Havaktingit

Nutaangutqijat GN-kut Qalagjuarniq COVID-19C tuhaqtitaujukhat paqitaunginariaqaqtun qaritaujakkurviptingni. Qalagjuarniq COVID-19 atuqtakhat paqitaunginariaqaqtun Havagviat Aanniaqtailinikkut Qalagjuarniq COVID-19 atuqtakhat makpirnia.

You are here

Havakaffukhimayut

Nunallaanga: 
Across Nunavut
Naunaitkutaanut Nampaa: 
Casual 2019
Qanurittuq Havaakhaq: 

Havaap Atia: Havakaffukhimayut
Havakvik: TAMAITA
Nunalaami: TAMAITA
Havaap Naunaitkutaa: Havakaffuktun 2019
Qanurittuq Havaaghaq: Havakaffuktun

Nunavut Kavamangit qiniqhimaanginaqtun nunalaani nunaqaqtunik havatitaukaffuktukharnik havaanganik tamaini 25nguyut Nunavutim nunalaani. Havakaffuktuq havaanganik anginirmik pidjutigiyauniaqtuq piyaangat havaktukharnik taima aadjikutauniaqtuq havakpakhimayangnik, ilihaqpaktangnik unalu ayuittiagiikhimayukharniklu. Taima amigaitunik havaktukharnik pidjutikhangit pigiaqaqtun - talvanga titiqiqidjutiliqiyukharnik atanguyangniklu havaktukharnik - aituihimaanginaqtugutlu ihuaqtumik manikharnik pidjutikharniklu!

Hunauyuq auladjutikhaq uukturniaguvit?

  • Havagviuyut havakvingitlu ilitugihimayut pidjutikharnik havaktiqagianganik tamaat havaktukharnik, havaktitaukaffuktukharniklu havaktinik.
  • Havaktipkanahuaqtut Havagviuyut havakvingitlu naunaikpagait havaakharihimayanginnut naunaitkutikhat Havaktipkaillagutikhanut
  • Apirhuiyukharnik naunaitkutikharnik ilituqhainahuarniaqtun.
  • Havaktuliqiyitkut ilihimayut talvuuna uuktuqtunik pukuktauyukharnik unalu mapiraangitlu aulaliqtun talvanga.

Uuktuliqtun Havakaffugumayunun

  • Naunaiklugu havaarihimayangnut naunaitkutaani taimaa havallagumayutit.
  • Ikiningani talvani havakpaktangni naunaitkutingnik titiraini naunaiqtukhauyutin nayugait havakpaktangnik, ubluangit havakpaktatin, havakhimaaqpaktatin talvani, ilihairutit naunaiqhimalugit pidjutigiyatinlu.
  • Hivayautit nappa qaritauyakkutlu titirarvia.  Itqaumalutin hivayaqtukhauyutin naunaitkutit allangurumik.
  • Ilihimangitkuvit kitu avikturvingmi havakviangit uuktugumayutin hivayaqlugit titiraqlugitluuniit uumunga casualsiqaluit@gov.nu.ca naunaiqyumirutikharnik.

Naunaitkutikhangit titiraqhimayangnik talvani pihimayauniaqtuq titiqatin 6sinik tatqikhiutingnik, talvanga piyukhauyutin tuyuqtauffaaqtakhat qangiutikpan tatqikhiutit 6nik.  

Ilitariyauhimayut uqauhiit Nunavunmi hapkuat Inuktitut, Inuinnaqtun, Qablunatut Uivivitunlu. Uqariktukhauyuq amigaitunik atauhiinaungitumik Nunavutim ilitagiyauhimayunik uqauhingitnik piqaqtukhaq.

Ilihimaluni Inuit uqauhianik, nunallaanik, pitquhirmik, unalu Inuit Qauyimayatuqangitl ihuaqtuq.

Ihumaguvit havaktitaukaffuktukharnik, titiraqlutin qaritauyakkut naunaitkutit havakpaktangnik avikturvingmun havakvianun ataani. Ilaliutilugu tamna NAUNAITKUTATA # hunaungmagaat titiraqvianut qaritauyakkut titiqqidjutikhangnut.

Iqaluit                                                           Kivallirmi
Hivajaut: 867-975-6222                               Hivajaut: 867-645-8065
Akiittuq hivayauta: 1-888-668-9993            Akiittuq hivayauta: 1-800-933-3072
Kayumiktukkut: 867-975-6220                     Kayumiktukkut: 867-645-8097
Qaritauyakkut: casualsiqaluit@gov.nu.ca        Qaritauyakkut: KivalliqHR@gov.nu.ca

Qikiqtaalungmi                                              Kitikmeonmi
Hivajaut: 867-934-2025                                Hivajaut: 867-983-4058
Akiittuq hivayauta: 1-800-682-9033             Akiittuq hivayauta: 1-866-667-6624
Kayumiktukkut: 867-934-2027                      Kayumiktukkut: 867-983-4041
Qaritauyakkut: Igloolik_HR@GOV.NU.CA        Qaritauyakkut: HRKitikmeot@gov.nu.ca
 

Expiry Options: 
angmaumayuq inunikhirlugu