Havaktingit

You are here

COVID-19 Qalagjuarnikkut GN-kunnin Nutaamik Tuhaqtidjutaa - Hikutirvia 27, 2020

Nuvaipa 27, 2020

COVID-19 Qalagjuarnikkut GN-kunnin Nutaamik Tuhaqtidjutaa - Hikutirvia 27, 2020

Hivuliqtiup tuhaqtitakhaa:

Ublaakkut. Ublumi, Nunavut piqaliqtuq hitamanik nutaanik aannialiqtunik COVID-19 qalagjuarniq, tamaita Arviani.

Nunavunmi attautimut 151-nguqtut annialiqtut COVID-19 qalagjuarnirmik. Attautimun amigaitilangit inuit munarijaujut ublumimun 4744. Tadja 765 inuit tadja munarijaujun.

Ilihimajunga hamna nallunaqtuq kingulirni havainirni aturniptingnik iidjuhingannik aannialaqidjutimik avikturniptingni. Quviahukpiaktunga tuhaqtitiplunga Nunavut Kavamanga tunihiniaqtut $1 million taffumunga nunangani niqikhanik pinahuarutikhanut, imaatut ikajuutikhat angirutit tujuutaujut hamlatkunut. Imaatut, nunallaat aturniaqtut niqihitikhanik pinahuarutit pidjutikhanginnik iharirijaujunik.

Aktilangit naunaiqtauniaqtut nunallaat aktilanganit. Nunallaat inugiangnitigut ikitqijaukpata 1000 inuit tunijauniaqtut $20,000, nunallangit avatqumajunik 1000 inuit tunijauniaqtut $45,000, imaalu Iqaluit tunijauniaqtut $100,000. Aallamiklu manikhaqarniaqtut nunaallanut aktuqtauhimajunut aanniarunmit COVID-19 qalagjuarnirmit, ikajuutikhanik amigaqhurnaqtunik ihariagijainnut.

Taimaittumik, ikajurumajugut, havaktugut qanuqtut qiniqhiapluta ikajuqtaujaffingni nallunaqtunik ajuqhautaujuniklu atuqtitluta.

Qujagijatka tamaita Nunavummiut utaqqiranginaraffi, pittiaqhuhillu, ihuaqtumiklu, imaalu akhuuraaluk ikajuqpakhuhi kingulirni havainirni atuqpaktaptingni. Nangajijaffi qujagipluhillu havakpauhirnik ikajuqpakhuhillu naamakhinahuarutikhanik haffuma COVID-19 qalagjuarniq. Hakugikhimatta attautimut atauttimuulutallu ikajuqtigiikta.
Naammajjavutit. Qajagivaklutit. Aihimalutit.

 

Minista Aanniaqtailinkkut ilitturipkaidjutaa:

Aallamut havainirmut aullaqtiqtitluta umikhimanirmut anittailinirmullu, Qujagijumajatka tamaita Nunavummiut. Apirijapkit malrungni havainiingni tuhaqtitigapta umikhimanialirmijugut taimatuinnaq nutqaqtirniaqtaqqut aannialaqidjut uuktuqhimmaarupta hapkuninga inungmit un'ngahikhimaluta, naalaktakhavut CPHO pitqujidjutait anihimaittumik imaalu munarijakhavut ilagijavut, nuatqativut ukuallu anginiqaqtut inirnikhangutivut. 

Takuvaktugut qanuqtut hamna aannialaqidjut aktuqpaktait nunavut. Takuvaktugullu kajumikpiaktumik aallanguqtaaktut, imaatullu ihumagijakhavut qanuriliurutikhaptingnik kajuumilaaqtinnahurlugu ikiglinahuarlugullu hiamitirninga aanniarutip. Ilihimajunga ajurnaqpiaktuq, kihimi pulaaqtailinahuadjavuhi imaaluuniit katimattailuhi ahianit igluqatiffingnit. Una anginiqaqpiaktuq.

Maliqattiadjavatit inungmit un'ngahikhimaniq, uaqpaklugit algakkit, qalakhurlutit airnut, halumaqattarlugit qangit aktuqtauqattaqtut imaalu atihimalutit matukhamik anijaraiguvit iglungnit.

