Havaktingit

You are here

Aviktuqhimayumi Aanniarvingni Tiliuqti

Nunallaanga: 
Kangiqliniq
Naunaitkutaanut Nampaa: 
10-03-320-010LA
Qanurittuq Havaakhaq: 
Havaktiinut Ikayuqtirngit: 
Manikhautaa: 
$107,718 - $122, 265
Ukiuqtaqtumi Ikayuutikhaq: 
$ 18, 517.00

Una Pidjarikhaaqpiarniqaqtuq havaaq nakuuyumiklu Ihuinaarnikkut Naunaitkutimik, uumingalu ihuinaaqpakhimaittumiklu Akinialaittunun Naunaitkutimik pitquyauhimayuq.

Una havaakhaq angmaumayuq tamainnut uukturumayunut.

Unnirtukhaq Aulapkaiyimut Aanniarvingmi Tiliuqtimut havaakhaq ittuq taimaa ihuariangani hivuliqtiudjutikhanut munaridjutikhanullu Aanniarvingmi  Kivalliqmi. Una havaakhaq munarivagait Kangiqhiniqmi Tutqikhivikmi inmikkuuktuq havagvik Munaqhiliqiyitkunit. Ilagiyaa munaridjutikhat tiliurutikhallu tamainnut ikayuqtiuyunut havaktiit (Uqaqtit, Halummakhiyit, Havagvingmik Munaqti) Munaqhillu, Hiamittaaktunut Aanniarutinut Havaqatigiigutikhat, Nunallaami Munaqhit Ikayuqtiit unalu Avatingnut Munaqhiliqinirmut Havaktauyakhat.

Una havaakhaq tiliuqtiuyut pikariamilu ayuittiaqtunik munaqhiliqivikmi munaqhiuyukhanut aanniartunut maliklugit atuqtauykhat munaqhiuyunut havaktakhainut qauhimayakhainut piyakhainullu Munaqhiliqiyitkunut. Pivlugit ihuaqpiaktut munaqhiliqidjutikhat aviktuqhimayumi. Havaktikhaq havaariniaktait amihunut nunallaami aviktuqhimayumi aanniarvikmi havaktakhainut havaqatigilugit ilauqatigiiktut munaqhiliqiyitkunni. Una havaakhaq havaariyaat kangiqhipkaiyukhauvlutik munarhiliqidjutikhanut. Una havaakhaq havaariyakhait tamainnut hiamittaaktunut aanniarutinut/tiibiimut (tuberculosis -CDC/TB) munarittiarlugu munarilugillu hulilukaarutikhat aviktuqhimayumi maliklugit piliuqhimayut maliktakhat munaqhiuyunut havakpaktunut qauhimayakhanut piyakhanullu. Havaakhaq pihimayuq aviktuqhimayumi ikayuutikhanut aallanut munaqhiliqinirmut ayuittiaqhimayunut aviktuqhimayumi. Havaktikhaq ayuittiaqhimayukhauyuq aviktuqhimayumut ikayuqtiuluni aallanut munaqhiliqivingni ayuittiaqhimayunut kangiqhipkailutik nutaanut havaktinut ayuiqhaqtipkaihimmaaklutiklu ikayuutikhanut munaqhiliqivikni auladjutikhainut aviktuqhimayumi.

Kangihihimalutik tadja pavaktainut munaqhiliqivikni kangiqhipkaidjutikhanut/aanniartailidjutikhanullu piyakhainut havaktauyakhanullu.

Kangiqhihimalugit pilluaqpagainut havaktakhainut munaqhiliqivikni Kanatami.

Kaniqhihimalugit Nunallaami Munaqhiuyunut Kanatami (Community Health Nurses of Canada -CHNC) aanniarvikni munaqhiuyunut havaktakhainut, atuqpagainut havakpaktamingni unalu ayuittiaqhimayut havaktakhainut piyakhainut.

Kangiqhihimalugit hiamitirhimayunik munaridjutikhanut pivaktainut kangiqhihimalugillu pitquhirmi qayagidjutikhanut munaqhiliqidjutikhanut Inuinnauyunut.

Kangiqhihimayait, pittaaqtangillu havaakhamut pivaktaraluangit pivaktait ilitariyauhimayumut Nauhaitkutiqaqtunut Munaqhiuyunut piqaqlutik naunaitkutikhamik Munaqhiliqivikni, Munaqhiunirmut naunaitkutaanut (Bachelor Degree of Nursing).

RNANT/NU atiliuqhimaluni p[ittaaqluniluunniit atiliurutikhamik havaliktinnani. Tadja CPR-mut naunaitkutiqaqluni atuqtaminullu akhaluutinut aqutimut laisikhamik.

Ilitariyauhimayut Uqauhit Nunavunmi uvva Inuktitut, Qablunatun Uiviititunlu.

 Ilihimaluni Inuit uqauhianik, nunallaanik, pitquhirmik, unalu Inuit Qaujimajatuqangit ihuarniaqtuq.

 

Uukturumaguvit uminga havaakhamut, qaritauyakkut tuyuqlugu titiraqhimayan havaarihimayangnut naunaitkutaa uumunga Nunavutnurses@gov.nu.ca Ilaliutigilugu Naunaitkutaata Nampaa titiqqidjutimut naunaitkutaanut qaritauyakkut titiqqidjutingnut.

  • Nunavunmi Kavamangat piyumayut amigaikyuumilugit havaktuni nakuuyumik kangiqhittiariamingni kivraqturlutiglu piyumayait Nunavunmiut. Hivulliutilluarniaqtait Nunavunmi Inuinnauyunut.
  • Uuktuqtut naunaittiaqtakhaa pittaarnirmik piyaamingni hivulliuluaqtitinikkut ihumaginirmi ataani Nunavut Hivulliulluaqtukhat Havaakhaqtittinikkut Atugakhaq.
  • Havakniit ilanginni havaani pitquhimajut nakuujumik ihuinaarhimanikkut ihivriuqnirmik. Ihuinaaqtuqqagumik titiqqami uuktuinnariaqaqtut ihumagiyauniaqtut huli hivuni.
  • Pittarninganut Titiraqhimayut havaktaullayut hivuniptingni havaktikhaiqhimayunut.
  • Havaamut naunaitkutait piinnariaqaqtut kayumiktukkut, titirarvigilugit qaritauyakkut havakviplu qaritauyakkuurutaannitlu.
  • Tahapkuanginait uuktuqtut tikuaqtauyut apikhuqtauyukhat hivayaqtauniaqtut.
Contact: 
Expiry Options: 
angmaumayuq inunikhirlugu