COVID-19 Qalagjuarnikkut GN-kunnin Nutaamik Tuhaqtidjutaa - Hikutirvia 25, 2020

COVID-19 Qalagjuarnikkut GN-kunnin Nutaamik Tuhaqtidjutaa - Hikutirvia 25, 2020

Hivuliqtiup nutaaq tuhaqtitakhaa:

Ublaakkut. Ublumi, Nunavut piqaliqtuq qulinik 11 nutaanik aannialiqtunik COVID-19 qalagjuarniq. 8-nik aallat aannialiqtunik Arviani imaalu pingahut nutaat aannialiqtut Tikirarjuami.

Nunavunmi attautimut 153-nguqtut annialiqtut COVID-19 qalagjuarnirmik. Attautimun amigaitilangit inuit munarijaujut ublumimun 4712. Tadja 813 inuit tadja munarijaujun.

Iniqtaqqut atauhiq havainiq maliqattiaqujauhimajunut inungnut aanniaqtailinikkut maliqujaujunik. Ilaani ikajuutaungittutut ilitpagunaqhijutit, kihimi uqautijapkit tamaita uuktuutigijatit imaalu akhutak havakpaktatit ikajuutaujut.

Inuit tamarmik maliqatihimmaaqtukhat maliktakha[ptingnik akhuurluhilu pittiarnahuaritti. Tamapta hamna aturniaqtaqqut hivitujumik huna imaalu inuk tamarmi ikajuqtukhaq qanngiutijangani aannirut COVID-19 qalagjuarniq Nunavunmi.

Inungmut taainut aipkavaktunut pulaaqhimaittumik; quanaquhi. Tamainut angajuqqanut havaktunut iglumingni imaalu ikajuqhimmaaqhugit un'ngahikkut iliharnianik nutaqqamik; quanaquhi. Tamaqpianginnut ihariagigijaukpiaktunut havaktinut, havagiaktuqpaktuhi imaalu tunihipluhi ikajuutauqpiaktunik kivgaqtuidjutiffingnik; quanaquhi. Tamaqpianginnut aanniaqtuliqijinut kavamatkuni havaktiujunut, ikajuqtiulluaqtunut imaaluuniit ikajuqtiujunut havaarijamikkut; quanaquhi. Tamaqpiaffingnut, havakpaktarnut ikajuutikharnik nunaqatingnut; quanaquhi.

Ilihimajunga hamna aannialaqidjutit ihumalungnaqhunillu imaalu unnagunaqpiakturlu. Taimailiuqtaaqtugun qanngiutajangani. Ilihimajunga qanngiutiniarmijuq ikajuqatigiikluta.

Nakuutiarlutit. Qajagivaklutit. Aihimalutit.

 

Atanilluaq Inungnun Aanniaqtailinikkut Havaktimin nutaaq tuhaqtitakhaa: 

Ublaakkut. Ublumi uqaffaarumajunga qaujihaqtaudjutainnik. Qaujihainiq tamnainaungittuq imaalu ihuaqqutaujunaittuq inmiinnaq avaliittumik. Aktuqtauhimajunik naunaijainiq, avalingaarniq, malikhugit inungmit un'nghikhimaniq, imaalu malikhugit inungnut aanniaqtailinikkut pittailijaujut havaqatigiikhungujut ikajuutauhungujut attautimut hiamitiqtailitikhanik nutqaqtinnahuarutikhanullu COVID-19 qalagjuarniq.

Inuk kjinaliqaak aktuqtaugumi aanniaqtumit COVID-19 qalagjuarnirmik, tamna aannialaqidjut timimi itpaktuq nallunaqhuni, tukiqaqtuq imaatut nauvalliavaktuq timingni. Hivulliqpaani ubluni nauvalliadjutaani, aannialaqidjut naunairuminaittuq inuk piqariakhanik aannialigiakhanikluuniitt. Hivulliqpaani qaffini ubluni aktuqtauhimajumit aannialaqidjunmit, amigaittut qaujihadjutingit taimaittut itqumangittut naunaittiaqhimaaittut aanniariakhainnik. 