Hakugikpiaktugut, hunalikliqaak ihuaqhaittaakhutallu pittaaqtugut. Akhuuqhimmaaqta ikajuqtigiikluta ikajurahuarlutigik nunallaavut aanniaqtailijanginni naamaklutiklu. Munaqtigiikluhi avatingnut qajangnaittumik, imaalu un'ngahiktumit.

Ilitarijakhavut aanniaqtailinikkut munaqtiujut, tahapkuanginnaungittut nunaminnunallaaniitut tahapkuallu ahianit munaqhijut hivajautikkut, havakpiakpaktut amigaitpiaktuni ikaarniini hivajaqattaqhutik inungnut qanuritaakhainnik tuharumaplutik, pittiarluhi uqaqtigijaraigupkit imaalu qujagilugit uqarvigijaraigupkit.

Taimaluttauq, taimaaqtiutiga, qujagijumajatka tamaita Nunavummiut akhuuraluk havakpiakpangmata ikajuqtigiikhutiklu. Hamna aniguutiniaqtaqqut. Quana.

 

Minista Pivalliayuliqijikkut Ingilrajuliqijitkkullu tuhaqtitakhaa:

Upingakhaq Qiqaijalirvia umiktauhimagapta Havagviga uuktulikhimajut ikajurahuaqhugit hanaujaqtit miqhuqtillu, ajquijunik aulapkaijit, niuvvaabviit aallallu mikijut naninirijaujut havagviujullu aktuqtauhimajut akhuraaluk COVID-19 qalagjuarnirmit aanniarunmit.

Uuktuutikhat tunijauniaqtuq $5,000 talamik Mikijunut Naniminirijaujut Ikajuutikhat Pinahuaruti manik ikajuutikhat pittaaqtunut nanminirijaujunut mikijunik havauhikhanik akitujut akiiktakhangit, tunijaukpata, ajurnautauniarunaqhijut aulladjutikhanut nanminirijaujut timiqutaujulluuniit. Pittaaqtunut aulapkaidjutikhanut akiliqtakhat ilaujut tapkuanginaungittut: gluqaup aturninganut akiliqtuutit, qulanaijautit akiliqtakhat, WSCC akiliktakhat, laisikhat & laisimut akikhangit, uunaqutit, pauwatuutinut imaalu aallanut aulapkaidjutikhangit akiliqtakhat. Havagvik tunihilimaittut ikajuutikhanik havalimaittunut akiliuhiakhanik imaalu manikhamik.

Hapkuat mikijut ikajuutikhangit nutqangavingani Nunavunmi nanminirijaujut, ihuaqtumik hivit=kittumut ihariagijanginnik ihuaqhaititlutik maniliurutikhamingnik imaaluuniit maningnik atugakhanik. 

Ua uuktuutikhaq takuvaktut amigaittunik uukturumajut uuktuutikhanik; akkungangni aullaqtitauingmat imaalu qitiqquktitlugu Hikutirvia tamna hivlliq tujuutaungmata uuktuutikhat tunihijut imaatut attautimut $439,834.75 ikajuutikhanik maningmik tapkununga106 Nunavunmi nanminiqaqtunut.

Hamaniitunga ublumi tuhaqtitijumaplunga tuklianik tujuutauhimajunik haffuminga uuktuutikhamik. Inirumikik unniudjutikhat hivullirmi ikajuutikhat, Mikijut Nunavunmi Nanminirijaujut pittaaliqtut tuklianik ikajuutikhanik aktigijumik imaatut $5,000.  Kavamaupluta akhuuqtugut ikajurumaplugit inmikkut pillahijukhat imaalu nunamingni havaakhanik; Nunavunmi Mikijut nanminirijaujut anginiaqtut ilauplutik manilirutikhanut.

