Havaktingit

You are here

ATIPP-KUT APIQHUUTIGIYAULLUAQPAKTUT

1. Qanuq Maligaq ikayuutauvakpa ilingnut?

ATIPP-mut Maligaq ikayuutikhat apiqhiyaangni naunaitkutikhanik, apiqhilutillu ilingnut naunaitkutikhatit pihimayainik GN-kut ihuaqhaiqulugit ihuangitpata.

ATIPP-mut Maligaq pidjutiginiaqtaa taimaa GN-kut munarivagianginnut Ilvit ilingnut naunaitkutikhat hiamitirnaittumik. Maligatigut munariyakhavut inuup naunaitkutainik hiamitirnaittumik pihimayaptingnut ilingnut pihimayunut.

2. Kitkut ilauvat ataani ATIPP-mut Maligaq?

Tamaita kavamatkuni havagviit timiqaqtullu ilauhimayut taaffumunga ATIPP-mut Maligaq. Kavamatkuni havagviit  timiqaqtullu naunaikhimayut ilangani 2 taaffumani ATIPP-mut Maligaq taimaatut:

“Havagviuyuq, havakvigallaat havagviuyukluunniit Nunavut Kavamanganni, ukualluunniit timiqaqtut havagviuyut, katimayiit, katimyiuyut, kuapaliisit, Havagvia allat kavamatkuni havagviit naunaiktauhimayuni Maliguagakhani.

Ilagiyaungittut:

Havagvia Maligaliurviup havagvialuunniit Maligaliurvikmi ilauyut Hivuliqtiuyut Katimayiinni.”

Tamainnut naunaitkutikhaq kavamatkuni havagviinnik uqaqvigiyaami naunaitkutikhaillu takuinnarialgit ataani ATIPP Tutqikhaiyit Uqaqvigivikhallu ATIPP Coordinators and Contacts.

3. Qanurittunik naunaitkutikhanik piinnariaqaqqat ataani ATIPP-mut Maligaq?

Ataani ATIPP-mut Maligaq, apiqhiinnariaqaqtutit hunaniklikaak naunaitkutikhanik pihimayainut GN-kut. Uluat ilauyut inungmut naunaitkutikhat ilingnullu tamainnullu nauaitkutainnut GN-kut havagtaptingnullu.

Ilangit naunaitkutit pilimaitkungnaqhiyait ukunatut:

inungmut naunaitkutit allanullu naunaitkutit; unalu
naunaitkutit pidjutauniaqtut:

pipkaklugu inuk kavamatkunilu Havagvia maniliuqtillugit manikhaiktillugilluunniit;
ayuqhautauniaqtuq inungnut qayangnaqtumik;
ihuirutiluni maligatigut havaktauyunut; unalu

Ministangit Katimayiita naunaitkutait 15-nut ukiunut.

4. Apiqhiinnariaqtuqhghauvit piyaangni naunaitkutikhanik?

Imannaq. Pigaluaqtillugu ATIPP-mut Maligaq pipkakpagait uuktuqtut uukturianginni angiktaudjutikhanut ATIPP-mut uuktuutikhanuthimmiutaungittuq allanut pidjutinut piyaami kavamatkut naunaitkutainik. Naunaikyuumigumagungni angiktauyakhaungittunut ATIPP apiqhuutikhanut, naqitlugu una.

5. Qanuq naunaitkutikhanut apiqhuutigiyakhauvat?

Naunaitkutikhanut qanu naunaitkutikhanik apqihiyaami, naqitlugu una.

6. HQanuq utaqqinnaqqa kiuyauyaami angiktauyakhamut ATIPP-mut uuktuutikhamik?

Amigaitqiyani pidjutainni, kiuniaqtut iluani 30-ni ubluni talvanga kavamatkuni havagviuyuq pikpadjuk apiqhuutigiyat, utaqqinnaqniaqtuq kavamatkuni havagiuyuq piyumakpata kinguvakulugu maliklugu Ilangani 12 Maligaqmi.

Kiudjutaa utaqqinnaqniarungnaqhiyuq 30-nit ublunit kitulikaak ukuninga pidjutaukpat:

Pinghahuat ilauyuq pidjutaudjutikpat apiqhuutingnut; unaluunniit
Apiqhuutit kangiqhinnaitpat, havaknaqtuq qiniqhiayaami upalungaiyautikhanulluunniit.

Kavamatkuni havagviuyuq kinguvaktittinahuaqqata umikvighaanut apiqhuutingnut qaangiutilugu 30-ni ubluni, naunaiktitauniaqtutit utaqqidjutigiyainnut.

7. Qaffitaalauniaqqa piyaami angiktauyakhamut ATIPP-mut uuktuutikhamik?

Uukturiami piyumalutik naunaitkutikhanik ataani ATIPP-mut Maligaq hunanullikaak naunaitkutarivagainut, akilikhiyughauyutit akiliutikhamik $25.00-mik. Uuktuutigiyaat naunaitkutikhanut inungmut naunaitkutikhanik piyumakpata, akiliqhiyakhaungittumik akiligakhanut.

Kavamatkuni havagvik ihuarikpadjuk akiligakhaliklugu naunaitkutikhanut apiqhuutingnut tuniyauniaqtutit nalaunnahuarutit akikhainut angiktakhangnut apiqhuutauyuq havaktautinnagu.

Apiqhiinnariaqaqtutit piikulugit akiligakhanik titiraqlutit ihumagigungni akilikhiniq tamainnut ilanginnulluunniit ihuangitpat ayuqhautiginiarungniluunniit maikhatigut.

Naunairumagungni akiligakhanut ataani ATIPP-mut Maligaq, naqitlugu una.

8. Qanuriliuqniaqqit angiktaiuyakhaungittumut apiqhuutigiyat naunaitkutikhanut qingiyaukpat?

Angiktauyakhaungittunut apiqhuutigiyat qingiyaukpat qanuqlikaak, angiktauyakhamut apiqhiinnariaqaqtutit talvuuna ATIPP-kut Havagvia.

Naunaitkutikhanut qanuq uukturiangni angiktauyakhanut apiqhuutigiyangnut, naqitlugu una.

9. Qanuriliurutikhatit angiktauyakhamut apiqhuutigiyat qingiyaukpat ilanganut tamaalluunniit?

Apiqhiinnariaqaqtutit naunaiyaikulugit kavamatkuni havagviup ihumaliurutaanut uumanga Nunavutip Naunaitkutanut Hiamitigakhaungittunullu Kamisina, piyakhanik pitquiniaqtuq kavamatkuni havagvikmut. Atanilluaq kavamatkuni havagvik maliinnariaqaqtaa pitquhimayaa Naunaitkutanut Hiamitigakhaungittunullu Kamisina allamikluunniit ihumaliuqluni atanilluap ihuagiyaanik.

Ihuaringitkungni pitquyaanut Nunavutip Naunaitkutanut Hiamitigakhaungittunullu Kamisina, ihuaringitkungniluunniit ihumaliurutaa atanilluap kavamatkuni havagvianit, uuktuffaanginnariaqaqtutit ukununga Nunavunmi Apiqhuivikyuangat Maligaliqiyitkuni, pitquittaaqtut anipkaktittilutik naunaitkutikhanik ihuaqqat ilingnut.

10. Qanuq naunaikniaqqiuq ilingnut naunaitkutit ihuariaqhainut?

Ilihimaguvit naunaitkutit kavamatkuni havagviinni ihuangitpata itqqumangitpatalu, apiqhiinnariaqaqtutit ihuaqhipkaiqulugit.

Naunaitkutit qanuq ihuaqhiniariaqhainut ilingnut naunaitkutit piinnarialgit hamani.

11. Ilingnut naunaitkutit munariyauvakpat hiamitirnaittumut apiqhigaangavit naunaitkutanik uqaqvigilugilluunniit kavamatkuni havagvianut hiamitigakhaungittunut ihuinaarutimut?

Ilingnut naunaitkutitit kinauyaakhangnullu uqautigilimaitait inungnut hilataanit kavamatkuni havagvikmit. Tahapkuanginnait piyukhauyut ilingnut naunaitkutikhanik havagiamingni havaariyamingnut pilaarutiqaqtunullu takuyaamingni naunaitkutanik pipkakniaqtait naunaitkutanik.

12. Qanuq ikayuqtauniaqqit naunaikhiyuumiyaangni?

Ikayuqtauyumaguvit naunaitkutakhaniklu piyumaguvit, uqaqvigilugit ATIPP-kut Havagvia unaluunniit ATIPP tutqikhaiyit naunaiktauhimayunut kavamatkuni havagviknut.ATIPP-kut Apiqhuutigiyaulluaqpaktut