Havaktingit

You are here

Angayukhiit Atan’nguyat Havaktut Aallannguqtiqtauyut

Immaktirvia 19, 2014

Tuhaayakhat

Qilamik takuyauykhat

Angayukhiit Atan’nguyat Havaktut Aallannguqtiqtauyut

IQALUIT, Nunavut (Imaruqtirvia19, 2014) – Hivulliuqti Taptuna unniudjuiyuq himmauhiqtait Nunavut Kavamangani (GN’s) angayukhiit atan’nguyait ilauyullu tikkuaqtauyut nutaaq hivulliuqtip titiraqtia, havaamingnik iniqtiqtut tugliuyut ikayuqtiuyullu tugliuyut atan’nguyauyut.

Pivaliqniaqtut Pingattiunmi, Imaruqtirvia 25m 2014, Mr Edward Picco tikkuaqtauyuq hivulliutiup titiraqtinnguqhuni Hivulliuqti Taptunamut. Qarridjiyuq ayuinninga maligaliurnini imaalu nanminiqaqtuni havakpauhini talvunga havaarmut. Mr Piccop himmauhiqtaa taimaaqtuq hivulliuqtip titraqtia, Alain Barriault.

"Tikkuaqtauninga Mr Picco ihuarutauniqtuq maligaliuqatingma ilagiinut, ilihimayungalu kavamatkuni havalirmigumi hatuiyunaittuq qauyimayara havaaqaqhimayuq maligaliurnirni atuqhimayait angayukhiini ministauhimagami Nunavunmi maligaliuqtiuhimablunilu maligaliurviani Nunattiami," uqaqtuq Hivulliuqti Taptuna. "Mr Barriault nakuuhautauhimayuq havagviptingni, ilihimayungalu ilkayuqtigiinaqtaaqtaqqut aallakkut pidjutini kavamatkuni."

Mr Barriault ikayuqpaktuq nakuuhautaagut uuma nutaap kavamauyut nuutiutaagut nakuuniagullu kavamatkunni. Havakhimabluni kavamatkuni Nunavunmi, Nunattiamilu (N.W.T.) uvanilu Nova Scotiami.

Ukuallu Aallanguqtut:

• Tikkuaqtaunia Lori Kimball, Angiyuqqaangubluni Nunavut Igluliqiyiryuatkuni (NHC), havaliinarniaqtuq. Ms. Kimball Angiayuqqaanguangubluni Hikutirvia 25, 2013-mit. Hitamani ukiuni aniguqtuni, atanilluaq maniliqiyiubluni qangannuarlu angiyuqqaanguangubluni NHC-mut. Ms Kimball ihuarutauyuq ihivriuqhibluta ihumaaluutigiyauhimakhaaqtut ihuaqhautiblunilu hukatiqhibluni kangiqhidjutiunikkut kiudjutigiyauyukhanik. Qaibluni 18-nguyut ukiut maniliqinikkut hivulliuqtiutini qauyimattiaqtani uumunga havaarmut. 

• Tikkuaqtaunia Gabriel Nirlungayuk, Tuglianut Ministauyup Avatiliqiyitkuni, havaliinarniaqtuq Taaqhivalirvia 21, 2014-mi. aniguqtuni 15 ukiuni Mr Nirlungayuk havaktuq Nunavut Tun’ngavitkuni (NTI). Hadja havaanga Aulapkaiyi Uumayuliqiniq Avatiliqinirlu, NTI-tkuni. Hakugingninga akhuurutinia aadjikkiingniagut avatiliqiniq atugakhaliurnirlu. Havakhaaqatigihimablunilu tamainni havagviit tigumiaqtaqaqtunullu avatiliqinirmik munaqhiuyut havaarivaktamini NTI-tkunit Aulapkaiyiublunilu Kitikmeot Piyangaiyarniagut Katimayiuyuni.

• Tikkuaqtaunia Pauloosie Suvega, Tuglianut Ministauyup Piyangaiyarniarniq Ingilrayuliqiyitkunut (EDT) havalirniaqtuq Imaruqtirvia 30, 2014-mi. Mr. Suvega hadja Tugliuqatauyuq Ministauyumut EDT-tkunut. Qarridjiyuq aallatqiinik kavamatkuni timiqautinit qauyimayaminik havagvingmut, havakhimayuq angayukhiini kavamaliqiyini 2004-mit, havalhimayurlu nanminiqaqtuni amihuni ukiuni. Mr Suvega himmauhiqtaa Mr. Robert Long, hadja tuglia ministauyup.

• Jim Stevens ilitariyauyuk Ikayuqtiuyuq Tuglia Ministauyumut, EDT-nut Qiqaiyarluarvia 12, 2013-mit havaakhiuqtunit akimahimayuq. Havaariyaa inglirayuliqiniq havagviani. Aulapkaiyiuhimayuq, Mackenzie Valley Apqutiryuanganut Ingilrayuliqiyitkut Nunattiami. Qauyimattiaqtuq ingilrayuliqinikkut kavamatkuni nanminiqaqtunilu.

• Bernie MacIsaac havalirniaqtuq Ikayuqtiuyut Tuglianut Ministauyup, EDT-tkuni havalirniaqtuq Niqiliqivik 5, 2014-mi akimabluni havaakhaqhiuqtunit. Mr MacIssac havaariyait piyangaiyarnirmut talvani havagviani. Hadja havaaqaqtuq Aulapkaiyiubluni Nunaliqnikkut Atugakhanikkut Qikiqtani Inuit Katudjiqatigiini angayukhiini atan’nguyauhimayuq Nunavut Kavmanganni ukunanilu Nunaqaqqaaqtuliriyit Ukiuqtaqtumi Pivalliayulriyitkut Kanatami havakhimablunilu piyangaiyarnirmut ukiut 30 avatqutugit.

"Nakuutqiyanik angayukhiinik atan’nguyaqaqtuni iligiit ihuarutauyuq aulapkaiyaami piyukyaptingnik Sivumut Abluqta," uqaqtuq HIvulliuqti Taptuna. "Mamianaaqtugut tammailirapta angayukhiit iligiyaptingik kavamaptingni, taapkua ukiuqtaqtumikhaaqtut nakuudjutauhimangmata avikturviptingnut ayuittiaqhutiglu havaamingnik, quviahuqatgiblugillu havaamingik iniqtirmata."

Havaamingik Iniqtiqtut:

• Robert Long, Tuglia Ministauyup Piyangaiyarniarniq Ingilrayuliqiyitkunut iniqtiqtuq Imarutirvia 30, 2014-mi. Mr Long tugliuyuq ministauyumut 2009-mit, imaalu havaaminik iniqtiqtuq 40-nguqtut ukiut havaarihimayaa havaakhanut nunallaani piyangaiyarnirmut. 

• David Lloyd, Ikayuqtiuyuq Tuglia Ministauyumut, Ilinniaqtulirinirmut, atuliqqat Imaruqtirviani 27, 2014-mi. Mr. Lloyd ikpingnaqtumik hivumuuqtiitiyuq Apqutaunia Inirnirit Iliharyuuminikkut iniqtiqtunut. Qimaliqtaa kavamatkuni havaani ukini 28-ni kavamtkuni havakhimayuq. Havaliqhimayuq ilihaiyiubluni humiliqaak Nunavunmi. Qanganguqtuq ilihaiyiuyuq nunalingilu akiitumik havakpakhunilu ikayuqhugit inuulrammiit.

• Sandy Teiman, Tuglia Ministauyup Inuliqiyitkut, atuliqqat Imaruqtirvia 27, 2014-mi. Ms Teiman havaktuq 33-ni ukiuni havaktuq Kavamatkunni. Ikayuqtiuqpiaqhuni naupkaqtitaungmat Havagviat Inuliqiyitkut, imaalu hivumuuqtittugit aallatqiit havaakhanut angirutit ukunannga Nunavunmit Kanatamillu. Aulapkaiyiuhimayuq Ikayuuhiaqtuliriyitkuni Havaakhaliurnirmullu havakhaaqhimabluni Nunavunmi Inuuhiliqiyitkuni.

Kavamatkut havakhanik akiraqtuihimaaqtuq tugliakhanut ikayuqtiuyukhanullu tugliuyunut, ilaalu, kavamatkut hivumuuqtiliqtait akirautikhat havaanut angayukhiini havaktukhanik iiqhimapkaihimaittumik tuhaqtitaivaglutik pidjutimingnik.

###

Tuhapkaiyi uqarvikhaq:

Yasmina Pepa

Tuhaayakhanut Titiraqti Hivulliuqtimut Taptuna

Nunavut Kavamangat

Hivayautaa: 867-975-5059

Qaritauyakkut: ypepa@gov.nu.ca