Hivuagut, uukturumaguvit maningmik ikajuutikhamik, uuktuktut iniqtirijukhat uimaalut tujuutigilugu naittumik malrungnik makpirangniknuutktuutikhaq titiqqat tunihilutiklu titirarlutik naunaijautikhamingnik qanuqtut nanminirijaqtik aktuqtauhimajakhanik COVID-19 qalagjuarnirmit aanniarunmit. Havagviga piliuqtuq Atauhirmik makpirnilik titirarvikhaq titiraq ikajuutikhat uuktuutikhamik ihuaqhaidjutikhanut hunanik nanminirijamik pidjutiqaqtut havaakhat akitujut akiliqtakhangit hunaujakhaink, taimaittut: igluqaup aturninganut akiliqtuutit, qulanaijautit akiliqtakhat, WSCC akiliktakhat, laisikhat & laisimut akikhangit, uunaqutit, pauwatuutinut imaalu aallanut aulapkaidjutikhangit akiliqtakhat. Una naunaiqhivikhat naunaittiaqhimajut avikturniinni hivajautait titirarvikhangillu qaritaujakkut hailijut uvani gov.nu.ca/sbsp.

 

Atanilluaq Inungnun Aanniaqtailinikkut Havaktimin nutaaq tuhaqtitakhaa: 

Ublaakkut. Ipakhaq, Ministeanga Aanniaqtailinikkut hivuvaaktitijuq Inungnut Aaanniaqtailinikkut Amigaqhuutaujumik talvunga Ubluirvia 10-mut. Hivitturjuminiat Inungnut Aannialiqtailirinirmik Amigaqhuutimik naatarangangnik malruuk havainirni, tunivaktaa tamna Atanilluaq Nunalaani Aanniaqtailinikkut Havakti atanngiqtuidjutikhanik piliuriangani aallanik maliqajakhanik, taimaittunik tunihipluni nunangani aanniaqtailinikkut pitqujauhimajut, kiudjutikhanginnik aullaranginnaqtumik aanniarunmut.

Ihivriurningat Inungnut Aannialiqtailirinirmik Amigaqhuutimik naataraiukpangnik malruuk havainiik tukiqangittuq imaatut tadja pittailijaujut atuqtauniariakhainnik talvunga aglaat Ublurvia10-mut, kihimi tunihipkarniaqtaatigut iohuaqhailutallu pitqujidjutinik kiudjkutikhanik tadja iidjuhirijannut ilangit ikiglijuumirlugit amigaigjuumilugilluuniit maliqatqujaujut naunaiqtauhimajut uvani Nunavutip Apqutikhaa.

Hunat naunaiqtauvat tukliani makpirniani uvaniNunavutip Apqutikhaa - ihumalurutikhat atuqhimmaarlugit, unngavarlugitimaaluuniit atuffaalirlugit inungnut aanniaqtailinikkut maliktakhat – qanurinninga COVID-19 qalagjuarnirmi avikturnianni, qaujihaidjutikhavut amigaitilanginnik iniqtauvikhangit naunaiqtaujukhat, imaalu qanurinninga COVID-19 qalagjuarnirmik hivuraani nunagijaununi. Tadja upalungaijautikhaqqut iniqtirlugik malruuk hvainiik tadja inungnut aanniaqtailinikkut maliktakhat maliqatqujaujut. Taman iniqqan, ihuaqhainiaqtugut maliktakhanik amigaittunut nunallaanut, naunaijautigilugu aktilanga COVID-19 qalagjuarnirmik tamainni nunangani.

Kingiulirni ikittuni ubluni, inungnut aanniaqtailinikkut havaqatigiiktut naunaiqhijut amigaitqijaujut inuiot nakatqiqtut aanniarunmit COVID-19 qalagjuarnirmit. Inullaat nakatqigangamik, qajangnaiqpaktut hiamitirilimaittut aannialaqidjunmik imaalu uqaudjauvaktut avalngagakhaittut aniinarialaqijut. Kihimi, malikhaqhimaaqtughauyut inungnun aanniaqtailinirmun pittailidjutinik.

