Havaktingit

You are here

COVID-19 Qalagjuarnikkut GN-kunnin Nutaamik Tuhaqtidjutaa - Aktuupa 5, 2020

Aktuupa 05, 2020

COVID-19 Qalagjuarnikkut GN-kunnin Nutaamik Tuhaqtidjutaa

Piqangittuq huli naunaiqhimajunik pinahugijaujunikluunniit COVID-19 qalagjuarnirnik Nunavunmi.

Attautimut amigaitilangin inuit munarijaujun qanurinniariakhainnik ublumimun imaa ittun 3108. 541-ngujun inuit tadja munarijaunun. Qanuriliurutikhanginnik aannialiqtut talvani Hope Bay Ujagakhiurvianni ihumaliurutigijaat huli.

Hope Bay Ujagakhiurvianni hiamitirninganut nutaaq tuhaqtitaujukhaq:

  • Kinguagut aanniavingmi ihivriuqtaudjutingit qaujihaivingmi hivuraani Kanadami, tadja nainngujut naunaiqtaujut aanniarutiqaqtut COVID-19 qalagjuarnirmik talvani Hope Bay Ujagakhiurvianni.
  • Hitamat aallat ihumagijaujut aanniarnahugijut mihingnautiqaqtut naunaiqtajut imaalu utaqqijut naunaiqtaujukhanik ihivriuqhidjutimingnik.
  • Tualut inuit aullangittut huli avalingaqtitaujut igluamingni.
  • Tamaitalu ihariagijaungittun aullaarutikhat talvunga talvanngalu ujaraghiurvingmin nutqaqtitauvaktullu.
  • Ihariagijaujun havaktiit aktuqtauhimajun ihariagijaujun havakhimmaaqtukhauplutik qajangnaidjutinginnun aallanun havaktinun, havakhimmaaqtun himmautikhamingnun. Hapkuat havaktiit maliktun akhuuqtaujunik qanurilirutinik ahiqpaniittaamingnik taapkunanga haniliriikhimajamingnin, ilaujuqlut aturniit matukhanik. Havaktiit piqaliqtun naunaitkutinik pitqujauniaqtun avaliinngaalirlutik tadjainnaq.

Nunavutip Apqutikhaa: aallangurniit maliqatqujaujunik
Nunavut Kavamangat aullahimmaaqtut hivumuuqpalliadjutikhanik Nunavutip Apqutikhaa, Atanilluaq Nunalaani Aanniaqtailinikkut Havakti, ihivriuqqaqhugit tadja qajangnarniit COVID-19 qalagjuarnirmik Nunavunmi nunallaanut, maliqatqujijut aallanguqtirijut hapkuninga inungnut aanniaqtailinikkut maliqatqujaujunik. Hapkuat nutaat maliqatquijaujut atuliqtauniaqtut talvanga 12:01 ublaami. ET Hivulliunmi, October 5, 2020.

Niqinik Kivgaqtuqtut Havagviit

  • Tamaita niqikhaliurviit havagviit Nunavunmi angmainariqaliqtut talvani nirinirilutik najugaani, aggidjijaulutiklu aquiqtuqtunut, aikhiinariaqaqturlu niqikhanik imaatut:
    • Iklhivavikhait ikpatini amigaitqijaulimaittut imaatumit saivati-faiv pusantinganit ikhivavikhainnit inugiangnikhanit.
    • Pijukhaujut malrunik miita (2 m) uungahitilaamik akkunngani ikpatit akkunnganiluttauk inup utaqqijut aihiktauniaqtumik niqikhanik ikajuqtauluniluuniin niriviini.
    • Avatquhimaittumik siksinit inungnik nirijut katihimajutluuniin ikpattinni.
  • Tamaita niqikhaliurviit havagviit piliuqpaktut nanminiq ikaarnikhainnik najugamingni, aggidjijaulutiklu aquiqtuqtunut, aikhiinariaqaqturlu niqikhanik.

