Havaktingit

You are here

COVID-19 Qalagjuarniirmun GN-kunnin Nutaanik Tuhaqtidjutait - Qiqaijarluarvia 6, 2021

mii 06, 2021

Hivuliqtip tuhaqtidjutaa:

Ublumi, unniudjiliqtugut 12-nik nutaanik aannialiqtut imaalu itgngujut nakuuhijut COVID-19 qalagjuarnirmik. Tadja 86 aaanniaqtut avikturnianni - 84 Iqalungni malruk Kinngaini. 71 naamakhijut ublumimun hiamitiqtumit aanniarunmit.

Ublumimun 16,271 Nunavunmiut kapuqhiqtut hivulirmik Moderna kapuutimik, imaalu 12,692 Nunavunmiut tamaanun kapuqhiqhimajut.

Tamapta ilihimajugut inuk kinaliqaak aannialirumangittuq COVID-19 qalagjuanrimik, imaalu akhuuqhaqtatka inuit pihuuqhaarijukhaungittut ihumalutikluuniit aannialaqidjunmik imaalu hiatmitiqtaunianik.

Kihimi, itqaumatqujatka inuit tamamrik munarijakhaqaqtut ihuaqtumik pinahuarlutik. Tamapta maliqajukhaujugut tamainik aannialiqtailinahuarlugit nuatqatigut.

Qanuriliuqtatin akturnarniaqtun tamainnut aanniaqtailidjutiqhainnut. Inungnut annialiqtailitikhat tamapta havaktakhavut.

Nunavunmiut, aulahimaaqtumik maliklugit tamaita inungnun aanniaqtailinirmun maligakhat. Ivjarutinik atimaluhi hilamiitkuvin iglungnin. Uaqattainnarlugit algaktit. Aihimaraanginnarhuarluhi. Kapuqhiriaqturluhilu.

Qayangnaitumik munagidjutikharniklu aulaluhi havaknaitiluni.

 

Atanilluaq Inungnun Aanniaqtailinikkut Havaktimin Tuhaqtidjutaa:

Ublaakkut,

Aippiunmi, tuhaqtitijugut ihivriuqaqhugit aanniarviliaqtut itiqtirviata havaktiit talvaniitutlu aanniarviliaqhimajut COVID-19 qalagjuarnirmun tapkuat aanniarviliaqhimajut aullaqtukhat naunaiqtaujut ainginarialaqijut. Ippakhaq tujuqtaujugut apiqqutinik ihumaluutaujuniklu qajangnaittakhanik talvaniittakhamingnik aanniarviliaqtut itiqtirvianni.

Qajangnaittuq. Piittuq COVID-19 qalagjuarnirmun aanniaqtunik aanniarviliaqtut itiqtirviani. Havaktit ihivriuqtaujut aannialiqtut imaalu tapkuat qajagijaukpiaktut aktuqtauhimajut avalingaaqtitauliqtut imaalu utirunaittut havagvingmut nakuuhilrarnatik COVID-19 qalagjuarnirmit imaalu naunaiqtaujukhat Taaktimit anittaalirumik avalingarvingmingnit. 

Aanniarviliaqtut itiqtirviat maliktakhaqaqtut ikiglinahuarutikhanik qajangnarniit COVID-19 qalagjuarnirmut ilaujut:

  • Halummaaqtiqattarlugit atuqtauqattarniit.
  • Akhuuqhalugit talvaniitukhat avalingaaqulutit igluarmingni.
  • POulaaqtiqalimaittut imaalu tadja inungnut aanniaqtailinikkut maliktaujarialiit pipkailimaittut pulaarumajunik nualipaujami.
  • Inuit apirijaujut anivaktukhaujut taaktiliarumik imaalu havautikhamingnik aikhurumik.
  • Niqikhait niuqaqhaitlu agjaqtauvangniaqtut iguanginut.
  • Inuit katimajukhaungittut iluani igluqpaup.
  • Aallat inuit hilataanungaujukhaungittut, imaalu inungmit un'ngahikhimajukhaujut hilami.
  • Ivjarutit atuqtaujukhat inungnit un'ngahikhimalutit maliqatqujaujut.
  • Havaktit havaktut aktuqtauhimaittut imaalu ihviriuqtaudjutait nakuujut.

Aanniarviliaqtuguvit aullaqhimaguvit naunaiqtauhimaguvit aullaqtukhaujutit Iqalungnit,avalkingaaqtukhaujutit imaatut 14ni ubluni. Ilatitlu igluqatigijatit avalingaaqtukhaujut anijukhaungittut iglungnit. Ua aalla qajangnaitkutikhaqhi tamna qajangnarmat COVID-19 qalagjuarnirmun hiamitirnikha mikinikhaujuq.

Ippakhaq, malruuk aannialiqtuk Kangiqlinirmi nakuuhijuk, avaingaagakhaiktuk imaalu ainginnarialaqijuk. Ippakhamit, piqaqtut 23 aannialiqtunik COVID-19 qalagjuarnirmik talvani Baffinland Iron Ujarakhiurvianni. Havaktit talvanga Baffinland Ujarakhiurvianni nuutaunialiqtut hivuraanut iniqtirianginni avaligaarvikhamingnik takpani.

Tadja 10 aannialiqtut COVID-19 qalagjuarnirmun talvani Qikiqtaani Itiqtauvianni, tamarmik inullaat nammainaqtun imaalu avalingaaqtut najugaani. Pingahut inullaat aullaqtitaujut medevac-kut Ottawa-mut havaktaujamingni tahamani. Aallanik piittuq Nunavunmiut aanniarvingmungaqtitauhimaittut pidjutigiplugu una aanniarut.

Naunaittiaqhimajatka uqaqtatka anginiqaqpiaktiq inuit tamarmik maliqattiakpiaktukhaujut inungnut aanniaqtailinikkut maliktaujarialiit.

Pulaaqtaqtut imaalu katimaqatigiiitut hiamitaiutauvaktut Iqalungni aannialaqidjunmik. Hapkuat hulilukaarutit inungnut qajangnaqpiaktut hiamitiutauniaqtun aanniarunmik nutqaqtitaungitkumik.

Katimagumik inullaat aallatqiiktunik igluqatimingnit hiamitiqtaaqtat aanniarut tamainnut inungnut katimajunut, inungnutlu iglumiuqatimingnut aanniarunmik COVID-19 qalagjuarnirmun. Apirijavut inuit tamaita upautihimajut imiktunut iglumingnik kingulirni pingahuni havainirni hivajaqujaujut hivajautaanut tukhirlutik kiuliuqtaujumalutik.

Quana.

 

 

Ilaujut hapkununga Kavamatkut Nunavunmi (GN) akhuurutait munarilugit Nunavunmiun qajangnarnirmin COVID-19 qalagjuarnirmin, GN-kut Havagviit atuliqtait hapkua:

Havagviat Aanniaqtailinirmut

Tamainnun nutaanik naunaitkutinik ikajuutiqhallu talvuuna COVID-19 qalagjuarnirmun Nunavunmi, hamungaulutit: https://www.gov.nu.ca/health/information/covid-19-novel-coronavirus

Nutaanik kangiqhidjutikhanik tadjamin inungnun aanniaqtailinikkut kiklikhainnik, hamungaulutin: https://www.gov.nu.ca/health/information/nunavuts-path

Naunaittiarutikhat kapurhirvikhatigut talvungaulutit: https://gov.nu.ca/health/information/covid-19-vaccination

 

 

Qalagyuarnirmun COVID-19 aannialiqtut qanurinniit: Qiqaijaluarvia 6

Atauttimun ihivriuqtauyut

Attautimut naunaiqtauhimajut aannialaqihimajun

Attautimut aannialaqihimajun

Attautimut nakuuhijut aanniaruiqtun

Tuqujut

Attautimun inuit munarijaujun

Tadja inuit munarijaujut

13,010 552 86 462 4 8656 437

* Aannialiqtut Aannialirnahugijunutlu ilaujut tapkuat nunarjuami aanniaqtunut naunaijautit. Inuit maliktaujunut ilaujut inullaat naunaittunik mihingnautiqaqtut aanniaqtunut qanikhimagumiklu ukuallu ilangit inmingnik-munarijut imaaluuniit ingmingnik-avalingarnirmik. Tamaitaungittut mihingnautiqaqtut imaaluuniit ihivriuqtaujariaqaqtut.

*Kinguvaniaqtut uniudjutit kihiatitautillu aanniarutikkut Hivuraani Kanata. 12 aannialiqhimajut naunaiqtauhimajut ahiani Nunavunmit angilraqtitaujut nunagijainnut Nunavunmut. Ukuallu ilaujut pingahut 3 tuquhimajut. Tamaitaungittut Nunavunmiutat NU nunaqaqtut aannialiqhimajut COVID-19 qalagjuarnirmun naunaiqtauhimajut ahianiititlutik avikturnianit angilraqtitaujut Nunavunmut.

COVID-19 Kappuutit Havautit: Qiqaijaluarvia 6

Hivulliqpaat kapuutikhat atuqtauyun Tugliit kapuutikhat atuqtauyun Atauttimun kapuqhiqtauyut munariyauyut
16,271 12,692 28,963

*Atauttimun kapuutikkut kapuqhiqtut nutaanguqtiqtauraanginnaqtun kihimi ikitqijauttaaqtun amigaitilaanganin.

COVID-19 qalagjuarniq nunallaani aanniaqtut qaffiutilangit: Qiqaijaluarvia 6

Nunallaami

Aanniarutiqaqtun COVID-19 hiamitirninganik

Ikaarniitigut

Naunaiqtaujut COVID-19 qalagjuarniq Aanniaiqtut ippakhaq

Naunaiqtaujut COVID-19 qalagjuarniq Aanniaiqtut ublumi

Aallanguqtut aanniaqtut nampait +/- ippakhamit

Huiqtut

Nakatqiqtut aanniaqtut

Attautimut aannialaqihimajun

Iqaluit Aullaranginaktukhat Talvangarnin 14/04/2021 137 149 12 0 65 84
Kinngait Aullaranginaktukhat Talvangarnin 19/04/2021 6 6 0 0 4 2
Kangiqliqniq Aullaranginaktukhat Talvangarnin 24/04/2021 2 2 0 0 2 0
Arviat uumanga 11/2020 – 04/2021 339 339 0 1 338 0

Tikirarjuaq

uumanga 11/2020 – 02/2021 23 23 0 0 23 0

Kangiqliniq

uumanga 11/2020 – 12/2020 19 19 0 0 19 0
Sanikiluaq uumanga 11/2020 – 12/2020 2 2 0 0 2 0

ATAUTTIMUN

    528 540 12 1 453 86

Qaujihaqtaujut qaffiujut ublumimut nunallami: Qiqaijaluarvia 6

Nunallaami 

Qaujihaqtaujut aannialiqtut

Qaujihaqtaujut aanniangittut

Iqaluit 149 1900
Kinngait 6 139
Kangiqliqniq 2 46
Arviat 339 2883

Tikirarjuaq 

23 352

Kangiqliniq 

19 339

Sanikiluaq 

2 202

ATAUTTIMUN

540 5,861

Avaliingaqtut inugiangningit: 

Aullaaqtuq Qanurittumik

Inuit Avaliingaaqtitaujun talvannga Qiqaijaluarvia 5

Daaktiliaqtut

361

Inuit

250
EMTI 41
Igluqpiliurnikkut 31

Attautimut

683

Aullaqhimajun utiqtun naunaijautaa:

Aullarvia Ublua

Amigaitilaangit 
6-Qiqaijaluarvia  77
7-Qiqaijaluarvia  55
8-Qiqaijaluarvia  10
9-Qiqaijaluarvia  15
10-Qiqaijaluarvia 210
Attautimut 278

Ihariagijauqpiaqtuni Havaktini Tukhirutin:

Talvannga Qiqaijarluarvia 5, pilik 15,985 piumajaujut, 7,943 ngujun ihariagijauqpiaqtuni havaktiit piumajaujut.

Tukhiutait Qanurinniit

# %

Angiqtaujut (ilaujun ihariagijauqpiaqtun ihariagijauqpiangittullu)

12,230 76.5%

Qin’ngijaujun

308 1.9%

Ihumaliuqtaujun huli

520 3.3%

Aullauvilluarvigijainni Nunat Aagiqtauhimayut

2,927 18.3%

Attautimut

15,985 100%

 

 

Havagvia Maligaliqijitkut

Nutaat piliurningat ilihautikhanik/ kivgaqtuidjutikhangit:

Qulit itiqtauhimajut ihivriuqtaudjutait naunaiqtaujut aannialiqtut COVID 19 qalagjuarnirmun. Tamaita havaktit itiqtauhimajutlu talvani aktuqtauhimajut igluqpait ihivriuqtaujut COVID-19 qalagjuarnirmun imaalu naunaijaidjutikhainnik qaniklihimajainnik aanniaqtumut ukunanga Havagviat Aanniaqtailinirmut aullahimmaaqtumik. Tadja 19 havaktiujut avalingaaqtut aimavingmingni qajagijaunirmut.

Aulahimaaqtun kivgaqtuutit:

Tamaita aallat itiqtauviit angmajut huli. 