Tuhaqpaktugut inuit ihumalukp[aktut aannialirniarnahugiplutik COVID-19 qalagjuarnirmik munaqhiliarumik. Tamaita munaqhitkut havaliqtut akhut mighijuumirahuaqhugu qajangnautaa qalagjurnirup COVID-19. Halumaqtitihimaaqhutik, havaktit atimalirhugit ivyarutit aanniaqtailidjutillu tamayat humi aturiaqaqat, tamaitallu munaqhiliaqtut atimayughat ivyarutinik. .

Tadja, pijaangnirit ihariagijaujut mamaihaidjutikhat havaktauniaqtut hivayautikkut. Munaqhiliaquyauguvin, taimaali munaqhit daaktiluuniin ihivriurutait naunaiyaqtauyut piyariaqaqtutit ihivriuqtaulutit. Hivuuranaittuq munaqhiliariami, puitaqqihuirlutit munaqhiliaqtukhauguvit.

Atulihaqtitlugu una havainiq, uqaqhimajunga aallanik havaktikhanik qaihungujut Ukiuqtaqtumut ikajurlutik aannialiqtunik kiudjutikhanik. Quviahuktunga tuhaqtitiplunga qujahuktunga tapkununga Red Cross,hitamanik aallanik atuqtakhanik ajuittiaqtunik aanniaqtailitikhanik munaqhidjutikhanikl, tikinniaqtut ikajuriaqturlugit havaqatigiiktut Arviani. Ikajuqpiarniaqtut qaujihaidjutikhanik, ajuiqhaudjilutiklu maliqajakhanik ihivriouqhilutik ihuaqtunik tadja atuqtakhainnik. Ilaujut havaqatigiikltunut hangniaqtut pittiarlugit tadja inungnut aanniaqtailinikkut piutqijauhimajut. MNlikhungujait ilaungittunut havaktinut maliqatqujauhimajut arihimalutik matukhamik tamainni inuuqarnirmi havagvingnillu imaalu anihimaittumik havangitkangamik.

Hamani Iqalungni,Inungnut Aanniaqtailinikut Havagviat Kanadami tunihijut kivgaqtuijikhamik havaktimik malrungni havainingni, ikajuutauniaqtuq tukhiutinut ikajuutikhanik kavamatuqatkut ikajuutikhaniklu aallanut havaktaujukhanut.  Quana.

 

Ilaupluni Nunavut Kavamangani (GN) havagutainni hapumminikkut Nunavunmiunnik uumannga aanniarnmik COVID-19 qalagjuarniq, GN-kunni Havagviit atuqtipkaliqtait hapkuat:

Havagviat Aanniaqtailinirmut

Nutaanik naunaiqtakhanik atuqtakhaniklu talvuuna COVID-19 qalagjuarniq Nunavunmi, takulugu una: https://www.gov.nu.ca/health/information/covid-19-novel-coronavirus

Nutangutqijanik naunaitkutikharnik tadja inungnut aanniaqtailinikkut maliqatqujaujunik, talvungaulutit takulugu: https://www.gov.nu.ca/health/information/nunavuts-path

COVID-19 qalagjuarniq nunallaani aanniaqtut qaffiutilangit: Hikutirvia 27

Nunallaami Naunaiqtaujut COVID-19 qalagjuarniq Aanniaiqtut ippakhaq  Naunaiqtaujut COVID-19 qalagjuarniq Aanniaiqtut ublumi

Aallanguqtut aanniaqtut nampait +/- ippakhamit

Nakatqiqtut aanniaqtut
Arviat 115 119 4 2
Tikirarjuaq 19 19 0 2
Kangiqliniq 19 19 0 2
Sanikiluaq 2 2 0 2
Attautimut 155 159 4 8

Qaujihaqtaujut qaffiujut ublumimut nunallami: Hikutirvia 27

Nunallaami

Qaujihaqtaujut aannialiqtut

Qaujihaqtaujut aanniangittut
Arviat 119 471
Tikirarjuaq 19 80
Kangiqliniq 19 188
Sanikiluaq 2 168
Attautimut 159 907

COVID-19 qalagjuarniq aannialiqtut qanurinniit: Hikutirvia 27

Attautimut naunaiqtauhimajut aannialaqihimajun Attautimut aannialaqihimajun Attautimut nakuuhijut aanniaruiqtun Attautimun inuit munarijaujun Tadja inuit munarijaujut
159 151 8 4744 765

