COVID-19 Qalagjuarnikkut GN-kunnin Nutaamik Tuhaqtidjutaa - December 14, 2020

COVID-19 Qalagjuarnikkut GN-kunnin Nutaamik Tuhaqtidjutaa - December 14, 2020

Hivuliqtiup nutaaq-tuhaqtitakhaa:

Ublaakkut. Ublumi, Nunavut piqaliqtuq 9nik nutaanik aannialiqtunik COVID-19 qalagjuarnirmik, tamaita Arviani.

Nunavunmi tadja atauttimut 49-nguqtut anniaqtut COVID-19 qalagjuarnirmik. Atauttimun amigaitilangit inuit munarijaujut ublumimun 5377. 642 inuit tadja munarijaujun. 207 Nunavummiut tadja nakuuhijut aannialaqidjunmit.

Upalungaijautiptingni iniqtirutikhanut uumunga Moderna havautikkut kapuutikhanun avikturnianni, ilitturinahuadjavut tamarmik Nunavummiut naunaittiarnahuarutikhamingnik qanuqtut tukiqarmangat hamna huurlu qajangnaittakhanik ihuarninganiklu aannialirnaitkutikhamik. Qaujimajunga ihuarluangittunik tuhaqtitauvakhimajut kappianaqtuniklu talvuuna naunaitkutikhanik havautikkut kapuutikhanun.

Una kapuutikhaq nakuukpiatqijauniaqtuq aannialiqtailitikhaqqut COVID-19 qalagjuarnirmit imaalu naunaijattiaqtauvakhimajut hivitujumik ihuaqtumiklu.

Uqautijaffi, ilatkalu uvangalu tamapta kapukhirniaqtugut taffuminga havautikkut kapuutikhamik pivikhaqqun tikitpan. Una havautikkut kapuutikhanun qaumaniqtun inniaqtuq nunguani upaujakhami. Taimaluttauq, apirijaptigit ilivillu ilautquplutit kapijautqupolutit taffuminga havautikkut kapuutikhanun ikajurlugit Nunavunmiut imaalu aannialiqtailitikhanik COVID-19 qalagjuarnirmik.

Uaqattarhimaarlugit algakkit imaalu atihimalutit ivjarutimik, katimapkaiguvit iglungni katimaqatitit ikittuuligit piuminaqqan. Aihimalutit aanniaruvit. Naammajjavutit aanniarnaittumiklu.

 

Atanilluaq Inungnun Aanniaqtailinikkut Havaktimin nutaaq tuhaqtitakhaa:

Ublaakkut. Ipakhanik havainirmi tuhaqtitijugut taimaatut Nunavut tunijauhungujut Moderna havautikkut kapuutikhamik hivullirni pingahuni tatqiqhiutainni atuliqqan 2021. Tamna havautikkut kapuutikhat tadja havaktauliqtuq angiqtaudjutikhanik tapkunanga Health Canada mit. Nunavut tunijauniaqtut naamajunik kapuutikhanik kapuqhiqtaujanginnik 75% ngujumik inirnirit inugiangnigniik.

Upalungaijaqtitluta tikilvikhanik, uqautigillagumajara mikijumik taffumuuna havautikkut kapuutikhap piliurningagut, qakugu tikilvikhanik avikturnianni imaalu upalungaijautikhaptingnik qanuriliurutikhaniklu tikitpan avikturnianun, kapurhirvikhanik qajangnaittumik inirnarirvikhaniklu, tamainun Nunavummiunu.

Inuit apirivaktanga tamna havautikkut kapuutikhaq hivuranaittaakhanik. Hivuranaittuq nakuujuq. Taimaatut uqaqtunga akhuurnaqpiaktumik havaktauhimaniit piliurninganut. mRNA havautikkut kapuutikhat tamainni piliuqtauhimavaktun amigaitqijanik tuantini ukiuni. Taapkuat aanniarvingni uuktuqtauhimaningit taffuma Moderna avaliittumik imaatut 30,000 ilauvakhimajut aallatqiktunit inugiangniqaqtunit.

Kanada piqaqtullu naunaijattiaqpiakhimajunik havautikkut kapuutikhamik angiqtaunikhanut atuqtaujukhanik naunaittumik ihuaqtumiklu havautikkut kapuutikhat hivuranaittumiklu.

Taimaatut, utaqqivakhimajugut amihuni tatqiqhiutini piliurninganit atuqtaknginit amigaitqijanik maniliqtuutikhanik atuqtakhainiklu, kajuumirutauvaktut tamainnun . Qanuriningit nuarjuami ilaudjutikhanut takuvakhimajugut, amigaittut uuktuutikhangit tikipkainahuarutikhanik maniliqtuutikhanik, havaktit qaritaujaliqinikkullu atuqtakhangit ihariagijaujut,pipkakhugit amigaittunik aturnikhainnik havautikkut kapuutikhamik havaktaunikhanut atauttikkut, hivuuranaittumik, tamainni aturnikhanik.