Ilihimangitkupta tamarmik inuk qaujihaqtavut aktuqtauhimajut aannialaqidjunmik, qaujihaqtakhavut inuit tamaita amihuiqturlugit amihuni ubluni. Taimailiurupta, nungunniaqtavut kinguagut atuqtakhat imaalu qaujihaidjutikhat atuqtakhat, ikittunnuanik naunaiqtaudjutikhanik ihuaqtumik. Tapkuat tqumangittut naunaittiaqhimaaittut aanniariakhainnik atuhiujuq pidjutaujuq ihuarluangittuq qanuriliurutihaq uuktuutiptingnik naunaiqhinahuarutikhanut imaalu munarilugit aannialikallaktut amigaikhutik. 

Aqagungurangat aktuqtauhimalraakhuni aanniaqtumit COVID qalagjuarniq, qaujihaidjutait naunailimaittut aannialiriakhanik. Tamna qaujihaidjutait ihuaqtugalluaqtut ihuaqhijuummikpaktugaluaqtut kajumivjaktumik ulbut amigaivjagangata qangiqtut, qaujihaqtauniq himmautaungittuq avalingarnirmik. Taimatut, ilihimajahaqqut qaffiujakhaita qangalluarluuniit aktuqtauhimajakharnik aanniaqtunit inungnik qaujihaqtaptingnik, naunairiangani qaujihaqtavut ubuani 7 kinguanilluuniit.

Qaujihainiq ihuaqpiangittuq taimaittumik attautimut qaujiharniq unalu aktuqtauhimajut aanniaqtumit ihuatqijaujut hiamitiqtailitikhanut nutqaqtidjutikhanullu hiamitiqtailitikhanut aannialaqidjutit. 

Aktuqtauhimaniq aanniaqtumit qaujihaqtaujit ajuiqhattiaqhimajut naunaiuqhijamingnik kinamik;iqaak nakuujumik uuktuqtaujukhanik qaujihaqtaujukhaniklu tapkuat ihuaqpiarniaqtut. Naunaittiarumajara una tainniq aktuqtauhimajut aanniaqtumit nutaagujuq amigaittunut inungnut, kihimi nutanngungittuq atuqtauvakhimajuq aanniaqtailinikkut atuqpakhimajainnik. Atuqpaktaqqut hamna Aktuqtauhimajunik naunaijainiq atuqtakhat amigaitpiaktuni ukiuni ikajuutikhaptingnik kiudjutikhanik aannialaqidjutinut aallatqiiktut tiibiikhimajunut nuliqinikkut hiamitiqhimajut aanniarutit. Aanniarvingni munaqhitkunillu havaqatigiiktut ajuitpiaktut imaalu havakpiakpaktut akhuuraluk ikajurahuaqhutik hiamitiqtailinahurutikhanut aannialaqidjutit.

Taimaaktiutikhamnik, qujagijumajatka tamaita ihariagijauqpiaktut havaktit kivgaqtuidjutikhat inungnut nunallaptingni aullaranginaqtut, nunallaani aktuqtauhimajuni taffumanga aannuarunmit COVID-19 qalagjuarnirmit. Uqautijumajaffillu imaatut maliqaguffi tamainni maliqatqujauhimajunik – atimalutit matukhamik anigaiguvit, inungmit unalungahikhimalutit pijuminaqqan, ikajurniaqtutit qanuriliurutikhanik ikiglitikhanik qajangnaqtunik ilingnut,ilagijarnut nunagijaffinullu.

Quana.

 

Ilaupluni Nunavut Kavamangani (GN) havagutainni hapumminikkut Nunavunmiunnik uumannga aanniarnmik COVID-19 qalagjuarniq, GN-kunni Havagviit atuqtipkaliqtait hapkuat:

Havagviat Aanniaqtailinirmut

Nutaanik naunaiqtakhanik atuqtakhaniklu talvuuna COVID-19 qalagjuarniq Nunavunmi, takulugu una: https://www.gov.nu.ca/health/information/covid-19-novel-coronavirus

Nutangutqijanik naunaitkutikharnik tadja inungnut aanniaqtailinikkut maliqatqujaujunik, talvungaulutit takulugu: https://www.gov.nu.ca/health/information/nunavuts-path

 

COVID-19 qalagjuarnirmun aannuiaqtun nunallaani qanuriningat: Hikutirvia. 25

Nunallaami	Naunaiqtaujut COVID-19 qalagjuarniq Aanniaiqtut ippakhaq	Naunaiqtaujut COVID-19 qalagjuarniq Aanniaiqtut ublumi	Aallanguqtut aanniaqtut nampait +/- ippakhamit
Arviat	107	115	8
Tikirarjuarmi	16	19	3
Kangiqliniq	19	19	0
Sanikiluaq	2	2	0
ATAUTTIMUN	144	155	11

Qaujihaqtauhimajut qanuriningit ublumimut: Hikutirvia. 25

Nunallaami	Qaujihaqtaujut aannialiqtut	Qaujihaqtaujut aanniangittut
Arviat	115	386
Tikirarjuarmi	19	58
Kangiqliniq	19	164
Sanikiluaq	2	168
ATAUTTIMUN	155	776

COVID-19 qalagjuarniq aannialiqtut qanurinniit: Hikutirvia. 25

Attautimut naunaiqtauhimajut aannialaqihimajun	Attautimut aannialaqihimajun	Attautimut nakuuhijut aanniaruiqtun	Attautimun inuit munarijaujun	Tadja inuit munarijaujun
155	153	2	4712	813

Avaliingaqtut inugiangningit:

Attautimut (Tamaita Aanniarviliaqtut Avalingarviit Najugait Nunanginni)
Aullaaqtuq Qanurittumik	Inuit Avaliinngaaqtitaujut talvannga Hilkutirvia 24
Aanniarnikkut	359
Inuit Nunalaani	131
ATAUTTIMUN	490

Aullaqhimajun utiqtun naunaijautaa:

Aullarvia Ublua	Amigaitilaangit Aullaaqtun Avaliingaarvingnin
Hikutirvia 25 2020	69
Hikutirvia 26 2020	50
Hikutirvia 27 2020	25
Hikutirvia 28 2020	2
Hikutirvia 29 2020	2
ATAUTTIMUN	148

Ihariagijauqpiaqtuni Havaktini Tukhirutin:

Talvannga Hilkutirvia 24, pilik 9333 tukhirutinik, 4359ngujun ihariagijauqpiaqtuni havaktini tukhirutinik.

Tukhiutait Qanurinniit	#	%
Angiqtaujut (ilaujun ihariagijauqpiaqtun ihariagijauqpiangittullu)	6219	66.6%
Qin’ngijaujun	281	3.0%
Ihumaliuqtaujun huli	232	2.5%
Aullauvilluarvigijainni Nunat Aagiqtauhimayut	2601	27.9%
ATAUTTIMUN	9333	100%

 

Havagviat Ilinniaqtuliqijikkut

Nutaat piliurningat ilihautikhanik/ kivgaqtuidjutikhangit:

• Inuum atimajakhait qajagidjutikhat (PPE) tujuutauniaqtut iliharviinnut aqaguanni havainnirmi ikajurahuarutikhanik aullaranginnaqtunut aanniaqtailinikkut qajangnaittumiklu. Tujuutikhangit Ausuittumut kinguvaktivjangniarunaqhijut pidjutigiplugit tingmitit aullarvikhangit. Hapkuat Inuum atimajakhait qajagidjutikhat (PPE) ilaujut:
  • Kiinarmut aktuqtailitjutit (aturnikhanut maliktakhat tamainni ilitarijauhimajut uqauhiit);
  • Igittaaktut akkuliangnut matut; imaalu
  • Algaat.

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin.