Havaktingit

You are here

Munarhinik Atanguyaq Pilaktuiliqivingmi

Nunallaanga: 
Iqaluit
Naunaitkutaanut Nampaa: 
10-01-235-190LA
Qanurittuq Havaakhaq: 
Manikhautaa: 
$ 107, 718.00 - $ 122, 265.00
Ukiuqtaqtumi Ikayuutikhaq: 
$ 15, 016.00

Una Havaakhaq Havagiktiaqtauyukhaq naamagiyauyumiklu Ihuinnaariakharnik Titiqqamik piyukhaq, taaffumanmiklu Ihuinaaqpagiakhainnik Nutaqqanut Titiraannik piqaqtukhaq.

Una havaakhaq angmaumayuq tamainnut uukturumayunut.

Unniqtuiniaqtuq Aulapkaiyianut Aanniarviit Kivgaqtuidjutingit, Munaqhit Atan'nguyarmun Pilaktuiliqyunik Kivgaqtuidjutit tunihiyut hivuliqtuidjutikhanik, atan'nguyaunirmik kiunnaqtuniklu munaqhit tuqtakhainnik munaqhinirmik aanniaqtunik, iliagiit uvani Pilaktuivingmi Igluangani. Munaqhit Atan'nguyat havaqatigilugit aanniaqtuq, ilagiit, munaqhitkuni havaqatigiiktut, aallallu aanniarvingni kivgaqtuidjutikhat ihuaqtunik atuqtakhainnik Pilaktuiliqiyunik Havaktuni. Munaqhit Atan'nguyat ilauyut havaqatigiiktunut naunaiyaiyut aannuaqtut qanuritaakhainnik ihuaqhaqhugillu aanniaqtunut ayuqhautaulayut, upalungaiyautikhat imaalu ikayuutikainnik; naunaiyakhugit aanniaqtup qanuriniit malikhugit atugakhat, maliktakhat ayuiqhattiaqhimayut munaqhit atuqtakhait, munaqhitikhanik nakuuhipkaidjutikhanik aannuaqtumik.

Havaktikhaq Munaqhit Atan'nguyat tunihiniaqtuq huvliqtuidjutikhanik tiliurlugillu tamainnut munaqhiliqijini ikajuutikhallu havaarijainut munaqhiliqidjuyikhanut Pilaktuiliqiyunik Havagviani. Havaktikhaq havaarijakhaa uqaqatigilugit aallat munaqhiliqivikmi ajuittiaqhimajut, ajuittiaqhimajut ajuiqhaqhimaaqtut aallallu ilauqatigiiktut (ukunatut Nunalipaujak Iqalungni, aallat GN-kuni Havagvik, nunallaami kavamaungittuni havagviit) ilauyungnaqhijut munaqtiuvutik upalungajautikhanut, piliuqlutik, naunaijaklugit, naunaijaklugillu Pilakhirvikmullu havaktaujakhat. Havaakhaq pidjutiqaqtuq ikajuutikhanut aanniartunut, qitunnaginut, nunallaamullu. Aviktuqhimajumi takupqauvigivikhaq nunallaamut Qikiqtaalukmi Qikiqtaani, havaktikhap ihumaliurutait pitqujaillu pidjutauniaktuq havaarijakhainut ihuaqtunut, itquumajunut, ihuaqtunut, nakuujunullu munaqhiliqijitkunni havakpagainut.

Ilauvlunilu ukunani IHS Ilauqatiiktut Havaqatigiit, havaktikhaq ilauniaqtuq ihumaliuqatigiiktuni pitqujamingnullu pidjutauniaqtunut munqhiliqidjutikhanut havaktainut IHS-kunni. Naunaitkutit ilanginnut upalungaujautikhanut, atuiktakhanut, naunaijaffaarutinut, naunaijaklugillu maniit ukiunganut atuqtakhanut ukununga Amigaqhurnaqtunik Kivgaqtuidjutit, ilaulutik upalungaiyaktuni, atuqtaulirianginni, naunaijaffaarutinut, naunaiyaklugillu havaktainut Pilakhirvikmi IHS-kunnullu tamainnut.

Hapkuat ilihimajukhaq, ajuittaminik pittaaqtaminiklu pijangit hapkunuuna:

  • Ajuiqhaqhimajuq iniqtirhimaplugu naunaitkutikhaq titiqqamik (aadjikkiiktunik ajuiqhimalutikluunniit) munaqhinikkut.
  • Tallimani ukiuni munaqhiliqivingmi havakhimajamingnut munaqhiuvlutik RN-mik Pillakhirvikmi Kivgaqtuidjutit.
  • Pingahuni ukiuni atan'nguyauhimalutik havaktinut ukuningalu maniit ukiunganut atuqtakhanut munarilugit havaktaujakhanut aadjikkutainut amihunullu munaridjutauvaktunut;
  • Tadja atiliuqhimajukhaq ukunani RNANT/NU
  • Havaktikhaq ilauyumayukhaq iniktiqlunilu taaffuminga Aniqhaaqtaqtiyauyaangginnik biibinnuat Ilihaudjutaannit, Nutaqqanut Ikayuutiqaqtut Aniqhaariamingnikni (PALS mik naunaittuq), Uummallikpallaaqtunut Inuuhimmaaqtukhamingnik Ikayuuti (ACLS mik naunaittuq), talvanga piyukhaq siksinik tatqiqhiutini havaktitaulirmat. Taapkuat piqaqtukhainnik naunaitkutigiyauyunik nutaangguktittiyauyukhat maliklugit ilihaidjutait malikkuutainnit nutaangguktiriami.
  • Naunaitkutiqaqluni titiqqamik munaqhiliqijitkunni aadjikkutaanikluunniit munaqhiliqinikkut munaridjutikhanut ajuiqhautimik ihuaqniaqtuqlu;
  • Uqarikkumi amigaitqijainnik atauhirmit Nunavunmi ilitarijauhimajut uqauhiit ihuaqutauniaqtuq.

Tamna Aturialiknut Uqauhit Nunavutmi tapkuat Inuktitut (Inuinnaqtun), Qablunaatun tamnalu Uivivitun.

 Ilihimagumi Inuit uqauhianik, nunallaaniklu, pitquhirmik, nunamiklu imaalu Inuit Qauyimayatuqanginik ikayuutauniaqtuq.

 

Havaktaaqtunik atiliuqhimayunik piliurniaqtut havaktikhanik piliurniaqtut havaktukhanik pigiamini hivunirmi.

_____________________________________________________________________________________________

Ihumagungni uuktugianganik uminga havaamun, qaritauyakkut tuyuqlugu titiraqhimayan aulayagiikhimayangniklu inuuhirni havakpaktangniklu uumunga nunavutnurses@gov.nu.ca. Ilaliutihimalugu NAUNAITKUTA # talvani hunaunikkut titiraqviani qaritaujakkut titiqqidjutingni.

  • Tapkuat Kavamatkut Nunavut atuqpiarahuat pinguqtitninut ilavallirni kivgaqtuijut havaktit taima nakutqijamik kangiqhimajaujangi kivgaqturnilu pijaqarnit Nunavummiut. Hivulliutjarnit pijauniat tahapkununga Nunavutmi Inuit. Uuktuqtut pijalgit uingaittumik naunairni pilarniqtik pinahuaqhugit pitarni hivulliutjarni ihumagijauni malikhugit tapkuat Nunavut Hivulliutjarni Havaktitarniq Maligait.
  • Havakniq ilaitni havakhani piyalgit naamagiyauni ihuinarniqmun titiqat naunaiqtutai. Pihimaniq ihuinarniqmun titiqamik pittailitaungittugaluaq uuktuqtunut ihumagiyautqikhaqninut.
  • Tukhiraqtut tunihilat ayuitniqmingnut titiqat naliakni Aturialgit Uqauhiq aturumayamingnik.
  • Pilaqnit titiqat pinguqtaulat inniqninut hivunikhami inniqhimaittunut.
  • Havaq unniqtuta piyaulaq fax-kut, qaritauyakkut uvaluniit talvani qaritauyakkuvikmi.
  • Tahapkuat kihimik uuktuqtut tikkuaqtauyut apiqhuqtauninut tuhaqhitauniat.
Contact: 
Expiry Options: 
angmaumayuq inunikhirlugu