Upalungaijautikhavut havautikkut kapuutikhamik’tuniuqhaidjutikhanut havaktauliqtuq havakhimmaaliqtullu qanuriliurutikhamingnik havautikkut kapuutikhat tikitpata. Tamajakhat kapuutikhanut atuqtakhat, kapuutait, alcohol nanuutikhat aallallu atuqtakhat tuniuqhaidjutikhanut havautikkut kapuutikhamik tikittariiktut avikturniannut.

Tuklia, havautinut-ihuaqtunik qiqittivinit tunijauhimajut Public Health Agency of Canada tikittut havangnaidjutaani imaaluikajuutauniaqtut amigaigjuumidjutikhanut tutquumavikhanik iniqhanik Iqalungni Kangiqlinirmilu.

Ilihimajugut hivlullirmi pingahuni tatqiqhiutainni 2021 tunijauniaqtugut naamajunik kapuutikhainnik imaatut 75% ngujumik inirnirnut inugiangniinut, tadja ilihimangittugut qakugu tikipkaqtitauniariakhainnik. Ihumagiplugu tamna piliuliqtugut upalungaijautikhanik naunaijarhugit aallatqiiktunut pidjutaulajunut. Uuktuutigilugu, tujuqtaugupta ikittunik kapuutikhanik atuuliharningani January imaalu ilihimangitkupta qanuqtut amigaitilanginnik kapuutikhanik tikittukhat February qakuguluuniit, ihumaliuttiaqhimajunik piniaqtugut, hivulliqpaamik kapuqhiktukhat qajangbnatqijaujut ajurnaqtumik aanniarunmit COVID-19 qalagjuarnirmit.

Taimaittumik ikittunik tujuqtaugupta hivulliqpaamik, inirnikhat najugangit, hivitujumik munaqtauviinni inirnikhat, ukuallu havaktiujut havagvinginni, kapijauniaqtut havautikkut kapuutikhamik hivulliulutik. Aippanittauq, tujuqtaugupta naamajunik havautikkut kapuutikhat atuliqqan January, hanaiqhimaniaqtugut amigaitpiaktunut kapuukhirvikhanik, kapuukhirlutik amigaittunik inirnirnik.

Qanuriliurutikhavut, nunguani March tujuqtauhungujugut naamajunik havautikkut kapuutikhat imaatut 75% ngujunik inirnirnik Nunavunmi . Naunaitkutikhaqqut, taffumatut Nunavutip Apqutikhaa, aallanguqtaaqtuq imaalu upalungaijautikhaqqut aallanguqtaaktunut pidjutaujunut.

Havaktaunikhani, anginiqaqtuq itqaumaluta taimaatut Nunavutim iidjuhingit ihuaqtumikpijariaqaqtut hivitujumiklu tuniuqhaidjutikhanut havautikkut kapuutikhat Ukiuqtaqtumi.

Munaqhitkuni havaktivut atuqpakhimajat hamna kangiqhimajullu ajurnarniinnik takuvakhimajaptingnik. Hivulliungittuq hamna qilamim havakpakhimajugut qajangbnaittumiklu aallngajunut qanurinniinut. Ukiuq tamaat, kapijaujukhanut akhuukhadjutikhat tgamainni avikturniinni takuvaktut amigaittunik ajuqhautaujunik. Aullaningani H1N1 aaniarut, havaqatigiiktut piliuqpakhimajut upalungaijautikhanik imaalu aullaqtiriplutik kapuqhirvikhanik tamainni avikturnianni. Una kapuutikhat havautikhat akhuuqhaidjutikhat aallangangittuq.

Kingulirmik, apirijumajatka Nunavummiut utaqqitqiplugit imaalu anginiqaqtumik ukpirilugit naunaitkutikhangit ilitturinahuarutikhamingnik talvuuna havautikkut kapuutikhamik aallaniklu nutaanik inungnut aanniaqtailinikkut uuktuutikhanik. Ilihimajunga ilangit naunaitkutikhat nutaangujut, qanikkut kihimi COVID-19 qalagjuarnirmun, atauttikkut, atuqhugit nalunaqtukkut iidjuhiuvaktut imaalun naunaitkutikhat ukpirijaujunit tunijauhimajut, kangiqhidjutikhavut aannialaqidjutikkut maliqaplugillu maliqujauhimajut aannialiqtailitikhavut, ilavullu nunagijavullu. Quana.

 

Ilaupluni Nunavut Kavamanga (GN) havagutainnik hapumminikkut Nunavunmiunnik talvannga qajangnarnirmin COVID-19 qalagjuarnirmin, GN-kunni Havakviit atuqtipkaliqtait hapkuat:

Aanniaqtailinikkut Havagvia

Tamainnun nutaanik naunaitkutinik atuqtakhaniklu talvuuna COVID-19 qalagjuarniq Nunavunmi, takulugu una: https://www.gov.nu.ca/health/information/covid-19-novel-coronavirus

Nutangutqijanik naunaitkutikharnik tadja inungnut aanniaqtailinikkut kikliqaqtunun, takulugu una: https://www.gov.nu.ca/health/information/nunavuts-path

 

COVID-19 qalagjuarniq aannialiqtut qanurinniit: Dec. 14

Attautimut naunaiqtauhimajut aannialaqihimajun	Attautimut aannialaqihimajun	Attautimut nakuuhijut aanniaruiqtun	Attautimun inuit munarijaujun	Tadja inuit munarijaujut
256	49	207	5377	642

COVID-19 qalagjuarniq nunallaani aanniaqtut qaffiutilangit: Dec. 14

Nunallaami	Naunaiqtaujut COVID-19 qalagjuarniq Aanniaiqtut ippakhaq	Naunaiqtaujut COVID-19 qalagjuarniq Aanniaiqtut ublumi	Aallanguqtut aanniaqtut nampait +/- ippakhamit	Nakatqiqtut aanniaqtut	Attautimut aannialaqihimajun
Arviat	205	214	9	165	49
Tikirarjuaq	21	21	0	21	0
Kangiqliniq	19	19	0	19	0
Sanikiluaq	2	2	0	2	0
ATAUTTIMUN	249	256	9	207	49

Qaujihaqtaujut qaffiujut ublumimut nunallami: Dec. 14

Nunallaami	Qaujihaqtaujut aannialiqtut	Qaujihaqtaujut aanniangittut
Arviat	214	899
Tikirarjuaq	21	144
Kangiqliniq	19	251
Sanikiluaq	2	189
ATAUTTIMUN	256	1483

Avaliingaqtut inugiangningit: 205

Attautimut (Tamaita Aanniarviliaqtut Avalingarviit Najugait Nunanginni)
Aullaaqtuq Qanurittumik	Inuit Avaliinngaaqtitaujut talvannga Dec. 13
Aanniarnikkut	184
Inuit	321
EMTI	8
Attautimut	513

Aullaqhimajun utiqtun naunaijautaa:

Aullarvia Ublua	Amigaitilaangit
12-Dec	4
13-Dec	0
14-Dec	65
15-Dec	18
16-Dec	71
Attautimut	161

Ihariagijauqpiaqtuni Havaktini Tukhirutin:

Talvannga Dec.11, pilik 10043 tukhirutinik, 4719ngujun ihariagijauqpiaqtuni havaktini tukhirutinik.

Tukhiutait Qanurinniit	#	%
Angiqtaujut (ilaujun ihariagijauqpiaqtun ihariagijauqpiangittullu)	6472	67.1%
Qin’ngijaujun	285	2.8%
Ihumaliuqtaujun huli	232	2.3%
Aullauvilluarvigijainni Nunat Aagiqtauhimayut	2784	27.7%
Attautimut	10043	100%

 

 

Nunalingni Kavamatkunillu Pivikhaqautikkut Havagvia havagutit

Ihuaqhaqtauhimajut havagutit:

Tukhirutit nunamungaujaami nappaqtirinikkut pidjutilingnik havaktakhanik aullaariamiluunniit nunami ukununga nappaqtirinikkut pidjutilingnik havaktakhanik tujuqtauttaaqtun qaritaujakkuurutikkut titiqqidjutikkut uumunga CPHOconstructionrequests@gov.nu.ca.

Nappaqtirinikkut havatiit iniqhimajun avaliingaarnikkut ublumimun: 2,248.

 

 

Ilinniaqtuliqijikkut Havagvia

Ihuaqhaqtauhimajut havagutit:

Ilihaqtunut Iniqtirutit Titiraqtakhat

Ilihaqtunut Iniqtirutit titiraqtakhat ukuat Nunavunmi ilihaqtut uukturumagumik piumagumik kihiani iliharvikhani uumani 2020-21 iliharniup ukiungani.

Naunaittiarutikhanik ihuaqtumik atuqtakhanginik piliuqtaujangini tamainnun ilihaqtunun, ihumalurutikhat ilaujumagumik titiraqtakhanik uqaqqatigiiklutik qanurilurutikhanik ilihaqtup angajuqqangit/munaqtigijaillu. Tamaita iliharviit tujuqtauhimajut taffuminga January 2021 ilaudjutikhanik uvani Tallimiunmi, December 11, 2020.

Ilihaqtut titirarumajut taffuminga January 2021 iniqtirutit titiraqtakhat iniqtitirijukhat ilaudjutikhamik titiqqamik imaalu tunilugu atan'ngujamingnut qilamiurlutik. Ilihaqtut pilluarumajut titirarlugit iniqtirutit titiraqtakhat ihuaringitkumikku ilihaqtanut naunaitkutit uuktuffaalimaittut titirarlugit kinguagut iniqttirutit titiraqtauvikhat ublua qangiqqan.

Ilihaqtut titirarrumangitkumik iniqtirutit titiraqtakhat tunijauniaqtut ilaudjutikhamik, imaalu ilihaqtakhamingnik naunaitkutait titiraqtauniaqtut imaatut 100% kingulirmik naunaitkutikhanik.

Ilihaqtut uukturumagumik iliharumagumik ilihaqpaalirvingni iliharnirmik akhuukhaqtaujut naunaijailutik ilaudjutikhanut puqtuniinik pitqujauhimajut ilihaqtakhanut uuktumajamingnik, titiraqhimaitkungni iniqtirutit titiraqtakhat ihuirutauniaqtuq angiqtaudjutikhanut qanurininganut.

 

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin.