Havaktingit

You are here

COVID-19 Qalagjuarniirmun GN-kunnin Nutaanik Tuhaqtidjutait - Qiqaijarluarvia 14, 2021

mii 14, 2021

Hivuliqtip tuhaqtidjutaa:

Ublumi, unniudjiliqtugut 12-nik nutaanik aannialiqtut imaalu itgngujut nakuuhijut COVID-19 qalagjuarnirmik. 78-nguqtut aannialiqtut nunaptingni, tamarmik Iqalungni. 145 naamakhijut ublumimun hiamitiqtumit aanniarunmit.

Ublumimun 16,609 Nunavunmiut kapuqhiqtut hivulirmik Moderna kapuutimik, imaalu 13,160 Nunavunmiut tamaanun kapuqhiqhimajut.

Qujagijumajatka tamaita Nunavummiut utaqqivangmata, kangiqhimattiakhutiklu imaalu maliqatiplutik kingulirmik aannialiutaani. Quanaqutin havakpiakpauhirnik tadjalu havaktakhaptingnik aullahimmarluta.

Tamaqpiapta unnagutijavut hapkuat maliqatqujauhimajut pittailijaujutlu, kihimik ihumagijakhavut hakugingnahuaqtukhaujugutlu. Taimailiuqtaaqtugun. Tamaffi ikajurnahuaqtukhaujuhi pijakhahi pilugit. Apiqhimaarlutin ikayuqtukhamik piumaguvit. Tamapta atauttiujugun uvani. Aannialiqtaililavut nuatqativut.

Ivyarutinik atimaluhi hilamiitkuvin- atimainaqlugit. Aihimainarahuaqluhi. Aghut inugiangnirmi ungahiktilaaqarlutit inungnin hilamiitkuvin. Kapuqhiriaqturluhilu. Ihuaqtumik pidjavutit ilingnut, ilangnut inungnutlu nuatqatingnut. Aihimalutin qajangnaitkutikharnik atuqhimaarlutinlu.

 

Minista Aanniaqtailinkkut Havagvianin nutaaq-tuhaqtitaqhaa:

Iniqtiqtitlugu una Nunarjuami Munaqhit Havainiq, qujagijumajara Munistaujuq Aanniaqtailinirmut tamainik havakturniqpiaktunik munahiptingnik. Pidjutigplugit tamaita Nunavunmiut, qujagijaptigit akhuraaluk havakpiakpakavit, uvaninnaungittumi aanniarutim hangudjutaani, kihimik ubluq tamaat.

Tikitpallialiqtugut tallamanut havangnaittumik ubluinut umiqtauhimapluta nunalipaujami, uqautijumajatka inuit tamaita, tamainni nunallaani, hamanilluaq Iqalungni, maliqattiadjavatit tamaita inungnut aanniaqtailinikkut maliktaujarialiit piliuqtauhimajut. Tamaita.

Una tukiqaqtuq katimajukhaungittut,imiqatiqaqtukhaungittut iglumingni, pidjutiqaqtukhaungittut katimadjutikhamingnik inungnik ahianit iglumiuqatimingnit. Anihuirlutit ivjarutaittumik. Nutaqqatit aniiqqata, ivjarunmik atuqtukhaujut. Aallanut higaaqtat higaaqtihuirlugu, niuqaqtarniklu, aluutingnik, kapurautingnik , niritingnik imaaluuniit nirijarnik.

Pidjutilik tamaptingnun. Qujanginnaqtailutit imaalu ihumattiaqpaglugit avatingnut akhuuqpadjavuhi.

Hakugingnahuaqpaliqta, akhuuqpalirlutalu qajagivaglutalu. Tamapta ilihimajugut hulivauhiptingnik, tamapta maliqalavut inungnun aanniaqtailinikkut maliktaujukhat. 

 

Atanilluaq Inungnun Aanniaqtailinikkut Havaktimin Tuhaqtidjutaa:

Ublaakkut,

Qajangnaqtumik katimajut hiamitirutauhimmaaqtun COVID-19 qalagjuarnirmun. Nallianit imiqatigiiktut quviahuqatigiiktut, nutaqqat aniiktut ulapqiqatigijait ilannatik, ahianit igluqatut imaaluuniit pulaaqtut iglumingni, takuhimmaaqtugut hiamitiqhimmaaqtuq aktuqtauningat COVID-19 qalagjuarniq, hiamitiqhimmaaqtuq aannialaqidjut imaali amigaittut inuit avalingaariaqaqtut.

Talvuuna qaniklihimajainnik aanniaqtumut naunaiqtaujukhanik, naunaiqhijugut katimavaktun amihut igluqatigiiktut pidjutaujut ilaurutaujut aannialiqtunik ilitturijaujunik nutaqqani imaalu pingahut igluqatigiiktut avaliingaaqtukhaujut. Ublaamit, imaatut 264 inuit avalingaaqtukhat. Amigaittut inuit avalingaariaqaqtut pidjutigiplugu aktuqtaunirmik COVID-19 qalagjuaqtunut, ajurnautauniaqtuq hapuat ihariarijaukpiaktut kivgaqtuidjutikhat aktuqtaujut. Avalingaarniq ihumalungnaqtuq ajuqhautauplunillu ilagiinut nunanganutlu. Aanniaqtailinirmut havaktit havakpiakpaktut akhuuraalukikajurnahuaqhutik nutqaqtinnahuarutikhanik hiamitiqtailitikhanut COVID-19 qalagjuarnirmik, kihimi nutqalimaittuq hiamitirnia inuit tamarmik ikajungitkumik.

Apirijaffi ikajuritti ihivriuqtauluhi kiliuqtauluhilu naunaijautikhamik. Inuit amigaittut kingivaktut kiliuqtaujumangittutik iqhiuramik avalingaaqtitauniarnahugiplutik, imaaluuniit ihumajut pijakhainnahugiplutik. Ihivriuqtauguvit tukiqangittuq avaingaaqtukhaujutit. Avalingaaqtukhaujutit ihivriuqtaudjutit naunaiqtaukpat aannialiqtutit aannialaqidjunmik. Una ikajuutauqpiakpaktuq angiruvit ihivriuqtauniq anginiqaqtuq. Mihingnautiqaruvit imaalu naaunaiqtauguvit aannialiqtutit COVID-19 qalagjuarnirmik hiamitilirunaqhijat aannialaqidjutit. Aannialiruvit COVID qalagjuarnirmik imaalu avalingangitkuvit, ilvit qajangnaqhijutit aallanut inungnut.

Ilihimajugut inuk tamarmik avalingarumangittut, kihimi una nakuuqpiatqijaujuq hiamitiktailitikhanut COVID-19 qalagjuanirmun.

Inuit katimahimmaarumik qajagihimaittumik, aannialaqidjut hiamitiqhimmaarniaqtuq.
 

 

Ilaujut hapkununga Kavamatkut Nunavunmi (GN) akhuurutait munarilugit Nunavunmiun qajangnarnirmin qalagjuarnirmin COVID-19, GN-kut Havagviit atuliqtait hapkua:

Havagviat Aanniaqtailinirmut

Tamainnun nutaanik naunaitkutinik ikajuutiqhallu talvuuna qalagjuarnirmun COVID-19 Nunavunmi, hamungaulutit: https://www.gov.nu.ca/health/information/covid-19-novel-coronavirus

Nutaanik kangiqhidjutikhanik tadjamin inungnun aanniaqtailinikkut kiklikhainnik, hamungaulutin: https://www.gov.nu.ca/health/information/nunavuts-path

Naunaittiarutikhat kapurhirvikhatigut talvungaulutit: https://gov.nu.ca/health/information/covid-19-vaccination

 

Qalagyuarnirmun COVID-19 aannialiqtut qanurinniit: Qiqaijaluarvia 14

Atauttimun ihivriuqtauyut

Attautimut naunaiqtauhimajut aannialaqihimajun

Attautimut aannialaqihimajun

Attautimut nakuuhijut aanniaruiqtun

Tuqujut

Attautimun inuit munarijaujun

Tadja inuit munarijaujut

14,110 618 78 536 4 8656 437

* Aannialiqtut Aannialirnahugijunutlu ilaujut tapkuat nunarjuami aanniaqtunut naunaijautit. Inuit maliktaujunut ilaujut inullaat naunaittunik mihingnautiqaqtut aanniaqtunut qanikhimagumiklu ukuallu ilangit inmingnik-munarijut imaaluuniit ingmingnik-avalingarnirmik. Tamaitaungittut mihingnautiqaqtut imaaluuniit ihivriuqtaujariaqaqtut.

*Kinguvaniaqtut uniudjutit kihiatitautillu aanniarutikkut Hivuraani Kanata. 12 aannialiqhimajut naunaiqtauhimajut ahiani Nunavunmit angilraqtitaujut nunagijainnut Nunavunmut. Ukuallu ilaujut pingahut 3 tuquhimajut. Tamaitaungittut Nunavunmiutat NU nunaqaqtut aannialiqhimajut COVID-19 qalagjuarnirmun naunaiqtauhimajut ahianiititlutik avikturnianit angilraqtitaujut Nunavunmut.

COVID-19 qalagjuarniq nunallaani aanniaqtut qaffiutilangit: Qiqaijaluarvia 14

Nunallaami

Aanniarutiqaqtun COVID-19 hiamitirninganik

Ikaarniitigut

Naunaiqtaujut COVID-19 qalagjuarniq Aanniaiqtut ippakhaq

Naunaiqtaujut COVID-19 qalagjuarniq Aanniaiqtut ublumi

Aallanguqtut aanniaqtut nampait +/- ippakhamit

Huiqtut

Nakatqiqtut aanniaqtut

Attautimut aannialaqihimajun

Iqaluit Aullaranginaktukhat Talvangarnin 14/04/2021 203 215 12 0 137 78
Kinngait Aullaranginaktukhat Talvangarnin 19/04/2021 6 6 0 0 6 0
Kangiqliqniq Aullaranginaktukhat Talvangarnin 24/04/2021 2 2 0 0 2 0
Arviat uumanga 11/2020 – 04/2021 339 339 0 1 338 0

Tikirarjuaq

uumanga 11/2020 – 02/2021 23 23 0 0 23 0

Kangiqliniq

uumanga 11/2020 – 12/2020 19 19 0 0 19 0
Sanikiluaq uumanga 11/2020 – 12/2020 2 2 0 0 2 0

ATAUTTIMUN

    594 606 12 1 527 78

COVID-19 Kapurhiqtun qaffiutilangit: Qiqaijaluarvia 10

  Nunavunmi Atautimun Inugiangnirit Itqungniarutait nunallatigut, talvunga Taaqhivalirvia 1 2020   Kapuqhiqtut Meditechtigut qaffiuniit talvunga Qiqaiyarluarvia 10, 2021      
 

Atauttimun

18 avatqumayullu Kapuqhiqtut atauhirmik % Kapuqhiqtut malrungnik %
Nunavut 39,353 24,878 16,426 66% 12,879 52%
Région du Qikiqtaaluk 20,822 13,359 9,332 70% 6,687 50%

Ikpiarjuk

946 530

339

64% 293 55%
Kangiqtugaapik 1,192 688 474 69% 385 56%
Ausuittuq  140 96 68 71% 41 43%
Igloolik  1,987 1,094 481 44% 376 34%
Iqaluit  8,284 6,049 5,016 83% 3,343 55%
Kimmirut  427 265 178 67% 161 61%
Kinngait 1,547 923 505 55% 316 34%
Pangnirtung 1,631 1,008 612 61% 471 47%

Mittimatalik

1,794 1,031 602 58% 461 45%
Qikiqtarjuaq  651 421 224 53% 163 39%

Qausuittuq

218 136 174 128% 113 83%
Sanikiluaq 1,014 573 328 57% 295 51%
Sanirajak 1,000 545 331 61% 261 49%

Kivalliq Avikturnia

11,388 7,011 4,454 64% 3,845 55%
Arviat 29,918 1,696 1,247 74% 1061 63%
Qamanittuaq  2,265 1,471 828 56% 710 48%

Igluligaarjuk

453 287 177 62% 159 55%
Salliq  973 554 269 49% 221 40%
Naujaat  1,270 648 325 50% 280 43%

Kangiqliqniq

3,026 2,089 1,438 69% 1279 61%
Tikirarjuaq 483 266 170 64% 136 51%
Kitikmeot Avikturnia 7,143 4,508 2,640 59% 2,347 52%

Iqaluktuuttiaq

1,902 1,352 976 72% 866 64%
Uqhuqtuuq  1,398 836 404 48% 368 44%
Kugaaruk  1,180 650 273 42% 256 39%
Kugluktuk  1,517 1,000 570 57% 486 49%
Taloyoak  1,143 670 417 62% 371 55%

Una kangiqhidjut tautungnaqtut qaffiuniit kapuqhiqtut nunallaani talvunga Qiqaiyarluarvia 10, 2021.

Pusatingat kapuqhiqtut 18mik avatqumajullu inugiangnirit. 

Aviktuqhimayumi atautimun kapuqhiqtut ihuaqpiaqtut naunaiyautit. Nunallaat aktilaangitigut naunaiyautit havaktauliqtut piyaangini ihuaqtunik tuniyaangini. Nunallaatigut atautimut ihuaqhaqtauniaqtut piyariaqaqata.  Una pidjutiqangniaqtuq aalangadjutinun pusatiinun nunallaatigut.

Kapuutit tuniyauyut nunallaanun kitut munariyauyut.

Atautimun kapuqhiqtut nunaqaqtut nunaqangitullu, ilauyut himauhiqataaqtut havaktit.

Atauhiq inuk kapuqhiqhuni 1 hivulirmik imaalu/imaaluuniit2 tuglirmikluuniin hilataani inmi nunallaamingnin.

Una pidjutiqangituq inungnun kitut kapuqhiqhimayut ilanganik tamangnikluuniin hilataani aviktuqhimayup.

Anginirhaq pusatinga atauhirmi nunallaami aadjikutaringitaa katitiqlugit aannialaqilimaitunun aanniaqtailidjutighainik. Piqangituq havaktauhimayunik naunaiyaqhimayuluuniin pusatingit hunat Katitiqlugit aannialaqilimaitunun aaniaqtailidjutighainik qalagyurnirmun COVID-19. Hunaungmangaata Katitiqlugit aannialaqilimaitunun aaniaqtailidjutighainik piyaulimaitut tadjamin kapuqhirnikkut angurutinik (imaatun kapuutighaqangitut nutaqanun ukiuqaqtunun tualunik).

Pittaarvia: Naunaiyainiq Kanatami, Inugiangniitigut Havagvia, Taiyauhimayut ihuaqhafaaqtauhimayut naunaiyautit. Upaulgaiyaqtaat ukuat: Nunavunmi Havagviat Kihititiliqiyunik, Ubluqtuhivia 27, 2021.

Kapuqhiqtaaqtut inirnirit nunallaani naunaiyaqtauyut qaffiuniit atautit 18mik avatuqumayumikluuniin ukiuqaqtut talvanga 2020 inugiangnirit itqungniarutait.

Nunallaat inugiangnirit itungniarutait "iniqtauhimangitut" pihimanginmata iluaniitut amigaiqyuminirit (inuuyut, huiqtut, nuutiqtullu). Atuqtaujuhhat qajagilugit. 

Qaujihaqtaujut qaffiujut ublumimut nunallami: Qiqaijaluarvia 12

Nunallaami 

Qaujihaqtaujut aannialiqtut

Qaujihaqtaujut aanniangittut

Iqaluit 191 2462
Kinngait 6 147
Kangiqliqniq 2 75
Arviat 339 2883

Tikirarjuaq 

23 352

Kangiqliniq 

19 339

Sanikiluaq 

2 202

ATAUTTIMUN

582 6,460

Avaliingaqtut inugiangningit: 

Aullaaqtuq Qanurittumik

Inuit Avaliingaaqtitaujun talvannga Qiqaijaluarvia 13

Daaktiliaqtut

383

Inuit

219
EMTI 47
Igluqpiliurnikkut 28

Attautimut

677

Aullaqhimajun utiqtun naunaijautaa:

Aullarvia Ublua

Amigaitilaangit 
14-Qiqaijaluarvia  58
15-Qiqaijaluarvia  7
16-Qiqaijaluarvia  47
17-Qiqaijaluarvia  55
18-Qiqaijaluarvia 89
Attautimut 256

Ihariagijauqpiaqtuni Havaktini Tukhirutin:

Talvannga Qiqaijarluarvia 14, pilik 16,342 piumajaujut, 8,101 ngujun ihariagijauqpiaqtuni havaktiit piumajaujut.

Tukhiutait Qanurinniit

# %

Angiqtaujut (ilaujun ihariagijauqpiaqtun ihariagijauqpiangittullu)

12,585 77.0%

Qin’ngijaujun

311 1.9%

Ihumaliuqtaujun huli

519 3.2%

Aullauvilluarvigijainni Nunat Aagiqtauhimayut

2,927 17.9%

Attautimut

16,342 100%

 

 

Havagviat Ilinniaqtuliqijikkut

Aulahimaaqtun kivgaqtuutit:

K-12 Iliharviit

Malikhautikhangit atuqtakharnik aulaniaqtun aulajukharnik:

  • Qanurininga 4 – Iliharviit Iqalungni.
  • Qanurinninga 3 – Iliharviit Qikiqtani tapkuangungittut Sanikiluaq, unalu Iqaluit.
  • Qanurinninga 2 – Iliharviit Kangiqlinirmi.
  • Qanurinninga 1 – Iliharviit Sanikiluaq, Kitikmeoni, hamanilu Kivallirmi, hamaniungittuq Kangiqlinirmi.

Iliharviit atungniaqtaat ihuaqtuq hulidjutikhakkut hivunikhaq tadja qanurinningamingnun.

Ilihalihaaqtut Nutaqqat Nutaqqaniklu Munaqhiviit

Tamaita nutaqqiqiviingit angmaumagiaqaqtun, kihiani hamaniungittuq Iqalungni.

Manikkut Ikajuutikhat Nunavunmi Ilihaqtunut (FANS)

Ilihaqtun ihuarhaijun FANSkut-pitaaqtukkut aullaarutikhamingnik maliktakhait inungnun aanniaqtailinikkut qanuriliurutikhat pitquidjutaillu CPHOmin. Ilihaqtut apirhuutighaqarumik tingminirmun, ilituripkarlugit FANS havagviat uvani fanstravel@gov.nu.ca.

Umikhimaniaqtun/Nutqaqtitauniaqtun/Taimaaqtitaujut ikajuutikhat:

K-12 Iliharviit

Iqalungni iliharviit umikhimaniaqtut iliharvingni ilihaidjutini talvunga naunaijarutaanun.

  • Talvani Qanurinningani 4mi, tamaita ilihaidjutit havaktauniaqtun ungahiktukkuuqtukkut. Tamaita iliharviit umikhimajun ilihaqtunun, havaktinun inungnullu. Iliharviup havaktiita uqarvigiqataaqlugit hivajautikkut tamaita ilihaqtut.

Ilihalihaaqtut Nutaqqat Nutaqqaniklu Munaqhiviit

Iqalungnilu nutaqqiqiviit umikhimaniaqtut tuhaqtitautinnatik.

 

 

Havagviat Avatiliqijitkut Kivgaqtuutikhait

Ihuaqhaqtauhimajut kivgaqtuutit:

Uumajuliqijikkut havagviat nunangani Kinngait angmaqtuq inungnut.

 

 

Nunavunmiutat aanniaqtailidjutait atauttikkut munaridjutigijavun! Itqaumaluhi: uarlugin algatin qaangillu hunani, inungnin ahiqpaniitpaklutit, tuhaalugin uqaudjutait aanniaqtailinikkut havaktinin, aihimalutillu aanniaruvin.