Ihuaqhaqtauhimayut kivgaqtuutit:

Tamarmik itiqtauhimajut anijukhaungittut igluarmingnit najugamingnit avalingaaqtukhat.

Aallat qajangnaitkutikhat maliqajaujukhat atuqtitaujut tamangni aktuqtahimajut igluqpainni, ilaujut atuqtauranginnaqtukhat inminut qajangnaitkutikhat atuqtakhat.

Umikhimaniaqtun /Nutqaqtitauniaqtun/Taimaaqtitaujut ikajuutikhat:

Tamaita itirviujukhat tapkununga Makigiarvik unalu Qikqtaani Itiqtauvik tahapkunungainnaq itiqtitivaktun havaktiinnik itiqtauhimajuniklu.

 

 

Havagviat Ilinniaqtuliqijiykut

Aulahimaaqtun kivgaqtuutit:

K-12 Iliharviit

Hapkuat qanurinninga atuqtauhimmaarniaqtun:

  • Qanurinninga 4 – Iliharviit Kinngait hamanilu Iqaluit.
  • Qanurinninga 3 – Iliharviit Qikiqtani tapkuangungittut Sanikiluaq, Kinngait, unalu Iqaluit.
  • Qanurinninga 2 – Iliharviit Kangiqlinirmi.
  • Qanurinninga 1 – Iliharviit Sanikiluaq, Kitikmeoni, hamanilu Kivallirmi, hamaniungittuq Kangiqlinirmi.

Iliharviit atuqtipkarniaqtuq ihuaqtuq hulidjutikhakkut hivunikhaq tadja qanurinningamingnun.

Ilihalihaaqtut Nutaqqat Nutaqqaniklu Munaqhiviit

Tamaita nutaqqiqiviingit angmaumagiaqaqtun, kihiani Kinngarni hamanilu Iqalungmiutangitut.

Manikkut Ikajuutikhat Nunavunmi Ilihaqtunut (FANS)

Ilihaqtun ihuarhaijun FANSkut-pitaaqtukkut aullaarutikhamingnik maliktakhait inungnun aanniaqtailinikkut qanuriliurutikhat pitquidjutaillu CPHOmin. Ilihaqtun apirhuutikhaqarutmik mighaagun aullaarutikkut, hivajaqtaaqtaa FANS-kut havagvia naunaitkutikhamingnik uvani fanstravel@gov.nu.ca.

Umikhimajut/Taimaaqtihimajut/Nutqaqtihimajut hulidjutit:

K-12 Iliharviit

Kinngaitmi Iqalungni iliharviit umikhimaniaqtut iliharvingni ilihaidjutini talvunga naunaijarutaanun.

  • Talvani Qanurinningani 4mi, tamaita iliharutikhat havaktauniaqtun ungahiktukkuuqtukkut. Tamaita iliharviit umikhimajun ilihaqtunun, havaktinun inungnullu. Iliharviup havaktiita uqarviigiqattaqpangniaqtait hivajautikkut tamaita ilihaqtut.

Ilihalihaaqtut Nutaqqat Nutaqqaniklu Munaqhiviit

Kinngaini Iqalungnilu nutaqqiqiviit umikhimaniaqtut tuhaqtitautinnatik.

 

 

Pivalliajuliqijitkut Ingilrayuliqijitkullu Havagutainni Havagvia

Iqalungni Akhaluutiliqijikkut

Iqalungni Akhaluutiliqinirmun havagvian ihuaqhaijut auladjutikhamingnik pidjutigiplugu tadja COVID-19 qalagjuarnirmun aanniarutaujq. Ihariagijaujut akhaluutinut kivgaqtuidjutikhat hailijut inungnut upautivikhanik naunairiikhimajumik upautivikhanik imaaluuniit unngahiktumit hivajautikkut 867-975-7840, qaritaujakkut titirarvigilugu MotorVehicles@gov.nu.ca akhaluutinut aritaujakkurutaani www.gov.nu.ca/motor_vehicles.

Takkulugu www.gov.nu.ca/motor_vehicles aadjiliurlugit titiraqtakhat hapkuninga ikajuqtauvikhanik:

  • Kinaujaakharnikkut Ilitaridjutikharnik Piannaq:  Nutaannguqtiutikhat, himmautikhaniklu.
  • Tukhiutit Apqutip Aqudjutainnik Naunaitkutinik, Akhaluutinik Qiniqhiadjutit, imaalu Piyaqtuqhikapat Unniudjutit.
  • Akhaluuhiqitjutikkut Laisiutit: Nutaanguqtiutikhat, Qulliutqijat, Mikitqijat imaalu Himmautikhat.
  • Akhaluutinut Atiliurutikhanik Nutannguqtirutikhat: Nutannguqtiutikhat, Himmautikhat, Nuutiutikhat, imaalu Nutaat Akhaluutit.

Hapkuat ihariagijaungittut akhaluutinut kivgaqtuidjutikhat haililimaittut qakugu tuhaqtitauniaqtuhi:

  • Aquttaalirnirmut ihivriuqtaudjutikhat.
  • Laisit nuutiutikhanut aallanit nunagijaujuni.
  • Piksamik himmautikhat (atuqtat piksaa utuqqautqijaukpat 6-sinit ukiunit).
  • tunijaudjutaanik aqutimut laisimik imaalu kinaujaakharnikkut ilitaridjutikharnik piannat.

Mikijunut Nanminirnut Ikajuutit Pinahuaruti

Mikijunut Nanminirnut Ikajuutit Pinahuaruti tunihijumajut maniliqtuutikhanik mikijunut nanminirijaujunut Nunavunmi aktuqtauhimmaaqtun COVID-19 aanniarunmit.

Akiliqtuffaagakhaittumik imaatut aktigijumik $5,000 hailiuq ikajuutikhanik pittaaqtunut nanminirijaujunut akiliqtuqtakhainut ilaujut qulanaujautit imaaluuniit laisikhanut akiliqtakhat, havagviit aturnianut akikhat,auladjutait imaaluuniit utiqtitaulimaittunut nanminirijaujunut akiliqtakhat tamajakhanut atuqtaulimaittunut pidjutigiplugu aanniarut. 

Tamaita aallatqiit nanminirijaujut akhuukhaqtaujut uuktuquplugit ilaujut hanaujaqtit, miqhuqtut, niuvvaviit, aquijunik aulapkaijiujut, imaalu anguniaqtit. Nanminirijaujut imaaluuiit niuvvapkaijiujut mikitqijaanik maniliuqhimajut $500,000 atauttimut niuvviktaujunit imaalu mikitqijanik qulit havaktiqaqtut pillajut maningmik.

Uuktuqtut tunihijukhat initiqhimajumik uuktuutikhanut ilaujukhat titiqqat puuqhimajut::

  • Mikijunut Nanminirnut Ikajuutit Pinahuaruti Ikajuutikhat Titiraqtakhaq
  • Mikijunut Nanminirnut Ikajuutit Pinahuaruti Ikajuutikhat Uuktuutikhaq Titiraqtakhaq
  • Naittumik naunaijautikhamik qanuqtut nanminirijaujuq aktuqtauhimjakhanik aanniarunmit.

Aallanik naunairumaguvit imaalu ikajuqtikhailiuruvit uuktuutikharnik, takulugu www.gov.nu.ca/sbsp imaalu uqarvigilugu Nunanngni Maniliurnahuarnirmun Pivallianirmut Havaklti imaaluuniit Aviktuqhimajumi Maniliurnahuarnirmun Pivallianirmut Ataniq.

 

 

Havagviat Avatiliqijitkut Kivgaqtuutikhait

Aulahimaaqtun kivgaqtuutit:

Havagviangit Avatiliqijitkut aulahimaaqtun tuniyangat ikayuutikharnik Nunavunmi tamainni aulayuitun, malikhautiplugit atuqtakharnik nunalaani inuuhirinikkut uuktuutikharnik.

Havagvik aulahimaarniaqtun kiudjutikharnik ayungnautiqaqtunik uumajunik kuvihimajuniklu:

  • Uumajuliqijikkut kiudjutikhanik Kinngaitmi, hivajarlugit 867-897-0123 (Palihimatkut) 24ni ikarniinni ublumi.
  • Huradjanun upautijukhakkut Iqalungni, hivajaqlugu 867-222-0167, 24nik ikarniinni ublumi.
  • Tamaita kuvijuqaqqan unniqtaujukhat taffumunga Nunavunmi Kuvijuqaqqan Hivajautaanut uvani 867-920-8130, 24 ikarniinni ublumi: https://www.gov.nu.ca/environment/documents/spill-response.

Umikhimaniaqtun/Nutqaqtitauniaqtun/Taimaaqtitaujut ikajuutikhat:

Uumajuliqikkut havagviat min'nguiviit havagviat Kinngaini, uvanilu uliqijitkut havagviat min’nguirviit havagviat Iqalungni umiktaujut inungnut kihiani qakugu ilitturipkaqtaugumik.

 

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinin, aihimalutillu aanniaruvin.