Avaliingaqtut inugiangningit:

Attautimut (Tamaita Aanniarviliaqtut Avalingarviit Najugait Nunanginni)  
Aullaaqtuq Qanurittumik Inuit Avaliinngaaqtitaujut talvannga Hilkutirvia 26
Aanniarnikkut 339
Inuit Nunalaani 159
Attautimut 498

Aullaqhimajun utiqtun naunaijautaa:

Aullarvia Ublua Amigaitilaangit Aullaaqtun Avaliingaarvingnin
27 Nov. 45
28 Nov. 2
29 Nov. 4
30 Nov. 91
01 Dec 28
Attautimut 170

Ihariagijauqpiaqtuni Havaktini Tukhirutin:

Talvannga Hilkutirvia 26, pilik 9453 tukhirutinik, 4431-ngujun ihariagijauqpiaqtuni havaktini tukhirutinik.

Tukhiutait Qanurinniit # %
Angiqtaujut (ilaujun ihariagijauqpiaqtun ihariagijauqpiangittullu) 6265 66.3%
Qin’ngijaujun 281 3.0%
Ihumaliuqtaujun huli 298 3.2%
Aullauvilluarvigijainni Nunat Aagiqtauhimayut   2609 27.6%
Attautimut 9453 100%

 

Havagviat Ilinniaqtuliqijikkut

Tuhaqtitaujugut kavamatuqatkunit uvani Hikutirvia 25, Nunavut Kavamanga tunijaujut aallamik maningmik ikajuutikhanik un'ngahitukkut iliharnirmik. 

Haffuminga maningmik hailijuq imaatut aktijgijuq $1.18M, Havagviat Ilinniaqtuliqijikkut niuvvitniaqhimajut hapkuninga:

  • 2,192 devices (Avikhimajut tamagingnut Chromebooks ukuallu Apple iPads)
  • 2,192 mobile ikiakkurutit ilittaaqtut
  • 350 ahirulaittut puut w/naqitautit atuqtakhat iPads-nut

Devices ukuallu ikiakkurutit ilittaaqtut tujuutauniaqtut ilihaqtunut imaalu iliharviit havaktiinut aktuqtauhimajunut nunallaanut. Hapkuat devices ailaujut hapkununga 3,000 devices niuvviktaujariikhimajut ilinniaqtuliqijikkunit.

 

Havagviat Pivalliayuliqijitkut Ingilrajuliqijitkullu kivgaqtuutikhait

Ublumi Minista Akeeagok ltunihijuq tulianik pivikhanik tapkuat Mikijut Nanminirijaujut Ikajuutikhat Pinahuaruti turrangajuq talvunga COVID-19 qalagjuarnirmut ikajuutikhaq. Mikijut Nunavunmi Nanminirijaujut pillajut tuklianik ikajuutikhanik imaatut aktigijumik $5,000. Hapkuat mikijut ikajuutikhangit nutqangavingani Nunavunmi nanminirijaujut, ihuaqtumik hivit=kittumut ihariagijanginnik ihuaqhaititlutik maniliurutikhamingnik imaaluuniit maningnik atugakhanik.

Atauhirmik makpirnilik titirarvikhaq titiraq hailijuq ikajuutikhat Mikijut Nunavunmi Nanminirijaujut ihuaqhaidjutikhanut hunanik nanminirijamik pidjutiqaqtut havaakhat akitujut akiliqtakhangit hunaujakhaink, taimaittut: igluqaup aturninganut akiliqtuutit, qulanaijautit akiliqtakhat, WSCC akiliktakhat, laisikhat & laisimut akikhangit, uunaqutit, pauwatuutinut imaalu aallanut aulapkaidjutikhangit akiliqtakhat. Una naunaiqhivikhat naunaittiaqhimajut atitirarvikhatit hivajautikkullu avikturniinni hivajautait unalu malrungnik makpiraat uuktuutikhat hailijut uvani gov.nu.ca/sbsp.

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin.