Havaktingit

You are here

Munaqhit Atannguyaat, Aanniarviliaqtunut Ikayuqtit

Nunallaanga: 
Iqaluktuuttiaq
Naunaitkutaanut Nampaa: 
10-04-410-118LA
Qanurittuq Havaakhaq: 
Manikhautaa: 
$116,454 - $132,152
Ukiuqtaqtumi Ikayuutikhaq: 
$19,716

Una Qayagikpiaktumik Havaakhaq nakuuyumik Ihuinaarutinut Naunaiktauyakhaq, unalu Qayangnariakhaanut Naunaikhidjutikhaq piyauyakyhat.

Havaakhaq angmaumayuq tamainut uuktuqtunut.

 Havaakhaq Iqaluktuuttiami unnirpakluni Aulapkaiyimut Kitikmeoni Aanniarvik. Una havaakhauyuq ittuni ihuaqtumik hivuliqtiqarianginnut munarivagianginnullu aanniarvikmi naunaiqhimayumut ataniuniaqtunut. Havaarivagait ayuittiaqhimavlutik nunallaami munarhiliqiyit aanniartunik pivagait malikhugit atuqtakhanut maliktakhautiliuqhimayunut munarhiliqinikkut unalu inuuhiudjutikhat havaktauyakhallu Munarhiliqiyitkunit. Una havaakhaq ikayuutauyuq ihuaqtunut munarhiliqidjutikhanut nunallaamut munarhiyauhimmaarianginnullu. Havaktiuyukhaq havaariniaqtaa angiyuq nunallaamut munarhiliqilutik havaqatigilugit aallat ilauyut munarhiliqiyiuyuni nunallaami havaqatigiikhutik. Havaariyaat aanniarnaittumut kangiqhipkailutik pivagainut aanniartailidjutauyunut.

Atanilluanguyuni havaakhauyuq munarhiqarvikmi. Havaaqaqnahuaq havaariniaqtaa munariluni tiliuqtiulunilu nunallaami munarhiqilivikmi munaqhiuyunut aallatqiini ayuittiaqhimayainni, ayuiqhimaluni ayuihainikkut ikayuqlugillu havaktiuyunik.

Tiliuqtiuyuq hivulliuktiuvaktuq, qanuriliurutikhainik ikayuqpaklugillu nunallaami munaqhiuyunut. Aallanullu havaktiuyunut munarhiliqivikmi. Havaktiunahuaq havaqatiginiaqtait nunallaami munarihiliqivikmi havaktinginnut havakpagianinni ayuittiarhimalutik munarhiliqidjutikhanut havaktakhamingnut ikayuqlugit nunallaamiutanut, inuungnut, ilagiiktunut katimayiuyunullu. Havaktiunahuaqmunariniaqtaa angiyuq maningnut ukiunganut atuqtakhainut maniit ukiungani havaarilugit angiyuqyuat munarhiliqidjutikhanut nunallaami. Aulalutik naunaiqhimayumik maniit ukiunganut atuqtakhanut havaktiunahuaq ihuaqtumik ihumaliuqtukhauyuq naunaiqhiluni manikhanik ihuaqpiaktumik piluni.

Munaqhinut Atannguyaq munariniaqtaa havaktakhauyuq auladjutikhaillu munarqhiliqivikmi. Munariniaqtait havaktauyakhat nunallaami munarhiliqidjutikhanut. Havaarilugit ayuittiaqhimalutik nunallaami munarhiliqidjutikhat aanniartunut maliklugit havagvingmi atuqtakhat maliktakhaillu.  Kangikhihimahimmaaqlugit tadja munarhit havakpagainut ayuiqhimayainullu; Tiliuqtakhait ikayuqlugillu havaktiuyut taimaa havaariyakhait ihuaqtumik havaktauyaanginni havaquyainnut ihuaqtumiklu ayuittiarhimalutik pivalliadjutikhat. Ilauluni Havagviup munaridjutigiyainut uqaudjilugu tiliuqtiuyuq, tahapkununga maniit ukiunganut atuqtakhainut pidjutauyunut unnirutikhaliulirumik, tutquqtirlugit maningnut ihivriurutit aallaniklu piyumayauyunut tamainnut inungmulluunniit munaridjutikhanut unnirutikhanullu pidjutauyunut piliuqhimayunut ikayuutigilugit pivalliadjutinut havaktauyakhanut.

Ilihimayukhaq nutaanik allangutainik aturuminaqtunik munakhiunikkut aanniarutitigullu atuqtakhanik.

Kangiqhihimalugit ukiuqtaqtumi nunallaanik piyumakpiaktaat, ayuiqhimalugit nunallaami naahimadjutikhat aallatqiinik qaritauyakkuurutikhanik. Tiliuqtiunikkut atannguyaunirmullu atuqtakhanik ayuittukhaq munaqhiqarvingmi munaqhinut atuqtakhainik ihuaqtunik. Nakuukpiakyuaqtunik havagvingmi ikaaqninullu munaridjutikhanut ayuittiaqhimalugit, uqaudjinikkut ayuiqhimaluni uqaqtaaqlunil titirarlunilu ayuittiaqhimaluni, inmikkut ihuirutauvaktunullu ihuaqhaittaaqluni, ayuqhautiryuanguyunut ihuaqhaidjutinut ayuiqhimaluni ihivriuhittaaqluni pidjutauyunullu upalungaiyaktaaqluni.

Qaanganiittut ayuiqhimayakhait pivagait iniqtirhimagumik ukuninga Bachelors-nut naunaitkutikhaq titiraq Munarhiliqinikkut unaluunniit Munarhiuyunut Titiraq Naunaitkutikhaq piqaqluni Inungnik Munarhiliqinikkut Titiraq Naunaitkutikhaq ilitariyauhimayunikluunniit aadjikkutaanut piqaqluni mikitqiyamik malrukni ukiuni munarhiuvaktunik unalu atauhiqmi ukiungani qangannuarmi nunallaami munarhiliqivikmi munarhiuhimayunut.  Atuqpagait una Aniqhaaktaruiqtuq aniqhaaktiffaarnahuarniq (CPR) ukiungalu tikitkaangat nutaanguqtigakhauvlutik ilihaitjutimingnut ihuaqtumik pihimmaaqpagiamingni ayuiqhimayamingnut Atiliuqhimaluni Ilauttaaqluniluunniit uumunga RNANT/NU Atiliurutinut

Ilitariyauhimayut Uqauhiit Nunavunmi ukuat Inuktitut, Qablunaatut Uiviititullu.

Qauhimaguvit Inuktut uqauhianik, nunallaanik, pitquhiinik, nunat uvalu  Inuit Qaujimajatuqangit ilihimagupkit nakuuniaktuq

 

 

Contact: 
Expiry Options: 
angmaumayuq inunikhirlugu