Laisiqaqtun Niqikhaliurviit

  • Tamarmik Laisiqaqtut Niriviit angmainariaqaliqtut havangnaqtitlugu ikaarniinni, pidjutigiplugu naliit atuqtakhat laisiqaqtunut qanurinniit, imaatut:
    • Iklhivavikhait ikpatini amigaitqijaulimaittut imaatumit saivati-faiv pusantinganit ikhivavikhainnit inugiangnikhanit.
    • Pjyukhaujut malrunik miita (2 m) uungahitilaamik akkunngani ikpatit akkunnganiluttauk inup utaqqijut aihiktauniaqtumik niqikhanik atiginik tuttuqtirviit imaalu imirviuviinilu.
    • Avatquhimaittumik siksinik (6) inunik ikhivajut imaaluuniit katihimajutluuniin haniani ikpattinni.

Naunaittiarutikhanik, hamna Atuqqujaujut atuqtaungittuq taffumunga Iqaluit Beer unalu Wine Niuvvavik imaaluuniit aallanut Taanngaliqinirmut Niuvvaviit aulapkaktait Nunavunmi Taanngaliqinirmut Higaarlungniklu Katimayiit.

Ulapqijuliqinirmut, tuninguiqtirilukaaktut, imaalu Nunamingni katimajut:

  • Taiguarviit, Ingilraarnittat Tutquumaviit, imaalu Qun'ngiarviit angmaqtaalirniaqtut havagvigivaktainni ikaarniinni imaatut:
    • Attautimut amigaitilangit talvaniitut avatqulimaittut 50% inikhaanik igluami.
  • Ulapqiviit, Iqaijarviit, Cadet katimaviit, Ulapqijuliqinirmut Katimaviit, imaalu nanminirijaujut iqaijarviit angmaqtaliqtut inullaanut iqaijarvikhait, katimaplutik iqaijarnirmik ajuiqhajunut, cadets, imaalu ulapqijuliqinirmut ulapqijut imaatut:
    • Attautimut inugiangnikhait atauhirmi igluarmi avatqulimaittut 25-nik inungnik imaaluuniit 50%-ngujumik naunairiiqhimajut inugiangnikhanik.
  • Hamlatkunni hakirviit angmainarialaqijut inullaanut iqaiarumajunut, iqaijarnirmik ilihaqatigiiktunut, imaalu ulapqijuliqinirmut ulapqijut, malikkumikik hapkuat:
    • Attautimut amigaitilangit ilaujut uvani ulapqivingijani, ilaujut ulapqijut munaqtiujut avatqulimaittut ikitqijaujunik 50 inungnik imaaluuniit fipti pusantinganik amigaitilakhanik atauhirmi igluarmi.
    • Attautimut amigaitilakhangit quin'ngiaqtut avatqulimaittut 50 inungnik.

Katimanikkut:

  • Minguirviit angmainnarialaqijut.
  • Najugakhaani ittut hivitujumik munaqtauviinni, munaqtauhimmaaqtut munaqtauviinni, imaalu aanniarviliaqtut najugainni pulaqtiqaqtaaliqtut malringnik attautikkut qanigijamingnik ilamingnik; pulaaqhimajut aturiaqaqtut akkuliangnut matukhamik imaaluuniit akkuliangnut matumik.
  • Hilami katimaqatigiiktut amigaitilakhangit amigaigjuumijut imaatut 100 inungnik, inungmit un'ngahikhimajukhatmaliklugit.
  • Katimaqatigiiktut ingilraarnittani, taiguarviit imaalu qun'ngiarviinni: 25-nik inuit imaaluuniit 50%-ngujumik amigaitilakhanik atauhirmi igluarmi.
  • 100 inuit imaaluuniit 75%-ngujumik amigaitilakhanik atauhirmi igluarmi anngadjugiinni, katimapkaijunni ihuaqhaqtauhimajut kavamatkunit, Inuit timiqutinginnit, imaalu iliharviinni inungnut kavamaujut, katimarjuarviit igluqpait, nunamingni ulapqiviit imaalu akiliqtuqtauplutik katimaviujut iniqhangit, piksasurviit.
  • 75%-ngujumik amigaitilakhanik uvani niriviit imaalu laisiqaqtut imirviit.
  • Iglup iluanni katimapkaijut iglugijaujuni: aallaniklu 15-nik inungnik.

