Havaktingit

You are here

COVID-19 Qalagjuarnikkut GN-kunnin Nutaamik Tuhaqtidjutaa - Hikutirvia 12, 2020

Nuvaipa 12, 2020

COVID-19 Qalagjuarnikkut GN-kunnin Nutaamik Tuhaqtidjutaa

Hivuliuqtimin nutaamik tuhaqtidjutaa

Ublaakkut. Ilihimaliktuhi aannialiqtumikCOVID-19 qalagjuarniq Kangiqlinirmi. Tujuqtugut nakuujumik ihumakhanik nunanganut Sanikiluarmi hamanillu Kangiqlinirmi.

Nunavut piqaliqtut pingahunik naunaiqtauhimajunik aannialiqtunik COVID-19 qalagjuarnirmik. Attautimun amigaitilangit inuit munarijaujut ublumimun 3944. 666-ngujun inuit tadja munarijaujun.

Tunihimaittumik inuup naunaitkutainik, uqaqtunga - turrangangittut avatingnut pidjutiqangittut naunaiqtauhimajut aannialiqtut. Hapkuat naunaiqtaujut aannialiqtut ilaungittut tapkununga, ihariagijaukpiaktut havaktikhat. Kinaliqaak uqaqtuq taimaatut itquumangittuq. Taimaittumik ihuigidjutiqaqtut ihuangittut. Ikajuutaungittuq inungnut aanniaqtunut COVID qalagjuarnirmik nunaptingnutluuniit.

Hiamitirihuiorluhi itquumangittunik uqaruhuukhimaittumiklu piniaqtaruirluhi inungnik. Nakuujumik munarinahuaritti inungnut aanniaqtailinikkut maliqatqujaujunik imaalu nutaanik tuihaqtitaujukhanik kangiqhidjutikhanik. kinalkiqaak aannialaqijumangittuq COVID-19 qalagjuarnirmik, kinaliqaak pinahujijaujukhangittuq.

Ilihimajunga tadja nalunaqiaktuq qanurinniakhiakhanik. Ilihimajunga amigtaittut inuit ihumaluktut iqhijullu. Ilihimajunga unnagunaqpiaktuq. Ilihimajunga Nunavummiut piqpakkutijut, ihumattiaqpaktullu imaalu nunaqatimingnik ihumagittiajukhutik.

Hamna tukiqaqtuq ihumattiaqtukhaujugut ikajurahuarlutallu ihumaliutiarluta uqallaktinata qanuriliuqtinataluuniit. Nunavut avalingangittut ajuqhautiqaqtugut hiamitiqtailinahuaqhugu COVID-19 qalagjuarniq, kihimi nutaangujuq hamna atulihaliqtaqqut. Aadjikutaringitavut nunarjuami, atulihaliqtaqqut hamna aktuutauniit COVID qalagjuarnirmik avikturniptingni.

Munarittiaqtukhaujugut imnaalu maliqattiarlugit aanniaqtailinikkut maliqatqujaujnik. Hamna ahiagurvikhaittuq. Ajurnaqpiakturlu. Uaqataarlugit algatit. Maliqalugit inungmit unngakhikhimalutit pulaaqhimaitumiklu – ahianungaigaiguvit iglungnit; ilangitlu igluqaqtunutahianit igluqatingnit. Aihimavaglutit aannialiruvit.

Hivajarlutit COVID-19 qalagjuarnirmit hivajaqtukhat COVID hivajautaanut 1-888-975-8601 akkungani 10 a.m. unalu 6 p.m. EST.

Tamapta akhuuriaqaqtugut ikajuriaqaqtugullu. Qanuriliurutitit hulidjutitin hulaqutijun tamainnun aanniaqtailidjutainnun. Nutqaqtitlaqqut hiamitiqtailinahuarutikhanut munaridjutilutallu avatingnut.

 

Atanilluaq Nunallaani Aanniaqtailinikkut Havaktimin nutaanik-ilitturipkaidjuti

Ublaakkut. ippakhaq, tuhaqtitijugut COVID-19 qalagjuarnirmik aannialiqtumik ihivriuqhidjutaa naunaiqtaujuq Kangiqlinirmi. Inuk upautihimajuq mikijumik mihingnautiqaqhuni munaqhitkunut nunguani ipakhani havainirmi. Tamna inuk nakuuhivalliajuq naamnainaliqturlu avaligaqtitaujuq.

