Havaktingit

You are here

Tiliuqti Nunallaami Munarhiqarvikmi Munaqhiuyunut

Groups: 
Munarhiliqiyikkut
Nunallaaq: 
Iqaluktuuttiaq
Naunaitkutap Nampaa: 
10-04-410-110LA
Qanurittumik Havaaqaqtuq: 
Havaaqaqhimmaaqtuq
Havaktiit Ikayuktiuvinggat: 
Una havaakhaq ilaungittuq uumani Nunavunmi Havagtiit Ikayurtingit
Manighaq: 
$103,662.00 -$117,644.00
Ukiuqtaqtumiutat Akiliuhianggannut Ikayuutit: 
$15,016.00 - $34,455.00
Ikayurutiqaqtumik havaktimun iglughalik
Closing Date: 
angmaumayuq inunikhirlugu

Una Qayagikpiaktumik Havaakhaq nakuuyumik Ihuinaarutinut Naunaiktauyakhaq, unalu Qayangnariakhaanut Naunaikhidjutikhaq piyauyakyhat.

Havaakhaq angmaumayuq tamainut uuktuqtunut.

Atanirilugu Aulapkaiyi Inungnut Munarhiliqinikkut, una munaqhiuyukhani havaakhaq havaariniaqtait aanniartailinirmut qanuriliurutikhat kangiqhidjutigilugit munarhiliqidjutikhanut nakuunikhanut nunallaami, ilagiiktunut inungnullu naunaiyaklugit pivalliuadjutikhat, aanniartailidjutit, maniliqidjutit nuatkatigiigutikhanullu, naunaiklugillu ihuirutauniarungnaqhiyunik; kangiqhipkaidjutigilugit hiamitpaktut aanniarutit munarilugit nunallaamiutauyunut; paanariiktitlugit ihuaqpiaktumik havaqatigiigianginni qauyihaivagianginilu; ikayuqlutik atuqtakhaliurutikhanut havaktakhainullu nunallaami; aanniartailidjutikhanullu ikayuqtiuluni.

Tiliuqti Nunallaami Munarhiqarvikmi havaariniaqtait aanniartailidjutikhanut. Atuqlugit hivunighaliurutikhat aanniartailidjutikhanut hulilukaarutikhanullu mikhilaaqnahugillugit aanniarutit aannirpaktunullu nunallaani. Havaklutik nunallaami naahimadjutikhanut, naunaiyailutik, upalungaiyakpaklutik, havaarilugit naunaiklugillu Munarhiliqinikkut Hulilukaarutikhanut. Munarhiliqdjutigilugit ayuqhautiqaqyuaqqata nunallaamiluunniit qilamiurutiqaqqata ikayuqlugit aanniartut maliklugit atuqtauyakhat havakpagaillu Munarhiliqiyikkut Inuuhiliqiyikkullu maliklugu nunallaami ayuqhautikyuanut qanuriliurutikhaq, maliknahuaqtait tiliuqtitik havagvialu CMOH-kut. Tiliuqti Nunallaami Munarhiqarvikmi Munaqhiuyunut havaariyaa havaktakhanut nunallaami inungnut ikayuutikhat. Ihuaqpiaktumik havaktukhauyuq, ayuittiaqhimaluni havaariyakhaminut kiunnaqtuuqlunilu. Auladjutikhanut tiliurutikhanullu havaariyakhait. Ihuaqtumik havagvingmi kangiqhihimayukhaq tadja munarhiliqidjutikhanut autqpagainut ayuiqhimayainut qauhimayainullu. Atuqlugit Inuit Hivulliurutit Ukpiriyauyut munarhiliqivikmi havakpagainut atuqlugit.

Ihuaqtumik havagiamini uumani havaakhamut qauhimakpiaktukhaq tadja pidjutauyunut aanniartailidjutinikhanut/aanniarutiniktailidjutinut havakpagainullu havaktauyakhanullu. Iniqhimayakhait Nunavunmi Havautinut Kapuutikhanut havaktauyakhamut havaariyakhait hivulliqmi tatqirhiunmi havaktitaulirumi. Havaktaaqluni ihuaqtumik ihumagilugit pitquhiriyauyut taimaalu Inuit Hivulliurutit Ukpiriyauyut kangiqhilugit atuqlugillu havaamini aanniartunut havaktinullu pidjutigiyamingnut. Kangiqhihimayakhait Havaarilluaqtakhariyamingnut Munarhiliqinirmut Kanatami ikayuutauniaqtuq. Kangiqhihimayakhaat Nunallaami Munaqhiuyut Kanatami Naunairiikhimayut Havaariyakhariyainut (Community Health Nurses of Canada Public health Nursing Discipline Specific Competencies - 2009) ikayuutauniaqtuq. Kangiqhihimayakhait Kanatamiutanut Nunallaami Munaqhiuyunut Ayuittiaqhimayakhainut Maliktakhait (Canadian Community Health Nursing Professional Practice Model and Standards of Practice - 2011) ikayuutauniaqtuq. Qaritauyakkut Munarhiliqinirmut Katimayiit Kanatami (Public Health Agency of Canada) ayuiqhaqyuumidjutikhait ikayuutauniaqtuq. Ihuaqpiaktut ayuiqhautigiyangit uqariami/ilihaiyami inungmut katimayunullu aallatqiinik pituhiqaqtunik atuqlugit. Havaktiunahuaq havagumayukhauyuq amihunik pidjutiqaqpaktunik havagvingmi. Aadjikkutamut piqaqtunut ihumagiyauniaqtut.

Kangiqhihimayait, ayuiqhimayait pittaaqtangillu atuqtakhauyut uumunga havaakhamut pivagait ukununga ilihaudjutikhainut Bachelors of Nursing; Masters of Public Health aallanulluunniit aadjikkutainut piyumayait.

Atiliquhimaluni pittaaqlugillu uumunga RNANT/NU atiliurutinut. Atuqpagainut CPR-mut ukiunginnilu ihuaqhihimmaaqlugit piyukhaq.

Ilitariyauhimayut Uqauhiit Nunavunmi ukuat Inuktitut/Inuinnaqtun, Qablunaatut Uiviititullu.

 Qauhimaguvit Inuktut uqauhianik, nunallaanik, pitquhiinik, nunat uvalu  Inuit Qaujimajatuqangit ilihimagupkit nakuuniaktuq