Una havaakhaq angmaumajuq tamainnut uukturumajunut.
Ukununga ubluq-tamaat, havaariqaqpakhimanikkut munarhinun, havaktigijumanikkut aittuutit ilaqaqtun: $5,000 aullaqtirnikkut ublungani, $5000 uvani 18ni tatqiqhiutingurningani havalirnirmi imaalu $10,000 uvani 30ni tatqiqhiutingurningani havalirnirmi. Aallallu ilaliutihimajun ilaqaqtun $9,000 Ukiuq Tamaat Hivulliqpaangujuni-havaktinun Manikhaq unalu $375 Tatqiqhiutini Pihimanikkut Ikajuuti imaa $4,500 atauhirmi ukiumi.
Kavamatkut Nunavunmi tikuaqtauhimajut atauhiq Kanadami quuliujuq Havagvik Inulramirnun Inungnun qanganuaqlu ilihaqtamingnik iniqtiqhimajut uvani 2022. Qilaminnuaq amigaiqpaktut inuulrammiit nukaqhiuplutiklu inuqarnirit Kanatami, Nunavut pivaktut ihumaliurhutik nutaanik aadlatkiingnik piumakpiaqpaqhutiklu, alianakpiaqhuni avikturviujuq, aqhuuqpaqhutiklu nakuutqianiqhakkut hivuniqhanut. Kavamaupluta, hakugiqhijuummikpaktavut aadlanggunia atuqpaktaptingnik kavamaliqidjutinut - talvali ilaudjutigiplugit Inuit inuutqattiriittiarniagut, aqhuuqhaiplutik aturniatigun Inuktut, tikiutivaqhutiklu kivraqtuinirmun inungnut, havaqatigiplugitlu paatnait tikiutijaami itquumania Nunavut. Havaaniktitaujut quviaginiaqtait akiliuhiakhait, aanniarnikkut kiguhiliqinirmullu ikajuutikhainnik, naunaijariiqhimajumiklu ikajuutiqhaq havaguijaqpiagumik, nuutirnikkut ikajuutikhat pijaghallu iliharnirmun havaamullu hivumuudjutikhallu.
Ataani pitquidjutaanun Atangujap Naliinni-iliharhimajani havagutini tikkuarhimajumiluunniit, havaktukhaq havaktaaqtuq avaliittumik ajuittuq atiliuqhimajuq havakti nunallaami tuniutinikkut turaangajunik havagutinik inungnun ihumakliqtunun piqaqtun/piqaqtulluunniit ajurhautinik, atauttikkullu ajurhautit, ipirailairutit inminiirniarhimanikkut ihumagidjutit/uukturutilluunniit.
Havaktikhaq hiuvulliurniaqtuq tuninikkut havagviup hivulliurutikhaanik ukunanilu hivulliqpaanik-havaktinun havagutini nunallaani. Munarhi munariniaqtuq munaridjutikhainnun hivunikhanik pivallialiurnikkut, aanniaqtuni titiraliqidjutainni, miitirutikhanik, hivulliqpaani aularaanginnaqtunilu qaujiharutinik, havauhiqtuutinik munarinikkullu uvanilu amigarnarhijuni hatummiarnirnik.
Qaujihimaniit, ajuinniit, pittaarniillu pitqujauhimajun uumunga havaakhamun pijaulluaqpakhimajun talvuunga iliharvigjuanin titiraqalirnirmin Munarhiunikkunni havakpakhimaluni ihumaliqinikkunni, uumaniluunniit iliharvigjuanin titiraqairnirmin Ihumaliqinikkut Munarhiunikkunni uuminngalu ikinikhaanun kikliqarlunik pingahuni (3) ikiunik havakpakhimanikkut ihumaliqinikkut munarhiunikkut.
Tallimanik ukiunik ihumaliqinikkut munarhiunikkut ihumagijaujuq ikajuutaujuq uumunga havaakhamun. Uuktuqtun pijaaqtukhat atiliuriami ajuittuni kavamaliqidjutikkut timiqutimi aulammariktunik maliktullu maligakkut ihuaqtukkullu aturutinik. Atuqtuq akhaluuhiqinikkut laisimik pihimajukhaq.
Una Amirnarutiqaqtukkut Havaakhaq, naammagijaujumik Ihuinnaaqpariakhaanik Naunaitkutimik Titiqqamik, uuminngalu piqanginnikkut Ihuinaaqpariaqhaanikluunniit Nuliarnirnun Tiqqamik piqaqtukhaujuq.