Naunaijautigiplugit mihingnautingit, ukpirijugut tamna inuk aannialaqidjutiqaqtuq uumani Hikutirvia 5. Qaniklihimajainnik aanniaqtumut naunaiqtaujukhat aullaganginnaktuq. Talvanga ublumi, nampait qaniklihimajait ikitpallaktut unniriami, kihimi ilihimajugut amigaitilangit amigaigjuuminiarunaqhijut qakugunnuaq. Tamaita qajagijaujut qaniklihimajait avalingaqtitauliqtut aimavingmingni. Qajangnaivjaktut qaniklijauhimajut apirijaujut avalingaqujaujut inmingnik munaritqujauplutiklu mihingnautinik.

Tuhaqtitiugut amigaittunik inungnut aannialiqtailinikkut maliqatjakhanik ikiglinahuarutikhanik hiamitiqtailitihanik nunangani. Una naunaitkutikhaq hailijuq qaritaujakkut uvani www.gov.nu.ca.
Apiqhijugut kitkutliqaak tingmihimajut talvanga Kangiqlinirmit ubluanit Hikutirvia 5 ingmingnik munarijukhat mihingnautiqariamingnik imaatut 14 ubluni aullarnirmingnit nunanganit. Uqaudjijugut ihiariagijaungittut havaktikhat tingmitqujaungittut tadja.

Sanikiluaqrmi, malruuk naunaiqtauhimajuuk aanniaqtuk namainnaliqtuuk avalingaqtuk huli. Tapkuat 11 qaniklihimajut aanniaqtumut naunaiqtaujut Hivullirnmi imaalu kiliuqtaujut ihivriuqhidjutikhanginnik naunaiqtut aanningittut.
Aallat 27 ihivriuqhidjutait iniqtaujut imaalu naunaiqtaujut aanniangittut. Qaniklihimayainnik aanniaqtumut naunaiqtauyukhanik imaalu avalingaqtitaujut hiamitiqtailitikhanik nunangani. Ihivriuqtaudjutikhangit aullahimmarniaqtut ihuaqtumik.

Ublumi, tuhaqtitijumajunga nutaanik maliqatqujaujunik uvani Nunavutip Apqutikhaa. Qajangnaqpiarninganit imaalu qanurinningat talvani Kangiqlinirmi nakuuhivalliakpata, atuliqtitiniaqtugut ilanginnik maliqajakhainnik tamainni Kivallirmi avikturniani uvalunni Iqalungni:

  • Iliharviit Kivallirmi ahianit Kangiqlinirmimaalu iliharviit Iqalungn angmaniaqtut imaalu maliklugit Havagviat Ilinniaqtuliqijikkut angmaqtirutikhanik upalungaijautikhangit Nunavunmi iliharviit.
  • Tamaita niqikhalirviit Kivallirmi avikturniani ahianiittuq Kangiqlinirmi uivanillu Iqalungni angmaniaqtut najugamingni niripkailutik, agjarlutiklu, imaalu aikhirviulutik niqikhanik.
  • Ikhivavikhait ikpatini amigaitqijaulimaittut uumanga 50 inuit imaaluuniit fipti pusantinganit (50%) ikhivavikhainnit inugiangnikhanit.
  • Piyukhauyut malrunik miita (2 m) uungahitilaamik akkunngani ikpatit akkunnganiluttauk inup utaqiyut aihiktauniaqtumik niqikhanik ikayuqtauluniluuniin niriviini.
  • Avatquhimaittumik siksinik (6) inunik niriyut katihimayutluuniin ikpattinni.
  • Tamaita niqikhaliurviit havagviit piliuqpaktut nanminiq ikaarnikhainnik najugamingni, aggidjijaulutiklu aquiqtuqtunut, aikhiinariaqaqturlu niqikhanik.
  • Tamarmik Laisiqaqtut Niriviit Qamanittuami angmainariaqaliqtut havangnaqtitlugu ikaarniinni, pidjutigiplugu naliit atuqtakhat laisiqaqtunut qanurinniit. Inungnin ungahiktilaaqarlutik maliqajaujukhat tamaat.
  • Tamaita ihuaqhaqhimayut inungnun katimadjutit pittailidjutiqaqtukhat imaa:
    • 50 inuit hilami katimajunut.
    • Tallimat inuit nanminirmi iglumingni iglumiuqatigiiktut.
    • Aallat igluqpait atuqtaujut nunallani katimaviinni, ilaujut angadjuviit, kigliqaqtukhat 50 inuit imaaluuniit 50% amigaitilangit igluqpaum piliuqtauhimajut Qaptirijit Atanianit.
  • Ihiariagijaungittut havaktikhat tingmitqujaungittut tadja.
  • Kinaliqaak aanniangalirumi fluhimajutut mihingnautiqalirumik apirijaujut hivajaquplugit munaqhitkunut unaluuniit COVID-19 qalagjuaniq hivajautaanut qilamik.
  • Tamaita kavamatkut havagviit angmajut.
  • Tamaita kavamatkut kivgaqtuidjutait aullaniaqtut.

Nunavummiut apiqqutikhaqarumik ihivriuqtaudjutikhakkut aallanikluuniit inungnut aanniaqtailinikkut maliqatqujaujnik, hivajadjavut talvunga COVID-19 qalagjuaniq hivajautaanut.

Quana

 

Minista Aanniaqtailinkkut nutaaq tuhaqtitakhaa

Ikittut uqauhikhatka taimaaqinnata ublumi. Imaatut nutannguplunga Minista Aanniaqtailinirmut, uqautilagit, hamna havainiq aallangaqpiaktuq. Ilitturitqujatka upalungaiqhimajugut, imaalu ajurnaraluaqtitlugu, qugluumajakhaittugut.

Maligaliuqtauplunga MLA nunami aktuqtaujumiCOVID-19 qalagjuarnirmik, uqaqtunga aadjikutainnik, iihimajungalu nunallaavut qanuriiurutikhanginnik.

Uqallautigijumajatka aadjikutait uqautigivaktait Huliqtiqtip umallu Dr. Patterson uqahimajit.

Pijurihuirluta kinamik, hunamik, humi, qakugu qanuqtullu hamna pijakhanik, kihimi ihumaluta qanuriliurutikhaptingnik uqaruhukhimaittumik.

Ihumaliuttiarluta maliklugitlu tapkuat inungnut aanniaqtailinikkut maliqatqujaujnik. Ikiglinahuarlugit pullarnirmik, atihimalutit matukhamik, algaktit uaqpaglugit imaalu airnut qalakhurlutit qurluumahuirlutitlu.

Ikajuqtigiik aanniaqtailinikkut havaktiujut. Havakpiakpaktut ubluraaluk unnuamilu havaktiulluakhutiklu munaqhiplutik inungnik munarijaujaptingnik. Ikajuqtakhaujut qujagijakhavullu pimmarlukhimaittumik.

Aullaqtailuhi aullagakhaitkuffi – tadja aullarvikhauhuiqtuq.

Kingulirmik, inuuguitti inirnikhaatut angajuqqatut ilanavit inuuhikhaa pidjutiqaqtuq. Inuup qanuriliurninga ihumagijakhaqqut ikaurahuarlkugit.

Ihumagilugit nunallaavut uvaptingniungittuq. Aihimalutit qajangnaittumik, Sanikiluarmi hamanillu Kangiqlinirmi.

 

Ilaupluni Nunavut Kavamanga (GN) havagutainnik hapumminikkut Nunavunmiunnik talvannga qajangnarnirmin COVID-19 qalagjuarnirmin, GN-kunni Havagviit atuqtipkaliqtait hapkuat:

Havagviat Aanniaqtailinikkut

Kihiani amigaqhuutiqaqqan, apirijaujut inungnun Kangiqlinirmi hamanillu Sanikilurmi hivajaqtukhaujut munaqhitkunut ivullirmik uqaudjaulutik qanuriliurutikhamingnik. Inuk kituliqaak apiqutiqaqqan talvuuna COVID-19 qalagjuarnikkut apirijaujut hivajagraqaqtun hivajautaanun umunga 1-888-975-8601.

Atauttimun (Tamaita Avaliingaarnikkut Najurviit)  
Aullaaqtuq Qanurittumik Inuit Avaliinngaaqtitaujut talvannga Hikutirvia 12mi
Aanniarnikkut 520
Inuit Nunalaani 283
Attautimun 803

 

Aullarhimajun utiqtun naunaijautaa:

Aullarvia Ublua Amigaitilaangit Aullaaqtun Avaliingaarvingnin
Hikutirvia 12 50
Hikutirvia 13 40
Hikutirvia 14 0
Hikutirvia 15 20
Hikutirvia 16 96
Attautimun 206

 

Ihariagijauqpiaqtuni Havaktini Tukhirutin

Talvannga Hikutirvia 11mit, pilik 8678 tukhirutinik, 4062ngujun ihariagijauqpiaqtuni havaktini tukhirutinik.

