Havaktingit

You are here

Uumajunik Kangiqhiuriji ll

Nunallaanga: 
Kugluktuk
Naunaitkutaanut Nampaa: 
13-506035
Qanurittuq Havaakhaq: 
Qanurittuq Havaakhaq 2: 
Atauhiqmik ukiumik Kikliqaqtuq
Manikhautaa: 
$ 99,743.00
Ukiuqtaqtumi Ikayuutikhaq: 
$ 22,042.00
Umikvighaa: 
Friday, Immaktirvia 5, 2020

Una havaakkut uukturuti angmaumajuq tamainnut uukturumajunut.

Kiujukhaujuq Atannirmun, Uumajunik Ihivriuqhinirni, una Uumajunik Kangiqhiuriji ll munarijuq tamainnik uumajunik ihivriuqhinikkut pinahuarutinik Avatiqliqijikkut Havagvianun Kitikmeonmi, una Uumajunik Kangiqhiuriji ll havaktaaqtuqlu havaktaujuni aallani avikturhimrnirni nunagijaujuniluunniit atauttiikkurutikaqtunik Nunavunmi huradjanik, ukuallu aallat kangiqhiurijiit pitqujauningani Atanngujamin Uumajunik Ihivriuqhinirni. Una Uumajunik Kangiqhiuriji ll havaakhaq munarijait tamaat manikkut aturutikhanik, upalungaijaqpakhugin havaktakhanik tukhirutit, ajuiqhaivakhunilu munariplugillu uumajunik havaktikhanik ilihaqtumik(nik), ajuiqhaqtumiklu. Una havaakhaq piliuqtuq aulapkaijuqlu paannariirutinik ukualluani atauttikkut-aulapkainikkut paannariiktuni, aallani nalunaqtuni timiqutini, ihivriuqtinilu piliuriami havaqatigiigutinik ihivriuhinirni atauttikkut-aulapkainikkut Nunavutiup huradjainni.

Uumajunik Kangiqhiuriji ll, ataani hivulliurutainnin uumannga Atanngujamin, Uumajunik Ihivriuqhinirni, pivallialiuqpaktuq havakpaktuqlu huradjani ihivriurhinirnik aulapkainikkullu piniarhimadjutikhanik piliuqtauhimajun angummadjutigijaami Ministaup havaktakhainnik ataani Nunavunmi Angirutmi (NLCA) tunijaamilu tunngadjutikhanik uumajuni aulapkainikkut atugakhanik havagutikhaniklu Kitikmeonmi Nunavunmi-tamaanilu. Havaktikhaq munarivaktait havagutit pidjutiujut hapkunani piniarhimadjutini hulidjutinilu, tunivakhunilu uumajukkut ihivriurutinik uqaudjutiniklu aallanun havagviinnun, pivigijaujunun, inungnullu.

Qaujihimajukhaq maligakkut pidjutainnik uumajuni aulapkaidjutainnik Nunavunmi, ilajuqlu una NLCA, ilaujuqlu pidjutiqatigiiknia ukunani Nunavunmi Uumajumik Aulapkainikkut Katimajiinni uvanilu Nunavut Kavamangani; ajuittukkut nalunaqtuni qaujihimaniq huradjani amigainninginni qanuridjutigijainnik, haniqpani-tunnganiqaqtuq, ukunanilu amigaitilaarutikkut qanuriliurutinginnik pitqujauhimajut naunaijariami amigaitilaanginnik piliuriamilu aularaanginnaqtaaqtunik anguniarnikkut pidjutikhanik kituni huradjani anginiqarutiqaqtunik Nunavunmiunnun. Ajuiqhimajukhaq havagutinginnik/qaujiharutinginnik huradjanin timinginnik naunaijaqtakhainnik, pivallailiuqluni atuqtipkailunilu havagutikhanik timinginnik naunaijaqtaikhainnik katitirnirnik, havagutinik, tutquqtirutinik titirarutiniklu; qaujihimajukhaq nampaitigun havagutikhanik, aturutikhanik, titiqqanik ihuarhaidjutinik, qaritaujakkut aturutikhanik; qaujihimaniq Inuit anguniarnikkut havagutainnik tautukhimadjutainniklu Nunavunmiutanin mighaagun uumajunik anguniarutinik; qaujihimaniq Ukiuqtaqtumi nunani uumajunik naliinnik, havugutainnik pitquhikkut qaujihimanirnik ukunanilu nalunaqtuni uumajunik qaujiharnirnik uvani uumajuni aulapkaidjutini, qaujihimaniqlu pidjutiqaqtunik maliktakhakkut piangaijarnikkullu havagutinik, maligakkut nunarjuarmi Kanadamilu havaktakhanik uvani Nunavut Kavamangani Uumajunik Qajangnarhijunik pitqujauhimajun uumani havaakhami.

Qaujihimaniit, ajuiqhimaniit, havaktaaqtaillu pitqujauhimajun uumani havaakhamun pijaulluarhimajut talvuuna inirhimajumin Iliharjuarutikkut Nalunaqtuni Kangiqhiurijini, Uumajuni, Avatikkut Nalunaqtuni pidjutiqaqtuniluunniit havagutinik pihimaluni ikitqijaunikkut kikliqaqtumi 3nik ukiuni pidjutiliikkut ajuiqhimajanik.

Ihuinaarutiqangittukkut Naunaijautikkut titiqqamik pijaaqtumiklu laisighaqariami kikliqaqtunun kikliqangittumullu hiqquqtiutinun pitqujauhimajuq.

Ilitarijauhimajut Uqauhiit Nunavumi ukuangujun Inuktut, Qablunaatun Uiuitullu. 

Uqqaringniq atauhiinnaungittumi Nunavutip ilitarijauhimajuni uqauhiinni ikajuutaujuq.

Aadjikkiigutin tapkuat nakuujunik atauttiujun iliharhimaningani, havakpakhimaningani, qaujihimaningani, ajuiqhimaningani havaktaaqninganilu ihumagiyauttaaqtun. 

Qaujihimaniq Inuit uqauhiani, nunallaani, pitquhiinni, nunani Inuit Qaujimajatuqanginnilu ikajuutaujuq. 

Contact: 
Expiry Options: 
umikvikhaq upluq