Akkuliangnut Matukhat:

  • Ilaungittut tingmijukhat aturiaqaqtut akkuliangnut matukhamik imaaluuniit akkuliangnut matukhamik hivulliqpaani 14-ni ubluni utiqhimalirumik Nunavunmi inuqarnirmungaujarangamik.
  • Ilaungittut tingmitikkut aullaqhimajut ukiunikhimaitkumik 2 ukiuqaqtut, imaalu ukiuqaqtut 2-4 ukiunik angilimaittut atuqqugaluaqhugit matukhamik atuqtitqulimaittut ilaujakhaittut.
  • Ilaujakhaittut tingmijukhat pijariaqaqtut itiqtirvikhamingnik ataai Inungnut P{ilaarutit Maligarmi ilaujariaqangittut aturlutik matukhamik.
  • Ilaujakhaittut tingmijukhat ungavaktaaktait matukhatik nirinahualirumik niuqqarnahualirumikluuniit inuqarnirmi.

Maliqangitkumikik haffumunga Pitqujaujumun ihumagiyjujuq ihuinaarutaanik Pitqujaujumun ataani Maligap pidjutiqarniaqtuq akiliqtitauluni ataani Maligap, kitut ilaujut:

  • $575 akiliqtakhat inungnun; imaalu
  • $2875 akiliqtakhat kuapuriisiuyunun.

Ilaupluni Nunavut Kavamanga (GN) havagutainnik hapumminikkut Nunavunmiunnik talvannga qajangnarnirmin COVID-19 qalagjuarnirmin, GN-kunni Havakviit atuqtipkaliqtait hapkuat:

 

Aanniaqtailinikkut Havagvia

Avaliingaaqtihimanikkut Amigaitilaangin

Atauttimun (Tamaita Avaliingaarnikkut Najurviit)  
Aullaaqtuq Qanurittumik Inuit Avaliinngaaqtitaujut talvannga Oct 2min
Aanniarnikkut 366
Inuit Inmikkuuqtun 398
Attautimut 764


Aullarhimajun utiqtun naunaijautaa:

Aullarvia Ublua Amigaitilaangit Aullaaqtun Avaliingaarvingnin
Aktuupa 1 64
Aktuupa  2 47
Aktuupa 3 0
Aktuupa 4 28
Aktuupa 5 127
Attautimut 266


Ihariagijauqpiaqtuni Havaktini Tukhirutin

Talvannga October 5min, pilik 6682 tukhirutinik, 3204ngujun ihariagijauqpiaqtuni havaktini tukhirutinik.

Tukhiutait Qanurinniit # %
Angiqtaujut (ilaujun ihariagijauqpiaqtun ihariagijauqpiangittullu) 4666 69.8%
Qin’ngijaujun 264 4.0%
Ihumaliuqtaujun huli 110 1.6%
Aullauvilluarvigijainni Nunat Angiqtaujun 1642 24.6%
Attautimut 6682 100%



Nunalingni Kavatkunillu Pivikhaqautikkut Havagvia

Tukhirutit nunamungaujaami nappaqtirinikkut pidjutilingnik havaktakhanik aullaariamiluunniit nunami ukununga nappaqtirinikkut pidjutilingnik havaktakhanik tujuqtauttaaqtun qaritaujakkuurutikkut titiqqidjutikkut uumunga CPHOconstructionrequests@gov.nu.ca

Nappaqtirinikkut havatiit inirhimajun avaliingarnikkut ublumimun: 1674

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinit, aihimalutillu aanniaruvin.