Havaktingit

You are here

COVID-19 Qalagjuarnikkut GN-kunnin Nutaamik Tuhaqtidjutaa - Hikutirvia 6, 2020

Nuvaipa 06, 2020

COVID-19 Qalagjuarnikkut GN-kunnin Nutaamik Tuhaqtidjutaa

Hivuliuqtimin nutaamik tuhaqtidjutaa

Ublukkut. Una atuqpagaitnik ilitugidjutiginiaqtugaluq, kihimi ilihimaliqtuhi, aanniarutiqalirmiyuq COVID-19 Qalagjuarniq Sanikiluarmi. Una Nunavunmi hivuliqpaanguliqtuq aanniarutiqaliqtunik.

Talvuuna Nunavut Kavamanga, Tuyuqtatka namaktirutikharnik aanniaqtumun, ilaruhingitlu tamaatlu nunalaangit. Ihumagiyauyuhi hamaniitugutlu ikayuktikhailiuliguffi.

Nunavunmi piqalirmiuyuq aanniarutmik COVID-19 Qalagjuarnirmik. Atautimun inuit qanuritaaghainik ublumimun 3803. 583-ngujun inuit tadja munarijaujun.

Taakti. Patterson uqarniaqtuq hadjagunuaq talvuuna ilihimailiqtaptingnik, unalu kingulikhat aturniaqtaptingnik inihiurlugu munagiyaangat hiamitirnaitumik aanniarut.

Nunavunmiutat, Itqaumaluhi, naunaiqtaukpat aanniarunniktumik inungmik nunangani ihumaluutaujakhaittuq qurluktailinahuadjavuhi. Ahiqpangahimmaarlutit aallanit inungnit inugiangnirmiitkuvit, uaqpaglugit algakkit, aihimalutinlu aanniangaliruvit. Ikinaarnahuarlugut katitivigivakhimayangnik allanun inungnik.

Tadja piyakhaungituq pinaguhinirmun, kanguhaarnirmunlu. Uqamaluktailuhi allanun ilitugiyaungitumikluuniit hiamitirnaitumik. Pidjutitigilimaitun ikayuutilimaitunlu inungnun kituliqaak.

Quyagiumayahi aulahimaaqpakaptik havakhimaaqpakaptiklu malikhautiyaangat nunalaanu inuuhirikharnik uuktuutigiyauyunik. Inungnun tamainun aulahimaaqtun atuqtauyukharnik, aulahimaagitti taima!

Taima aulalirmigapta ubluirvianun itiqhimainginaqhiumilu, ihumagihimaaqtukhauliqtugut ubluq tamaat.

Nakuutiarlutit. Aanniaqtaililutik. Qayagivaklutit. Itqaumayakhat - Hulidjutigivaktangnik. Tamainnun Aanniaqtailidjutait.

Atanilluaq Nunallaani Aanniaqtailinikkut Havaktimin nutaanik-ilitturipkaidjuti

Ublukkut,

Ublumi ilitugidjutikharnik pivakhimayugut aanniarutiqaqalirmiuyuq COVID-19 Qalagjuarniq Sanikiluarmi.

Una inuk ilaruhingitlu avaliingartitaulirmiyut. Aulatitilirmiugut qaniklihimayainnik aanniaqtumut naunaiqtauyukhanik nunalaani uvanilu amigaqhuutikharnik kiudjutikharnik havaqatigiiliqtun havagiaqaliqhutiklu munagiyaangat qanuriliugianganik qilaminuaq.

Aulalirmiyuq ublumi qitqarviani, tamaita tingmidjutikhangit talvunga talvangalu Belcher Islandmi, ilauyutlu Hamilaatkuni Sanikiluarmi aulayukhaungiktun.

Pigiaqaqtun kihimi amigaqhuutiqaqqan aanniaqtunik taaktiliqiyukharnik, ayungnautiqaryuaqtuniklu aanniaqtun kiudjutigiyauyukharnik, tingmiyukharnik amigaqhuutiqaqqanik, agyaqhimaaqtuniklu tingmitikkut. Anguniaqtiit qimagiaqaqtaat nunalaangit kihimi aulaaqtukhaungitun allanun nunalaanun inugiaqaqtunik hilataani Belcher Islandmi.

Uqautauyurlu anguniaqtiit qimaktun nunalaangit qanitumiitukharnik munagiyauyukhaq aanniarutiqagianganik utigumik nunalaamingnun pivalliadjutiqaligumik.

Ilauyukharnik, tamaita maniliuqhimaaqtun maniliungituniklu nanminiqaqtunik Sanikiluaqmi umikhimayukhat, talvuunakiak Niqinik niuvaivingit; Urhuqyualiqiyit, akhaluutiliqiyutlu nayugait; Kanatami Titiraqarvingit; Maniliqivikyuangitlu. Niriviiit aquiqtuqtauhimayunik niqinik angmaumaniaqtun talvuuna akhurnaqtumik atuqtakhagiyainik ilauyuq, tamaita niuvagiaqtun 2 miitaanik ungahiktilaaqaqtukhat taima avatqulimaitait 10nik inungnik utaqiuqtunik ikayuutikharnik talvuuna.

Ilauyukharlu, tamaita iliharviit, ilauyurlu Nunavunmi Inirnirit Ilihaapaalirviit, kanatami, nunaptingnilu, nunalaanilu kavamangit havagviit umikhimayukhat tapkuat kihimi kivgaqtuluangit havaktun.

Tamaita katimadjutikhangit atuqtauyukhaungiqtun tallimanik inungnik katimayukhaungitunlu aihimavingmini.

Hadja, tingmiyukhat talvuuna Nunatsiarmi, Churchill, Manitobamilu angmaumayut tingmiyaangat talvunga allanun nunalaanun.

Ihumaluutigiaqangitun Nunavunmiutat kiuhimaaqtugut qilaminuaq uminga atuliqtumik itqaumaquyugutlu hadjamimun ikayuutikharnik, pittiarutikharnik kangikhidjutikharnik itukhauliqtun.

Quana.

 

Ilaupluni Nunavut Kavamangani (GN) havagutainni hapumminikkut Nunavunmiunnik uumannga aanniarnmik COVID-19 qalagjuarniq, GN-kunni Havagviit atuqtipkaliqtait hapkuat:

Aanniaqtailinikkut Havagvia

Kihiani amigaqhuutiqaqqan, apigiyugut inungnun Sanikiluarmi hivajaqtukhaujut munarhitkut atugianganik atuqtakharnik. Inuk kituliqaak apiqutiqaqqan talvuuna COVID-19 Qalagjuarnikkut apigiyauyut hivajagiaqaqtun hivayautmun umunga 1-888-975-8601.

Atauttimun (Tamaita Avaliingaarnikkut Najurviit)  
Aullaaqtuq Qanurittumik Inuit Avaliinngaaqtitaujut talvannga Hikutirvia 5mi
Aanniarnikkut 431
Inuit Nunalaani 243
Attautimun 674

 

Aullarhimajun utiqtun naunaijautaa:

Aullarvia Ublua Amigaitilaangit Aullaaqtun Avaliingaarvingnin
Hikutirvia 6 46
Hikutirvia 7 0
Hikutirvia 8 32
Hikutirvia 9 80
Hikutirvia 10 41
Attautimun 199

 

Ihariagijauqpiaqtuni Havaktini Tukhirutin

Talvannga Tarium Hikutirvia 5mi, pilik 7943 tukhirutinik, 3833ngujun ihariagijauqpiaqtuni havaktini tukhirutinik.

Tukhiutait Qanurinniit # %
Angiqtaujut (ilaujun ihariagijauqpiaqtun ihariagijauqpiangittullu) 5595 66.9%
Qin’ngijaujun 279 3.3%
Ihumaliuqtaujun huli 208 2.5%
Aullauvilluarvigijainni Nunat Aagiqtauhimayut 2283 27.3%
Attautimun 7943 100%

 


Ilinniaqtuliqijikkut Havagvianin Havagutait

Ilihalihaaqtunik 12mun Puqtuniqaqtunik iliharviit

Talvanga Nunavunmi Atanilluaq Nunalaani Aanniaqtailinikkut Havaktimin, Sanikiluaq tadja uvani ittuq Qanurininga 4: Nunangani Hiamitiqtuq aanniarut COVID-19 Qalagjuarniq hivunirmi ilitugipkaktauniaffaaqtugut.

Tamaita iliharviit Sanikiluarmi umikhimaniaqtun ilihaqtunun, havaktiit, ingununlu hivutunikharnik ilitugipkaktautinanik talvanga Atanilluaq Nunalaani Aanniaqtailinikkut Havaktimin. Tamaita ilihairutikhangit Sanikiluarmi aulatitiyauniaqtun unngahiktukkut.

Ilihaijit/ilharvingmilu havaktiit uqarviginiaqtait hivajarlugit ilihaqtitatik ilaruhingitlu qilamiurlutik.

Takulugu qanuqtut Havagviat Ilinnaqtuliqijikkut aanniaqtailijait ilihaqtut qajangnaittumik, takulugu gov.nu.ca/education.

Iliharviingit umingnitigun Sanikiluarmi ayungnautiqalimaituq havaktiit manikharvikhangit.

Havagviangit atuquyut taima Sanikiluarmi Nunalaani Ilihaqtuliqiyitkut (DEA) havaktiit havaktukhaungitun.

Maniktaqvikhangit Sanikiluarmi DEAkut ayungnautilimaitun, unalu Sanikiluaq DEAngit atuqhimaaquyut akiliktuilugit manikharnik havaktigiyainik.

Ilihalihaaqtut Nutaqqat Nutaqqaniklu Munaqhiyut

Talvuuna aulaniqalirman aanniarutmik COVID-19 Qalagjuarnirmik, nutaqqangit munagidjutikharnik igluqpainik Sanikiluarmi umikhimaniaqtun talvanga atuquyainik Atanilluaq Inungnun Aanniaqtailinikkut Havaktimin.

Nunavut Kavamangit maniktaqvikhangit laisiliqiyaangat nutaqqanik munagidjutikharnik igluqpangnik Sanikiluarmi aulaniaqtun.

 

Havagviat Inulirijikkut

Sanikiluarmi Nutararnik Munaqhiyunun

Ihumaaluutiqaguvit qayangnairutikharnik inuuhiringitlu nutaranik unalu/unaluuniit inulramiinik hivayaqlugu Nunalaani Inuhiriliqinikkut Havaktinun:

• Ilaguhirnut Inuuhirittiarnirmun (CSSW): (867) 266-8738
• Inuuliriyitkut Inuuhiringnikkut Atan'ngujarjuangat (867) 857 3201 uvaniluuniit (867) 857 6786
• Nunavunmi-tamaini hivayautait nampangit: 1-844-FW-CHILD (1-844-392-4453)

Ihumaalutiqaguvit ikayuktiuyunik nutarangnik inulramiinikluuniit pihimaaqtun uqagiaqaruvitluuniit ihuaruhungitumikluuniit iliqatigiyaangat, hivayarluta uvani 1 855 522-5201 qaritauyakkutluuniit titirarluta uvani PublicRelationsFS@gov.nu.ca

Ikayuuhialiqiyitkut Palihimatkutlu hivayautait naunairutit tamangni nunalaani nalvaaqtaugiaqaqtun talvani Inuliriyitkut Inuuhiringnikkut havagviani talvani qaritauyaliqidjutainik uvani https://www.gov.nu.ca/family-services/information/child-protection.

Palihimatkut - (867) 266-1111
Sanikiluarmi Ikayuuhialiqiviit Avikturviani Hivayautait Naunairutikhangit
Kivalliq: Akiituq Hivayaut 1-800-953-8516 naqitlugit 1602
Kivallirmi Avikturhimayuni Havakviangit: 867-645-5040 uvaniluuniit 1602 Naqitlugu 1600 unaluuniit 1615
Sanikiluaq Ikayuuhialiqiiyit Havagviit 867-266-8393 unaaluuniit 867-266-8739
Sanikiluaq Havaaghanun Pivallianirmun Naunairutit
Kivalliq – 1-800-953-8516

Inirniit Ilihaqtut unalu Ayuiqhautikhanut Ikayuutikhat

Inirniit Iliharviangit Ayuiqhautikharnik Ikayuktiuyut (ALTS) ilihaqtun ilauyut talvani Havagviani Titiqiqidjutiliqivingmi Ilitagidjutikharnik ilihairutigiyainik Sanikiluarmi aulaniaqtun piyaangat ayuiqhautikharnik akikharnik nungutirnianganun ukiumun.

 

Havagvia Maligaliqijikkut

Nunamingni Maligaliqiyit

Inungmik katimaqatiqaqtukhat Nunalaani Maligaliqinikkut pittailijaujut amigaqhuutaujunut kihianik inuk hivajautaitpat imaalu qajangnaittumik najuganik hivajarvikhanik kivagaqtuijunut hivajautikkut. Inuit apirijaujut hivajaquplugit upalungaikhimajumut Ilagiiktut Pimmarlungnikkut Hattumiarutikhainut Maligaq (FAIA) hivajautaanut apiqqutikhaqarumik ikajuqtikhailiurumnikluuniit aturlugu tamna hivajautaa nampaa 1-844-534-1038. Hivajautaa ihivriuqtauqattaqpangniaqtuq naunaittumik ikajuqtaujumajut tunijauniaqtut Nunallaani maligaliqijikkut Ajuiqhattiaqhimajumut ikajuqtaaktumut titiqqanik titiraqtakhainnik imaalu atuqtakhainnik.

Nunallaami Itiqtauvingit

Tamaita Sanikiluarmi Nunamingni Itiqtauviit havagviat umikhimaliqtut inungnut tuhaqtitauniaqtuhi. Tamaita Sanikiluarmi nunalaani ituqtauvingit ikayuktikhailiuqtuniklu ilitugipkaktauyukhaq hivajautikkut talvunga Nunalaani Itiqtauliqiyimun Havaktimun aturlugit nampaa una: 1-888-770-7696

 

Havagviat Havaktuliqijitkut Ikayuutikhangitlu

GN-kut havagviit Sanikiluarmi umikhimajun inungnun.

Tamaita ihariagiyaungitut Kavamatkuni Nunavunmi (GN) havaktiit talvaniSanikiluarmi havaktukhat iglumingni. Atanguyaqqit haaqatiginiaqtaatit tunihiyaangni quyaginaq ihariagiyauniaqtunik tamayanik ikayuutighanikluuniin havagiangni iglungni. Ihumagiyauyut ikayuutighallu havangnikkut iglumi paqinaqtut uvani GNkut qaritauyaliqiviani: http://intranet/covid19/ tuyuqtauniaqtut qaritauyakkut.
Piyaaqtatit havaktaghatit qaritauyakuuqhimayut angmaqtirlugit uvani Microsoft Office 365 qaritauyangni uvani https://www.office.com/ iliuraqluguluuniin una Microsoft Outlook naunaitkutaa tigumiami hivayaunmun.

Tamaita ihariagiyauyut GNkuni havaktit talvani Sanikiluarmi havangniaqtut havagvingmingni maliklugit Aanniaqtailinirmun, Qayangnautikkut Inuuhiqattiarnikullu Naunaiyaqhimayut apkununga GNkut Havagviini unalu Utirutighaanun Havagvingmun

Naunaiyautit hapklununga GNkut havaktiinun, taiguaqlugit ukua qalagyuarnirmun COVID-19 Apirhuutit Kiudjutillu nivingayut aanniaqtilinirmun qayangnautikullu naunaitkutit hiamitiqtailinirmun qalagyuarniq COVID-19. Paqinaqtut naunaitkutit, apirhuutit kiudjutillu nivingayughallu uvani GNkut qaritauyaliqiviani: http://intranet/covid19/.

Qaritauyakuutitilutit hapkununga HRcommunications@gov.nu.ca qaritauyaitkuvin GNkut qaritauyaliqivianun piyumaguvin aadjiliuqhimayunik quyaginaq ikayuutinik iliuraqhimayut talvunga.

Tadja, GNkut havaktiit tamaini nunallaani havagiaqtuqtaaqtut.

Ikayuqtughaqaqtuq

GNkut aghuuqhayait havaktivut ilailu qiniqlugit qanuq Havaktimun Ilagiyainnullu Ikayurutikhat Pinahuarutit ikayuutauniaqtut tadja. Havaktimun Ilagiyainnullu Ikayurutikhat Pinahuarutit ilauyut akiitukkut hiamitiqtauyunaitullu hivayautaa, 1-800-663-1142, tapkua havaktit/ilailuuniin hivayaqtaaqtaat quyaginaq uqaqatigilugit uqaudjiyut quyaginaq Nunavunmi Uqauhiitigut, ilauyullu qaritauyakkut ikayuutighat uvani www.homewoodhealth.com.

 

Havagviat Avatiliqiyitkut Kivgaqtuutikhait

Havagviangit Avatiliqijitkut aulahimaaqtun tuniyangat ikayuutikharnik Nunavunmi tamainni aulayuitun, malikhautiplugit atuqtakharnik nunalaani inuuhirinikkut uuktuutikharnik. Havagvik aulahimaarniaqtun kiudjutikharnik ayungnautiqaqtunik uumayunik kuvihimayuniklu.

• Uumayuliqiyitkut kiudjutikharnik Sanikiluarmi, hivayaqtukhaq 867-222-0167, 24nik ikaakninik ubluq tamaat kiugiaqaqtun.
• Tamaita kuvihimayut ilitugipkaktauyukhat talvunga Nunavunmi Kuvihimayut Hivayautainun 867-920-8130 24nik ikaaknik ubluq tamaat hivayainagiaqaqtaingit: https://www.gov.nu.ca/environment/documents/spill-response

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin.