Havaktingit

You are here

Nunallaani Qanikkut Aanniaqtailinirmun Tutqiqhaiyi

Nunallaanga: 
Kugluktuk
Naunaitkutaanut Nampaa: 
10-506997
Qanurittuq Havaakhaq: 
Qanurittuq Havaakhaq 2: 
Havakaffuktitauniarmat Maassimun 31, 2023 mut. Una havaaqhaq pidjutigiyaulluaqtuq Inuinnarnut Nunavunmi nunaqaqtunut Kugluktumiinnakmi.
Manikhautaa: 
$65,832
Ukiuqtaqtumi Ikayuutikhaq: 
$22,042

Una havaaqhaq pidjutigiyaulluaqtuq Inuinnarnut Nunavunmi nunaqaqtunut Kugluktumiinnakmi.

Unniutiuqhaq Avikturvianni Nunallani Qanikkut Aanniaqtailinirmun Tutqiqhaiyimun – Kitikmeot, tamna Nunallaani Qanikkut Aanniaqtailinirmun Tutqiqhaiyi munariyaqaqtuq qanikkut aanniaqtailinirmun aqhuuqhainiakkut, kigutikkut ilihaqtitiluni piviqhaqaqtittilunilu munaqhinirmun kigutainnut nutaqqanut ukiuqaqtunut 0 – 12 ukiuqaqtunut.

Una havaaqhaq ilaupkarniaqtait paatnait, taapkuatut sikuuqviit, nutaqqiqiviit nunallaamilu ilihaqviqhainik imaa pittaalaqiyaan’nginni nutaqqaq ukiuqaqtunut.  Nunallaami Qanikkut Aanniaqtailinirmun Tutqiqhaiyi ikayurniaqtuq ihuaqhainirmun hulidjutiqhanut ihariagiyauyunik qanikkut aanniaqtailinirmun ayuittiaqtunik (taapkuatut kiguhiliqiiyit, kiguhiliqiiyit ikayuqtiit qanikkutlu halummaqhiiyit) iniktiriamingnik havaanggitik. 

Nunallaami Qanikkut Aanniaqtailinirmun Tutqiqhaiyi aqhuungniaqtuq qanikkut aanniaqtailidjutiqhanik pivingganik nutaqqanut ukiuqaqtunut 0 min 12 lunut; ikayuqluni naunaiqhitinahuaqlugit katimaqatigiiktut qanikkut aanniaqtailinirmun aqhuuqhainikkut pittailinikkutlu havaariyaqhainnik; pilutik kiuviulutik nunallaamin talvunggakaffuktutlu kiguhiliqiiyitkut; ikayuqlutik ayuiqhautikkut qanikkut ilihaqtittilutik nunallaami; munariyaqaqlutiklu havagvingmi upalun’ngaiyainirmun; havaglugitlu nunallaami qanikkut piumayainnik pitquidjutainnik qanikkut aanniaqtailinirmun ayuitpiaqtunit ikayuqtiuyutlu ayuittunut; aullaqlutiklu nunallaanut ikayuriamingnik kiguhiliqiiyitkut pitquiqpata. 

Qauyimania, atuqpagait piinnariaqarniitlu pittaaqtut talvuuna An’ngayuqhiit Iniktirutainnit Titiraannik atauhirmiklu ukiumi havagpaqhimalutik kiguhiliqiiyitkunni, titiqqivianni aadjikkutavyaktaaniluunniit.

Havagpaqhimaluni havaqatigiplugit nutaqqat, ilihaiplunilu tamaini nutaqqanut inirnirinutlu ihumagiyauniaqtut ikayuutigiyauqpiangniaqtuqlu taimaatun.  Ilihaiviqhanut pipkarniaqtait naammagiyauyumun uuktuqtumut.

Hamna Amirnaqpiaqtuq Havaaqhaq, piqaqtuqhaqlu naammagiyauyumik Ihuinnaaqpariaqhaanik Titiqqamik taffumamiklu piqanggilluni Ihuinaarpariaqhaanik Nuliarnikkut Titiqqamik piqaqtuqhaq. 

Ilitariyauhimajun Uqauhiit Nunavunmi ukuat Inuktun, Qablunaatun Uiviivitigunlu.  Uuktuqtut tunihiinnariaqaqtait naunaitkutagiyainnik havagpaqhimayainnik kituni ilitariyauyuni uqauhiinnik Nunavunmi. Uqaqtaagumi atauhiinnaun’nggittumik Nunavutim ilitariyauhimayainnik uqauhiinnik ikayuutauniaqtuq. Qauyimaluni Inuit nunallaangginnik, pitquhiq, nunait, Inuit Qauyimayatuqangit, Inuktut havagpaqhimayumiklu ukiuqtaqtumi pitquhiatlu ihumagiyauniaqtut ikayuutauniaqtut. 

Naammagiyauyunik ilaudjutilgit ilinniarnikkut havagpaqhimayainniklu ihumagiyauniagungnaqhiyut havaaqhamut.  Uuktuquyapkit piqaguvit aadjikkutainnik ukiunik ilinniarnikkut imaalu/imaaluunnit havagpaqhimapluni aadjikkutainnut ilinniarnikkut havagpaqhimayainniklu piqangniitigut titiraqhimayuni qaan’ngani.

Havakaffuktitauniarmat Maassimun 31, 2023 mut, hadjamin havaqhimmaangginnaktut Nunavut Kavamani havaktiit aittuqtauniagungnaqhiyut qin’ngilimaittaan’nginni havaaqhamut naammagiyauqpatalu, kihiani naunaiqhun’nguyaa an’ngirumiuq atan’nguyaa. 

Piinnarialgit atiinnik titiraqtauttaaqtait hivuni havaaqhanut havagtiqaliriangginni.

Uuktugumaguvit haffuma havaaqhaannut, qaritaujaqvigidjavatit ikayuutiqhatit titiqqamik havaagivaktarniklu hamunga HRKitikmeot@gov.nu.ca. Ilaliutilugu HAVAAQP NAUNAITKUTAA NAMPANGA talvani qaritauyakkuugutiannut qaritauyarni.

  • Nunavut Kavamanga akhuuqpaktut piqariami havaqtiqhanik kangiqhittiaruminaktumik kivraqtuiyaamilu nakuuyumik ihariagiyainnik Nunavunmiut. Hivulliutigiyauniaqtait Inuinnarnut Nunavunmi.
  • Uuktuqtut naunaittiaqtaqhait pittaagutimingnik piyaamingnik hivulliutikkut maliqhugu Nunavut Hivulliuluaqtuqhanut Havagtiqhanik Atugaqhaata.
  • Havaani ilainni piqaqtuqhat naammagiyauyumik ihuinnaaqpariaqhainnik titiqqamik.  Ihuinaaqtuqagumi ihuinaaqpariaqhainni titiraanni piiyaulimaittuq uuktuqtuni talvamit hivuni ihumaqhaqhiugutinut.
  • Pittaalaqiinnariaqaqtunut atiit titiraqtauniagungnaqhiyut havaaqhaqaqqat hivuni inuqaliriangganni havaaqhat.
  • Havaariyaqhat naunaitkutait piinnariaqaqtut kayumiktukkut, qaritauyakkut qaritauyakkuugutimiluunniit.
  • Taapkuan’nginnait uuktuqtun naammagiyauyut apiqhuqtauyaamingnik hivayaqtauniaqtut.
Contact: 
Expiry Options: 
angmaumayuq inunikhirlugu