Havaktingit

You are here

COVID-19 GN Ilitturipkaidjutit - Qiqaijalirvia 26, 2020

Maassi 26, 2020

Hivuliqtiup nutaaq ilitturipkaidjutaa:

Ublumimit, naunaiqhimangittut aannialiqtunik aannialirnahugiyunikluuniit qalagjuarniq COVID-19 avikturnianni.

Ilangit qangiqhaidjutit atuqtauyut tuhaangaqhimangitavut kihimi kingulirni hanainirni. Takuhimangilakhutik anginiqharmik nutaangutirutinik ublumi, tutqighaidjutikhanik ikayurumayung kangiqhipkaqlugit:

  • Inminiinaq-munaridjutikhat naunaiyautaa munarittiaqlugu ilingnik inuuhit hivayaqlugillu imaatun kalakhuinaliruvin, kidjakuvin, aniqhaargiamilu ayungnaqhikpat.
  • Inmikkut-avaliingaarniq naunaiyautaa aihimalutin, inungmiihuiqlutit aihimavingni imaa 14nik ublunik. Itqaumayakhaq tapkua tamaita kitut tingmihimayut Nunavunmun hamanga Qiqaiyalirvia 15mi inmikkut-avaliingaaqlutik tamaanun 14nik ublunik.
  • Inugiangnirmi ungahiktilaaqarniq uvalu iqaiyarnikkut ungahiktilaaghaa naunaiyautaa pihimalutit qayangnaitumik ungahikhimalutit aalanin. Maligahaq tamna 2 metersnik ungahiktilaanga imaaluuniin siksinik ablungnirmun ungahiktilaanga ilingnin kimuluuniin. Nakuuyuq atugahaq maligahaqlu kiklinigiangani hiamitirnira COVID-19.

Apiriffaarumayatka angayuqaat iningnirnit uqautilugit nutaqqat mighaanun inugiangni ungahikhimanirmik huuqlu aghuungnaqtuq.

Inugiangnirmi uvalu iqaiyarnikkut ungahikhamanik tadja atuqtauraanginarahualiqtuq. Kinaliqaak iniqhimagumi inmi-avaliingaarnirmik 14nik ubluni.

Tamaita piyariaqaliqtut atuqlugu una, tamaat tamaat. Quvianangituq, tamapta ilihimayaqqut una. Kihimi aghut aghuungnaqtuq inuuhiqattiarutikhaq tamainun Nunavunmiunun. Nakuuniaqtuq tamapta taimailiurupta.

Inungmiunirmik ungahiktilaaqaqluni nakuukpiaktuq aannialiqtailitikhaqqut taffumanga Qalagjuarniq COVID-19.

 

ilauyuq Kavamatkunun Nunavunmi (GN) aghuurutaat munarittiarutikhaq Nunavunmiunun qayangnautaanun COVID-19, GNkut Havagviit atuliqtait hapkua:

Aanniaqtailinikkut Havagvia

Ukua CPHO tingminikkut pitquyauyut ukualu/ikayuqtit havaktit maliktaghait iliuraqtauyut hamunga: https://www.gov.nu.ca/health/information/covid-19-novel-coronavirus

Tamaita tingmihimayut piyariaqaliqtut inungmiuhuiqlutik taiyauhimayuni munaqhivikhami hilataani Nunavut aktilaanga 14nikublunik, kihimi hapkua ikayuqtit havaktit kitut mihingnautiqaqtut.

Tapkua utiqtut Nunavunmun piyariaqaqtut angirutiqaqlutik Havagvianin Atanguyap Inungnun Aanniaqtailinirmun Havaktimin apiriyauyut qaritauyakuuqtitilutik CPHOTravelRequests@gov.nu.ca.

Akiitukkut napaa hivayagahaq kimuli qanganuaq tingmihimayut aanniarutiqaqtutluuniin  haffuminga COVID-19mun mihingnautinik:
1-888-975-8601 kiuyauqataqtuq ubluqhiutaa 7:30 ublaami hamunga 7:30 unuamun.

Aulahimaaqtun kivgaqtuutit:

  • Piyaarnirit munaqhitkunun piinarialgit tamaini nunallaani saivani ubluni havainirmi.
  • Tamaita amirakhuutaungittut takuyauyumayut naunaiqtauvangniaqtut ubluq tamaat.
  • Qilamik piyaanirit qilamiurnikkut aaniaqyuaqtunun aanniaqtilinirmun munaqhiyut kivgaqtuutait aulahimaarniaqtut piinarialgit 24ni ikaarnirni ubluni, saivani ubluni havainirmi.
  • Tamita inuit apiriyauyut hivayaquyayut munaqhiliaqtinatik.
  • Iqalungni, inungnut aanniaqtailitikhat, amigakhuqtunut igluangat unalu aanniaqtunik ihivriuqhirvik angmaqhimaniaqtuq.
  • Nutarannuanik ihivriuqhirviit, hingaihimayunik ihivriuqhirviit ukuallu kapuqhirniq havautikhat ikajuutikhanik aullahimmaarniaqtut huli tamainni nunani Nunavunmi.
  • Taaktit nunallaanut aquivangniaqtut huli. Una pilimaitpat, tiviikkut uqaqatigiingniaqtut hivayautikuluuniin.

 

Ihuaqhaqtauhimayut kivgaqtuutit:

  • Upautidjutikhatit munaqhitkunni kinguvaqtitauyut, una pidjutauyuq upautidjutikhat hivayautikuungniaqtut upautilutikluuniin.
  • Aanniarviliaqtunut tingmidjutikhainut ikigliyauyut haffumuuna qilamiurnikkut tingmipkaqtauyunun. Aaniniaqtut inuit uqaudjauniaqtut hapkuninga aallanguqtauniinnik imaalu ilauniaqtut uqautaulutik.
  • Iqaluingni, aanniarviup ahiani ikayuqtauyut nutiqtauliqtut tamaita upautidjutikhat uvalu havaliqhugit upautidjutikhat. Ihivriuqhivikhangit ihivriuqtauyukhanik auktaqtauyukhat ukuallu Iksuliirhiqtut uvani QGH ikikliyuumiqtut kivgaqtuutait. Tamaita qauyut upautidjutikhat kinguvaqtitauyut.
  • Ihumaliqinikkut Aanniaqtailinirmun Ipiralainirmunlu nuutiqtauyut hivayautikuuliqhugit piliqhugit qanurinmangaata ikayuutikhallu ilanginun aanniaqtunun. Ihuaqhariiqhimayut upautidjutikhat havautinun aighiqtunun uvalu titiqiqiyiin aalangungituq. Ayuqhaliliqpallaruvit, munaqhiliadjavutit.
  • igluinun pulaaqtautit munariyaangini havautait piyauniaqtut munariyauyutigut pihimalugit.

Umikhimajut/Taimaaqtihimayut/Nutqaqtihimayut kivgaqtuutit:

  • Aallangayut ihivriuqtauvikhait taimaaqtitauhimayut. Havaktauliqtut ihumaliuriangini kitut aaniaqtut takuyauyaaqtut hivayaqtaulutik/naunaiyaqhimayut munaridjutikhait.
  • Tamaita aulariaqangitut tingmilutik ihumaliqinikkut aanniaqtailinirmun ilailu taimaaqtitauyut. Tamainut aullariaqangitkumik tingmilutik ilamingnun pulaaqtitauyut aanniaqtunun munariyauyunun taimaaqtitauyut.

 

Havagviat Maligaliqiyit

  • Havagvik aulahimaarniaqtuq havaklugit iliharnirmun ukualu ilihaidjutikhat piyakhat tapkua ikayuutauyut Inuinnarnik Havaktitirnirmun iluani maligaliqiit kivgaqtuutaini.

Umikhimajut/Taimaaqtihimayut/Nutqaqtihimayut kivgaqtuutit:

  • Pidjutigiblugu tadja qanurinia, havagvik, uqaqatigiyait ukuaOttawaami uvani  Algonquinmi Iliharviani, taimaaqtitauyut Ilihaidjutait hapkununga Inuinnarnun Maligaliqirvingmi Havaktit kitut aularutiyukhat uvani Ottawami Qiqaiyaluarvia 4, 2020mi.

 

Havagviat Avatiliqiyitkut kivgaqtuutikhait

  • Uvanga Qiqaiyalirvia 26mi, nunallaat anguniarnikkut ikayuutait 21ni nunallaani havktauyut, aikiliqhiliqlutik uvani Qiqaiyalirvia 27mi. Tapkua qaritauyakuurutiqaqtut akiliqtuniaqtut qilamik. Ilakua maniliuqtauluni titiqiqivikkut tuyqtauniaqtut, kitut tuuliiqniaqtut mangit.

 

Nunavummiut aanniaqtailinikkut tamapta munariyakhavut! Itqaumalutit: uaqpaklugit algatit imaalu qaanngit hunavaluit, inuqarnirmi qaniglihuiqluhi, maliqalugit uqaudjiyut aanniaqtailinikkut havaktinin, imnaalu aihimalutit aanniaruvit.