Tukhiutait Qanurinniit # %
Angiqtaujut (ilaujun ihariagijauqpiaqtun ihariagijauqpiangittullu) 833 67.2%
Qin’ngijaujun 280 3.2%
Ihumaliuqtaujun huli 187 2.2%
Aullauvilluarvigijainni Nunat Aagiqtauhimayut 2378 27.4%
Attautimun 8678 100%

 


Havagviat Ilinniaqtuliqijikkut

Iqalungni hamanillu Kivallirmi avikturnianni, ahianiittut Kangiqlinirmi (Arviat,Qamanittuaq, Igluligaarjuk, Salliq, Naujaat, hamnillu Tikirarjuaq)

K-12 Iliharviit

Maliklugit Nunavunmi Atanilluaq Nunalaani Aanniaqtailinikkut Havaktimit, iliharviit nunanginni Arviat, Qamanittuaq, Igluligaarjuk, Salliq, Naujaat, Tikirarjuaq, hamanillu Iqaluit (Iqaluit DEA-kut, Apex DEA-kut, unalu CSFN) uvaniiliqtut Qanurininga 2: Qajangnakhirjuaqtumik COVID-19 qalagjuarniq Hiamitirninga Avikturniinni, tuhaqtitaulraaqtinnatik.

Iliharviit uvaniKivallirmi hamanillu Iqalungni (Iqaluit DEA, Apex DEA, ukuallu CSFN) aturlirniaqtait piliuqhimajatik Qanurininga 2 qanuriliurutikhangit upalungaijautit. Kangiqlinirmi iliharviit atuliqtitinialiqtut hanaijaqhimajamngnik Qanurininga 4 qanuriliurutikhamingnik upalungaijautikhatik.

Nukakhiit iliharviit nunanginni Arviat, Qamanittuaq, Igluligaarjuk, Salliq, Naujaat, Tikirarjuaq, hamanillu Iqaluit (Iqaluit DEA, Apex DEA, unalu CSFN) angmaniaqtut ubluq tamaat, tallimani ubluni havainirmi.

Akulliit angajukhiit iliharviit nunanginni Arviat, Qamanittuaq, Igluligaarjuk, Salliq, Naujaat, Tikirarjuaq, hamanillu Iqaluit (Iqaluit DEA and CSFN) tamangnik iiharvingmi imaalu unahiktukkut iliharnirmik. Ilihaqtut iliharviinni 2-3 ubluni havainirmi. Naunaiyattiaqhimayut iliharvikhangit naunaiqtauniaqtut tamainni iliharviinni Qanurininga 2 qanuriliurutikhangit upalungaijautit.

Ilihaijiit/iliharviit havaktingit hivajarniaqtait ilihaqtitatik ilagiillu qakugunnuaq.

Nutaangurniit nunangani qaniriningit takupkaqtauvangniaqtut uvani Havagviat Ilinniaqtuliqijikkut qaritaujakkuurutaani: https://gov.nu.ca/education/information/2020-21-opening-plan-nunavut-sch....

DEAs iliharviit uvaniittut Qanurininga 2 umigumaniarunaqhijait iliharviit 1amigaitqijainni ubluni auladjutikhanut pidjutiqaqtunik Qanurininga 2 iliharnirmik. Ilagiit munaqhijukhat tuhaqtitaujukhanik DEA-kunit.

District Education Authority staff in Arviat, ani Aanniaqtailinikkut Havaktimit, iliharviit nunanginni Arviat, Qamanittuaq, Igluligaarjuk, Salliq, Naujaat, Tikirarjuaq, hamanillu Iqaluit uvanillu Apex havagiaktuqtaaqtut ihiariagijaujunut havaakhannuinnaq ihuaqhailutik iliharviip atan'ngujait pidjutiqaqtunik iliharvingmiugaugumik.

Ilihalihaaqtut Nutaqqat Nutaqqaniklu Munaqhiviit

Maliklugit Atanilluaq Nunalaani Aanniaqtailinikkut Havakti, tamaita nutaqqiqiviit igluqpait nunanginni, Arviat, Qamanittuaq, Igluligaarjuk, Salliq, Naujaat, Tikirarjuaq, hamanillu Iqaluit angmaniaqtut ataani tadja aanniaqtailinikkut qajangnaittumiklu maliktakhait maliqatqujaujullu.

 

Nunavunmi Inirnirit Iliharviat (NAC) Kivgaqtuutikhait

Naunaiqtauhimajut uvani Nunavunmi Inirnirit Ilihaapaalirviit (NAC)angmarnikkut upalungaijautikhat, NAC tikiliqata Qanurininga 4 Kangiqlinirmi, Qanurininga 2 Kivallirmi nunallaani hamanillu Iqalungni.

Kangiqlinirmi:

  • Nunavunmi Inirnirit Ilihaapaalirviit igluqpait uniktut inungnut, ilihaqtunut ihariagijaungittuut havaktiinut. Una ilaujut Nunallaami Inirnirit Iliharviit, Kivalliq Hall unalu Sanatuliqsarvik.
  • NAC ilhaqtut nutqaqtitaujut, pijuminaqqan, ungahiktukkut ilihaqtitauniaqtut. Ilihaqtut Kangiqlinirmi naunaiqtakhait hivajautikkut naunaitkutait ilihaijimingnut.
  • NAC-kut ikajuhimmaarniaqtait ilihaqtut igluqaqtut ilihaqtut igluutainni talvani Kivalliq Hall.
  • NAC-kut ilihaqatigiiktut itqaumajukhat ikajuqtikhat hailijut, ilaujut uqaudjijit Kangiqlinirmi hamnillu Iqalungni.
  • Qaujihainikkut pidjutiqaqtut hulipkaidjutikhat nunangani malikhungujut pittailijaujunik piliuqhimajunik.

Kivallirmi Nunallaat & Iqaluit:

  • Nunavunmi Inirnirit Ilihaapaalirviit igluqpait uniktut inungnut. Ilihaqtut huli ihuaqhiriiqhimajut.
  • NAC ilihaqtut, havaktiit ilihaijillu akhuuqhaqtaujut uaqpaglugit algakkt, inungmit ungahiktilaangitaihimalutilu aanniangaguvit.
  • Pulaaqtaililuhi ilihaqtut igluutainnut kihiani ilagiit qanitturiit tadja pulaaqtaaqtut.
  • Qaujihaidjutikhat pidjutiqaqtut hulipkaidjutikhat nunallaani akhuuqhaqtaujut ihuaqhaitquplugit ilaudjutikhanik nunallaani.

 

Havagviat Kiinaujaliqijikkut Kivgaqtuutikhat

Kangiqlinirmi Havagviit

Havagviat Kiinaujaliqijikkut havagviat Kangiqlinirmi umikhimajuq uumani havainirmi. Kiinaujaliqijit havaktiit utirniaqtut havagvingmut Hivulliunmi, Hikutirvia 16. Kihimi, havagviatg umikhimajuq inungnut.

Taarmik GN-kuni havaktingit uvani Kivallirmi avikturniani tunijauniaqtut Hikutirvia 13 akiliuhiakhanik ihuaqhaqtauhimajunik. Havaktit akiliuhiaqpaktut sakhaliuqhimajunik taimatut akiliuhiakpangniaqtut huli. Tapkuat pivaktut akiliuhiaqhainnik iliuraqtauplutiq maniliqiviiannut, akiliuhiaqhait naunaitkutait tujuutauhungujut kinguvakkut.

Naunaittiarumaguvit, qaritaujakkut titirarvigilugu Tracey Moyles, Aulapkaiji Akiliuhiaqhatigun Ikajuutinutlu uvani tmoyles@gov.nu.ca.

Nunavunmi Tanngaliqinirmut Higaarlungniklu Katimajiit

Tamna NULC-kut ihumagijaujuq iahriagijaujuq kivgaqtuidjutikhat imaalu aullahimarniaqtut niuvvapkailutik tanngarnik aquiqtuutikhanik laisinik talvuuna Kangiqlinirmi havagviat. Naunaittumik qajangnaittumik havaktiinut inungnullu, havagviit umikhimajut inungnut. Niuvvirumaguvit aquiqtuutikharnik laisikhami imaalu aquiqturumaguvit nunangni Kangiqlinirmi, hivajarlutit 867-645-8575 unaluuniit 855-844-5488 Hivullirmit Tallimiunmut 8:30 ublami 12 mut imaalu 1 mit5 mut.

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin.