Havaktingit

You are here

Angajukhiq Uqaqtiuyuq/Numiktaqtiriyi

Groups: 
Pitquhiliqijikkut
Nunallaaq: 
Kugluktuk
Naunaitkutap Nampaa: 
08-505321
Qanurittumik Havaaqaqtuq: 
Havaaqaqhimmaaqtuq
Type of Employment 2: 
Nunavunmit Inuinnauyumik havaktukhaqangitpat hivituqarniaqtuq havaakhaq talvunga Iidjirurvia 25, 2022
Havaktiit Ikayuktiuvinggat: 
Excluded
Manighaq: 
$ 95,882.00
Ukiuqtaqtumiutat Akiliuhianggannut Ikayuutit: 
$ 22,042.00
Havaktimut iglukhaituq
Closing Date: 
mii 24, 2019

Hamna havaakhaq angmaumajuq tamainnut uukturumajunut.

Ataniqaqhunguyuq Atan'nguyaq Numiktitirivingmut, Angajukhiq Uqaqtiuyuq/Numiktaqtiriyi havaakhaqarniaqtuq munarilugit Uqaqtiuyut/Numiktitiriyit unalu and Ihivriuqhiyi/ihuaqhaiyi(t) Kugluktumi havaktukharlu ihuaqtumik havaqatauluni imaalu munarilugillu iniqtiqqaqtauyukhat hivulliutiyakhat numiktitiqtakhat aallatqiini Nunavut Kavamangat havagviuyut ukuallu kavamatkut havagvingillu. Angajukhiq Uqaqtiuyuq/Numiktaqtiriyi munariniaqtait numiktitirivingmi havaktingit nunaqaqtut Kugluktumi imaalu kivgaulunillu havaktinut ukluallu aallat numiktitiriyingit havagviinut, Atan'nguyaq Numiktitirivingmut, Havaakhanut Atan'nguyaq unaluavikturniinni Aulapkaiyi. Numiktiriyitkut ikayuqtiuyut kavamatkuni havakpagainut tuhaqtidjutikhanut nakuukpiaktumik havaknahugitpakhutik inungnut uqauhimingni ilitariyauhimayumik uqauhiriyainni, piyakhauyumut ataani unalu Inuit Uqauhinginnun Tammaqtailinirmut Maligaq unalu Ilitariyauhimayunut Uqauhirnut Maligaq. Havaaniktitauyuq ikayurniaqtuq uuktuutainut titirarluni akhurutigilugillu tamangnik utuqqait nutaaniklu Inuinnaqtun tainikhainik hivulliqtuilunillu qauyihaidjutikhanik imaalu tainikhainik piliuirnirmik havaakhat.

Unaluttauq, havaakhaq numiktitirivaktut titiqqanik Qablunaaqtanik Inuinnaqtun, immaluuniit Inuinnaqtunmit Qablunaatun, titiraqhimayunik tamainik aallatqiiktunik havaktauyukhanik Nunavut Kavamatkut havagvinginit ukuallu kavamatkut havagvinginillu piyariaqaqqata. Havaaniktitauyuq katimayunik uqaqtiliqtuivaktukhaq katimapkaiyuni imaaluuniit ingunik hulipkaiyuni piyariaqarumi. Qanurinnikhait atuqtakhainik Angajukhiq Uqaqtiuyuq/Numiktaqtiriyi havakpakhunguyuq aallatqiiktunik, ayurnaitunit tuhapkaidjutikhanik inungnut ayurnaqtunut maligatigut imaaluuniit aanniaqtunut titiqqanik, immaluuniit maliruagakhanik. Ayuiqhattiaqhimayukhauyuq ihuariakhainik hapkuat titiqqat.

