Havaktingit

You are here

Nunallaani Munaqhi (Kangiqtugaapik, Kinngait, Pangniqtuuq, Mittimatalik)

Nunallaanga: 
Kangiqtugaapik
Kinngait
Pangnirtung
Mittimatalik
Naunaitkutaanut Nampaa: 
10-02-215-100JA
Qanurittuq Havaakhaq: 
Manikhautaa: 
99,743.00 - $113,159.00
Ukiuqtaqtumi Ikayuutikhaq: 
$19,077.00 - $24,214.00 ukiumut (naunaiqhitit nunallami)

 

Una Pidjarikhaaqpiarniqaqtuq havaaq nakuujumiklu Ihuinaarnikkut Naunaitkutimik, uuminngalu ihuinaaqpakhimaittumiklu Akinialaittunun Naunaitkutimik pitqujauhimajuq.

Una havaakhaq angmaumajuq tamainnut uukturumajunut.

Nunallaami Munaqhi (CHN) ikajuqpaktut inungnik kangiqhipkainikkut, aanniaqtailinirmut, inullaanik, ilagiinik, imaaluuniit nunallaanik, ihuaqhaiplutiklu nakuuhipkainahuaqhutik aanniaqtunik, ajuiqhaidjiplutik aanniarutainnik, aannialiqtailitikhanik imaalu ikiglinahuarnirmut hiamitirninganut aanniarutimik, ajuqhalirnirmik imaalu tuqunirmiklu. CHN Munaqhillungujuq naunaittiakhimajunik nunallaani aanniaqtunut ikajuutikhanginik havaqatigiplugit munaqhitkut taaktitlu havaqatigiitut havakpakhutiklu Aanniaqtailitikhanik Munaqhidjutikhaniklu nakuuhipkarahuakhugit aanniaqtunik "hungiutijanginik, kiuluni pittailinahuarlugitluuniit, inuuhirmi ajukhautaujut aallanguqtiqtullu”.

Qaujimajait, ajuitait, havaktaarnirillu pijariaqaqtut haffumunga Naunaitkutaa Munaqhiurnirmik imaaluuniit Diploma Munaqhiurnirmik, imaatulu malruuk (2) ukiungni Nunallaani Munaqhi havakhimajukhaq, ukuallu aallat aadjikuutainik imaaluuniit pidjutiqqtunik havaaqaqhimajukhaq imaittumik ajuiqhaqhimajukhaq ajuiqhattiarnirmun ilihaidjutikhamik, imaalu Health Canada aanniaqtuliqinikkut ajuitakhainik ilihaqtakhaq ihumagijaujukhaq. Uuktuqtut iniqtirhimajukhat hapkunani Nunavunmi Inirnirit Ilihaaqpaalirviit munaqhit iliharvikhanik kingulirni siksit tatqiqhiutini angiqtauhimalutiklu Munaqhingunirmun Iliharvikhanik ihumagijauniaqtut havaanun naunaijaqhimajunun ilaujut pinahuarutinun. Nunallaani Munaqhi piqaqtukhaq atuqtaujukhanik CPR ukiuq tamaat naunaitkutaniktukhamik. Uuktuqtut pittaaqtukhat atiliurnirmik hivuagut aullarvikharminik ubluani Atiliuqhimajut Munaqhit Katimajiit Nunatqsiarmi hamanilu Nunavunmi (RNANT/NU) ukiuq tamaat atiliuffaarnirmut naunaitkunmik.

Piqaqtukhat atauhirmik amigaittunikluuniit hapkuninga havaaniktitauvingmingni, ilangit (pitqujauhimajut) iniqtaujukhat hivullirni 12 tatqiqhiutini havaariliqtamingni imaalu pitqiujauhimajut piffaarutikhamingnik naunaitkutaqariamingnik: Nunavut Kapurhirnikkut Naunaitkutikhat, Tuquffinaqtunik Inuuhirmingnun Ikajuutikhanik, Ajuiqhattiaqhimajut Uumaliqinirmun Ikajuutikhanik, Nutaranuanun Aniqhaaktitinirmun, ilumiarijaujumik munaqhidjutikat, ENPC imaaluuniit Nutaqqanut Ikajuutiqaqtut Aniqhaariamingnik (PALS), Aniqhaaqtaqtitaujaanginnik Biibinnuat Pinahuaruti (NRP), ALARM/ESW/FHS, Ningakhimaittumik quglungnaqtuqarangat ikajuqtuinirmik, ASIST imaaluuniit Ihumaqattiarnikhami Munaqhidjutit Aanniqtuqarumi Ikajuutikhangit (MHFA), hilvianganik ihivriurniq, qinulattinikkut irninikkullu ajuirhimajuq pihimaluni hivumukhimajunik hingaijunun ajuiqhimaluni, Akhuurnaqtunik Hulaqutinun Ihumaalungnirmun Munaridjutit.

Aadjikkiivjagumik piqaqtunik amigaivjaktuni ilaliutihimajuni ilinniangnikkut havakpaqhimajainniklu ihumagijauniaqtait.

Ilitarijauhimajun Uqauhiit Nunavunmi hapkuat Inuktitut (Inuinnaqtun), Qablunaatun Uivititullu. Uqqarikuluni amigaitqijainnik atauhirmit Nunavunmi ilitarijauhimajut uqauhiit ihuaqutauniaqtuq. Ilihimaluni Inuit uqauhianik, nunallaanik, pitquhirmik, unalu Inuit Qaujimajatuqangitl piqaqtukhaq.

Ukununga ubluq-tamaat, havaariqaqpakhimanikkut munarhinun, havaktigijumanikkut aittuutit ilaqaqtun: $5,000.00 aullaqtirnikkut ublungani, $5,000.00 uvani 18ni tatqiqhiutini havalirnirmi imaalu $10,000.00 uvani 30ni tatqiqhiutit havalirnirmit. Aallallu ilaliutihimajun ilaqaqtun Ukiuq tamaat Hivuliqpaangujuni-havaktinun Ikajuutikhat aktilaaqaqtuq akkungangni $9,000 -16,350.00 (naunaiqtauvaktuq atauhirmut nunallaamut) imaalu $375.00 Tatqiqhiutini Pihimanikkut Aittuuti tamatqiutilik uvunga $4,500.00 atauhirmi ukiumi.

Havaktaaqtunik atiliuqhimajunik piliurniaqtut havaktikhanik piliurniaqtut havaktukhanik pigiamini hivunirmi.

 

Uukturumaguvin uumunga haakhamun, qaritaujakkut titiqqidjavan naunaitkutit titiqqat havaakhariurutillu uumunga nunavutnurses@gov.nu.ca Ilaliutilugu havaap NAUNAITKUTAA nampanga talvani hunaujaakhaani titiraqviani qaritaujakkut titiqqidjutingni.

  • Nunavut Kavamanga aqhuuqpaktut piqariami Inuinnarnik havaktiqhanik kanggiqhittiariaguminaktumik kivraqtuijaamilu nakuujumik ihariagijainnik Nunavunmiut. Inuit Nunavunmi hivulliutigijauniaqtut. Uuktuqtut naunaittiaqtakhaa pittaarutimingnik pijaamingnik hivulliuluaqtittinikkut ihumaginirmi ataani Nunavut Hivulliulluaqtukhat Havaakhaqtittinikkut Maligakhami.
  • Havalirniit ilanginni havaakhanik pitquihimajun naammagijaujunik ihuinaarnikkut naunaitkutimik ihivriurnirmik. Piqaruvit ihuinaarutingnik naunaitkutingnik nutqaqtitilimaituq ilaujaangat uuktuqtunik hivutunirmi ihumagijaujukharnik.
  • Uuktuqtut tunihiinnariaqaqtut titirarmik havaagivaktainnik naliangnik Ilitarijauhimajunut Uqauhiit aturumajamingnik.
  • Piinnariaqaqtunik atiinnik titiraqtaulutik piliungniagungnaqhijut hivuni havaakhanut havaktiqhakhiurumik.
  • Havaktakhat naunaijautait pijaaqtut kajumiktukkut, qaritaujakkut, qaritaujakkurvingmi.
  • Taapkuanginnait uuktuqtun pijauhimajun uqaqatigiivikhamun hivjaqtauniaqtun.
Contact: 
Expiry Options: 
angmaumayuq inunikhirlugu