Sanikiluarmi.

Inuk tamna naamainaliqtuq imaalu maliqajuq avalingarvikhaminik maliqatqujauhimajunik. Naunaitkutikhangit taffuma inuup aktuqtauhimajunaqhijut aannialaqidjutimut hivuani itiqtitautinnani avalingarvikhamut ukpiruhiktugullu qajangnarluangittunaqhijuq hiamitirnikhanut aallanut inungnut itiqtirvingmiujhunut.

Inuk tamna avalingaqtitaujuq imaalu anijukhaungittuq igluarminit tadja.

Kingulikpamik, tunijaujugut unniudjutinik aanniaqtailinikkut munaqtiujunit havaktiinit ihuigijauvaktut uqamilukviuvaktullu ilanginni nunallaani tamna aannialiqtuq COVID-19 Qalagjuarnirmik tuhaqtitauraaqtitlugu. Hapkuat angutit arnallu tikitpakhimajut hivuraanit tunihijaqtuqhutik ihariarijaukpiaktunik kivgaqtuidjutikhanik ikajuqpiakpaktut anginiqaqtunik munaqhidjutikhanik tamainni avikturnianni. Hapkuat maliqattiaqpiaktakhat maliktakhat piliuqtauhimajut inungnut aannialiqtainikkut maliqattiaqujaujunik.

Kangiqhijugut ihumaluutaujut inungnut avaklingagakhaittunut aullaqtinnatik Nunavunmut, kihimi iidjuhiqaqtut hivuranaqtumik qaipkainirmik inungnik qilamik anginiaqtuq. Akhuuqpaktugut qajangnaitkutikhanik inungnut tamainnut tikittukhanut avikturnianut hapkuat ihariagijaukpiaktut havaktikhat mikijuq.

Quana.
 

Ilaupluni Nunavut Kavamanga (GN) havagutainnik hapumminikkut Nunavunmiunnik talvannga qajangnarnirmin COVID-19 qalagjuarnirmin, GN-kunni Havakviit atuqtipkaliqtait hapkuat:

Havagviat Aanniaqtailinikkut

Kihiani amigaqhuutiqaqqan, apigiyugut inungnun Sanikiluarmi hivajaqtukhaujut munarhitkut atugianganik atuqtakharnik. Inuk kituliqaak apiqutiqaqqan talvuuna COVID-19 Qalagjuarnikkut apigiyauyut hivajagiaqaqtun hivayautmun umunga 1-888-975-8601.

Atauttimun (Tamaita Avaliingaarnikkut Najurviit)  
Aullaaqtuq Qanurittumik Inuit Avaliinngaaqtitaujut talvannga Hikutirvia 7mi
Aanniarnikkut 417
Inuit Nunalaani 245
Attautimun 662

 

Aullarhimajun utiqtun naunaijautaa:

Aullarvia Ublua Amigaitilaangit Aullaaqtun Avaliingaarvingnin
Hikutirvia 7 0
Hikutirvia 8 19
Hikutirvia 9 78
Hikutirvia 10 46
Hikutirvia 11 59
Attautimun 202

 

Ihariagijauqpiaqtuni Havaktini Tukhirutin

Talvannga Tarium Hikutirvia 5mi, pilik 8480tukhirutinik, 3985ngujun ihariagijauqpiaqtuni havaktini tukhirutinik.

Tukhiutait Qanurinniit # %
Angiqtaujut (ilaujun ihariagijauqpiaqtun ihariagijauqpiangittullu) 5646 66.6%
Qin’ngijaujun 279 3.3%
Ihumaliuqtaujun huli 258 3.0%
Aullauvilluarvigijainni Nunat Aagiqtauhimayut 2297 27.1%
Attautimun 8480 100%

 


Havagviat Ilinniaqtuliqijikkut

Ilihalihaaqtunik 12mun Puqtuniqaqtunik iliharviit

  • Malikhugit Nunavunmi Atanilluaq Nunalaani Aanniaqtailinikkut Havaktimin, Sanikilurmiq tadja uvani ittuq Qanurininga 4: Nunangani Hiamitiqtuq aanniarut COVID-19 Qalagjuarniq hivunirmi ilituripkaktauffaarniaqtugut.
  • Aallat nunallaat imaaluuniit iliharviit aktuqtaungittut tadja.
  • Havagviat upalungaijailiqtut ikiaqquurutikhat hanaiqhimajut qaritauijat tujuutauniaqtut ilihaqtunut havaktiinullu talvani Paatsaali Angajukhiit Iliharvianut ikajuutikhanik aullaranginnaqtumik iliharnirmik.
  • Tadja, ilihaqtut havaktingillu taffumani Nuiyak Nukaqhiit Iliharviani tujuqtaulimaittut qaritaujanik, ilinniaqtuliqijitkut utaqqingmata ikkiaqquurutikhanik ihuaqtunik atuqtakhanik qaritaujanut iPad-nut. Ilinniaqtuliqijikkut pikpatigiik imaalu tujuutauniaqtut Sanikiluarmut. Tadja, ungahiktukkut iliharnirmik nukaqhiit iliharvianni tunijauniaqtuq hivajautikkut uqarvigilugit imaalu ilihautikhat puukhimajut.
  • Tamarmik Nunavunmi iliharviit havaktingit, ilaujullu havaktiit Sanikiluarmi, iniqhijut ajuiqhaqtamingnik taffuminga Edsby qaritaujakkut ungahiktukkut iliharnirmik atuqtakhainnik. Ilinniaqtuliqijikkut piniaqhimajut piliurlutik Edsby atiliurvikhanik tapkuat Sanikiluarmni havaktingit iniqhilutik qitiqqukpat havainirmi, imaalu ilihaijit uqarviginiaqtait ilihaqtitatik ilautqulugit taffuminga Edsby.
  • Qajangnaittumik maliktakhangit tuniuqhaidjaudjutikhanik qarijaukkuurutikhat imaalu ilihautikhat puukhimajut tunijauniaqtut iliharviinut.
  • Sanikiluarmi iliharviit tunijauniaqtut aallanik halumaqtirutikhanginnik Tattiarnaqhilirvia, imaalu amigaittunik inuum atimajakhait qajagidjutikhat ( PPE) tujuutauniaqtut Sanikiluarmut ikajuutikhanik tuniuqhaidjutikhanut qaritaujakkuurutikhangit atuqtakhat iliharnikkut puuqhimajunik.
  • Takulugu qanuqtut Havagviat Ilinnaqtuliqijikkut aanniaqtailijait ilihaqtut qajangnaittumik, takulugu gov.nu.ca/education.

 

Nunalingni Kavatkunillu Pivikhaqautikkut Havagvia

Tukhirutit nunamungaujaami nappaqtirinikkut pidjutilingnik havaktakhanik aullaariamiluunniit nunami ukununga nappaqtirinikkut pidjutilingnik havaktakhanik tujuqtauttaaqtun qaritaujakkuurutikkut titiqqidjutikkut uumunga CPHOconstructionrequests@gov.nu.ca

Nappaqtirinikkut havatiit iniqhimajun avaliingarnikkut ublumimun: 2086

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin.