Havaktingit

You are here

Munaqhiunikkut Ayuiqhaqtunut

Groups: 
Munarhiliqiyikkut
Nunallaaq: 
Pangnirtung
Naunaitkutap Nampaa: 
10-02-250-097LA
Qanurittumik Havaaqaqtuq: 
Havaaqaqhimmaaqtuq
Havaktiit Ikayuktiuvinggat: 
Una havaaghaq ilauyuq talvani Nunavutmi Havaktiit Ikayurtingitni
Manighaq: 
$103,662- $ 117, 644
Ukiuqtaqtumiutat Akiliuhianggannut Ikayuutit: 
$ 15,016.00 - $ 34, 455.00
Ikayurutiqaqtumik havaktimun iglughalik
Closing Date: 
angmaumayuq inunikhirlugu

Una Pitjarikhaaqpiarniqaqtuq havaaq nakuuyumiklu Ihuinaarnikkut Naunaitkutimik, uuminngalu ihuinaaqpakhimaittumiklu Akinialaittunun Naunaitkutimik pitquyauhimayuq.

Hamna havaakhaq angmaumajuq tamainnut uukturumajunut.

HAVAAP NAUNAITKUTAA

Ilituqhaiyukhaq Tiliuqtiuyuq Munarhinik Havaaqharnun tamna Munaqhiunikkut Ayuiqhaqtunut (NP) tunihimaarniaqtuq ayungnaitumik munagidjutikharnik munaqhiliqinikkut ihivriudjutikharnik, havautikharnik unalu munaqhiliaffaaqtukharnik munagidjutikharnik inungnun nunaqaqtunik nunalaamingni aulayagiikhimayuq talvani Munaqhiunikkut Ayuiqhaqtunut Maligaq, maligakhangit, atugakhat, atuqtauhimaaqtukharnik, havangniaqtait, hivunikhangitlu talvani Munaqhiliqinikkut Nunavut Kavamatkunilu. Tamna havaaq naunairutiqaqtuq aanniaqtun piyukhauyut inuuhirittiarutikharnik ihivriudjutikharnik havautikharnik ikayuktauyaangat aulayaangalu munagidjutikharnik.

Munaqhilluqtiuyuq (NP) piqautikhainik naunaiyattiakhimayunik nunani aanniaqtunut ikayuutikhanginik havaqatigiplugit munaqhitkut taaktitlu havaqatigiitut havakpakhutiklu aanniaqtailitikhanik munaqhidjutikhaniklu nakuuninahuakhugit aanniaqtut nunallaallu hungiutiyanginik, kiuluni pittailinahuaglugitluuniit, inuuhirmi ayukhautauyut aallanguqtiqtullu.

Tamna NPnguyuq tunihimaaqtukhaq ayuittiagiikhimayut munaqhingit munagidjutikharnik nunalaanilu inuuhirittiarutikharnik aanniaqtunik (inungnun, ilaqaqtunik, katimayiinunlu) talvuuna aulahimaanginaqtukharnik amigaqhuutiqaqqanlu aulatitiyaangat inuuhirinikkut inuuyukharnik, aanniaktailiqinahuarnikkut ikikliyumiqtitiyaangatluuniit aanniarutit, ayungnautiqaqtunik huigungnaigianganiklu, ikayukhimaarlunilu ihuaqhaidjutikharnik tapkuninga inuuhirittiarutikharnik munagidjutikharniklu. Pivallialutik, uqaqtiulutiklu aulatitilutiklu munagittiaqhimalugulu aanniaqtuq unalu ilaqaqtunik ilihaidjutikharnik/ilihaiyaangatlu nallaumayut talvuuna pidjutikharnik aanniaqtunun. Havaqatigiiniq ilaqatigiinikkutlu aanniaqtunik unalu allanik munaqtiuyut ilagiiktun havagviingitlu, aulatitiyukhat inuuhirittiarutikharnik aulavikharnik pittailiqinikkutlu hulilukaarutikharnik taima ihuaqyumiqtitiniaqtun inuuhiringit inugaitilaanun. Tunihimaarlugit ayuittiagiikhimayunik akhurnaqtunik ilitugidjutikharnik talvuuna naunaitunik munaqhiliqidjutikhangit munaqhiuyaangat Nunavunmi tunihimaagiangatlu atuqtakharnik hivulliqtikharniklu ihuaqyumiqtitiyaangat ilagiikhimaliqtun ikayuutikhangit aulavakhimayut atuinaqtangit.

Ilihaidjutikhat Havakpakhimayainiklu Piqaqtukhaq

Iniqtiqhimayainik Qullirutiqaqtukhaq Hivutunikharnik Munarhiliqinikkut Havakpakhimayainik iniqtirutingnik naunaitkutiqaqtukharnik, Ilitagidjutikharnik Hivutunirmik Munarhiuvakhimayuq, Munarhiuvakhimayutluuniit - Naunaitkutiqaqtuq Munarhiliqinikkut Havagianganik iniqtirutiqaqtun.
Aulahimayumik ublumimun CPRnik piqaqtukhaq
Taima 5nik ukiunganik munaqhiuvakhimayuq taima atauhirmik ukiumik talvani Munaqhiuvakhimayuq havakpakhimayuq.
Atiliuqhimayugiikhimayukhaq Atiliuqhimayuliqiiyini Munarhiit Katimayiinni Nunattiaqmi Nunavunmilu (RNANT/NU mik naunaittuq)

Pidjutikhangit uminga havaaqhamun ilauqaqtuq pidjutikharnik atauhiuyunik amigaituniklu ukuninga havagiikhimayukhaq: Naunaitunik Tuquffinaqtunik Inuuhirmi Ikayuutikhaqaqtuq, (Basic Trauma Life Support (BTLS), Hivutunirmik Uumaliuqtunik Ikayuutikharnik, (Advanced Cardiac Life Support (ACLS)  Biipinuanik Anirhaaqtitinikkut, (Neonatal Resuscitation (NRP). ALARMmik, STABLEmik, Hingaihimayunik munagidjutikharnik, akuakni ihivriudjutikhangit, hingaiyuq nutaganikyuliqilitun, nutaraniliqtunik ilauvakhimayuq talvani hanayiiniliqinikkut ayuiqhagiikhimavakhimayuq.

Ilihimaluni Inuit uqauhiatnik, nunallaanggit, pitquhiat, nunagiyait Inuit Qauyimayatuqanggitlu qauyihimagumikkiq ikayuutauniaqtut.