Havaktingit

You are here

Atan’nguyaq Aanniaqtailinirmun Huliviqhainni

Nunallaanga: 
Uqhuqtuuq
Naunaitkutaanut Nampaa: 
10-04-415-123GM
Qanurittuq Havaakhaq: 
Havaktiinut Ikayuqtirngit: 
Manikhautaa: 
$116,454.00 - $132,152.00
Ukiuqtaqtumi Ikayuutikhaq: 
$26,345.00

Hamna Amirnaqpiaqtuq Havaaqhaq, piqaqtuqhaqlu naammagiyauyumik Ihuinnaaqpariaqhaanik Titiqqamik taffumamiklu piqanggilluni Ihuinaarpariaqhaanik Nuliarnikkut Titiqqamik piqaqtuqhaq.

Una havaariyaqhaq ammaumayuq tamainnut uuktuqtunut.

Ataani atan’nguyami Aulapkaiyi Munaqhiliqidjutitigut Piviqhainnut Atan’nguyaq Munaqhiliqidjutigut Piviqhainnut piviqhaqaqtut tamainni aanniaqtailinirmun nunallaamun imaalu piyaaqhainnik piyaami munarihimmaangnikkut.   Havaktiqhaq munariniaqtait an’ngiyuanik nunallaami aanniaqtailinirmun piviqhaatigut taimainnunlu aadlat ilauyut aanniaqtailiqinirmun havaqatiit, havaqtiqhaq munariyaqaqtuqlu munariplugit piviqhaqaqtittiplugit talvainnakmi nunallaamun aanniaqtailinirmun munaqhiinnut aadlatkiiqni humiliqaaq havaktuni havaarivigittaaqtainni ikayuqhugitlu havaktiit.

Qauyimanikkut, havaagiyauvaktut havaami havainnaktaaqtainniklu ihariagiyauyut uukturiami haffumamut havaaqhamut havaagittaaqtaitlu imaa pidjutiqagumik, 

Ilihaqhimapluni hitamani ukiuni Munaqhiliqidjutikkut, Qauyimanikkut Munaqhiliqidjutikkut imaaluunniit Atauhiinnarmi Ilihaqhimayuq Munaqhiliqidjutikkut talimanilu ukiuni ayuiqhaqhimapluni munaqhiit havaagiyainnik.  Havaktiqhaq piqaqtuqhaqlu malruungnik ukiuni atan’nguyauvaqhuni.

Piqaqtuqhaqlu aqhaluuhiqiyaami laisiutaannik, Qilamiutuqaqqat Aanniqtumun Ikayuqtiuyuqhaq, BCLS miklu iniktirutiminut naunaiyautiqhaqaqtuqhaq ukiuq tamaanlu naunaiyautiqhaanik nutaangguqtuqhaq taimaatun piyuqhaq.

Uuktuqtuq hadjamin piqaqtuqhaq atiliurnirmun RNANT/NU kunni piinnarialaqittaaqhuniluunniit atiliuriami.

 Munarhiit Ayuirhaqpiaqhimayut iniktiqhimayuqhat naunaiyautiqaqlutik iniktirutimingnik hapkunani Taimainni Aanniaqtailinirmun NP(PHCPN) uvaniluunniit inirniriq/Ilagiiq, Tamainni-Ukiunni (AFFAA) ni. 

Ikayuutigiuqhat piqagumik atauhirmik amigaittunikluunniit hapkuninga; An’ngitqiamik aniqhaaqfaariami uummatikkut Inuuhirmun Ikayuut (ACLS), Nutaqqanut An’ngitqiamik Aniqhaaqfaariami Inuuhirmun Ikayuut (PALS) Ikayuutiqhainnut Inuulihaaqtumun Aniqhaaqtariami (NRP), An’ngitqiamik Havaami Qayarnautikkut Munaridjutikkut (ALARM), Qilamiurutaunikkut Munaqhiit Nutaqqanut Ilihaidjutaa (ENPC), Tuquffihurnikkut Munaqhiit Ilihaidjutaa(TNCC). ! Ukiuq NP atuqpagainnit ihumagiyauniaqtutlu ikayuutigigiplugu haffumamut havaaqhamut. 

Uqainnaktaagumi amigaittuni Nunavutim ilitariyauhimayainnik uqauhiinnik ihumagiyauyuq ikayuutigiyauniarmat. 

Qauyimayuqhaq Inuit uqauhiannik, nunallaanggit, pitquhia, nunait Inuit Qauyimayatuqanigitlu ikayuutigiyauniaqtuq. 

 

Havaaqaqhimmaaqtunut, munaqhinut, havaktikhaqhiuktut iladjutikhaa akiliuhianganut imaatut: $5,000 havalirviani ubluani, $5,000 taimaatut 18 naatpata tatqiqhiutit havalirvingnit $10,000 naatpata 30 tatqiqhiutit havakkuvit. Aallallu ikajuutikhanut akiliuhiarutikhat ilagijait una $9,000 Ukiungatigut Hivunnganiittunut Havakpaktunut Ikajuutikhaq unalu $375 Tatqirhiunmi Havakhimmaaqtunut Ikajuutikhaq tamaat $4,500 atauhirmi ukium

Uuktugumavut haffuma havaaqhaanut, qaritauyakkuugutidjavat ikayuutiqhat titiqqamik havakpaktaqhimayatinlu hamunga Nunavutnurses@gov.nu.ca. Ilaliutilugu havaap NAUNAITKUTAA nampaa talvani humik qaritauyakkuugitiriniaqtarniq pivianni.

  • Nunavut Kavamanga aqhuuqpaktut piqariami Inuinnarnik havaktiqhanik kanggiqhittiariaguminaktumik kivraqtuiyaamilu nakuuyumik ihariagiyainnik Nunavunmiut.  Inuit Nunavunmi hivulliutigiyauniaqtut.
  • Uuktuqtut naunaittiaqtaqhaat inuinnaugumik hivulliutigiyaamingnik maliqhugu Nunavut Hivulliunirmun Havaktiqhaqhiurnikkut Atugaata.
  • Havaatigut ilangginni havaani piqaqtuqhat naammagiyauyumik ihuinnaariaqhainnik naunaiyautimik.  Ihuinaaqtuqagumi ihuinaaqpariaqhainni titiqqami piiyaulimaittuq uuktuqtuni talvamit hivuni ihumaqhaqhiugutinut.
  • Pittaalaqiinnariaqaqtunut atiit titiraqtauniagungnaqhiyut havaaqhaqaqqat hivuni inuqaliriangganni havaaqhat.
  • Havaamut naunaiyautait piinnariaqaqtut kayumiktukkuuqlutik, qaritauyakkut qaritauyakkuugutaanutluunniit.
  • Taapkuangginnait uuktuqtut naunaiqhimayut apiqhuqtauyaangginnik hivayaqtauhungnguyut.

 

Contact: 
Expiry Options: 
angmaumayuq inunikhirlugu