Havaktingit

LogoHome

You are here

Inirninun Ilihaiji

Nunallaanga: 
Uqhuqtuuq
Naunaitkutaanut Nampaa: 
051-220121- GHVAE-07026
Qanurittuq Havaakhaq: 
Qanurittuq Havaakhaq 2: 
Nunavunmit Inuinnaujumik havaktukhaqangitpat pingahuni ukiuni hivituqarniaqtuq havaakhaq
Manikhautaa: 
$95,882 to $108,810
Ukiuqtaqtumi Ikayuutikhaq: 
$26,345

Una havaaghaq ihumagijaujuq Havaangujuq Uppiridjutiqaqtumik uuminngalu Ihuinaaqpakhimanikkut Ihivriurutimik pitqujauhimajuq.

Nunavunmi Ukiuqtaqtumi Ilinniarjuummirvikmi havaktighaqhiuqliqtuq Inirninun Ilihaijighamik uumunga Nunallaami Iliharvianun Uqhuqtuuq, Nunavunmi. Una Inirnun Ilihaiji munarijuq hivunikhaliurnirnun, ihuarhainirnun, tunikkut naunaijarnikkullu iliharutikhanik pinahuarutinik inirninun ilihaqtunun nunallaami.  Kiuvakluni Tiliuqtimun Nunallaani Pinahuarutini, Kitikmeoni, taamna Inirnini Ilihaiji naunaijarniaqtait titiraqlugillu iliharnikkut ihariagijaujut, ilihaqtillugit ilihaqtun, ikajurlugit iliharnikkut havaktiit, tuniluni iliharnikkut havaaghatigullu pivallialiurnikkut uqaudjinirnik ilihaqtunun, ikajurlunilu aulapkainikkut havaktinik titiraliqinikkullu havaktakhanik uvani Nunallaami Iliharviani. Havaktikhaq haqatiginiaqtait naliit kitkulli, timiqutit, havagviit kavamatkunnilu havagviit nunallaami naunaijarnikkut tuninikkullu inirninun iliharutikhanik ajuirharutikhaniklu ihariagijaujunik.

Una Inirnini Ilihaiji pitqujaujuq ilihaqtillugit inirniit naliinni iliharutikhani. Uuktuqtut inirhimajukhat angajukhiinnin iliharutinik pihimajukhallu titiraqarutimik uvani Inirnini Iliharutainnik uuminngalu atauhirmik tamaanganun iliharnikkut ukiumi ilihaijiupluni aturhimajaminik imaatun Inirnini Ilihaijiupluni uvani iliharvigjuami. Havaktikhaq pitqujauhimajuq tuniluni inungmun, havaaghanun iliharnikkullu uqaudjinirnik pitquhikkullu ihumagittiarniqaqtukhaq. Ajuirhimaniq Kihititini, Qablunaatut, uvanilu/uvaniluunniit Nalunaqtuni, Inungnun Qaujiharutini qaritaujanilu qaritaujaliqijikkut aturutainni pihimajukhaq.  Ajuirhimanirniit hapkunani iliharutikhani pijauhimattaaqtun uvani angajukhiit iliharviinnin. Qaritaujani qaritaujaliqijikkut aturutainni ilaujullu titiraliqidjutainnik ukuallu angijunik tititraliqidjutit (speadsheets). Uqaqtaarnikkut titiraqtaarnikkullu tuhaumapkainikkut ajuirhimaniit Inuktun ihumagijauniaqtuq ikajuutaujuq. Hakugiktun inukhimanikkut hivulliurnikkullu ajuirhimaniit pihimakhat uumani havaaghami.

Qaujihimaniq Inuit uqauhiani, nunallaani, pitquhiinni, nunani Inuit Qaujimajatuqanginnilu ikajuutaujuq.

Aadjikkiigutin tapkuat nakuujunik atauttiujun iliharhimaningani, havakpakhimaningani, qaujihimaningani, ajuiqhimaningani havaktaaqninganilu ukununga ilihaqpiarhimanirnun havakpakhimanirnunlu piqtujauhimajuni ihumagiyauttaaqtun.

Tadja havagaanginnaqtun Nunavut Kavamatkunni havaktiit, uuktuqtut akimajullu uumani hivituniqaqtumik havaaghami akittaqutimi, tunijauttaarungnarhijuq nakuujumik nuutirnikkut havaaghamik aulaninganun hiviturnirnium.

 

Ihumaguvin uuktuqlugu una havaakhaq, qagitauyakuuqtitilutit titiraqhimayuq titiraq uvalu havakpakhimavitit hamunga NACHR@arcticcollege.com. Ilaliutilugu NAUNAITKUTAA # titirarvikhaani qagitauyaliqivikni.

  • Nunavut Kavamanga havangniaqhimayut piliurnikkut amigaitkutikhainik havaktikhanik ilitturidtaangnaktumik kivraqtuiyaangginniklu ihariagiyait Nunavunmiut. Hivuliutiyauniaqtuq Nunavunmiut Inuinnait. Uuktuqtut naunaittiaqtakhait piinnariaqaqtaivikhaannut hivulliutigiyauyaangginnik malikhugu Nunavutim Hivulliuqviuyukhait Havaktikhat tuqtukhallu .
  • Havaat ilanginni pitquyauniaqtut nakuuyumik ihuinaarhimagiaqhainnik ihivriuqtauhimayumik titiqqamik piqaqtukhat. Ihuinaaqtuqqagumik titiqqami uuktuinnariaqaqtut ihumagiyauniaqtut huli hivuni.
  • Uuktuqtut tunihiinnariaqaqtait havakpagainnik titiqqainnik atuqlutik Ilitariyauyumik Uqauhirmik atuqpagainnik.
  • Pittaalaqiyauyut atiit titirarhimaliuqtaaqtut hivuni uukturiamingnik havaani.
  • Havaap naunaiyautait piinnariaqaqtait kayumikkuuqlutik qaritauyakkuuqlutikluunniit qaritauyakkuugutaanni.
  • Taapkuangginnait uuktuqtut apiqhuqtauhungnguyut hivayaktauqpatta.

 

Contact: 
Expiry Options: 
angmaumayuq inunikhirlugu