Piqarluanginmat Inuinnaqtun atuqtakhainik tainikhainik amigaitunut uqallauhikhainik atuqtauqattaqtunut havaariyainut kavamatkkuni, Angajukhiq Uqaqtiuyuq/Numiktaqtiriyi piyariaqaqtuq uqaqatiqarluni uqauhirmik ayuittunik imaalu Inirnikhaanik qanuqtut ihuaqtunik numiktitirutikhainik. Qakugunguraikpat, Havaaniktitauyuq havaquyauhunguyuq nutaanik tainikhaliurluni uqallauhikhaitunut imaalu tunihiluni Havagviup Uqauhiliqiyinginut. Havaaniktitauyup ikayuutigiyait aullaranginaqtumik tainikhaliurutait Inuinnaqtunanginiqaqtuq kavamatkut akhuurutainut amigaigyuuuminaruaqhugit aturnikhanik havarvingmi uqauhirilluarlugu kavamatkuni havaktiuyunit.

Qauyimayukhauyut Inuit Uqauhingit Tammaqtailininga Maliganik imaalu Ilitariyauhimayut Uqauhiit Maliganik, hapkuningalu uqallauhikhanik atuqtauyukhanik, kavatkunillu pinahuarutinik ikayuutikhanik, tainikhainiklu pidjutiqaqtunik aallatqiinut havaarivaktainut Nunavut Kavamatkut aulladjutainut, imaatullu ayuittiaqtukhauyuq atuirninganik Inuit Pitquhiliqinirmut Timiqutigiyauyuq (ICI) Ihuaqhaqhimayuq Titirauhikhat Inuktitut imaaluuniit Inuinnaqtun pitquyauyuq. Ayuittiaqtukhauyuq qauyihainirmik, havauhikhaminik ikarnirni iniqtiutikhaminik amigaitunik iniqtiqtauyukhanik naliinik hivulliutiyakhanik naunaiyaivakluni imaalu qaitauyaliqinirmik ayuittukhauyuq havakpakhimalunillu aturnikhainik hapkuat qaritauyakkurutikhat MS Office Suite, Outlook unalu Ikiakkurutikhat pitquyauyut uumani havaakhami.

Havaaniktitauyuq ayuittiaqtukhauyuq tamangnik titirarnirmik uqarnirmiklu Inuinnaqtun, Qablunaatullu.

Imaittuq, qulaanittut ayuittakhangit pittaaqtangit Naunaitkunmik ukunanga Nunattini Katujiqatigiit Tusaajinut imaaluuniit naunaitkunmik ilitariyauhimayumit numiktitirinirmik/uqaqtiliqtuinirmik iliharnianik ilihaqtakhait, imaaluuniit iliharnikkut ilihaqtakhamik, tallimani (5) ukiuni havaaqaqhimayukhauyuq uqaqtiliqtuinirmik imaaluuniit numiktitirinirmik havaaqaqhimalunillu munaqhivakhimaluni havaktinik, aallatqiiktunik inuuhiqaqtuni havaktinik.

Ilitariyauhimayut uqauhiit Nunavunmi hapkuat Inuktitut, (Inuinnaqtun), Qablunaatut Uiviititunlu.

Aadjikkiigutait piqaqtukhauyut aallatqiinik ihuaqtunut ilihaudjutikhanik, havakhimayainut, qauhimayainut, ayuiqhimayainut pittaaqtanginullu ihumagiyauniaqtut.

Amigaitpiaktunik qauyimayukhauyuq ihuarnirnik tainikhainik aallatqiini hvaariyauyuni, ilauyut tahapkuanginaungitut kihimi maligatigut, aanniaqtailitikhat, kiinauyaliqinirmut, naunaitkutikhat qaritauyaliqinirmut atuqtakhat, avatiliqinikkut, imaalu nallunaqtunik imaaluuniit naunaitkutiqarumi nalliini hapkunani havaariyauyuni ihuaqhunguyuq.

Ilihimagumi Inuit uqauhianik, nunallaaniklu, pitquhirmik, nunamiklu imaalu Inuit Qaujimajatuqanginik ikayuutauniaqtuq.

Uqaqatigivikhaq: 
Havaktuliqiyikkut (Department of Human Resources – Cambridge Bay)

Nunavut Kavamanggat
Titiqqivia 2375
Iqaluktuuttiaq, Nunavut   X0B 0C0
Hivayaut: 867-983-4058
Akiittuq: 1-866-667-6624
Kayumiktukkut: 867-983-4061
Qaritauyakkut: hrkitikmeot@gov.nu.ca
www.gov.nu.ca/human-resources