Havaktingit

You are here

Aviktuqhimanirni Hivuliqtit Nutaamik Hivunighaptingni Kanatami Ukiuqtaqtumi Takuyukmayaq

Saptaipa 05, 2014

Aviktuqhimanirni Hivuliqtit Nutaamik Hivunighaptingni Kanatami Ukiuqtaqtumi Takuyukmayaq 

YELLOWKNIFE (Apitilirvia 4, 2014) – Kanatami aviktuqhimanirni Hivuliqtit nutaamik katittutik hivunighaptingni takuyukmayaq Ukiuqtaqtumi uvani Ukiuqtaqtumi Hivuliqtit Katimaplutik Yellowknife-mi ublumi. 

Ukiuqtaqtumi Takuyukmayaq: Havaqatigivvarumaplutik Hakuringnaqtumik Nakutqiyamiklu Ukiuqtaqtumi takuyukmayat Ukiuqtaqtumi tamarmik kavamangit Nunatsiaq, Yukon-mi Nunavunmillu. Ikayuutauniaqtut avikturniinut havaqatigingnikkut piyangini Ukiuqtaqtumi avikturnianik hakuringnaqtumik, inuuhiringnaqtumik, hivunniurutikhanut nunallaani havaghaqaraqtumiklu hulivikhaqarnaqtumiklu, nunattianguyumiklu pimarikhaqtauyumik hivunikhaptingnut inukhanut. 

“Ukiuqtaqtumi allannguqpalliayut amihut uvanga Ukiuqtaqtumi Takuyukmayaq tuhaqtitaulrangmat saivani ukiut naattut,” uqaqtuq Nunatsiap Hivuliqtia Robert McLeod. “Palitiksni allanngutait uvuuna Nunatsiaq nuudjutikhat angirutaangit auladjutikhaq angigutaitlu unalu aulatjutikhaq talvuuna inmikkutlu kavamaqautikhainut angigutit imaittuq ukiuqtaqturmiut inmikkuukpalliayut pidjuhikhamingnik. Kanatap kavamangit Ukiuqtaqtumi Qanuriliurutikhanut turrangayunik Ukiuqtaqtumut pidjutikhainutlu, Kanatami Ikhivautaliqidjutikhangit talvani Ukiuktaqtumi Katimayiini amigaikyumiyut nunaryuami takuyaudjutait.” 

Yukon Hivuliqti Darrell Pasloski uqaqtuq: “Havaqatiginiaqtatka avikturvingni aadjikkutanik havaalgit havagiaptingni hakugitqiyamik Ukiuqtaqtumik. Hakhurutiginiaqtaqqut hamna uuktuutikput nutannguqtiqlugu hamna Ukiuqtaqtumi Takuyukmayaq, titiraqtauhimayuq naunaiyakhugit tamapta hivuliutiyumayavut hapkununga alruyaktutikhanik, aullaniinut, kavamaliqinikkut unalu ikayuutauqpiaktunut illaukatiggiiktunik inungnik. Hivuliutiyakhaqqut aulladjutikhanut havaghatigut maniliurutikhanutlu angiklivalliadjutikhanik hamani Kanatap Ukiuqtaqtumi ikayuutikhanik ukiuqtaqturmiunut tamainutlu Kanatamiunut.” 

Nunavut Hivuliqti Peter Taptuna uqaqtuq: “Tunngahuktitivaga ilitugidjutikhait nutannguqtikhimayut umunga Ukiuqtaqtumi Takuyukmayaq Nunavunmi pidjutikhangit hanaqidjutikhat hakugitqiyamik Ukiuqtaqtumi inuuhiringnaktumik inmikkurutikhaniklu inungnut hamani. Nunavut angikliyuumiyuq aulaplunillu hivulirmik titiraqtauhimayuq nuipkaktaudjutaanit saivani ukiuni naattumi. Ukpirruhuktunga nutanngutait hapkuat alruyaqtuutikhanut, auladjutikhanutlu, kavamaliqinikkut munarittiarutikhanik atuqtakhat pivvalliarutikhat ikayuutauniaqtut ptamainut pingahut avikturniit, inuutainutlu tamainut Kanatamillu.” 

Nutaaq takuyukmayaq turangayuq hapkununga hitamanut atuqtakhat ihumagiyaulluaktut. Havakhanut Hivumuknaktunut Inuutainut naunaiqhimayait avikturniini kavamatkut ikayuutait inuuhiringnikkut inmikkuktaaktut inuutainut, ilaqatut hakugiktunik iliharnikkut atuqtakhanik ilihautikhaniklu ayuiqhautikhainik. 

Alruyaqturnikkut uqautauyuq ihariahuutanik ihuaqtunik akiliruminaqtumiklu alruyaqturnikkut atuqtakhainik ihuakhiyangini mikhiyuumiutikhanik akikhainut inuudjutikhainut inuutaita nanminiriyauyutlu havagviit, kilutaurutikhaanik Ukiuqtaqtumi anginikkut atuqtakhainut piangaitpiarutikhanik. 

Aulapkaidjutikhat naunaiyautat ihariahutainut inuuhirittiaqhimayunut, ihuaktunut aulapkaidjutikhat tunngavikhaanut hakugingnikkut nunallaani hakugiktunik havakhautikhanun. Nakutqiyanik aullarutikhanut atuqtakhanik, apqutiniklu, milvingnik, ukiuqtaqtumi umiaqarvingnik hinnanillu tulaqtarvikhanik, ihuakhiyuumiutikhangit inuuhinut ukiuqtaqturmiunut. 

Kavamaliqidjutikhangit ikayuutauniaqtut avikturniini nmikkuurutikhainut avatiliqinikkut, havaghatigut, kavamaliqinikkutlu tikitakhainut. Paanaqatgingnikkut Nunaqaqqaakhimayunik ukaullu Inuit Kavamangit havaqatigiktutlu ihuaqutauyut havangnikkut, nunakkut, atuqtakhanut, inmikkut kavamnagatigut angigutit piyaudjutikhaanut. Hamna pillahihimayat uvani nanminiqhurniq nunaryuaptingni abvikturniini kavamatkut hakugiutiainik ukununga Kavamangat unatsiaqmi uvani Qitiqautiyuq 1, 2014. 

Ihuaqtumik avatitingniitunik amigivaktun ikayuutikhanik hapkununga atuqtauyukhanut tikinnahuaktanutlu, ilitarhidjutikhaanut nunakput akulliuyuq Ukiuqtaqtumi inuuhiptingni pitquhiptingnutlu itquhianut. 

Ukiuqtaqtumi Hivuliqtit hivuliqpaamik tuhaqtihimayat Ukiuqtaqtumi Takuyukmayaq: Hakuritqiyamik Ukiuqtaqtuq Nakutqiyaq Kanatami uvani 2007-mi. Allanguqpalliadjutikhanik Ukiuqtaqtumi uvanga, Hivuliqtit piniakhimayut 2013-mi Ukiuqtaqtumi Hivuliqtit Katimaviani ihivriukhugit nutannguqtikhugitlu titiqat. 

Kinguliqpaak Ukiuqtaqtumi Takuyukmayaq taimaittuq tamaani nunani ikayuqatigiiktut umani hilaup allannguqpallianianut ikumatyutitlu. 2011-mi, Ukiuqtaqtumi Hivuliqtit taigualiuqtut Hivunikhanut Alruyaqtuutikhanik Ukiuqtaqtumi: Tamaat-Aviakturviit Alruyaqturnikkut Kihitidjutikhat unalu Tamaat-Aviakturviit hunngiutiniagut Upalungaiyautit Qanuriliurutikhanik: Hivumuuqpalliadjutikhanik uvuna Hilaup Aalannguqtirnikkut Atuqtakhaliurutit Pangnairutikhat Kanatami Ulkiuqtaqtumi, turrangayuq pingahut avikturniit katimaqatigikhutik 2013-mi Tamaat-Aviakturviit Nunaup Puvitquumannganut Ayuiqhautikhanik

Naunaikhiyumaguvit takulugu uvani www.anorthernvision.ca/northernvision.html hivayaqlutitluunniit:

Shaun Dean 
Aulapkaiyi 
Ministauyut Tuhaqtipkainikkut 
Kavamangat the NWT 
Hivayauta:867-669-2304 
shaun_dean@gov.nt.ca 

Elaine Schiman 
Ministauyut Tuhaqtipkainikkut 
Kavamangat Yukon
Hivayauta:867-633-7961
elaine.schiman@gov.yk.ca 

Yasmina Pepa 
Titiraqtiuyuq 
Hivuliqti Peter Taptuna Kavamangat Nunavut 
Hivayauta:867-222-0961 
ypepa@gov.nu.ca