Ilihimalugu COVID-19 qalagjuarnirmun kapuqhirnirmun pitqujaujuq qanurinniagut havaakhap. Tujuqlugit itquumajuq COVID-19 qalagjuarnirmun kapuqhirnirmun uuktuutingnun. Tingmijun pijukhat naunaiqhilutik hunat pijakharijangnun najuqtarni Aviktuqhimavingni / Avikturvingnilu pitqujauhimajunun.
Ilitarijauhimajun Uqauhiit Nunavunmi ukuat Inuktut, Qablunaatun Uiuitullu. Uuktuqtut tunihiinnariaqaqtait titiraqhimajunik havagpaqhimajainnik kituni ilitarijaujuni uqauhiinnik Nunavunmi. Uqaqtaaqluni amigaitqijainnik atauhirmit Nunavunmi ilitarijauhimajuni uqauhiinni ihuaqutauniaqtuq. Qaujihimaniq Inuit nunallaanginnik, pitquhiinnik, nunanik, Inuit Qaujimajatuqanginni, Inuktut havakpakhimanirmilu ukiuqtaqtumi aallatkiingnilu-pitquhiqaqtuni innirmi ihumagijaujullu ikajuutaujun.
Naammagijauniaqtut atauttiujun iliharnikkut havakpaqhimajainniklu ihumagijauniagungnaqhijut havaakhamun. Akhuurhaijugun ilingnun uuktuquplutin piqaruvin aajjikkiingniqaqtunik ukiunik iliharnikkut imaalu/imaaluunniit havakpangnikkut aajjikkiiktunik iliharnirnun ajuirhimanirnullu pitqujauhimajunik titiraqhimajun qulaani.
Pittaaqtunik titiraqhimajunik piliuqtauniarungnarhijuq hivunikhani havaktikharhiurutikhanun.
Uuktugumaguvit uumunga havaakhamut, qaritaujakkut-titiqqilugu naunaijarutit havaakhariurutillu uvunga Health_Baf_HR@gov.nu.ca. Ilaliutilugu tamna NAUNAITKUTA # titiqqanut titiqqilugu qaritaujakkut-titiqqidjutingnun.
- Nunavut Kavamanga aqhuuqtut piqariami inuinnarnik havaqtiqhaqariami, taimaatun, hivulliupkaqtauniaqtun Nunavunmiutat Inuit inmingnik-naunaijautihimajun atiliurhimaplutik ataani Nunavut Angirutimi maliqhugu Hivulliutijuqhanik Havaktiqhanik Atugaqhami.
- Nunavut Kavamangani havaktiit uuktuqtaujut qaffini tatqiqhiutini piqaqtuqhat tunihilutiklu titiraqhimajumik angirutimik uumannga tuklimin ministamin havagvigiliqtaminin. Angirutaa tukliup ministamin ilaliutihimajuqhaq uuktuutingni uuktuutit ihumagijaujaangani.
- Piqarumik ihiunaaqpaqhimanikkut ihivriurutimik taimaaqtitaulimaittungnaqhijuq uuktuqtunik ihumagijaunirmit. Naunaijautiginiaqtait ihivriungninga ihuinaagutaanit taapkununga havaagijaujuqhanut havaami. Unainnaq pitquidjutaujuq havaanut piqaqtuqhanut naammagijaujumik ihuinaaqpariaqhainnik titirainnik ihuinaaqpariaqhainnikluunniit nuliarnirnun titiqqamik.
- Uuktuqtut tuniinnariaqaqtait titiraqhimajunik havaakhaqhiurutingmingnik naliinnik Ilitarijauhimajunik Uqauhiinni Nunavunmi.
- Tapkuan’nginait tikuaqtaujut apirhuqtaujuqhat hivajaqtauniaqtut.
- Inmingnik uuktuqtut pihimajun ahinin nunarjuarmin iliharvigjuanin naunaitkutinik pijuqhat taapkuat ahinin nunarjuamin naunaitkutit ihivriuqtaujuqhat talvannga ilitarijauhimajumin Kanadami iliharvigjuarmin. Pingitkumik taimaatun ihumagijaulimaittungnarhijuq uuktuutaa.
UQARVIKHAT:
Aanniaqtailinirmut Havagvia
Nunavut Kavamanga
PO Box 304
https://www.gov.nu.ca/in/public-jobs
Health_Baf_HR@gov.nu.ca
